കാര്‍പെററിലെ കറ കളയാം

കാര്‍പെററില്‍ ചോരക്കറയായാല്‍ ആ ഭാഗം ആദ്യം തണുത്ത വെള്ളം കൊണ്ട് കഴുകുക. ചൂടുവെള്ളം ഉപയോഗിച്ചാല്‍ കറ ഒന്നുകൂടി തെളിഞ്ഞുകാണും. ഈ വെള്ളം ടിഷ്യു പേപ്പറോ വൈററ് പേപ്പറോ ഉപയോഗിച്ച് ഒപ്പിയെടുക്കണം. പീന്നീട് പാത്രം കഴുകാനുപയോഗിക്കുന്ന ലായനി തണുത്തവെളളത്തില്‍ ചേര്‍ത്ത്് ഈ ഭാഗം കഴുകുക. കറ പോകുന്നതു വരെ കഴുകണം. കറ നീങ്ങിയെന്നുറപ്പായാല്‍ ഫാനിനടിയിലിട്ട് കാര്‍പെററ് ഉണക്കിയെടുക്കാം. പേപ്പര്‍ കൊണ്ട് വെള്ളം ഒപ്പിയെടുത്താല്‍ വേഗം ഉണങ്ങിക്കിട്ടും.

കാര്‍പെറ്റില്‍ കാപ്പി പോയാല്‍ ആദ്യം കാപ്പി ടിഷ്യുപേപ്പര്‍ കൊണ്ട് ഒപ്പിയെടുക്കുക. പിന്നീട് ചൂടുവെള്ളത്തില്‍ വീര്യം കുറഞ്ഞ സോപ്പുലായനി ചേര്‍ത്ത് കഴുകുക. പേപ്പര്‍ കൊണ്ട് ഈ വെളളം ഒപ്പിയെടുത്ത ശേഷം വിനാഗിരിയും ഇരട്ടിവെള്ളവും കൂട്ടിച്ചേര്‍ത്ത് കറയുള്ള ഭാഗം കഴുകുക.

ഇരുമ്പുകറകള്‍ കാര്‍പെറ്റിന്റെ ഭംഗി കെടുത്തുന്നവയാണ്. ഇതു കളയാന്‍ നാരങ്ങാനീര് കറ പുരണ്ട ഭാഗത്ത് പുരട്ടി ബ്ലോട്ടിങ്ങ് പേപ്പര്‍ കൊണ്ട് ഒപ്പിയെടുക്കുക. ഈ ഭാഗം ഉണങ്ങുന്നതിന് മുന്‍പുതന്നെ തണുത്ത വെള്ളമുപയോഗിച്ച് കഴുകാം.

കാര്‍പെറ്റില്‍ ഡൈ ആയാല്‍ സോപ്പുവെള്ളം ഉപയോഗിച്ച് കഴുകുക. കറ പോകുന്നതു വരെ കഴുകണം. ഒരോ തവണയും പേപ്പര്‍ കൊണ്ട് വെള്ളം ഒപ്പിയെടുക്കണം. പേപ്പറില്‍ കറയുടെ പാട് തീരെ കാണാതാകുന്നതു വരെ ഇത് ആവര്‍ത്തിക്കുക. പിന്നീട് ഈ ഭാഗത്ത് ഹൈഡ്രജന്‍ പെറോക്‌സൈഡ് പുരട്ടണം. കറയുളള ഭാഗത്ത് മാത്രമെ ഇതു പുരട്ടാവൂ. പിന്നീടിത് ഉണക്കിയെടുക്കാം.

കാര്‍പെററില്‍ എന്തു കറ വീണാലും ഉടന്‍ തന്നെ അത് ടിഷ്യൂ, ബ്ലോട്ടിങ്ങ് പേപ്പറുകളുപയോഗിച്ച് ഒപ്പിയെടുക്കണം. ഇത് കറ കൂടുതല്‍ പടരാതിരിക്കാന്‍ സഹായിക്കും.