വസ്ത്രങ്ങളിലെ പുകമണം മാറ്റാം

വെളളത്തില്‍ സോപ്പുപൊടി കലക്കി പുകമണമുളള തുണികള്‍ കുറച്ചുനേരം ഇതിലിട്ടു വയ്ക്കുക. ഈ വെള്ളത്തില്‍ അല്‍പം വിനാഗിരി ചേര്‍ക്കുന്നത് കൂടുതല്‍ നന്നായിരിക്കും. വിനാഗിരിയുടെ മണം പുകമണത്തെ ഇല്ലാതാകും. വസ്ത്രങ്ങള്‍ നല്ലപോലെ ഉണങ്ങിക്കഴിഞ്ഞാന്‍ സ്വാഭാവികമായും വിനാഗിരിയുടെ മണം പോവുകയും ചെയ്യും.

കാപ്പിക്കുരു ഉപയോഗിച്ചും പുകമണം മാറ്റാം. വസ്ത്രങ്ങള്‍ ഒരു കവറില്‍ ഇട്ട് അതിന്റെ കൂടെ കാപ്പിക്കുരുക്കളിട്ട കവറോ പാത്രമോ സൂക്ഷിക്കുക. പുകമണം മാറിക്കിട്ടും. വസ്ത്രം പുറത്തേക്കെടുത്താല്‍ കാപ്പിമണം പോകും.

കരിക്കട്ട പുകമണം മാറ്റാനുപയോഗിക്കാം. ഇവ ചെറിയ പെട്ടിയിലിട്ട് വസ്ത്രങ്ങള്‍ സൂക്ഷിച്ചിരിക്കുന്നിടത്ത് വയ്ക്കുക.

വാഷിംഗ് സോഡ, അമോണിയ, വിനാഗിരി എന്നിവ ചൂടുവെള്ളത്തില്‍ കലര്‍ത്തി വസ്ത്രങ്ങള്‍ അതില്‍ ഇട്ടുവയ്ക്കാം. പുകമണം പോകും.

വസ്ത്രങ്ങള്‍ക്കുളള കണ്ടീഷണര്‍ വിപണിയില്‍ ലഭ്യമാണ്. ഇവ ഉപയോഗിച്ചാലും പുകമണം മാറ്റാന്‍ സാധിക്കും.