കോട്ടന്‍ വസ്ത്രങ്ങള്‍ ഇസ്തിരിയിടുമ്പോള്‍...

കോട്ടന്‍ വസ്ത്രങ്ങള്‍ സാധാരണ ഇസ്തിരിയിടാന്‍ പററുന്നതാണ്. എങ്കിലും ലേബല്‍ വായിച്ച് ഇസ്തിരിയിടാന്‍ പറ്റിയതാണോ അല്ലയോയെന്ന് മനസിലാക്കുന്നത് നല്ലതാണ്. ഇസ്തിരിയിടാനുള്ള നിര്‍ദേശങ്ങളും അതിലുണ്ടാകും.

ഇത്തരം വസ്ത്രങ്ങളുടെ ഉള്‍ഭാഗം പുറത്തേക്കാക്കി ഇസ്തിരിയിടുന്നതാണ് നല്ലത്. ഇസ്തിരിയിടുന്നതിന് മുന്‍പ് വസ്ത്രത്തില്‍ അല്‍പം വെള്ളം തളിക്കുന്നത് നല്ലതാണ്. ചുളിവുകള്‍ നീക്കാന്‍ ഇത് സഹായിക്കും. സ്റ്റീം അയേണ്‍ ബോക്‌സാണ് ഉപയോഗിക്കുന്നതെങ്കില്‍ വെള്ളം തളിക്കേണ്ട ആവശ്യമില്ല.

തണുത്ത വെള്ളത്തിലാണ് കോട്ടന്‍ വസ്ത്രങ്ങള്‍ കഴുകുന്നതെങ്കില്‍ അവ പിഴിയരുത്. പിഴിഞ്ഞാല്‍ ചുളിവുണ്ടാകും. അത് വെളളത്തോടു കൂടിത്തന്നെ ഉണങ്ങാനിടുക.

കഴുകിയ ശേഷം വസ്ത്രങ്ങള്‍ ഡ്രയറിലിട്ട് ഉണക്കുക. ഉടനെ തന്നെ ഇസ്തിരിയിട്ടാല്‍ ചെറിയൊരു ഈറപ്പുള്ളതുകൊണ്ട് ഇസ്തിരിയിടാന്‍ എളുപ്പമാണ്. തുണി ചുളുങ്ങുകയുമില്ല.

കോട്ടന്‍ വസ്ത്രങ്ങളില്‍ കഞ്ഞിപ്പശ മുക്കുന്നത് നല്ലതാണ്. അതിനു ശേഷം ഇസ്തിരിയിട്ടാന്‍ തുണി പുതുമയോടെയിരിക്കും.