ഫ്ളവര്‍വേസിലും പ്രണയം വിരിയട്ടെ

വാലന്റൈന്‍സ് ഡെ ആയതു കൊണ്ട് ചുവന്ന റോസാപ്പൂക്കളായിരിക്കും കൂടുതല്‍ നല്ലത്. ഇടയില്‍ വേണമെങ്കില്‍ ഒരു വെള്ളയോ മഞ്ഞയോ പൂവു കൂടി വയ്ക്കാം. പൂക്കള്‍ വാങ്ങുമ്പോള്‍ തണ്ടോടെയുള്ളതു വാങ്ങുക. എളുപ്പം വാടാതിരിക്കും. പൂക്കളില്‍ അല്‍പം വെള്ളം തളിച്ചു വയ്ക്കുകയും വേണം.

ചുവന്ന നിറത്തിലുള്ള റിബണ്‍ കൊണ്ട് പൂക്കളോ അല്ലെങ്കില്‍ ഫ്ളവര്‍വേസോ അലങ്കരിക്കാം. നീളമുള്ള തണ്ടുള്ള പൂക്കളാണെങ്കില്‍ എല്ലാ റോസാപ്പൂക്കളും ഒരുമിച്ചു കെട്ടാം.

ഫ്ളവര്‍വേസില്‍ ഗ്ലിറ്റര്‍ ഉപയോഗിച്ച് ഹൃദയചിഹ്നമുണ്ടാക്കാം. അല്ലെങ്കില്‍ ഹൃദയത്തിന്റെ ഷേപ്പില്‍ ഗ്ലിറ്റരുകള്‍ ഒട്ടിച്ചു വയ്ക്കാം.

ചില്ലു കൊണ്ടുള്ള ഫ്ളവര്‍വേസാണെങ്കില്‍ ഉള്‍ഭാഗവും കാണാം. ഉള്‍ഭാഗത്ത് നിറമുള്ള ചെറിയ വെള്ളാരങ്കല്ലുകള്‍ ഇട്ട് അതില്‍ റോസാപ്പൂക്കള്‍ വച്ചാല്‍ ഭംഗിയേറും.

ശ്രദ്ധ കിട്ടുന്ന വിധത്തില്‍ ഫ്ളവര്‍വേസ് വയ്ക്കുവാന്‍ ശ്രദ്ധിക്കണം.