ആഘോഷങ്ങള്‍ക്ക് വീടൊരുക്കൂ

മുന്‍വാതിലില്‍ ഭംഗിയുളള തോരണങ്ങളിടുന്നത് വീടിനു മൊത്തം ഭംഗി നല്‍കും. അതിഥികളെ വരവേല്‍ക്കാനുള്ള നല്ലൊരു മാര്‍ഗം കൂടിയാണിത്. ചില സ്ഥലങ്ങളില്‍ മാവിലകള്‍ കൊണ്ടും വാഴപ്പിണ്ടി കൊണ്ടും മുന്‍വാതില്‍ അലങ്കരിക്കാറുണ്ട്. ഷെല്ലുകളും മുത്തുകളും പിടിപ്പിച്ച ഫാന്‍സി ഡോര്‍ കര്‍ട്ടനുകളും വീടിന് ഭംഗി നല്‍കും.

ആഘോഷങ്ങള്‍ക്കായി പുതിയ ഫര്‍ണിച്ചറുകളും സാധനങ്ങളും വാങ്ങണമെന്നില്ല. ഉള്ളവ പൊടി കളഞ്ഞ് വൃത്തിയാക്കി വച്ചാല്‍ മതിയാകും. ആഘോഷവേളകള്‍ക്കായി ഒരുക്കുന്ന പൂക്കളങ്ങളും രംഗോലിയും ചിരാതുകളും എല്ലാം തന്നെ ഉത്സവപ്രതീതി വരുത്തും.

സുഗന്ധമുള്ള ചന്ദനത്തിരികള്‍ കത്തിച്ചു വയ്ക്കുന്നത് നല്ലതാണ്. കര്‍പ്പൂരം, സാമ്പ്രാണി എന്നിവയും ഉത്സവഛായ വരുത്തും.

മധുരപലഹാരങ്ങളും ഓരോ ആഘോഷങ്ങളുമായി ബന്ധപ്പെട്ട പലഹാരങ്ങളും നമുക്ക് ഒഴിവാക്കാനാവാത്തവയാണ്. ഇവ ഉണ്ടാക്കുകയോ വാങ്ങിക്കുകയോ മാത്രമല്ല, ഭംഗിയായി അലങ്കരിക്കുന്നതും പ്രധാനമാണ്. ഡൈനിംഗ് ടേബിളില്‍ ഇവ സില്‍വര്‍ പേപ്പറുകളിലോ ഭംഗിയുള്ള പാത്രങ്ങളിലോ സൂക്ഷിക്കാം. നല്ല ഭംഗിയില്‍ സൂക്ഷിച്ചിരിക്കുന്ന ഭക്ഷണം കാഴ്ചക്കാരന്റെ വിശപ്പു കൂട്ടും.