വൃത്തിയുള്ള മുടിക്ക് വൃത്തിയുള്ള ചീപ്പ്

Home Garden

oi-Saritha

By Veena

Published: Wednesday, October 12, 2011, 14:00 [IST]

മുടി വൃത്തിയായിരിക്കണമെങ്കില്‍ ചീപ്പും വൃത്തിയായിരിക്കണം. അഴുക്കുള്ള ചീപ്പ് താരനുണ്ടാക്കുകയും മുടി കൊഴിഞ്ഞുപോകാന്‍ ഇട വരുത്തുകയും ചെയ്യും. ചീപ്പിലെ അഴുക്കും മാറ്റിക്കളയാത്ത മുടിയും കാണുന്നവരിലും അരോചകത്വമുണ്ടാക്കും. ഇടയ്ക്കിടെ ഉപയോഗിക്കുന്ന ചീപ്പു വൃത്തിയാക്കുന്നതും വൃത്തിയുടെ ബാലപാഠം തന്നെയാണ്.

വൃത്തിയാക്കുന്നതിനു മുന്‍പ് ചീപ്പിലുള്ള മുടി നീക്കണം. കൈകൊണ്ടോ സേഫ്റ്റിപിന്‍, ഹെയര്‍പിന്‍ എന്നിവ ഉപയോഗിച്ചോ മുടി നീക്കാം.

ചീപ്പ് സോപ്പുവെള്ളത്തില്‍ കുറച്ചുനേരം ഇടുക. ചൂടുള്ള വെളളമാണെങ്കില്‍ കൂടുതല്‍ നല്ലത്. പിന്നീട് ഒരു ടൂത്ത്ബ്രഷ് ഉപയോഗിച്ച് ചീപ്പിലുളള അഴുക്ക് വൃത്തിയാക്കാം.

തല ചീകാനുപയോഗിക്കുന്നത് ബ്രഷാണെങ്കില്‍ വൃത്തിയാക്കുക കുറച്ചുകൂടി ബുദ്ധിമുട്ടാണ്. ഇവ ടൂത്ത്ബ്രഷ് ഉപയോഗിച്ച് വൃത്തിയാക്കുമ്പോള്‍ പൊട്ടിപ്പോകാതെ സൂക്ഷിക്കണം.

വൃത്തിയാക്കിയ ശേഷം വെളളമുപയോഗിച്ച് സോപ്പിന്റെ അംശം കഴുകിക്കളയണം. പിന്നീട് ചീപ്പ് തുണി കൊണ്ടു തുടച്ച് ഉണക്കിയെടുക്കുക.

വേണമെങ്കില്‍ എല്ലാ ദിവസവും കിടക്കാന്‍ പോകുന്നതിനു മുന്‍പ് ചീപ്പ് വൃത്തിയാക്കാം. ഒരു ടൂത്ത്ബ്രഷില്‍ സോപ്പോ ഷാംപൂവോ എടുത്ത് ചീപ്പു നനച്ച് ചീപ്പിന്റെ പല്ലുകള്‍ വൃത്തിയാക്കാം. ദിവസവും ചീപ്പ് കഴുകിയാല്‍ അതില്‍ അധികം അഴുക്കോ എണ്ണമയമോ ഉണ്ടാകില്ല.