Just In
- 19 min ago Weekly Horoscope: മഹാഭാഗ്യം തലയ്ക്ക് മുകളില് നില്ക്കുന്ന 7 നാള്, ഈശ്വരാധീനം കൂടെ
- 1 hr ago ശ്വാസതടസ്സം, നെഞ്ചില് അസ്വസ്ഥത; ജന്മനാ ഉണ്ടാകുന്ന ഹൃദയ വൈകല്യങ്ങളുടെ 7 ലക്ഷണങ്ങള്
- 2 hrs ago രോഗങ്ങള് അലട്ടും, ചികിത്സയ്ക്ക് ധാരാളം പണം ചിലവാകും; ബുധന് നേര്രേഖയില് സഞ്ചരിക്കുന്നത് ഇവര്ക്ക് വിനയാകും
- 3 hrs ago ഇടവത്തില് വ്യാഴത്തിന്റെ അസ്തമയം; 12 രാശികള്ക്കും ഗുണദോഷ സമ്മിശ്ര ഫലം
Don't Miss
- Automobiles കണ്ടാല് കണ്ണെടുക്കാന് തോന്നൂല! 'നാഷനല് ക്രഷ്' കാവ്യ മാരന്റെ ഗ്ലാമറസ് കാർ ശേഖരം കണ്ടാലും നോക്കിപ്പോകും
- Movies 'ദിലീപ് കുഴപ്പിച്ചിരുന്നു, എടീ എന്നൊന്നും വിളിക്കാൻ പറ്റില്ല, സീരിയലിനെ വിമർശിക്കാൻ തോന്നുമായിരുന്നു'
- Sports IPL 2024: സഞ്ജു പ്രതിഭ, 14 വയസ് മുതല് അവനെ അറിയാം; ഇത്തവണ കപ്പ് രാജസ്ഥാനെന്ന് തരൂര്
- News ഒന്നിലധികം ക്രെഡിറ്റ് കാർഡുകൾ ഉണ്ടോ? എങ്കിൽ ഇക്കാര്യങ്ങൾ നിർബന്ധമായും ശ്രദ്ധിക്കണം, ഇല്ലെങ്കിൽ...
- Finance കേരളാ കമ്പനിയിൽ ഓഹരി വിഹിതം ഉയർത്തി പൊറിഞ്ചു വെളിയത്ത്, കുതിപ്പിന് സാധ്യത, നിങ്ങളുടെ കയ്യിലുണ്ടോ..?
- Technology കേറി വാടാ മക്കളെ! എത്തി സാംസങ് ഗാലക്സി F15 5G പുതിയ വേരിയന്റ്
- Travel ബാംഗ്ലൂരിലെ ഐടി ടെക്ക് പാർക്കുകൾ! പോകാന് പറ്റില്ലെങ്കിലും അറിഞ്ഞിരിക്കാം
വീട്ടിലും കരുതലെടുക്കാം വൈറസില് നിന്ന്
കൊറോണവൈറസ് മഹാമാരി ലോകത്തെയാകെ പിടിച്ചുകുലുക്കി കടന്നുപോവുകയാണ്. ഓരോരുത്തരും കരുതലെടുത്തെങ്കില് മാത്രമേ വൈറസിന്റെ പിടിയില് നിന്ന് രക്ഷനേടാനാകൂ എന്ന അവസ്ഥയിലാണ് നാമിപ്പോള്. സ്വയം സുരക്ഷതന്നെയാണ് വൈറസ് ബാധയില് നിന്നു രക്ഷ നേടാനുള്ള വഴി. പുറത്തിറങ്ങുമ്പോള് മാത്രമല്ല, വീട്ടിനുള്ളില്പ്പോലും ഇപ്പോള് സുരക്ഷിതസ്ഥലമായി കണക്കാക്കാനാവില്ല.
Most read: അലര്ജിയുണ്ടോ ? വീട്ടിലെ കെണികള് ഒഴിവാക്കാം
അടുത്തിടെ അമേരിക്കയിലെ സെന്റേഴ്സ് ഫോര് ഡിസീസ് കണ്ട്രോള് ആന്റ് പ്രിവന്ഷന് പ്രസിദ്ധീകരിച്ച ഒരു പഠനത്തില് പറയുന്നത് കോവിഡ് വൈറസ് പകരുന്നത് അധികവും വീട്ടിനകത്തു വച്ചുതന്നെയാണെന്നാണ്. രോഗം വരാതിരിക്കാന് മിക്കവരും വീട്ടിനുള്ളില് തന്നെ തുടര്ന്നാലും രക്ഷയില്ലാത്ത സ്ഥിതി. രണ്ടിലധികം പേരുള്ള വീടുകളില് ആര്ക്കെങ്കിലും പുറത്തുനിന്ന് രോഗം കിട്ടുന്നതോടെ വീട്ടിലെ മറ്റ് അംഗങ്ങള്ക്കും ഇതു പടരുന്നു. അതിനാല് വീട്ടിനുള്ളിലും വൈറസിനെ പ്രതിരോധിക്കേണ്ടത് പ്രധാനമാണ്. വൈറസ്, മറ്റ് അണുബാധകള് എന്നിവയില് നിന്ന് രക്ഷനേടാന് വീടുകള് ശുചിയാക്കി സൂക്ഷിക്കാന് നിങ്ങള് പാലിക്കേണ്ട ചില മുന്കരുതലുകള് ഇതാ.
കൈകള് പതിവായി കഴുകുക
എല്ലാ പ്രതലത്തിലും സ്പര്ശിക്കുന്ന നമ്മുടെ കൈകള് തന്നെയാണ് ഏറ്റവും കൂടുതല് അണുക്കളെ വഹിക്കുന്നുവെന്ന് പറയാതെ വയ്യ. ഓരോ പ്രതലത്തില് തൊടുമ്പോഴും അവ നമുക്ക് ചുറ്റുമുള്ള പ്രതലങ്ങളിലേക്ക് മാറ്റുന്നു. കൈകളില് നിന്ന് വീട്ടിനുള്ളിലേക്ക് അണുക്കളെ കടത്താതിരിക്കാന് ഏറ്റവും നല്ല മാര്ഗം പതിവായി കൈ കഴുകുക എന്നതാണ്. പ്രത്യേകിച്ചും, നിങ്ങള് പുറത്തുനിന്നുള്ള ഏതെങ്കിലും ഉപരിതലത്തില് സ്പര്ശിക്കുമ്പോള്. പുറത്തുനിന്നു വന്ന് വീട്ടില് പ്രവേശിക്കുന്ന ഏതൊരാളും വീടിനുള്ളിലെ ഏതെങ്കിലും പ്രതലങ്ങളില് സ്പര്ശിക്കുന്നതിനുമുമ്പ് നന്നായി കൈകഴുകുന്നുവെന്ന് ഉറപ്പാക്കുക.
വൃത്തിഹീനമായ അന്തരീക്ഷം ഒഴിവാക്കുക
ഏതെങ്കിലും തരത്തിലുള്ള അണുബാധകള് നിങ്ങളുടെ രോഗപ്രതിരോധ ശേഷി കുറയ്ക്കുകയും കൊറോണവൈറസിലേക്ക് നിങ്ങളെ കൂടുതല് ആകര്ഷിക്കുകയും ചെയ്യും. വീടും പരിസരവും വൃത്തിഹീനമായിരിക്കാന് അനുവദിക്കുന്നതിലൂടെ അപകടകരമായ അണുക്കളെ നിങ്ങള് വിളിച്ചുവരുത്തുകയാണ്. പാത്രങ്ങള് കൃത്യമായി വൃത്തിയാക്കി വയ്ക്കുക, കുട്ടികളുടെ കളിപ്പാട്ടങ്ങള് ശുചിയായി സൂക്ഷിക്കുക, നിങ്ങളുടെ മുഷിഞ്ഞ വസ്ത്രങ്ങള് കൂട്ടിയിടാതിരിക്കുക എന്നിവയൊക്കെ ശ്രദ്ധിക്കുക.
Most read:വീട്ടില് ശുദ്ധവായു നിറക്കണോ? ഇവ ചെയ്യൂ
ഉപരിതലങ്ങള് അണുവിമുക്തമാക്കുക
ഓരോ 5-6 മണിക്കൂറിലും നിങ്ങളുടെ വീട്ടില് ഏറ്റവും കൂടുതലായി നിങ്ങള് സ്പര്ശിക്കുന്ന സ്ഥലങ്ങള് ശക്തമായ അണുനാശിനി ഉപയോഗിച്ച് അണുവിമുക്തമാക്കുക. ഡോര് നോബുകള്, റിമോട്ടുകള്, ലൈറ്റ് സ്വിച്ചുകള്, കസേരകള്, കിച്ചണ് സിങ്ക്, മേശകള് തുടങ്ങിയവ ഇതില് ഉള്പ്പെടുന്നു. ക്ലീനറുകളും അണുനാശിനികളും തമ്മില് വ്യത്യാസമുണ്ടെന്ന് ഓര്മ്മിക്കുക. ക്ലീനറുകള് അണുക്കളുടെ എണ്ണം കുറയ്ക്കുന്നു, പക്ഷേ അണുനാശിനി രാസവസ്തുക്കള് ഉപയോഗിച്ച് ഉപരിതലത്തിലെ എല്ലാ അണുക്കളെയും കൊല്ലുന്നു. അതിനാല് ഈ കൊറോണക്കാലത്ത് നിങ്ങളുടെ വീട് വൃത്തിയാക്കാന് അണുനാശിനി ഉപയോഗിക്കുക.
വീട് വൃത്തിയാക്കുമ്പോള് കയ്യുറകള് ഉപയോഗിക്കുക
കൈയുറകള് എന്നും വൈറസില് നിന്ന് ഒരു കവചം പോലെയാണ്. വീട് വൃത്തിയാക്കുമ്പോഴോ അഴുക്കുകള് കൈകാര്യം ചെയ്യുമ്പോഴോ ഒരു ഡിസ്പോസിബിള് ഗ്ലൗസ് ധരിക്കുക. ഇവ ഉപയോഗിച്ച ശേഷം കൃത്യമായി ഉപേക്ഷിക്കുന്നുവെന്നും ഉറപ്പാക്കുക. കൂടാതെ, കയ്യുറകള് ഉപയോഗിച്ചുകഴിഞ്ഞ ഉടന് തന്നെ കൈ കഴുകാനും മറക്കരുത്.
വീട് വായുസഞ്ചാരമുള്ളതാക്കുക
സൂര്യപ്രകാശവും ശുദ്ധവായുവും അന്തരീക്ഷത്തെ എത്രമാത്രം ശക്തിപ്പെടുത്തുന്നുവെന്ന് നിങ്ങള്ക്കറിയാമോ? ഭൂരിഭാഗം വൈറസുകളെയും കൊല്ലാന് അള്ട്രാവയലറ്റ് രശ്മികള്ക്ക് കഴിവുണ്ടെന്ന് പഠനങ്ങള് പറയുന്നു. നിങ്ങളുടെ വീട്ടിലെ അടച്ചിട്ട അന്തരീക്ഷത്തില് മറ്റ് വൈറസുകള് എളുപ്പത്തില് വളരുന്നു. ഇവയില് നിന്നുള്ള ആക്രമണം നിങ്ങളെ ബാധിക്കുകയും പ്രതിരോധശേഷി കുറയ്ക്കുകയും ചെയ്തേക്കാം. അതിനാല് പകല് സമയങ്ങളില് വീട്ടിലെ വാതിലുകളും ജനലുകളും തുറന്നിട്ട് അകത്തെ വായു പുനക്രമീകരിക്കുക.
Most read:വീട് വൃത്തിയാക്കുമ്പോള് ഈ കാര്യങ്ങള് മറക്കരുത്
നിങ്ങളുടെ ഫോണ് അണുവിമുക്തമാക്കുക
നിങ്ങളുടെ ഫോണ് പലപ്പോഴും വീട്ടിലെ മറ്റുള്ളവരും കൈകാര്യം ചെയ്യുന്ന ഒന്നായിരിക്കും. അവ നമ്മുടെ കൈകളുടേതിനേക്കാള് കൂടുതല് അണുക്കളെ വഹിക്കുന്നവയാണ്. ഒരു ടോയ്ലറ്റ് സീറ്റിനേക്കാള് 10 മടങ്ങ് കൂടുതല് ബാക്ടീരിയകളാണ് സെല്ഫോണുകള് വഹിക്കുന്നതെന്ന് പഠനങ്ങള് തെളിയിച്ചിട്ടുണ്ട്. അതിനാല്, നിങ്ങളുടെ ഫോണ് മദ്യം അടിസ്ഥാനമാക്കിയുള്ള സാനിറ്റൈസറില് ഉപയോഗിച്ച് വൃത്തിയാക്കുന്നുവെന്ന് ഉറപ്പാക്കുക.
തുണികള് ചൂടുവെള്ളത്തില് കഴുകുക
പുറത്തുനിന്നുള്ള അഴുക്കുകളും മറ്റും നിങ്ങളുടെ വസ്ത്രങ്ങളില് കൂടുതലായി ഇടം പിടിച്ചേക്കാം. അതിനാല് ഈ സമയത്ത് വസ്ത്രങ്ങള് കഴുകാന് ചൂടുവെള്ളം ഉപയോഗിക്കുക. നിങ്ങളുടെ സാധാരണ സോപ്പിനൊപ്പം അല്പം ബ്ലീച്ച് കൂടി ചേര്ക്കുക എന്നതാണ് വസ്ത്രങ്ങള് കഴുകുന്നതിനുള്ള മറ്റൊരു മാര്ഗം. ഇത് കറ നീക്കുക മാത്രമല്ല, അണുനാശിനി ആയി പ്രവര്ത്തിക്കുകയും നിങ്ങളുടെ വസ്ത്രത്തില് അവശേഷിക്കുന്ന അണുക്കളെ നശിപ്പിക്കുകയും ചെയ്യുന്നു.
തുണികള് ഉണക്കി സൂക്ഷിക്കുക
നനഞ്ഞ വസ്ത്രങ്ങള് ധരിക്കുന്നത് നിങ്ങളെ രോഗികളാക്കുകയും പ്രതിരോധശേഷി കുറയ്ക്കുകയും ചെയ്യുന്നതായിരിക്കും. അതിനാല്, നിങ്ങളുടെ വസ്ത്രങ്ങളും മറ്റും വെയിലില് ഉണക്കി സൂക്ഷിക്കുക. അണുബാധയുണ്ടാക്കുന്ന ബാക്ടീരിയകളുടെ വളര്ച്ചയെ ഇത് തടയുന്നു.