വീടിന്റെ ചുവരുകള്‍ വൃത്തിയാക്കാം

Improvement

oi-Saritha

By Veena

Published: Wednesday, October 12, 2011, 14:58 [IST]

വീടിന്റെ ചുവരുകള്‍ മനോഹരമാക്കാന്‍ വര്‍ണഭംഗിയുള്ള പെയിന്റുകളും പെയിന്റിംഗുകളുമുണ്ട്. എന്നാല്‍ പൊടിയും ചെളിയും പിടിച്ച ചുവരുകള്‍ ഇവയുടെ ഭംഗി അപ്പാടെ ചോര്‍ത്തിക്കളയും. ഇടയ്ക്കിടെ ചുവരുകള്‍ വൃത്തിയാക്കിയില്ലെങ്കില്‍ ചെളിയും ഈര്‍പ്പവും പററിപ്പിടിച്ച് ചുവരുകള്‍ ആകെ വൃത്തികേടാകും.

ചുവരു വൃത്തിയാക്കുമ്പോള്‍ ആദ്യം ചെയ്യാനുള്ളത് ആ മുറിയിലെ ഫര്‍ണിച്ചറുകളുള്‍പ്പടെയുള്ള സാധനങ്ങള്‍ മാറ്റുകയെന്നതാണ്. അല്ലെങ്കില്‍ പൊടി മുഴുവനും ഇവയിലാകും.

തലയില്‍ പൊടി വീഴാതിരിക്കാനായി തൊപ്പി വയ്ക്കുന്നത് നല്ലതാണ്. അലര്‍ജി ഉള്ളവര്‍ മൂക്കില്‍ പൊടി പോകാതെ സൂക്ഷിക്കണം.

ചുവര്‍ വൃത്തിയാക്കുമ്പോള്‍ എപ്പോഴും സീലിംഗില്‍ നിന്നു തുടങ്ങണം. മുകളില്‍ നിന്ന് താഴേക്കായിരിക്കണം വൃത്തിയാക്കേണ്ടത്.

ബ്രഷ് ഉപയോഗിച്ചോ വൃത്തിയുള്ള തുണിയുപയോഗിച്ചോ പൊടി തട്ടിക്കളയാം. മുകളിലേക്ക് കയ്യെത്തുവാനായി ഉറപ്പുള്ള കോണിയുടെ മുകളില്‍ കയറി നിന്ന് വൃത്തിയാക്കാം.

ചുവരിലെ പാടുകളോ പൂപ്പല്‍ ബാധയോ ഉണ്ടെങ്കില്‍ വിനൈല്‍ ഇറേസറോ സാന്റ് പേപ്പറോ ഉപയോഗിച്ച് ഉരച്ചുകളയാം.

ചുവരു വൃത്തിയാക്കിയ ശേഷം നിലത്തെ പൊടി മുഴുവന്‍ അടിച്ചു, തുടച്ചു കളയണം. വാക്വം ക്ലീനര്‍ ഉപയോഗിച്ച് ഫര്‍ണിച്ചറുകളിലേയും മറ്റു സാധനങ്ങളിലേയും പൊടി കളയണം.

ഇടയ്ക്ക് പെയിന്റടിക്കുന്നതും ചുവരുകള്‍ വൃത്തിയായിരിക്കാന്‍ സഹായിക്കും.