ചെടികള്‍ കേടാകാതെ സൂക്ഷിക്കാം

ആദ്യമായി ചെടികള്‍ക്ക് ആവശ്യത്തിന് വെള്ളം ലഭിക്കുന്നുണ്ടോയെന്ന് പരിശോധിക്കുയാണ് വേണ്ടത്. വെള്ളത്തിന്റെ പോരായ്മ, പ്രത്യേകിച്ച് വേനല്‍ക്കാലത്ത് ചെടികള്‍ കരിഞ്ഞു പോകുന്നതിന് പ്രധാന കാരണം ഇതുതന്നെയാണ്.

ചില ചെടികള്‍ കൂടുതല്‍ വെയിലത്തു വച്ചാല്‍ കരിഞ്ഞുപോകും. കടുത്ത വെയിലുള്ള സമയത്ത് ഇത്തരം ചെടികള്‍ വെയിലേല്‍ക്കാത്തിടത്തേക്ക് മാറ്റി വയ്ക്കുകയുമാവാം.

വെള്ളം കുറഞ്ഞാല്‍ മാത്രമല്ലാ, കൂടിയാലും പ്രശ്‌നമാണ്. ചെടികള്‍ ചീഞ്ഞു പോകും. പ്രത്യേകിച്ച് മഴക്കാലത്ത് ചെടികളുടെ കടയ്ക്ക് വെള്ളം കെട്ടിനില്‍ക്കുന്നുണ്ടോയെന്ന് കണ്ടെത്തണം. കെട്ടിനില്‍ക്കുന്ന വെള്ളം ഒഴുക്കി വിടണം. ഉണങ്ങിയ മണലോ മണ്ണോ കടയ്ക്കല്‍ ഇടുന്നത് ഗുണം ചെയ്യും.

കൂട്ടത്തില്‍ കേടു വന്ന ചെടികളോ ഇലകളോ മറ്റോ ഉണ്ടെങ്കില്‍ നീക്കിക്കളയണം. അല്ലെങ്കില്‍ മറ്റു ചെടികള്‍ കൂടി കേടായിപ്പോകും. ചെടികളുടെ ഉണങ്ങിയ ഭാഗങ്ങളോ ചീഞ്ഞ ഭാഗങ്ങളോ മുറിച്ചു മാറ്റുക. നല്ല ചെടികള്‍ കേടു വന്ന ചെടികളുടെ അടുത്തു വയ്ക്കാതിരിക്കുക.

തണ്ടു നട്ടാല്‍ പിടിക്കുന്ന ചെടികളാണെങ്കില്‍ കേടായവയില്‍ നിന്നും നല്ല തണ്ടുകളുണ്ടെങ്കില്‍ അത് നടാം.