മെഴുതിരിയായ് ഉരുകുമോ പ്രണയം...

Decor

oi-Saritha

By Veena

Published: Tuesday, February 7, 2012, 16:12 [IST]

വാലന്റൈന്‍സ് ഡെയും മെഴുകുതിരിയും തമ്മില്‍ ബന്ധമുണ്ട്. കാന്‍ഡില്‍ ലൈറ്റ് ഡിന്നറും മെഴുകുതിരി വെട്ടത്തില്‍ പ്രണയം തുറന്നു പറയുന്നതും സിനിമകളില്‍ മാത്രമല്ലാ, യഥാര്‍ത്ഥ ജീവിതത്തിലും പലരും അനുകരിക്കാറുമുണ്ട്. വാലന്റൈന്‍സ് ഡെക്ക് പുക്കള്‍ക്കു പുറമെ മെഴുകുതിരികളും അലങ്കാരത്തിനുപയോഗിക്കാം.

എവിടെയാണ് അലങ്കാരം വേണ്ടതെന്ന് ആദ്യം കണ്ടെത്തുക. വിവിധ നിറങ്ങളോടും മണത്തോടും കൂടിയ മെഴുകുതിരികളാണ് അലങ്കാരത്തിനുപയോഗിക്കേണ്ടത്. വഴിയുടെ ഇരുവശത്തും ചെറിയ, വിവിധ നിറങ്ങളിലെ മെഴുകുതിരികള്‍ കത്തിച്ചു നിരത്തിവയ്ക്കാം.

വീടിനുള്ളിലും മെഴുകുതിരി അലങ്കാരമാകാം. പങ്കാളികള്‍ ഒരുമിച്ചിരിക്കുന്ന സ്ഥലം, അത് പൂന്തോട്ടമാണെങ്കിലും ബാല്‍ക്കണിയാണെങ്കിലും മെഴുകുതിരികള്‍ കത്തിച്ചു വയ്ക്കാം. ഭാര്യാഭര്‍ത്താക്കന്മാര്‍ ചിലപ്പോള്‍ സ്വകാര്യതക്കായി വാലന്റൈന്‍ അലങ്കാരത്തിന് ബെഡ്‌റൂം തെരഞ്ഞെടുക്കാറുണ്ട്. ഇവിടെ ചുവരില്‍ ഉറപ്പിക്കാവുന്ന സ്റ്റാന്‍ഡില്‍ മെഴുകുതിരി കത്തിച്ചുവയ്ക്കാം.

കണ്ണാടിയുടെ മുന്നില്‍ മെഴുകുതിരികള്‍ കത്തിച്ചു വയ്ക്കുന്നത് നല്ലൊരു ഐഡിയയാണ്. ഇതിന്റെ പ്രതിച്ഛായ കണ്ണാടിയില്‍ കാണുന്നത് നല്ലൊരു കാഴ്ചയായിരിക്കും.

വെള്ളത്തില്‍ ഒഴുകി നടക്കുന്ന തരം മെഴുകുതിരികളും ലഭിക്കും. ഇവ ഒരു പാത്രത്തില്‍ വെള്ളം നിറച്ച് കത്തിച്ചു വയ്ക്കാം.

ശ്രമിച്ചു നോക്കൂ, പ്രണയഭാവന ഉണര്‍ത്താന്‍ മെഴുകുതിരിക്കും കഴിയും.