പഴയ മേക്കപ്പ്‌സാധനങ്ങള്‍ ഉപയോഗപ്രദമാക്കാം

ഉപയോഗിക്കാനാവാത്ത നെയില്‍പോളിഷ് റിമൂവര്‍ വീട്ടിലുള്ള സാധനങ്ങള്‍ വൃത്തിയാക്കാനുപകരിക്കും. പ്ലാസ്‌റ‌റിക് കപ്പുകളിലേയും കുപ്പികളിലേയും കറകള്‍ റിമൂവര്‍ ഉപയോഗിച്ചു നീക്കാം. വീട്ടിലെ സ്റ്റീല്‍ പൈപ്പുകളിലെ കറ കളയാനും ഇവ സഹായിക്കും.

നഖത്തിലിടാന്‍ സാധിക്കാത്ത നിറമില്ലാത്ത ഇനാമല്‍ തിളക്കം നഷ്ടപ്പെട്ട പഴയ ആഭരണങ്ങളിലടിക്കാം. ഗ്ലാസ് പെയ്ന്റിംഗിനും ഇതുപയോഗിക്കാം.

ചീത്തയായ റെഡിമെയ്ഡ് കണ്‍പീലികളുണ്ടെങ്കില്‍ പാവകളേയും കളിപ്പാട്ടങ്ങളേയും അലങ്കരിക്കാന്‍ ഉപയോഗിക്കാം.

മേക്കപ്പ് റിമൂവറുകള്‍ ഉപയോഗിച്ച് കയ്യിലെ എണ്ണമയം നീക്കം ചെയ്യാം.

പഴയ മേക്കപ്പ് ബ്രഷുകള്‍ പൊടി തട്ടാനുപകരിക്കും. പഴയ ചീപ്പുകള്‍ പാവകളുടെ രോമങ്ങളും മുടിയും ചീകാന്‍ ഉപയോഗിക്കാം.

ഇപയോഗിച്ചു കഴിഞ്ഞ ഭംഗിയുളള പെര്‍ഫ്യൂം കുപ്പികള്‍ ഫഌവര്‍വേസുകളായി ഉപയോഗിക്കാം.