കൊതുകുനിയന്ത്രണം ഏറെ പ്രധാനം

വെളളത്തിലാണ് കൊതുകുകള്‍ മുട്ടയിട്ടു പെരുകുന്നത്. പാത്രങ്ങളിലും ബക്കറ്റുകളിലും കഴിവതും വെള്ളം നിറച്ചു വക്കാതിരിക്കുക. വെള്ളമുണ്ടെങ്കില്‍ ഇവ അടച്ചുസൂക്ഷിക്കണം.

ചെടിച്ചട്ടികളിലും മറ്റും വെളളം പൂറത്തുപോകാനായി അടിയില്‍ മാത്രം ദ്വാരമുണ്ടാക്കുക.

പരിസരശുചിത്വം കൊതുകുനിയന്ത്രണത്തിന് ഏറെ ഫലപ്രദമാണ്. ചപ്പുചവറുകളും പാഴ് വസ്തുക്കളും ശരിയായ രീതിയില്‍ സംസ്‌കരിക്കുക. ബാല്‍ക്കണികളിലും വീടിനു ചുറ്റു കെട്ടിക്കിടക്കുന്ന വെളളം ഒഴുക്കിക്കളയണം.

വീട്ടില്‍ നീന്തല്‍കുളമുണ്ടെങ്കില്‍ കഴിവതും എല്ലാ ദിവസവും വെളളം മാറ്റണം.

ചെടികളില്‍ കൊതുകുകളുണ്ടാകും. ഇവയില്‍ കൊതുകുനാശിനി തളിക്കുന്നത് നല്ലതാണ്.

വളര്‍ത്തുമൃഗങ്ങള്‍ക്ക് ഭക്ഷണം കൊടുക്കുന്ന പാത്രങ്ങളിലെ വെളളം കളഞ്ഞു സൂക്ഷിക്കുക. കുപ്പികളില്‍ വെള്ളം കെട്ടിക്കിടക്കാതെ സൂക്ഷിക്കണം.

വീട്ടില്‍ അക്വേറിയമുള്ളത് കൊതുകുനിയന്ത്രണത്തിന് ഏറെ സഹായകമാണ്. വെളളത്തിലേക്കു വരുന്ന കൊതുകുകളെ മത്സ്യങ്ങള്‍ തിന്നും.