എന്തുകൊണ്ട് കൊളസ്‌ട്രോള്‍ കൂടുന്നു: ചെറിയ മാറ്റം പോലും ശ്രദ്ധിക്കണം

ഭക്ഷണം ആരോഗ്യകരമാക്കണം

ഭക്ഷണം ആരോഗ്യകരമാക്കുക എന്നത് വളരെയധികം ശ്രദ്ധിക്കേണ്ട കാര്യമാണ്. കാരണം ഈ കാലത്ത് പലരും ആരോഗ്യത്തേക്കാള്‍ രുചിക്ക് പ്രാധാന്യം കൊടുത്ത് പല ഭക്ഷണങ്ങളും ശീലമാക്കുന്നു. ഇതെല്ലാം രക്തത്തിലെ കൊളസ്‌ട്രോളിന്റെ അളവ് ര്‍ദ്ധിപ്പിക്കുന്നു. എന്നാല്‍ ഇതിനെ പ്രതിരോധിക്കുന്ന തരത്തിലുള്ള ഭക്ഷണങ്ങള്‍ ഇന്ന് മുതല്‍ തന്നെ ശീലമാക്കിക്കോളൂ. ഇത് നിങ്ങളില്‍ ആരോഗ്യം വര്‍ദ്ധിപ്പിക്കുന്നതോടൊപ്പം തന്നെ കൊളസ്‌ട്രോള്‍ പോലുള്ള പ്രശ്‌നങ്ങളേയും ഇല്ലാതാക്കുന്നു. നിങ്ങള്‍ സ്ഥിരമായി കഴിക്കുന്ന ഭക്ഷണത്തില്‍ നിര്‍ബന്ധമായും പഴങ്ങളും പച്ചക്കറികളും കൂടുതല്‍ ഉള്‍പ്പെടുത്തുന്നതിന് ശ്രദ്ധിക്കണം.

കൊഴുപ്പ് ഒഴിവാക്കുക

പലപ്പോഴും കൊഴുപ്പ് കൂടുതലുള്ള ഭക്ഷണങ്ങള്‍ കഴിക്കുന്നത് നിങ്ങളുടെ ആരോഗ്യത്തിന് വെല്ലുവിളി ഉയര്‍ത്തുന്നതാണ്. അതിനെ പൂര്‍ണമായും ഒഴിവാക്കുക, പഞ്ചസാര, ക്രീം എന്നിവ ഒഴിവാക്കുക എന്നിവയാണ് ശ്രദ്ധിക്കേണ്ട കാര്യം. അതിന് വേണ്ടി ട്രാന്‍സ് ഫാറ്റുകളും ഒഴിവാക്കണം, കാരണം അവ എല്‍ഡിഎല്‍ കൊളസ്‌ട്രോള്‍ വര്‍ദ്ധിപ്പിക്കുകയും ശരീരത്തിന് ഗുണം നല്‍കുന്ന എച്ച്ഡിഎല്‍ കുറയ്ക്കുകയും ചെയ്യുന്നു. അതുമാത്രമല്ല ഭക്ഷണത്തില്‍ മത്സ്യം, പരിപ്പ്, സസ്യ എണ്ണകള്‍ എന്നിവ ഉള്‍പ്പെടുത്തുകയും വേണം. കൂടാതെ ഭക്ഷണങ്ങള്‍ ഫ്രൈ ചെയ്യുന്നതിനേക്കാള്‍ കറി വെച്ചോ വേവിച്ചോ കഴിക്കുന്നതിന് ശ്രദ്ധിക്കണം. ഇത്തരം കാര്യങ്ങള്‍ നിസ്സാരമാക്കരുത്.

ദിനവും വ്യായാമം

വ്യായാമം ആരോഗ്യത്തിന് വളരെയധികം സഹായിക്കുന്നതാണ്. ഇത് ദിനവും ചെയ്യുന്നതില്‍ മുടക്കം വരാതിരിക്കുന്നതിനും ശ്രദ്ധിക്കണം. അമിതവണ്ണം പലപ്പോഴും കൊളസ്‌ട്രോളിന്റെ അളവും വര്‍ദ്ധിപ്പിക്കുന്നു. നിങ്ങളില്‍ നല്ല ഭക്ഷണക്രമത്തോടൊപ്പം വ്യായാമവും ശീലമാക്കുന്നതിന് ശ്രദ്ധിക്കുക. ആരോഗ്യ പ്രശ്‌നങ്ങള്‍ ഉണ്ടാവുന്നതിനുള്ള സാധ്യത ഇതിലൂടെ നമുക്ക് പൂര്‍ണമായും ഒഴിവാക്കുന്നതിന് സാധിക്കുന്നു. അമിതവണ്ണമുള്ളവര്‍ നിര്‍ബന്ധമായും ദിവസം ഒരു മണിക്കൂര്‍ എങ്കിലും വ്യായാമത്തിന് വേണ്ടി മാറ്റി വെക്കണം. ഇത് ശരീര ഭാരം കുറക്കുക മാത്രമല്ല കൊളസ്‌ട്രോള്‍ കുറക്കുകയും ഹൃദയം സ്മാര്‍ട്ടാക്കുകയും ചെയ്യുന്നു.

പുകവലി ഉപേക്ഷിക്കൂ

പുകവലിയും മറ്റ് ദുശീലങ്ങളും ഉപേക്ഷിക്കാന്‍ ശ്രദ്ധിക്കേണ്ടതാണ്. അല്ലാത്ത പക്ഷം അത് നിങ്ങളില്‍ ഉണ്ടാക്കുന്ന അസ്വസ്ഥതകള്‍ നിസ്സാരമല്ല. ആരോഗ്യത്തിന് വെല്ലുവിളി ഉയര്‍ത്തുന്ന പല പ്രതിസന്ധികളും നിങ്ങളെ പിടികൂടുന്നു. പുകവലി സാധാരണ ചെയ്യുന്നതിനേക്കാള്‍ കൊറോണറി ഹൃദ്രോഗ സാധ്യത വര്‍ദ്ധിപ്പിക്കുകയാണ് ചെയ്യുന്നത്. ഇത് കൂടാതെ പ്രമേഹം, ഉയര്‍ന്ന രക്തസമ്മര്‍ദ്ദം എന്നിവയുള്‍പ്പെടെയുള്ള അവസ്ഥളിലേക്ക് എത്തിക്കുകയും ഇത് വഴി നിങ്ങളില്‍ ഹൃദ്രോഗ സാധ്യത വര്‍ദ്ധിപ്പിക്കുകയും ചെയ്യുന്നു. പുകവലി ഉപേക്ഷിക്കുന്നത് നിങ്ങളുടെ ആരോഗ്യത്തിന് വളരെയധികം പ്രതിസന്ധികള്‍ ഉണ്ടാക്കും. ക്യാന്‍സര്‍ പോലുള്ള അപകടങ്ങളെ ക്ഷണിച്ച് വരുത്തുന്നതിന് തുല്യമാണ് ഇത്. അതുകൊണ്ട് തന്നെ വളരെയധികം ശ്രദ്ധിക്കണം.

മദ്യപാനം ഒഴിവാക്കുക

പൂര്‍ണമായും മദ്യപാനം ഉപേക്ഷിക്കാന്‍ സാധിക്കാത്തവര്‍ നമുക്ക് ചുറ്റും ഉണ്ടാവും. ആരോഗ്യത്തിന് വെല്ലുവിളി ഉയര്‍ത്തുന്ന ഇത്തരം അവസ്ഥകളില്‍ നിങ്ങള്‍ വളരെയധികം ശ്രദ്ധ നല്‍കണം. മദ്യപിക്കുന്ന ശീലമുള്ളവരെങ്കില്‍ നിങ്ങള്‍ നിര്‍ബന്ധമായും ഇത് ഒഴിവാക്കുന്നതിന് പൂര്‍ണമായി ശ്രമിക്കണം. അമിതമായി മദ്യപിക്കുന്നത് വഴി നിങ്ങളില്‍ ഉയര്‍ന്ന രക്തസമ്മര്‍ദ്ദം, ഹൃദയസ്തംഭനം, ഹൃദയാഘാതം തുടങ്ങിയ ഗുരുതരമായ ആരോഗ്യപ്രശ്‌നങ്ങള്‍ക്കുള്ള സാധ്യത വര്‍ദ്ധിക്കുന്നു. പൂര്‍ണമായും നിര്‍ത്താന്‍ സാധിക്കാത്തവര്‍ പതുക്കെ പതുക്കെ അളവ് കുറച്ച് കൊണ്ട് വന്ന് പൂര്‍ണമായും നിര്‍ത്തുന്നതിന് ശ്രദ്ധിക്കണം. .ആരോഗ്യത്തിന്റെ കാര്യത്തില്‍ എന്തെങ്കിലും അസ്വസ്ഥത തോന്നിയാല്‍ ഒരിക്കലും സ്വയം ചികിത്സ അരുത്, ഡോക്ടറെ കാണുന്നതിന് ശ്രദ്ധിക്കണം.