Just In
- just now നിസ്സാര കാര്യങ്ങളില് മുന്നില് തടസ്സം, ശത്രുക്കള് കൂടും; ഇന്നത്തെ രാശിഫലം
- 5 hrs ago വേനല്ക്കാലത്ത് പൂന്തോട്ടം കളര്ഫുള്ളാക്കാന് ഇതാ ചില വഴികള്
- 5 hrs ago പുതിയ ഭൂമിയാകുമോ എന്സിലാഡസ്? ശനിയുടെ ഈ ചന്ദ്രനില് ജീവന് വേണ്ട എല്ലാ ചേരുവകളും
- 6 hrs ago ഭാഗ്യക്കൊടിമുടിയേറും; വര്ഷങ്ങള്ക്ക് ശേഷം ലക്ഷ്മി നാരായണ യോഗവും ബുധാദിത്യ യോഗവും ഒന്നിച്ച്
Don't Miss
- News ആന്ധപ്രദേശ് മുഖ്യമന്ത്രിയുടെ സമ്പത്തില് വന് വര്ധന; ജഗന് മോഹന് റെഡ്ഡിയുടെ ആസ്തി എത്രയെന്നറിയുമോ?
- Movies റിലേഷൻഷിപ്പിനോ വിവാഹത്തിനോ പറ്റില്ല; ജാസ്മിനോട് ഗബ്രി; എനിക്ക് വേണ്ട ഉത്തരം കിട്ടിയെന്ന് ജാസ്മിൻ!
- Sports IPL 2024: സെഞ്ച്വറി നേടി, പക്ഷെ റുതുരാജ് മണ്ടന് ക്യാപ്റ്റന്! തോല്വിക്ക് കാരണം ഈ പിഴവുകള്
- Automobiles കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ
- Technology ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ്
- Finance അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ
- Travel വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
പുരുഷന്മാരേക്കാള് കൂടുതല് ഉറക്കം വേണ്ടത് സ്ത്രീകള്ക്ക്; കാരണമിതാണ്
എല്ലാ പ്രായത്തിലുമുള്ള ആളുകള്ക്കിടയിലും ഉറക്കമില്ലായ്മ ഒരു പ്രധാന ആരോഗ്യ പ്രശ്നമാണ്. നല്ല ഉറക്കം നിങ്ങളുടെ ശാരീരിക ആരോഗ്യത്തിന് മാത്രമല്ല, നിങ്ങളുടെ മാനസിക ക്ഷേമത്തിനും ആവശ്യമാണ്. ദിവസവും ഉറങ്ങേണ്ട സമയം ഓരോരുത്തരുടെയും പ്രായത്തെ ആശ്രയിച്ചിരിക്കുന്നു, എന്നാല് ആരോഗ്യം നിലനിര്ത്താന് ഒരു വ്യക്തി ദിവസവും 7 മുതല് 8 മണിക്കൂര് വരെയെങ്കിലും കണ്ണുകള്ക്ക് വിശ്രമം നല്കണം. പകല് സമയത്ത് നമ്മുടെ മസ്തിഷ്കം എത്രത്തോളം ഉപയോഗിക്കുന്നുവോ അത്രയധികം വിശ്രമവും ഉറക്കവും നമുക്ക് ആവശ്യമാണ്. ഒരാള് ഗാഢനിദ്രയിലായിരിക്കുമ്പോള്, മസ്തിഷ്കത്തിന്റെ കോര്ട്ടെക്സ് ഇന്ദ്രിയങ്ങളില് നിന്ന് സ്വയം അഴിച്ചുമാറ്റുകയും, ഭാഷ, ചിന്ത, മെമ്മറി മുതലായവയ്ക്ക് ഉത്തരവാദികളായ തലച്ചോറിന്റെ മറ്റ് ഭാഗങ്ങളുടെ പ്രവര്ത്തനങ്ങള് പുനരുജ്ജീവിപ്പിക്കുകയും ചെയ്യുന്നു.
Most read: കോവിഡ് നിങ്ങളുടെ മനസ്സും താളംതെറ്റിക്കും; കരകയറാനുള്ള വഴിയിത്
നിങ്ങള്ക്ക് എത്രമാത്രം ഉറക്കം വേണമെന്ന് നിര്ണ്ണയിക്കാന് നിങ്ങളുടെ പ്രായം മാത്രമല്ല, നിങ്ങളുടെ ലിംഗഭേദവും പ്രധാനമാണെന്ന് സമീപകാല പഠനം സൂചിപ്പിക്കുന്നു. അടുത്ത കാലത്തായി, സ്ത്രീകള് പുരുഷന്മാരേക്കാള് കൂടുതല് ഉറങ്ങണമെന്ന് പഠനങ്ങള് തെളിയിച്ചിട്ടുണ്ട്. സ്ത്രീകള്ക്ക് പുരുഷന്മാരേക്കാള് കൂടുതല് ഉറക്കം ആവശ്യമായി വരുന്നത് എന്തുകൊണ്ടാണെന്നതിന്റെ ഏറ്റവും പ്രധാനപ്പെട്ട കാരണങ്ങള് ഒന്ന് നോക്കൂ.
ഒരു വ്യക്തി എത്ര ഉറങ്ങണം
നാഷണല് സ്ലീപ്പ് ഫൗണ്ടേഷന് അനുസരിച്ച്, 26 മുതല് 64 വയസ്സ് വരെ പ്രായമുള്ള മുതിര്ന്നവര് ദിവസവും കുറഞ്ഞത് 7 മുതല് 9 മണിക്കൂര് വരെ ഉറങ്ങണം. 64 വയസ്സിനു മുകളിലുള്ള മുതിര്ന്നവര് ദിവസവും 7 മുതല് 8 മണിക്കൂര് വരെ ഉറങ്ങേണ്ടതുണ്ട്. കൗമാരക്കാര്ക്ക് ഏകദേശം 9 മുതല് 10 മണിക്കൂര് വരെ ഉറങ്ങണം. സ്കൂള് പ്രായത്തിലുള്ള കുട്ടികള്ക്കും പ്രീ-സ്കൂള് കുട്ടികള്ക്കും ഈ സമയം അതിലും കൂടുതലാണ്.
എന്തുകൊണ്ടാണ് സ്ത്രീകള്ക്ക് കൂടുതല് ഉറങ്ങേണ്ടത്
പഠനമനുസരിച്ച്, സ്ത്രീകള്ക്ക് പുരുഷന്മാരേക്കാള് 20 മിനിറ്റ് കൂടുതല് ഉറക്കം ആവശ്യമാണ്. എന്നാല് എന്തുകൊണ്ട് എന്ന പ്രധാന ചോദ്യം അവശേഷിക്കുന്നു. പുരുഷന്മാരെ അപേക്ഷിച്ച് സ്ത്രീകള് അനുഭവിക്കുന്ന മോശം ഉറക്കമാണ് ഇതിന് കാരണം. പല കാരണങ്ങളാല് സംഭവിക്കുന്ന ഉറക്കക്കുറവ് പരിഹരിക്കാന് സ്ത്രീകള്ക്ക് സമയം ആവശ്യമാണ്. സ്ത്രീകള്ക്ക് കൂടുതല് ഉറക്കം ആവശ്യമായി വരുന്നതിന് ചില കാരണങ്ങള് ഇതാ.
Most read:വാക്സിന് എടുത്തവര്ക്കും എടുക്കാത്തവര്ക്കും ഒമിക്രോണ് ലക്ഷണം വ്യത്യസ്തം
തിരക്കേറിയ ജീവിതം
സ്ത്രീകള്ക്ക് പുരുഷന്മാരേക്കാള് തിരക്കേറിയ ജീവിത ഷെഡ്യൂള് ഉണ്ടെന്ന് പറഞ്ഞാല് നിങ്ങള് എല്ലാവരും സമ്മതിക്കണം. അവര് നേരത്തെ ഉണരുന്നു, കുട്ടികളെ പരിപാലിക്കുന്നു, വീട്ടുജോലികള് കൈകാര്യം ചെയ്യുന്നു, അതിനാല് അവര്ക്ക് കൂടുതല് വിശ്രമം ലഭിക്കണമെന്നതില് അതിശയിക്കാനില്ല. ദിവസം മുഴുവനുമുള്ള മള്ട്ടി ടാസ്കിംഗ് വളരെ ക്ഷീണിപ്പിക്കുന്നതാണ്, കൂടാതെ വളരെയധികം മാനസിക ഊര്ജ്ജവും ആവശ്യമാണ്. മതിയായ ഉറക്കത്തിന്റെ അഭാവം നിങ്ങളുടെ ശരീരത്തെയും മനസ്സിനെയും ദോഷകരമായി ബാധിക്കും.
സ്ത്രീകളുടെ മസ്തിഷ്കം കൂടുതല് ജോലി ചെയ്യുന്നു
ഒരു സ്ത്രീയുടെ മസ്തിഷ്കം പുരുഷന്റേതില് നിന്ന് വ്യത്യസ്തമായ രീതിയിലാണെന്ന് ചിലര് പറയുന്നു. കൂടാതെ വീട്ടിലെയും ഓഫീസിലെയും ദൈനംദിന ജോലികളില്പ്പോലും ഒരു മനുഷ്യന്റെ തലച്ചോറിനേക്കാള് കൂടുതല് ഉപയോഗത്തിലാണെന്നും പറയപ്പെടുന്നു. ഒരു സ്ത്രീയുടെ മസ്തിഷ്കം ഒരു പുരുഷനെക്കാള് കൂടുതല് പ്രവര്ത്തിക്കുന്നതിനാല്, അത് വീണ്ടെടുക്കാന് കൂടുതല് സമയം ആവശ്യമാണെന്ന് പഠനങ്ങള് അവകാശപ്പെടുന്നു. അതുകൊണ്ടാണ് സ്ത്രീകള് കൂടുതല് ഉറങ്ങേണ്ടത്.
മാനസികാവസ്ഥയെ ബാധിക്കുന്നു
ശരിയായ അളവിലുള്ള ഉറക്കക്കുറവ് മൂലം വിഷാദം, ദേഷ്യം, വിഷമം, പ്രകോപനം തുടങ്ങിയ പ്രശ്നങ്ങള് ഉണ്ടാകാം. നേരെമറിച്ച്, പുരുഷന്മാര് ഉറക്കമില്ലായ്മ അനുഭവിക്കുന്നുണ്ടെങ്കില് ഉറക്കക്കുറവിന്റെ അത്തരം ലക്ഷണങ്ങള് കാണിക്കില്ല. മതിയായ സമയം ഉറങ്ങാത്തതിനാല് മറ്റ് പല ആരോഗ്യ അപകടങ്ങളും ഉണ്ടാകാം.
Most read:കൂര്ക്കം വലിക്ക് പരിഹാരം നല്കും ഈ അവശ്യ എണ്ണകള്
മള്ട്ടിടാസ്കിംഗ് ചെയ്യുന്നവര്
സ്ത്രീകള്ക്ക് ഒരേ സമയം ടെലിവിഷന് കാണാനും പച്ചക്കറികള് നുറുക്കാനും ഫോണില് സംസാരിക്കാനും കഴിയും, അതും മികച്ച കാര്യക്ഷമതയോടെ. ഓഫീസോ വീടോ ആകട്ടെ, സ്ത്രീകള് പല ജോലികളും ഒറ്റയടിക്ക് കൈകാര്യം ചെയ്യാറുണ്ട്.
മോശം ഉറക്കം
ഒരു പഠനമനുസരിച്ച്, ചില ജീവിത ഘട്ടങ്ങളും ശാരീരിക മാറ്റങ്ങളും കാരണം സ്ത്രീകള്ക്ക് ശരിയായ ഉറക്കം ലഭിക്കുന്നില്ല. പ്രായപൂര്ത്തിയായപ്പോള് അവര് അസ്വസ്ഥരാകുകയും ഉറക്കമില്ലായ്മയ്ക്ക് വിധേയരാകുകയും ചെയ്യുന്നു. ഉറക്കത്തിന്റെ ഗുണനിലവാരം അത്ര നല്ലതല്ലാത്തതിനാല് അവര്ക്ക് അല്പ്പം കൂടുതല് ഉറക്കം ആവശ്യമുള്ളതിന്റെ മറ്റൊരു കാരണമാണിത്.
Most read:ആമാശയ ക്യാന്സര് ക്ഷണിച്ചുവരുത്തും ഈ ആഹാരസാധനങ്ങള്; ഒഴിവാക്കണം ഇതെല്ലാം
ഹോര്മോണ് മാറ്റങ്ങള്
ആര്ത്തവവിരാമം, ഗര്ഭാവസ്ഥ, പ്രതിമാസ ആര്ത്തവചക്രം എന്നിവയിലെ ഹോര്മോണ് മാറ്റങ്ങള് സ്ത്രീകളില് ഗുരുതരമായ പാര്ശ്വഫലങ്ങള് ഉണ്ടാക്കാം. ഹോര്മോണ് വ്യതിയാനം ശാരീരികവും വൈകാരികവുമായ മാറ്റങ്ങളിലേക്കും നയിക്കുന്നു, ഇത് ഉറക്കത്തിന്റെ ഗുണനിലവാരത്തെ തടസ്സപ്പെടുത്തുന്നു. ഇത് ശാരീരിക അസ്വസ്ഥതകളും വേദനയും നല്കുന്നു, അതിനാല് സ്ത്രീകള്ക്ക് അല്പ്പം അധിക വിശ്രമം ആവശ്യമാണ്.
ശരീരഭാരം കൂടും
പുരുഷന്മാരെ അപേക്ഷിച്ച് സ്ത്രീകള്ക്ക് ശരീരഭാരം കുറയ്ക്കാന് ബുദ്ധിമുട്ടാണെന്നും ശരിയായ ഉറക്കമില്ലായ്മയാണ് കാരണമെന്നും നമുക്കെല്ലാവര്ക്കും അറിയാം. ഉറക്കക്കുറവ് ശരീരഭാരം വര്ദ്ധിപ്പിക്കുന്നതിന് കാരണമാകുന്നു. മാത്രമല്ല, ഉറക്കക്കുറവ് കോര്ട്ടിസോള് എന്ന സ്ട്രെസ് ഹോര്മോണിന്റെ വളര്ച്ചയിലേക്ക് നയിക്കുന്നു. ഈ ഹോര്മോണ് നിങ്ങളുടെ വിശപ്പ് വര്ദ്ധിപ്പിക്കുകയും അമിതവണ്ണത്തിലേക്ക് നയിക്കുകയും ചെയ്യും.
Most read:പുകവലിക്കുന്നവരാണോ നിങ്ങള്? നിര്ബന്ധമായും ചെയ്യണം ഈ മെഡിക്കല് പരിശോധനകള്
റെസ്റ്റ്ലസ്സ് ലെഗ് സിന്ഡ്രോം
ചില പഠനങ്ങള് അനുസരിച്ച്, സ്ത്രീകള്ക്ക് റെസ്റ്റ്ലസ്സ് ലെഗ് സിന്ഡ്രോം ഉണ്ടാകാനുള്ള സാധ്യത കൂടുതലാണ്. ഈ സിന്ഡ്രോം കാലുകള് ചലിപ്പിക്കാനുള്ള അനിയന്ത്രിതമായ പ്രേരണയ്ക്ക് കാരണമാകുന്നു, വൈകുന്നേരവും രാത്രിയും ലക്ഷണങ്ങള് വഷളാകുന്നു. ഈ പ്രശ്നം അനുഭവിക്കുന്ന സ്ത്രീകള്ക്ക് രാത്രിയില് നല്ല ഉറക്കം ലഭിക്കുന്നില്ല.
നല്ല രാത്രി ഉറക്കത്തിനുള്ള നുറുങ്ങുകള്
* എല്ലാ ദിവസവും ഒരേ സമയത്ത് ഉറങ്ങുകയും ഉണരുകയും ചെയ്യുക.
* ഉറങ്ങാന് പോകുന്നതിനു മുമ്പ് നിങ്ങളുടെ മനസ്സ് ശാന്തമാക്കാന് ശ്രമിക്കുക. രാത്രിയില് പോലും നിങ്ങള് മാനസിക സമ്മര്ദ്ദം ചെലുത്തുന്നത് തുടരുകയാണെങ്കില്, ഗുണനിലവാരമുള്ള ഉറക്കം ലഭിക്കാന് നിങ്ങള്ക്ക് ബുദ്ധിമുട്ടായിരിക്കാം.
* ഉറങ്ങാന് പോകുന്നതിന് ഒരു മണിക്കൂര് മുമ്പെങ്കിലും നിങ്ങളുടെ സ്മാര്ട്ട്ഫോണ്, ലാപ്ടോപ്പ്, ടിവി എന്നിവ കാണരുത്. ഇലക്ട്രോണിക് ഗാഡ്ജെറ്റുകളില് നിന്ന് പുറപ്പെടുന്ന നീല വെളിച്ചം നിങ്ങളുടെ നിദ്രയെ തടസ്സപ്പെടുത്തും.
* രാത്രിയില് കാപ്പിയോ ചായയോ മദ്യമോ കഴിക്കുന്നത് ഒഴിവാക്കുക.