വായുവിലൂടെ പകരുന്ന അപകടം; സൂക്ഷിക്കണം ഇവയെല്ലാം

കൊറോണ വൈറസ്

അതിവേഗം പടരുന്ന കൊറോണ വൈറസ്, SARS-CoV-2, 2020 ല്‍ ആഗോളതലത്തില്‍ ദശലക്ഷക്കണക്കിന് അണുബാധകള്‍ക്കും ലക്ഷക്കണക്കിന് മരണങ്ങള്‍ക്കും കാരണമായി. COVID-19 ന് കാരണമാകുന്ന കൊറോണ വൈറസ് പൊതുവെ വായുവിലൂടെയുള്ളതായി കണക്കാക്കപ്പെടുന്നില്ലെങ്കിലും, ചില സാഹചര്യങ്ങളില്‍ രോഗബാധിതനായ വ്യക്തി ചുമക്കുകയോ തുമ്മുകയോ ചെയ്യുമ്പോള്‍ ചില ഡ്രോപ്ലറ്റുകള്‍ അന്തരീക്ഷത്തില്‍ തങ്ങിനില്‍ക്കുകയും ഈ തുള്ളികള്‍ വേറൊരാളിലേക്ക് എത്തുമ്പോള്‍ അതുവഴി രോഗം പകരുകയും ചെയ്യുന്നുണ്ട്. പനി, ചുമ, ക്ഷീണം, ശ്വാസം മുട്ടല്‍ എന്നിവയാണ് കോവിഡ് -19 ന്റെ ഏറ്റവും സാധാരണമായ ലക്ഷണങ്ങള്‍. നിങ്ങള്‍ക്ക് ഈ ലക്ഷണങ്ങള്‍ അനുഭവപ്പെടുകയാണെങ്കില്‍, ഉടന്‍ തന്നെ ഒരു ഡോക്ടറെ കാണുക.

ജലദോഷം

ജലദോഷം ഒരു സാധാരണ രോഗാവസ്ഥയാണ്. എന്നാല്‍ ഓരോ വര്‍ഷവും ജലദോഷത്തിന്റെ കേസുകളുടെ എണ്ണം ദശലക്ഷക്കണക്കിന് ആണ് വര്‍ദ്ധിക്കുന്നത്. മിക്ക മുതിര്‍ന്നവര്‍ക്കും വര്‍ഷത്തില്‍ രണ്ടോ മൂന്നോ പ്രാവശ്യം ജലദോഷം വരുന്നു. കുട്ടികളില്‍ ഇത് പതിവായി കാണുന്നു. ഇത് വായുവിലൂടെ പകരുന്ന രോഗത്തിന്റെ കാര്യത്തില്‍ മുന്നില്‍ നില്‍ക്കുന്നതാണ്. ജലദോഷമാണ് സ്‌കൂളിലും ജോലിസ്ഥലത്തും ഹാജരാകാതിരിക്കാനുള്ള പലരുടേയും പ്രധാന കാരണം. ജലദോഷത്തിന് കാരണമാകുന്ന നിരവധി വൈറസുകള്‍ ഉണ്ട്, ഇതില്‍ സാധാരണയായി ഉള്ളത് റിനോവൈറസ് ആണ്.

പനി

നമ്മില്‍ മിക്കവര്‍ക്കും പനി വരാറുണ്ട്. ഇത് പകര്‍ച്ചവ്യാധിയായതിനാല്‍ വളരെ എളുപ്പത്തില്‍ പടരുന്നു. ഇത് 5 മുതല്‍ 7 ദിവസം വരെ മാറാതെ നില്‍ക്കുന്നുണ്ട്. ഏതെങ്കിലും കാരണത്താല്‍ നിങ്ങള്‍ക്ക് ദുര്‍ബലമായ രോഗപ്രതിരോധ ശേഷിയാണെങ്കില്‍ ഇത് പെട്ടെന്ന് മറ്റുള്ളവരിലേക്ക് എത്തുന്നു. ഇത്തരം അവസ്ഥകള്‍ ഉണ്ടെങ്കില്‍ പലപ്പോഴും അത് നിങ്ങളുടെ ശരീരത്തിന് പ്രതിരോധശേഷി വികസിപ്പിക്കുന്നത് പ്രയാസകരമാക്കുന്നു.

ചിക്കന്‍ പോക്‌സ്

നിങ്ങള്‍ക്ക് ചിക്കന്‍പോക്‌സ് ഉണ്ടെങ്കില്‍, ശരീരത്തില്‍ ഇതിന്റെ അടയാളങ്ങള്‍ വരുന്നതിന് മുന്‍പ് തന്നെ ഇത് ഒന്നോ രണ്ടോ ദിവസം വ്യാപിപ്പിക്കാം. രോഗം വികസിക്കാന്‍ രോഗം ബാധിച്ച ശേഷം 21 ദിവസം വരെ എടുക്കും. എല്ലാവരിലും ഒരു തവണ മാത്രമേ ചിക്കന്‍പോക്‌സ് ഉണ്ടാവുകയുള്ളൂ. തുടര്‍ന്ന് വൈറസ് പ്രവര്‍ത്തനരഹിതമാകും. പിന്നീടുള്ള ജീവിതത്തില്‍ വൈറസ് വീണ്ടും സജീവമാകുകയാണെങ്കില്‍, നിങ്ങള്‍ക്ക് ഷിംഗിള്‍സ് എന്ന വേദനാജനകമായ ചര്‍മ്മപ്രശ്‌നങ്ങള്‍ ഉണ്ടാവുന്നു.

അഞ്ചാം പനി

അഞ്ചാം പനി വളരെ വെല്ലുവിളി ഉയര്‍ത്തുന്ന ഒരു പകര്‍ച്ചവ്യാധിയാണ്. അഞ്ചാംപനി ഉണ്ടാക്കുന്ന വൈറസ് വായുവിലോ ഉപരിതലത്തിലോ 2 മണിക്കൂര്‍ വരെ സജീവമായി തുടരും. പനി മൂലം ഉണ്ടാവുന്ന ചുണങ്ങു പ്രത്യക്ഷപ്പെട്ട് 4 ദിവസം മുമ്പും 4 ദിവസത്തിനുശേഷവും നിങ്ങള്‍ക്ക് ഇത് മറ്റുള്ളവരിലേക്ക് കൈമാറാന്‍ കഴിയും. ചിക്കന്‍പോക്‌സ് പോലെ മിക്ക ആളുകള്‍ക്കും അഞ്ചാംപനി ഒരു തവണ മാത്രമേ ഉണ്ടാവുകയുള്ളൂ. ലോകമെമ്പാടുമുള്ള കുട്ടികള്‍ക്കിടയില്‍ മരണത്തിന് ഒരു പ്രധാന കാരണമാണ് അഞ്ചാംപനി. എന്നാല്‍ വാക്‌സിന്‍ എടുക്കുന്നതിലൂടെ ഈ രോഗത്തെ തടയാവുന്നതാണ്.

വില്ലന്‍ചുമ

ശ്വാസകോശ സംബന്ധമായ അസുഖം ശ്വാസനാളത്തിന്റെ വീക്കത്തിന് കാരണമാകുന്നു. ഇത് സ്ഥിരമായ ചുമയ്ക്ക് കാരണമാകുന്നു. ചുമ ആരംഭിച്ച് ഏകദേശം 2 ആഴ്ചയോളം ഇത് പകര്‍ച്ചവ്യാധിയായി മാറുന്നതിനുള്ള സാധ്യതയുണ്ട്. ലോകമെമ്പാടും, ഏകദേശം 24.1 ദശലക്ഷം ട്രസ്റ്റഡ് സോഴ്സ് കേസുകളില്‍ പ്രതിവര്‍ഷം വില്ലന്‍ ചുമ വരുന്നു. അതുകൊണ്ട് തന്നെ ഇത്തരം അവസ്ഥകള്‍ അല്‍പം ശ്രദ്ധിക്കേണ്ടതാണ്. ഇത് മരണകാരണം ആവുന്നതിനുള്ള സാധ്യതയും വളരെ കൂടുതലാണ്.

ക്ഷയം (ടിബി)

ടിബി വായുവിലൂടെ പകരുന്ന രോഗമാണ്. ഇത് എളുപ്പത്തില്‍ പടരാത്ത ഒരു ബാക്ടീരിയുള്ള അണുബാധയാണ്. നിങ്ങള്‍ സാധാരണയായി ഒരു വ്യക്തിയുമായി വളരെക്കാലം അടുത്ത ബന്ധം പുലര്‍ത്തുന്ന അവസ്ഥയുണ്ടെങ്കിലാണ് ഇത് ഒരു വ്യക്തിയില്‍ നിന്ന് മറ്റൊരു വ്യക്തിയിലേക്ക് പകരുകയുള്ളൂ. എന്നാല്‍ അസുഖം ബാധിക്കാതെയും മറ്റുള്ളവരിലേക്ക് പകരാതെയും നിങ്ങള്‍ക്ക് ടിബി ബാധിക്കാവുന്നതാണ്. ലോകമെമ്പാടുമുള്ള 1.4 ബില്യണ്‍ ആളുകള്‍ക്ക് ടിബി ഉണ്ട്. ഇത്രയുമാണ് വായുവിലൂടെ പകരുന്ന രോഗാവസ്ഥകള്‍.