മേക്കപ്പ് ബ്രഷ് കഴുകാന്‍ ഷാംപൂ

ബ്രഷുകള്‍ കഴുകിയാല്‍ അവ പൂര്‍ണമായും ഉണങ്ങുന്നതു വരെ ഉപയോഗിക്കാനാവില്ല. അതുകൊണ്ട് മേക്കപ്പ് വേണ്ടാത്ത ദിവസം നോക്കി ഇവ വൃത്തിയാക്കുക.

ഇളം ചൂടുള്ള വെള്ളമാണ് മേക്കപ്പ് ബ്രഷുകള്‍ കഴുകാന്‍ നല്ലത്. തിളച്ച വെള്ളത്തില്‍ ബ്രഷുകളിട്ടാല്‍ ഇവ കേടായിപ്പോകും.

വെള്ളത്തില്‍ വീര്യം കുറഞ്ഞ ഷാംപൂ കലര്‍ത്തി ബ്രഷുകള്‍ അതിലിട്ട് വയ്ക്കാം. അഴുക്കിളകി കഴിയുമ്പോള്‍ ഇവ വെള്ളം കൊണ്ട് കഴുകിയെടുക്കാം. ബ്രഷുകള്‍ എതില്‍ദിശയില്‍ കഴുകരുത്. ബ്രഷിന്റെ രോമങ്ങള്‍ കൂടിയിരിക്കുകയാണെങ്കില്‍ കൈകള്‍ കൊണ്ട് മൃദുവായി വേര്‍പെടുത്താം. ശക്തിയോടെ വലിച്ചാല്‍ ബ്രഷുകള്‍ കേടായിപ്പോകും.

ഷാംപൂ മുഴുവനായി പോകുന്നത് വരെ ബ്രഷുകള്‍ കഴുകണം. പിന്നീട് ഇവ ഉണങ്ങിയ ടവലില്‍ തുടച്ചെടുക്കണം.

കണ്ണുകളുടെ മേക്കപ്പിന് ഉപയോഗിക്കുന്ന ബ്രഷുകള്‍ ഒരോ തവണയും ഉപയോഗിച്ച ശേഷം കഴുകുന്നതാണ് നല്ലത്. അല്ലെങ്കില്‍ കണ്ണിന് അസ്വസ്ഥതയുണ്ടാകാന്‍ ഇടയുണ്ട്.

പൂര്‍ണമായും ഉണങ്ങിയ ശേഷം മാത്രമെ വീണ്ടും ബ്രഷുകള്‍ ഉപയോഗിക്കാവൂയെന്നത് പ്രധാനമാണ്. ഈര്‍പ്പം ബ്രഷിനേയും മേക്കപ്പിനേയും നശിപ്പിക്കും.