Click it and Unblock the Notifications
Latest Updates
-
2026 ജൂൺ 18 ഗുരുപുഷ്യ യോഗം: സ്വർണ്ണവും നിക്ഷേപവും വർദ്ധിപ്പിക്കാൻ ഈ ശുഭമുഹൂർത്തം ഉപയോഗപ്പെടുത്തൂ, നേട്ടങ്ങൾ ഉറപ്പ്! -
ജൂൺ 19-ന് എത്തുന്ന സർവാർത്ഥ സിദ്ധി യോഗം: സാമ്പത്തിക നേട്ടങ്ങൾക്കായി ഈ സമയം എങ്ങനെ പ്രയോജനപ്പെടുത്താം? -
മഴക്കാലത്ത് വയറിലെ കൊഴുപ്പ് കുറയ്ക്കാം; ശില്പ ഷെട്ടിയുടെ 10 മിനിറ്റ് മൊബിലിറ്റി ചലഞ്ച് വൈറലാകുന്നു! -
മുംബൈയിൽ ജലക്ഷാമം രൂക്ഷം; വെള്ളം തൊടാതെ തന്നെ ചർമ്മം തിളങ്ങാൻ ഈ സ്മാർട്ട് വഴികൾ പരീക്ഷിക്കൂ -
ഡൽഹിയിൽ ഡെങ്കിപ്പനി പടരുന്നു; ഈ ലക്ഷണങ്ങൾ അവഗണിച്ചാൽ അപകടം, വീട്ടിൽ ചെയ്യേണ്ട മുൻകരുതലുകൾ ഇതാ -
കൊച്ചിയിൽ എലിപ്പനി ജാഗ്രത: മഴക്കാലത്ത് പുരുഷന്മാർ അറിയേണ്ട അടിയന്തര സുരക്ഷാ മാർഗങ്ങൾ -
മഴക്കാലത്ത് മെൻസ്ട്രൽ കപ്പ് ഉപയോഗിക്കുമ്പോൾ ചോർച്ച ഒഴിവാക്കാം; ശ്രദ്ധിക്കേണ്ട കാര്യങ്ങൾ ഇതാ! -
മഴക്കാലത്ത് വണ്ണം കുറയ്ക്കാൻ കഷ്ടപ്പെടുകയാണോ? ഇന്റർമിറ്റന്റ് ഫാസ്റ്റിംഗിൽ ഈ മാറ്റങ്ങൾ വരുത്തിയാൽ ഫലം ഉറപ്പ്! -
മഴക്കാലത്തും സൺസ്ക്രീൻ നിർബന്ധമോ? ചർമ്മം സുരക്ഷിതമാക്കാൻ ഈ പുതിയ രീതികൾ പരീക്ഷിക്കൂ -
ചാട്ടവും ഓട്ടവുമില്ല, തൃഷയുടെ ഈ വർക്കൗട്ട് ചെയ്താൽ ശരീരം മാറും; മഴക്കാലത്ത് വീട്ടിലിരുന്ന് പരീക്ഷിക്കാം
അടുക്കളയില് സമയം ലാഭിക്കാം, അറിഞ്ഞിരിക്കേണ്ട പാചക നുറുങ്ങുകള്
പാചകം രസകരമായിരിക്കാം, പക്ഷേ അതില് പല വെല്ലുവിളികളും ഉണ്ട്. ലളിതമായ ചില നുറുങ്ങുവിദ്യകള് ഉപയോഗിക്കുന്നത് അടുക്കളയില് നിങ്ങളുടെ സമയം ലാഭിക്കാനും പാചകം കൂടുതല് ആസ്വാദ്യകരവുമാക്കാനും സഹായിക്കും.
പുതിന, മല്ലിയില പോലുള്ള ഹെര്ബുകള് ഭക്ഷണത്തിന് കൂടുതല് രുചി നല്കും. അവ കൂടുതല് നേരം ഫ്രഷ് ആയി സൂക്ഷിക്കാന്, ഫ്രിഡ്ജില് ഒരു ഗ്ലാസ് വെള്ളത്തില് സൂക്ഷിക്കുക. അല്ലെങ്കില് നനഞ്ഞ പേപ്പര് ടവ്വലില് പൊതിഞ്ഞ് ഒരു പ്ലാസ്റ്റിക് ബാഗില് വയ്ക്കാം. ഇങ്ങനെ ചെയ്താല് ഒരാഴ്ചയോളം അവയുടെ ഫ്രഷ്നെസ് നിലനിര്ത്താം.
വെളുത്തുള്ളിയുടെ തൊലി കളയുന്നത് മടുപ്പിക്കുന്ന ജോലിയാണ്. ഇത് എളുപ്പമാക്കുന്നതിന്, വെളുത്തുള്ളി അല്ലികള് ഒരു പാത്രത്തില് ഇട്ട് ശക്തമായി കുലുക്കുക. അപ്പോള് തൊലികള് എളുപ്പത്തില് പുറത്തുവരും, നിങ്ങളുടെ സമയവും കഷടപ്പാടും ലാഭിക്കാം. കുറേയധികം വെളുത്തുള്ളിയുടെ തൊലി കളയണമെങ്കില് ഈ രീതി നന്നായി പ്രവര്ത്തിക്കുന്നു.
ഉരുളക്കിഴങ്ങ് മുളയ്ക്കുന്നത് തടയാന്
ശരിയായി സൂക്ഷിച്ചില്ലെങ്കില് ഉരുളക്കിഴങ്ങുകള് മുളച്ചുവരും. ഇത് തടയാന്, ഉരുളക്കിളങ്ങുകള്ക്കൊപ്പം ഒരു ആപ്പിള് വെക്കുക. ആപ്പിള് പുറത്തുവിടുന്ന എഥിലീന് വാതകം ഉരുളക്കിഴങ്ങിനെ കൂടുതല് കാലം മുളയ്ക്കാതെ ഫ്രഷ് ആയി നിലനിര്ത്താന് സഹായിക്കുന്നു.
ബ്രൗണ് ഷുഗര് കട്ടിയാകാതിരിക്കാന്
കാലം കഴിയുന്തോറും ബ്രൗണ് ഷുഗര് കട്ടിയായി പോകും. ഇതൊഴിവാക്കാന്, ഒരു കഷ്ണം ബ്രെഡ് അല്ലെങ്കില് കുറച്ച് മാര്ഷ്മാലോകള് ബ്രൗണ് ഷുഗറിനൊപ്പം സൂക്ഷിക്കുക. ഇവയുടെ ഈര്പ്പം പഞ്ചസാര കട്ടിയാകുന്നത് തടയും.
കൊഴുപ്പ് നീക്കം ചെയ്യാന് ഐസ് ക്യൂബുകള്
സൂപ്പിലോ പായസത്തിലോ കൊഴുപ്പ് കൂടുതലാണെങ്കില്, അത് നീക്കം ചെയ്യാന് ഒരു ഐസ് ക്യൂബ് ഉപയോഗിക്കാം. ഇവയ്ക്ക് മുകളിലൂടെ ഐസ് ക്യൂബ് ഓടിക്കുക. അപ്പോള് കൊഴുപ്പ് കട്ടിയാകുകയും ഐസ് ക്യൂബില് പറ്റിനില്ക്കുകയും ചെയ്യും, കട്ടിയായ കൊഴുപ്പ് നീക്കം ചെയ്യാനും എളുപ്പമാണ്്.
വാഴപ്പഴം വേഗം പഴുക്കാന്
വാഴപ്പഴം വേഗത്തില് പഴുക്കണമെങ്കില്, ഒരു ആപ്പിളോ തക്കാളിയോ ഉള്ള ഒരു പേപ്പര് ബാഗില് വയ്ക്കുക. ഈ പഴങ്ങളില് നിന്നുള്ള എഥിലീന് വാതകം പാകമാകുന്ന പ്രക്രിയയെ ത്വരിതപ്പെടുത്തും, ചുരുങ്ങിയ സമയത്തിനുള്ളില് വാഴപ്പഴം പഴുക്കും.
തിളച്ച് മറിയുന്നത് തടയാന്
ചോറോ പാലോ പോലുള്ളവ അടുപ്പില് പാത്രത്തിനുല്ലില് തിളച്ചുമറിയുന്നത് തടയാന്, പാത്രത്തിന്റെ മുകളില് ഒരു മര സ്പൂണ് വയ്ക്കുക. സ്പൂണ് കുമിളകളുടെ ഉപരിതല പിരിമുറുക്കം (സര്ഫേസ് ടെന്ഷന്) കുറയ്ക്കും, അങ്ങനെ തിളച്ചുമറിയുന്നത് നില്ക്കും.
ചീര ഫ്രഷ് ആയി സൂക്ഷിക്കാന്
ശരിയായി സൂക്ഷിച്ചില്ലെങ്കില് ചീര പെട്ടെന്ന് വാടിപ്പോകും. ഇതൊഴിവാക്കാന്, ഫ്രിഡ്ജില് വയ്ക്കുന്നതിന് മുമ്പ് ഒരു പേപ്പര് ടവലില് പൊതിയുക. പേപ്പര് ടവല് അധിക ഈര്പ്പം ആഗിരണം ചെയ്യും, ചീരയെ കൂടുതല് നേരം ഫ്രഷ് ആയി നിലനിര്ത്തും.
ഒട്ടിപ്പിടിക്കുന്ന സാധനങ്ങള് എളുപ്പത്തില് അളക്കാന്
തേന് അല്ലെങ്കില് സിറപ്പ് പോലെയുള്ള ഒട്ടിപ്പിടിക്കുന്ന ചേരുവകള് അളക്കുന്നത് പ്രയാസമാണ്. ഇത് എളുപ്പമാക്കുന്നതിന്, അതെടുക്കുന്നതിന് മുമ്പ് മെഷറിംഗ് കപ്പില് കുക്കിംഗ് സ്പ്രേ ഉപയോഗിച്ച് സ്േ്രപ ചെയ്യുക. ഒട്ടിപ്പിടിക്കുന്ന പദാര്ത്ഥങ്ങള് മുഴുവനമായും പുറത്തേക്ക് പോകാന് ഇത് സഹായിക്കും.
പിസ്സ പെര്ഫെക്ട് ആയി ചൂടാക്കാന്
മൈക്രോവേവില് പിസ്സ വീണ്ടും ചൂടാക്കുന്നത് പലപ്പോഴും പിസ്സ ഈര്പ്പമുള്ളതാക്കുന്നു. ഇത് ഒഴിവാക്കാന്, പിസ്സ കഷ്ണങ്ങള്ക്കൊപ്പം ഒരു കപ്പ് വെള്ളവും മൈക്രോവേവില് വയ്ക്കുക. ഇങ്ങനെ ചെയ്യുന്നതിലൂടെ വെള്ളത്തില് നിന്നുള്ള നീരാവി പിസ്സയുടെ ക്രസ്റ്റ്് ക്രിസ്പിയായി നിലനിര്ത്തും.
അവോക്കാഡോ പച്ചയായി സൂക്ഷിക്കാന്
അവോക്കാഡോകള് മുറിച്ചതിനുശേഷം പെട്ടെന്ന് തവിട്ടുനിറമാകും. അവയുടെ പച്ചനിറം നിലനിര്ത്താന്, മുറിച്ച അവക്കാഡോയ്ക്കൊപ്പം ഒരു കഷ്ണം ഉള്ളി കൂടി വെച്ച് സൂക്ഷിക്കുക അല്ലെങ്കില് നാരങ്ങ നീര് ഉപയോഗിച്ച് ബ്രഷ് ചെയ്യുക. ഈ ഇനങ്ങളില് നിന്നുള്ള ആസിഡ് ബ്രൗണിംഗ് പ്രക്രിയയെ മന്ദഗതിയിലാക്കും, നിങ്ങളുടെ അവോക്കാഡോകള് കൂടുതല് നേരം ഫ്രഷ് ആയി നിലനിര്ത്തും.
ഫ്ളഫി സ്ക്രാംബിള്ഡ് എഗ്ഗ്സ്
നിങ്ങള്ക്ക് ഫ്ളഫി ആയ സസ്ക്രാംബിള്ഡ് മുട്ടകള് വേണമെങ്കില്, മുട്ട അടിക്കുന്നതിന് മുമ്പ് കുറച്ച് പാലോ വെള്ളമോ ചേര്ക്കുക. ഇത് പാചകം ചെയ്യുമ്പോള് നീരാവി ഉണ്ടാക്കും, നിങ്ങളുടെ മുട്ടകള് കനംകുറഞ്ഞതും സോഫ്റ്റും ആക്കും.
വൈന് വേഗം തണുപ്പിക്കാന്
നിങ്ങള്ക്ക് വൈന് വേഗത്തില് തണുപ്പിക്കണമെങ്കില്, കുപ്പി നനഞ്ഞ പേപ്പര് ടവലില് പൊതിഞ്ഞ് 15 മിനിറ്റ് ഫ്രീസറില് വയ്ക്കുക. നനഞ്ഞ പേപ്പര് ടവല് തണുപ്പിക്കല് പ്രക്രിയയെ ത്വരിതപ്പെടുത്തും, ചുരുങ്ങിയ സമയത്തിനുള്ളില് നിങ്ങള്ക്ക് തണുത്ത വൈന് ലഭിക്കും.
ഉള്ളി അരിയുമ്പോള് കണ്ണുനീര് വരാതിരിക്കാന്
ഉള്ളി അരിയുമ്പോള് കണ്ണുനീര് ഉണ്ടാക്കുന്നത് സ്വാഭാവികമാണ്. ഇത് ഒഴിവാക്കാന്, ഉള്ളി അരിയുന്നതിന് മുമ്പ് 30 മിനിറ്റ് ഫ്രിഡ്ജില് വെച്ച് തണുപ്പിക്കുക. തണുത്ത ഉള്ളി അരിയുമ്പോള് കണ്ണീര് കുറച്ചേ വരികയുള്ളൂ.
Continue with Google