ഓഫീസ് ഭംഗിയായി അലങ്കരിക്കൂ

മിക്കവാറും പേര്‍ ഇന്ന് കമ്പ്യൂട്ടറിന്റെ മുന്നിലിരുന്നാണ് ജോലി ചെയ്യുന്നത്. ഇടക്ക് കണ്ണുകള്‍ക്കൊരു പച്ചപ്പ് കൊടുക്കുന്നത് നല്ലതാണ്. ഓഫീസ് മുറിയില്‍ മണിപ്ലാന്റോ അങ്ങനെയുള്ള മറ്റെന്തെങ്കിലും ചെടിയോ വക്കുന്നത് നന്നായിരിക്കും. ഫാംഗ്ഷ്യുയി അനുസരിച്ചും മണിപ്ലാന്റ് വക്കുന്നത് നല്ലതാണ്.

ഓഫീസ് മേശയില്‍ ടിഷ്യൂബോക്‌സ് വക്കുന്നത് നല്ലതാണ്. ഇത് നിറമുള്ളതാണെങ്കില്‍ കൂടുതല്‍ നല്ലത്. മേശയുടെ അതേ നിറത്തിലുള്ളതു തെരഞ്ഞെടുക്കാതെ മറ്റെന്തെങ്കിലും നിറം തെരഞ്ഞെടുക്കുന്നത് നന്നായിരിക്കും. മേശവലിപ്പിന് അലങ്കാരമുളള കീചെയിന്‍ ഉപയോഗിക്കാം.

കമ്പ്യൂട്ടറിന്റെ മുന്നില്‍ ദീര്‍ഘനേരം ഇരിക്കുന്നതുകൊണ്ട് ഇരിപ്പ് സുഖകരമാകാന്‍ നടുഭാഗത്ത് കുഷ്യന്‍ ഉപയോഗിക്കുന്നതു നന്നായിരിക്കും.

ഓഫീസ് മുറിയില്‍ നിങ്ങള്‍ക്കിഷ്ടമുളള പുസ്തകം സൂക്ഷിക്കാം. ജോലിയുമായി ബന്ധപ്പെട്ട പുസ്തകമാണെങ്കില്‍ ഏറെ നല്ലത്.

കമ്പ്യൂട്ടറിന്റെ കീബോര്‍ഡില്‍ ഫഌറസെന്റ് അക്ഷരങ്ങള്‍ ഒട്ടിച്ചുവച്ചാല്‍ വൈദ്യുതിയില്ലെങ്കിലും ടൈപ്പ് ചെയ്യാന്‍ എളുപ്പമായിരിക്കും.

ഭക്ഷണം എടുത്തുവച്ചു കഴിക്കാന്‍ ട്രേയോ മറ്റോ സൂക്ഷിക്കുക. ഭക്ഷണസാധനങ്ങള്‍ മേശയിലായാല്‍ വൃത്തികേടാകും. കാപ്പിയും ചായയും കുടിക്കുമ്പോഴും മേശയിലാകാതിരിക്കാന്‍ ശ്രദ്ധിക്കുക.