എക്‌സോസ്റ്റ് ഫാന്‍ എളുപ്പം വൃത്തിയാക്കാം

എക്‌സോസ്‌ററ് ഫാന്‍ വൃത്തിയാക്കുന്നതിനു മുന്‍പ് ഫാനിന്റെ സ്വിച്ചും അതിലേക്കുള്ള കറന്റും ഓഫാക്കണം. ഫാന്‍ പൂര്‍ണമായും അഴിച്ചെടുക്കുക. ബ്ലേഡുകള്‍ ഫാനില്‍ നിന്ന് വേര്‍പെടുത്തുക.

ചൂടുവെളളത്തില്‍ സോപ്പുപൊടി കലര്‍ത്തി ബ്ലേഡുകള്‍ അതിലിറക്കി വയ്ക്കുക. 20 മിനിറ്റിനു ശേഷം മൃദുവായ ബ്രഷ് ഉപയോഗിച്ച് ബ്ലേഡ് ഉരച്ചുകഴുകുക.

ചില അഴുക്കുകകള്‍ ഇങ്ങനെ ഉരച്ചതു കൊണ്ടുമാത്രം പോകില്ല. മൂര്‍ച്ചയില്ലാത്ത കത്തി ഉപയോഗിച്ച് ഇത്തരം അഴുക്കുകള്‍ നീക്കാം. അധികം ബലം കൊടുക്കാതെ വൃത്തിയാക്കണം. അല്ലെങ്കില്‍ ഫാന്‍ ബ്ലേഡുകള്‍ വളഞ്ഞുപോകും.

അമോണിയ, ബേക്കിംഗ് സോഡ എന്നിവ ചൂടുവെള്ളത്തില്‍ കലര്‍ത്തിയും ബ്ലേഡുകള്‍ വൃത്തിയാക്കാം. നാരങ്ങാനീരും വൃത്തിയാക്കാന്‍ ഉപയോഗിക്കാം.

ബ്ലേഡിന്റെ ചുറ്റുമുളള വലയങ്ങള്‍ വൃത്തിയാക്കാന്‍ അമോണിയ ചൂടുവെള്ളത്തില്‍ കലര്‍ത്തി ഉപയോഗിക്കാം. ഇത് സ്‌പ്രേ ചെയ്ത് ഒരു മണിക്കൂര്‍ കഴിഞ്ഞ് ഉരച്ചുകഴുകുന്ന ബ്രഷ് ഉപയോഗിച്ച് വൃത്തിയാക്കാം.

ചൂടുവെള്ളത്തില്‍ വിനാഗിരി കലക്കിയും എക്‌സോസ്റ്റ് ഫാനുകള്‍ വൃത്തിയാക്കാം.