Just In
- 4 min ago ജീവിതത്തില് സന്തോഷവും ഐശ്വര്യവും, വാസ്തുദോഷങ്ങള് നീക്കും വെള്ളി മയില് വീട്ടില് ഈ ദിശയില്
- 49 min ago 35-ന് ശേഷവും യൗവ്വനവും തുടിപ്പും നിലനിര്ത്താം, എല്ലുകള് സ്ട്രോംങ് ആക്കാന് പാനീയങ്ങള്
- 2 hrs ago നിങ്ങളുടെ ദാമ്പത്യബന്ധം ശക്തമാണോ? പങ്കാളിയുടെ സ്നേഹം മനസിലാക്കിത്തരും ഈ 8 ലക്ഷണങ്ങള്
- 3 hrs ago ദുരിതമോചനവും കാര്യവിജയവും എന്നും കൂടെ; ഹനുമാന്റെ അനുഗ്രഹത്തോടെ ഭൂമിയിലെത്തുന്ന 4 രാശിക്കാര്
Don't Miss
- Movies ഐശ്വര്യ റായി മകള് ആരാധ്യയെ ബോളിവുഡ് പാര്ട്ടികളില് നിന്നും മാറ്റി നിര്ത്തുകയാണ്! കാരണമിത്
- News മുതിർന്ന പൗരന്മാരുടെ നിക്ഷേപത്തിന് 8.2 ശതമാനം വരെ പലിശ; പോസ്റ്റ് ഓഫീസിന്റെ ഈ തകർപ്പൻ സ്കീം അറിയാമോ?
- Sports T20 World Cup 2024: റിഷഭും സഞ്ജുവുമല്ല; ധോണി വിക്കറ്റ് കീപ്പറാവണം! കാരണം വീരു പറയുന്നു
- Automobiles മകൾക്ക് 3 കോടിയുടെ പോർഷ കാർ സമ്മാനിച്ച് മലയാളി വ്യവസായി; ഹൈലൈറ്റായ അച്ഛനെയും മകളെയും മനസിലായോ
- Finance ആദ്യ സെഷനിൽ നേട്ടം കൊയ്ത രണ്ട് കമ്പനികൾ, മുന്നേറ്റം 5 ശതമാനം വരെ, വിപണിയിലും ഉണർവ്വ്
- Technology തലച്ചോറുള്ളവർ ഇത് വാങ്ങും, അല്ലാത്തവർ പുച്ഛിക്കും! ഹോണറിന്റെ ഈ 5ജി ഫോണിന് ഞെട്ടിക്കുന്ന വിലക്കുറവ്
- Travel വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
കോവിഡില് നിന്ന് പരിരക്ഷ; കരുത്തുറ്റ ശ്വാസകോശത്തിന് വേണ്ടത് ഇത്
ശരീരത്തിലെ ഏറ്റവും പ്രധാനപ്പെട്ട അവയവങ്ങളില് ഒന്നാണ് ശ്വാസകോശം. എല്ലാ ശാരീരിക പ്രവര്ത്തനങ്ങള്ക്കും ഓക്സിജന് നല്കുകയും നിങ്ങളെ ആരോഗ്യത്തോടെ നിലനിര്ത്തുകയും ചെയ്യുന്നത് ശ്വാസകോശമാണ്. എന്നാല് നിങ്ങളുടെ ശരീരത്തിന്റെ മറ്റ് ഭാഗങ്ങളായ ഹൃദയം, സന്ധികള് എന്നിവ പോലെതന്നെ നിങ്ങളുടെ പ്രായം കൂടുന്തോറും നിങ്ങളുടെ ശ്വാസകോശത്തിന്റെ പ്രവര്ത്തനവും മന്ദഗതിയിലാകുന്നു. ആരോഗ്യ വിദഗ്ധര് പറയുന്നത് ചെറുപ്പത്തില്ത്തന്നെ ശ്വാസകോശ ശേഷി ക്രമേണ വര്ദ്ധിക്കുകയും പ്രായമാകുമ്പോള് പതുക്കെ കുറയുകയും ചെയ്യുന്നുവെന്നാണ്. അതിനാല്, നിങ്ങളുടെ ശ്വാസകോശം എങ്ങനെ മാറുന്നുവെന്നും ഏത് ഘട്ടത്തിലാണ് ചികിത്സകള് വേണ്ടതെന്നും മനസിലാക്കേണ്ടത് കൂടുതല് പ്രധാനമാണ്.
Most read: വയറ് ശരിയായാല് എല്ലാം ശരിയായി; പ്രോബയോട്ടിക്സിന്റെ ഗുണം
ശാരീരികവും ജീവിതശൈലി മാറ്റങ്ങളും നിങ്ങളുടെ ശ്വാസകോശ ശേഷിയെ ബാധിക്കുന്നു. ഉദാഹരണത്തിന് പുകവലി, വായു മലിനീകരണം, ആവര്ത്തിച്ചുള്ള ശ്വാസകോശ സംബന്ധമായ അണുബാധകള് എന്നിവ ശ്വാസകോശത്തിന്റെ തകര്ച്ച വേഗത്തിലാക്കും. നിങ്ങളുടെ ശരീരത്തിന്റെ മറ്റ് ഭാഗങ്ങള് പോലെതന്നെ ശ്വാസകോശത്തിനും ദൈനംദിന പരിചരണവും ശ്രദ്ധയും ആവശ്യമാണ്. സ്ഥിരമായി വ്യായാമം ചെയ്യുന്നതിലൂടെയും ആരോഗ്യകരമായ ഭക്ഷണം കഴിക്കുന്നതിലൂടെയും ആരോഗ്യകരമായൊരു ശ്വാസകോശം നിങ്ങള്ക്ക് നേടാന് സാധിക്കും. ഈ കോവിഡ് പ്രതിസന്ധി കാലഘട്ടത്തില് നിങ്ങളുടെ ശ്വാസകോശം മികച്ച രീതിയില് പ്രവര്ത്തിക്കാനും നിങ്ങളുടെ ആരോഗ്യം വര്ദ്ധിപ്പിക്കാനും സഹായിക്കുന്നതിന് കൈക്കൊള്ളേണ്ട ചില വഴികള് ഇതാ.
പതിവായുള്ള വ്യായാമം
നിങ്ങളുടെ ശ്വാസകോശത്തെയും ഹൃദയത്തെയും ആരോഗ്യകരമായി നിലനിര്ത്താന് നിങ്ങള്ക്ക് ചെയ്യാന് കഴിയുന്ന ഏറ്റവും പ്രധാനപ്പെട്ട കാര്യമാണ് പതിവായി വ്യായാമം ചെയ്യുക എന്നത്. ശാരീരികമായി സജീവമാകുമ്പോള് ഹൃദയം വേഗത്തില് സ്പന്ദിക്കുന്നു, ശ്വാസകോശം കൂടുതല് കഠിനമായി പ്രവര്ത്തിക്കുന്നു. പേശികള്ക്ക് ഇന്ധനം നല്കാന് ശരീരത്തിന് കൂടുതല് ഓക്സിജന് ആവശ്യമാണ്. വ്യായാമത്തിലൂടെ ശക്തവും ആരോഗ്യകരവുമായ ശ്വാസകോശം വികസിപ്പിക്കുന്നത് വാര്ദ്ധക്യത്തെ പ്രതിരോധിക്കാന് മാത്രമല്ല, രോഗങ്ങളെ പ്രതിരോധിക്കാനും സഹായിക്കും. നിങ്ങള് എത്രത്തോളം വ്യായാമം ചെയ്യുന്നുവോ അത്രയും കാര്യക്ഷമമായി നിങ്ങളുടെ ശ്വാസകോശം മാറാന് സാധ്യതയുണ്ട്.
ശ്വസന വ്യായാമങ്ങള്
ആഴത്തിലുള്ള ശ്വസനരീതികള് പരിശീലിക്കുക, പ്രത്യേകിച്ച് എംഫിസെമ, ബ്രോങ്കൈറ്റിസ്, ആസ്ത്മ എന്നിവ അനുഭവിക്കുന്നവര്. അത്തരം പ്രശ്നങ്ങളില്ലാത്തവരും ഇത് പിന്തുടരണം. ഡയഫ്രാമാറ്റിക് ശ്വസനം എന്ന സാങ്കേതികത ആഴത്തിലുള്ള ശ്വസനത്തെ പ്രോത്സാഹിപ്പിക്കുന്നു. ആഴത്തിലുള്ള ശ്വസന ചലനങ്ങള് ശ്വാസകോശത്തിലും നെഞ്ചിലും ആഴത്തിലുള്ള ശ്വസനത്തെയും പേശികളുടെ ചലനത്തെയും പ്രോത്സാഹിപ്പിക്കുന്നു. ശ്വാസകോശത്തിന്റെ പ്രവര്ത്തനം പ്രോത്സാഹിപ്പിക്കുന്നതിനുള്ള ഒരു അത്ഭുതകരമായ വ്യായാമമാണ് പ്രാണായാമം.
Most read:പെട്ടെന്ന് തടി കുറയാന് ഇതെല്ലാം ശീലമാക്കൂ; ഫലം ഉറപ്പ്
ആരോഗ്യകരമായ ഭക്ഷണം
ശരിയായ അളവില് പ്രോട്ടീനുകളും ആന്റിഓക്സിഡന്റുകളും ഉപയോഗിച്ച് സമീകൃതാഹാരം കഴിക്കുന്നത് ശ്വസന പേശികളെയും ശ്വാസകോശ പ്രതിരോധശേഷിയെയും ശക്തിപ്പെടുത്താന് സഹായിക്കും. ശരീരത്തില് നന്നായി ജലാംശം നിലനിര്ത്താന് ആവശ്യമായ വെള്ളം കുടിക്കുക. വിറ്റാമിന്, ധാതു സമ്പുഷ്ടമായ ഭക്ഷണക്രമം പ്രതിരോധശേഷി വര്ദ്ധിപ്പിക്കും, കൂടാതെ വിഷവസ്തുക്കളെ നീക്കുകയും ചെയ്യും. സംസ്കരിച്ചതും ശുദ്ധീകരിച്ചതുമായ ഭക്ഷണപദാര്ത്ഥങ്ങള് കഴിക്കുന്നത് ഒഴിവാക്കണം. ഗ്രീന് ടീ, ബ്ലൂബെറി, തക്കാളി, നട്സ്, വിത്ത് എന്നിവ ശ്വാസകോശ ശേഷി വര്ദ്ധിപ്പിക്കുന്ന ആഹാരങ്ങളാണ്. വെളുത്തുള്ളിയും മഞ്ഞളും ആന്റിഓക്സിഡന്റ് അടങ്ങിയ ശക്തമായ ഭക്ഷണങ്ങളാണ്, അവയ്ക്ക് വൈറല് വിരുദ്ധ ഗുണങ്ങള് ഉണ്ടെന്ന് പറയപ്പെടുന്നു. ഒമേഗ -3 സമ്പന്നമായ ധാരാളം ഭക്ഷണങ്ങള് കഴിക്കുന്നത് ഉറപ്പാക്കുക. ഇത് ശ്വാസകോശത്തിലെ വീക്കം നിയന്ത്രിക്കുന്നതിനും മറ്റ് ശ്വാസകോശ സംബന്ധമായ അസുഖങ്ങള് കുറയ്ക്കുന്നതിനും സഹായിക്കുന്നു.
വാക്സിനേഷന്
അലര്ജിയോ ശ്വാസകോശ സംബന്ധമായ അസുഖമോ ഉള്ളവര്ക്ക് ഡോക്ടറുടെ നിര്ദ്ദേശപ്രകാരം ന്യുമോണിയ, ഇന്ഫ്ലുവന്സ എന്നിവയ്ക്ക് വാക്സിനേഷന് എടുക്കണം. മലിനീകരണവും ശ്വാസകോശ ശേഷിയെ പ്രതികൂലമായി ബാധിക്കുന്നു. അതിനാല് പുറത്തിറങ്ങുമ്പോള് മാസ്ക് ധരിക്കുക.
Most read:മുട്ടയേക്കാള് പ്രോട്ടീന് നല്കും ഈ ഭക്ഷണങ്ങള്; ശീലമാക്കിയാല് തടി ഉറപ്പ്
കാര്ഡിയോ വ്യായാമം
ഹൃദയമിടിപ്പ് ക്രമപ്പെടുത്താനും രക്തയോട്ടം പ്രോത്സാഹിപ്പിക്കാനും കഴിയുന്ന മിതമായതോ വേഗതയുള്ളതോ ആയ ശാരീരിക വ്യായാമങ്ങള് നിങ്ങള് പരിശീലിക്കുക. പതിവായുള്ള നടത്തം, ഓട്ടം, ജോഗിംഗ് എന്നീ കാര്ഡിയോ വ്യായാമങ്ങള് നിങ്ങളുടെ ശ്വസന ആരോഗ്യത്തിന് നല്ലതാണ്. ശ്വാസകോശത്തിന്റെ പ്രതിരോധശേഷി വര്ദ്ധിപ്പിക്കാനായി യോഗാസനങ്ങളും എയ്റോബിക് പ്രവര്ത്തനങ്ങളും സഹായിക്കും.
ഒഴിവാക്കേണ്ട കാര്യങ്ങള്
ശ്വാസകോശ ശേഷി നിലനിര്ത്തുന്നതിനുള്ള ആദ്യത്തേതും പ്രധാനപ്പെട്ടതുമായ കാര്യം പുകവലി ഒഴിവാക്കുക എന്നതാണ്. നിങ്ങളുടെ ശ്വാസകോശത്തോട് നിങ്ങള് ചെയ്യുന്ന ഏറ്റവും മോശമായ കാര്യങ്ങളില് ഒന്നാണ് ഇത്. ദീര്ഘകാലാടിസ്ഥാനത്തില് പുകയില ഉപയോഗിക്കുന്നത് മറ്റ് ശ്വാസകോശ സംബന്ധമായ പ്രശ്നങ്ങളും അണുബാധകളും ഉണ്ടാകാനുള്ള സാധ്യത വര്ദ്ധിപ്പിക്കുന്നു. പുകവലി നിങ്ങളുടെ ശ്വാസകോശ ആരോഗ്യത്തില് ദ്രുതഗതിയിലുള്ള കുറവുണ്ടാക്കുന്നു. ഇത് ഒരു നിശ്ചിത ഘട്ടത്തിന് അപ്പുറമെത്തിയാല് പിന്നെ ചികിത്സിച്ച് മാറ്റാനുമാവില്ല. കൂടാതെ, മറ്റ് പുകയില ഉല്പന്നങ്ങളും ഒഴിവാക്കുക.
Most read:ആരോഗ്യത്തിന് രാവിലെ ഓട്ടം മാത്രം പോരാ; ഇതുകൂടെ ശ്രദ്ധിക്കണം
മലിനീകരണം
ശ്വാസകോശത്തിന്റെ മെച്ചപ്പെട്ട പ്രവര്ത്തനത്തിന് നിങ്ങള് പുക, മലിനമായ അന്തരീക്ഷം, ശ്വാസകോശത്തെ തടസ്സപ്പെടുത്തുന്ന ഏതെങ്കിലും പ്രവര്ത്തനം എന്നിവ ഒഴിവാക്കണം. മലിനീകരണം കാരണം നിങ്ങളുടെ ശ്വസനം ബുദ്ധിമുട്ടാവുകയും ശ്വാസകോശം ക്രമേണ തകരാറിലാവുകയും ചെയ്യുന്നു.