ഗ്ലാസ് ജനാലകള്‍ വൃത്തിയാക്കാം

തുണിയേക്കാളേറെ പേപ്പറായിരിക്കും ഗ്ലാസ് വൃത്തിയാക്കാന്‍ കൂടുതല്‍ നല്ലത്. പഴയ പത്രങ്ങളും മാസികകളും ടിഷ്യൂപേപ്പറുമെല്ലാം വൃത്തിയാക്കാന്‍ ഉപയോഗിക്കാം. വൃത്തിയാക്കിക്കഴിഞ്ഞാന്‍ ഇവ കളയുകയും ചെയ്യാം.

ഗ്ലാസ് പാനല്‍ സാധാരണ തടി കൊണ്ടുള്ളതായിരിക്കും. ഇത് തുണിയുപയോഗിച്ച് വൃത്തിയാക്കുക.

ജനല്‍ ഗ്ലാസില്‍ വെള്ളം ഉപയോഗിക്കുന്നതിന് മുന്‍പ് ഇതിലുള്ള പൊടി തുണികൊണ്ടു തട്ടി വൃത്തിയാക്കണം. അതിന് ശേഷമേ വെളളം ഉപയോഗിക്കാവൂ. ഗ്ലാസില്‍ കൂടുതല്‍ അഴുക്കും എണ്ണമയവുമുണ്ടെങ്കില്‍ സോപ്പുവെള്ളത്തില്‍ തുണി മുക്കി തുടക്കുന്നതായിരിക്കും നല്ലത്. ഇത്തരം അഴുക്ക് പേപ്പര്‍ കൊണ്ട് വൃത്തിയാക്കാനാകില്ല.

ഗ്ലാസുകള്‍ വൃത്തിയാക്കാന്‍ കഴിവതും കുറവു വെളളം ഉപയോഗിക്കുക. വെള്ളത്തിന്റെ പാട് ഗ്ലാസിലായാല്‍ പോകുവാന്‍ ബുദ്ധിമുട്ടാണ്.

വൃത്തിയാക്കിയതിന് ശേഷം ബാക്കിയുള്ള വെള്ളം പേപ്പര്‍ കൊണ്ട് ഒപ്പിയെടുക്കണം.

സോപ്പുപൊടിക്കു പകരം ഗ്ലാസുകള്‍ വൃത്തിയാക്കാനുള്ള ലോഷനുകള്‍ വിപണിയില്‍ ലഭ്യമാണ്. ക്ലീനെക്‌സ്, കൊളീന്‍സ് തുടങ്ങിയവ സോപ്പിനു പകരം ഉപയോഗിക്കാം.

ഗ്ലാസുകള്‍ വൃത്തിയാക്കുമ്പോള്‍ കൂടുതല്‍ ബലം പ്രയോഗിക്കരുത്. ഇവ പൊട്ടിപ്പോകും.