പഴയ സാധനങ്ങള്‍ ഉപയോഗപ്രദമാക്കാം

Decor

oi-Saritha

By Veena

Published: Thursday, October 13, 2011, 14:31 [IST]

സാധാരണ വീടുകളില്‍, പ്രത്യേകിച്ച് അടുക്കളയില്‍ ഉപയോഗ്യശൂന്യമായ നിരവധി സാധനങ്ങളുണ്ടാകും. ഇവ വലിച്ചെറിഞ്ഞു കളയുകയാണ് പതിവ്. എന്നാല്‍ അല്‍പം ഭാവനയുണ്ടെങ്കില്‍ ഇവ പലവിധത്തിലും ഉപയോഗിക്കാം.

അടുക്കളയിലും വീടുകളിലും നിരവധി ചെറിയ ബോക്‌സുകള്‍ ഉണ്ടാകും. ഇവ വര്‍ണക്കടലാസുകള്‍ കൊണ്ട് പൊതിഞ്ഞ് അലങ്കാരവസ്തുക്കള്‍ വയ്ക്കുവാന്‍ ഉപയോഗിക്കാം. ഭംഗിയായി പൊതിഞ്ഞാല്‍ ഇവ തന്നെ അലങ്കാരത്തിനായി ഉപയോഗിക്കാനുമാവും.

അടുക്കളയിലെ ഉപയോഗമില്ലാത്ത ചെറിയ പാത്രങ്ങള്‍ക്ക് പെയിന്റടിച്ച് അവയില്‍ മെഴുകു നിറച്ച് മെഴുകുതിരി സ്റ്റാന്റായി ഉപയോഗിക്കാം.

വശം പൊട്ടുകയോ ഉപയോഗശൂന്യമാവുകയോ ചെയ്ത ബക്കറ്റുകളില്‍ മണ്ണു നിറച്ച് ചെടികള്‍ നടാം.

ഭംഗിയുള്ള കുപ്പികളും ഗ്ലാസുകളും ഫഌവര്‍വേസുകളായി ഉപയോഗിക്കാന്‍ സാധിക്കും. ഭംഗിക്കായി ഇവയില്‍ വെള്ളാരംകല്ലുകളോ നിറം നല്‍കിയ കല്ലുകളോ ഇടാം. പിന്നീട് ഇവയില്‍ പൂക്കള്‍ വയ്ക്കാം.

സാധങ്ങള്‍ വീണ്ടും ഉപയോഗിക്കുമ്പോള്‍ നമ്മുടെ പൈസക്കു തന്നെ മൂല്യമുണ്ടാവുകയാണ് ചെയ്യുന്നത്.