അടുക്കള സിങ്ക് വെട്ടിത്തിളങ്ങട്ടെ

Improvement

oi-Saritha

By Veena

Published: Tuesday, September 20, 2011, 14:21 [IST]

വൃത്തിയായി സൂക്ഷിക്കുന്ന അടുക്കളയാണ് ഒരു വീടിന്റെ ഐശ്വര്യം. ആധുനിക അടുക്കളയുടെ അവിഭാജ്യഘടകമാണ് പാത്രം കഴുകാനുപയോഗിക്കുന്ന സിങ്ക്. വേരീതിയില്‍ വൃത്തിയാക്കിയില്ലെങ്കില്‍ അടുക്കള മൊത്തം വൃത്തികേടാക്കാനും സിങ്ക് മതി.

അല്‍പം ശ്രദ്ധ വച്ചാല്‍ സിങ്ക് എപ്പോഴും വൃത്തിയായി സൂക്ഷിക്കാം. ഇതിന് ആദ്യമായി വേണ്ടത് സിങ്കില്‍ പാത്രങ്ങള്‍ കൂട്ടിയിടാതിരിക്കുകയാണ്. പാത്രങ്ങളിലെ എണ്ണമയം സിങ്ക് വൃത്തികേടാക്കുകയും ചെറുപ്രാണികളെ ആകര്‍ഷിക്കുകയും ചെയ്യും. പാത്രങ്ങള്‍ ഇടുകയാണെങ്കില്‍ത്തന്നെ ആദ്യം വെറുതേ വെള്ളമൊഴിച്ചു കഴുകണം.

ഭക്ഷണത്തിന്റെ അവശിഷ്ടങ്ങളും അരി, പച്ചക്കറികള്‍ എന്നിവ കഴുകുമ്പോഴും ഇവ സിങ്കിലേക്കു വീഴാതെ ശ്രദ്ധിക്കണം. സിങ്കിന്റെ ഉള്ളില്‍ ഇവ തടഞ്ഞിരുന്നാല്‍ വെള്ളം കെട്ടിക്കിടക്കും.

സിങ്കില്‍ വെള്ളം കെട്ടിക്കിടക്കുകയാണെങ്കില്‍ ഡ്രൈനക്‌സ്, ക്ലീനെക്‌സ്‌ തുടങ്ങിയ പേരുകളില്‍ ചില പൊടികള്‍ ലഭ്യമാണ്. ഇവ സിങ്കിലിട്ട് കുറച്ചുസമയത്തിനു ശേഷം കഴുകിയാല്‍ തടസം മാറിക്കിട്ടും.

സിങ്ക് കഴുകുവാന്‍ മണമുള്ള പല ലായനികളും ഇന്ന് വിപണിയില്‍ ലഭ്യമാണ്. സിങ്കിന്റെ ദുര്‍ഗന്ധം ഒരു പരിധിവരെ അകറ്റാന്‍ ഇവയ്ക്കാകും.പാത്രങ്ങള്‍ തേച്ചുകഴുകാനുപയോഗിക്കുന്ന സ്ക്രബറുകളിലെ വെള്ളം നല്ലപോലെ പിഴിഞ്ഞുകളഞ്ഞ് സൂക്ഷിച്ചില്ലെങ്കില്‍ ദുര്‍ഗന്ധമുകും.

മിക്കവാറും സിങ്കുകളെല്ലാം തന്നെ സ്റ്റീല്‍, മെറ്റല്‍ എന്നിവ കൊണ്ടാണ് ഉണ്ടാക്കിയിരിക്കുന്നത്‌. അതുകൊണ്ട്‌ പാത്രം കഴുകാനുപയോഗിക്കുന്ന ലായനികള്‍ സിങ്ക് മുഴുവനായും വൃത്തിയാക്കിയെന്ന് വരില്ല. പുളിയും ഉപ്പും ചേര്‍ത്ത് ഉരച്ചുകഴുകിയാല്‍ സിങ്കിന് നല്ല നിറം ലഭിക്കും.

പുളിക്കു പകരം നാരങ്ങയും വൃത്തിയാക്കാനുപയോഗിക്കാം.