അവിവാഹിതരുടെ വീടിന്റെ മോടി കൂട്ടാം

അടുക്കള

നിങ്ങള്‍ തനിച്ചാണ്‌ താമസിക്കുന്നതെങ്കില്‍ അടുക്കളയിലേക്ക്‌ വളരെയധികം പാത്രങ്ങള്‍ വാങ്ങേണ്ട ആവശ്യമില്ല. ദിവസേനയുള്ള ആവശ്യങ്ങള്‍ക്ക്‌ വേണ്ട ഓരോ പാത്രങ്ങള്‍ വീതം വാങ്ങുക.

കിടക്ക

സോഫ കം ബെഡ്‌ ആണ്‌ അവിവാഹിതരുടെ വീടിന്‌ അനുയോജ്യം. പകല്‍ സമയം സോഫയായും രാത്രിയില്‍ കിടക്കയായും ഇത്‌ ഉപയോഗിക്കാം.

ഭിത്തി

നിങ്ങളൊരു കലാസ്‌നേഹിയാണെങ്കില്‍ ഭിത്തിയില്‍ ചിത്രങ്ങളും മറ്റും തൂക്കിയിടാം. ഇത്തരത്തില്‍ ചെയ്യുന്നത്‌ മുറികള്‍ക്ക്‌ ശാന്തതയും ഊഷ്‌മളതയും നല്‍കും.

ചെടികള്‍

വീടിനകത്ത്‌ ചെടിച്ചട്ടികള്‍ വയ്‌ക്കുന്നത്‌ മുറികളുടെ ഭംഗികൂട്ടും. വെള്ള ലില്ലി പോലുള്ള ചെടികള്‍ വീടിനകത്ത്‌ വളര്‍ത്താന്‍ നല്ലതാണ്‌. വീടിനകത്തെ മാലിന്യങ്ങള്‍ വലിച്ചെടുത്ത്‌ നിങ്ങളെ ആരോഗ്യത്തോടിരിക്കാന്‍ ഇവ സഹായിക്കും.

അലങ്കാരങ്ങള്‍

മണികള്‍, നാണയ രൂപങ്ങള്‍ , സ്വര്‍ണ മത്സ്യം തുടങ്ങി വിവിധ ഇനങ്ങള്‍ കൊണ്ട്‌ വീടലങ്കിരിക്കാം. ഇത്തരം ഫെങ്‌ ഷൂയി സാധനങ്ങള്‍ ആരോഗ്യവും സമൃദ്ധിയും നല്‍കുമെന്നാണ്‌ വിശ്വാസം.

നിറം

തെളിഞ്ഞ നിറങ്ങളായിരിക്കണം കിടക്കുന്ന മുറിക്ക്‌ നല്‍കുന്നത്‌. വെളുപ്പ്‌, വെല്‍വെറ്റ്‌, വെയില്‍ മഞ്ഞ നിറങ്ങള്‍ കിടക്കുന്ന മുറിക്ക്‌ അനുയോജ്യമാണ്‌. സുഖകരമായ ഉറക്കത്തിന്‌ ഇത്‌ സഹായിക്കും.

വിളക്കുകള്‍

അവിവാഹിതരുടെ വീടുകള്‍ അലങ്കരിക്കാന്‍ ഏറ്റവും അത്യാവശ്യമായി വേണ്ട ഒന്നാണ്‌ ഇത്‌. വായന മുറയിലും കിടക്കയുടെ വശത്തും വിളക്കുകള്‍ വയ്‌ക്കുന്നത്‌ നല്ലതാണ്‌.

മീഡിയ ടേബിള്‍

ഒറ്റയ്‌ക്ക്‌ താമസിക്കുന്ന അവിവാഹിതരുടെ വീട്ടില്‍ തീര്‍ച്ചയായും ഉണ്ടായിരിക്കുന്നവയാണ്‌ മ്യൂസിക്‌ സിസ്റ്റം, ടെലിവിഷന്‍ എന്നിവ. ഭിത്തികള്‍ക്ക്‌ തെളിഞ്ഞ നിറം നല്‍കിയിട്ടുള്ള മുറികളില്‍ ഇരുണ്ട നിറത്തിലുള്ള മീഡിയ ടേബിള്‍ ആണ്‌ നല്ലത്‌.

പൂപ്പാത്രം

അവിവാഹിതരുടെ വീടലങ്കരിക്കാന്‍ ഏറ്റവും അനുയോജ്യമായ ഒന്നാണ്‌ പൂപ്പാത്രങ്ങള്‍. നല്ല നിറവും മണവുമുള്ള പൂവുകള്‍ വീടിന്റെ ഭാവം തന്നെ മാറ്റും. റോസ, മുല്ല തുടങ്ങി വിവിധ വര്‍ണങ്ങളിലുള്ള പൂവുകള്‍ മുറികളില്‍ സുഗന്ധം പരത്തും.