കോട്ടന്‍ സാരി വൃത്തിയായി സൂക്ഷിക്കാം

കോട്ടന്‍ സാരി ആദ്യമായി കഴുകുകയാണെങ്കില്‍ ചൂടുവെള്ളത്തില്‍ റോക്ക് സാള്‍ട്ട് കലര്‍ത്തി 15 മിനിറ്റ് സാരി ഇതില്‍ മുക്കി വയ്ക്കുക. ഇത് സാരിയുടെ നിറം നഷ്ടപ്പെടാതെ സൂക്ഷിക്കും.

സോപ്പ് നട്ടുകള്‍ വാങ്ങുവാന്‍ കിട്ടും. ഇവ തുണികള്‍ കഴുകാന്‍ ഉപയോഗിക്കാറുണ്ട്. വെള്ളത്തില്‍ സോപ്പ് നട്ടുകള്‍ ചേര്‍ത്ത് കോട്ടന്‍ സാരികള്‍ അതില്‍ മുക്കി വയ്ക്കുന്നതും പുതുമ നിലനിര്‍ത്തും.

കോട്ടന്‍ സാരികളില്‍ കഞ്ഞിപ്പശ മുക്കേണ്ടത് അത്യാവശ്യമാണ്. എന്നാലേ സാരി ഉറപ്പോടെ നില്‍ക്കൂ. ഇപ്പോള്‍ വിപണിയില്‍ മണമുള്ള സ്റ്റാര്‍ച്ച് കിട്ടും ഇവ ഉപയോഗിക്കാം. സാരിയ്ക്ക് മണവും ലഭിയ്ക്കും.

വീട്ടിലുണ്ടാക്കുന്ന കഞ്ഞിവെള്ളത്തില്‍ പാകത്തിന് വെള്ളം ചേര്‍ത്ത് സാരി മുക്കാം. കോണ്‍സ്റ്റാര്‍ച്ചില്‍ വെള്ളം ചേര്‍ത്തും കോട്ടന്‍ സാരിയില്‍ ഉപയോഗിക്കാം. ഇതിന് ഒരു സ്പൂണ്‍ കോണ്‍ സ്റ്റാര്‍ച്ചില്‍ രണ്ടു കപ്പ് വെള്ളം ചേര്‍ക്കണം. കട്ടി കൂടിയ കോട്ടനാണെങ്കില്‍ കൂടുതല്‍ കോണ്‍സ്റ്റാര്‍ച്ച് ഉപയോഗിക്കാം.

കഞ്ഞിപ്പശ മുക്കിയ ശേഷം കോട്ടന്‍ സാരി തണലിലിട്ടു വേണം ഉണക്കുവാന്‍. പിന്നീട് ഇത് അയേണ്‍ ചെയ്ത് ഉപയോഗിക്കുകയും വേണം. വെള്ളം തളിക്കാതെ അയേണ്‍ ചെയ്യുന്നതാണ് നല്ലത്.

കോട്ടന്‍ സാരികള്‍ ഹാംഗറില്‍ തൂക്കിയിടുന്നത് ചുളിവുകള്‍ ഒഴിവാക്കുവാന്‍ സഹായിക്കും.

കോട്ടന്‍ സാരി, സൂക്ഷിക്കുക, കഴുകുക, കഞ്ഞിപ്പശ, ഉണക്കുക

കോട്ടന്‍, കോട്ടന്‍സാരി, സ്റ്റാര്‍ച്ച്, കഞ്ഞിപ്പശ, സോപ്പ് നട്ട്, വെള്ളം, കോണ്‍സ്റ്റാര്‍ച്ച്, അയേണ്‍