ടോയ്ലറ്റ് സീറ്റിനേക്കാൾ മോശമാണ് ഇവയെല്ലാം, കാരണം

പാത്രം കഴുകാൻ ഉപയോഗിക്കുന്ന സ്‌പോഞ്ച്

നമ്മൾ അടുക്കളയിൽ പാത്രം കഴുകാൻ ഉപയോഗിക്കുന്ന സ്‌പോഞ്ചിന്റെ ഓരോ ചതുരശ്ര ഇഞ്ചിലും 10 മില്ല്യൺ ബാക്റ്റീരിയ ഉണ്ടെന്നാണ് പറയപ്പെടുന്നത്. ഇത് ഒരു ടോയിലറ്റ് സീറ്റ് ഉപയോഗിക്കുന്നതിന്റെ 2,00,000 മടങ്ങ് കൂടുതലാണ്. ഇത് നമ്മുടെ ആരോഗ്യത്തെ ബാധിക്കാം

ചോപ്പിംഗ് ബോർഡ്

മാംസ്യങ്ങൾ കട്ട് ചെയ്യാൻ ഉപയോഗിക്കുന്ന ചോപ്പിംഗ് ബോർഡ് കഴുകാതെ വയ്‌ക്കുമ്പോൾ അതിൽ വിസർജ്ജ്യത്തിൽ ഉള്ള അത്രയും ബാക്റ്റീരിയകൾ ഉണ്ടാവാൻ സാധ്യതയുണ്ട്. ഇങ്ങനെ കഴുകാതെ വയ്ക്കുന്ന ചോപ്പിംഗ് ബോർഡുകളിൽ ടോയ്‌ലറ്റ് സീറ്റിനേക്കാൾ 200 മടങ്ങ് വിസർജ്ജ്യ ബാക്ടീരിയകളുണ്ട്.

കാർപെറ്റ്

കാർപെറ്റുകളുടെ ഒരു ചതുരശ്ര ഇഞ്ചിൽ 2,00,000 ബാക്ടീരിയകളെങ്കിലും ഉണ്ടാകും, ഇത് ടോയ്‌ലറ്റ് സീറ്റിനേക്കാൾ 400 മടങ്ങ് മലിനമാണെന്നും പറയപ്പെടുന്നു.

ഐസ്

അമേരിക്കയിൽ വിവിധ റെസ്‌റ്റോറന്റുകളിൽ നടത്തിയ പഠനത്തിൽ പറയുന്നത്, ഐസിൽ റെസ്റ്റോറന്റ് ടോയ്‌ലറ്റിലെ വെള്ളത്തേക്കാൾ കൂടുതൽ ബാക്ടീരിയകൾ ഉണ്ടെന്നാണ്.

ടൂത്ത്ബ്രഷ്

അത്ഭുതപ്പെടേണ്ട, നമ്മളിൽ പലരും ടൂത്ത്ബ്രഷ് ബാത്ത് റൂമിൽ സൂക്ഷിക്കുന്നവരാണ്. ടോയ്‌ലറ്റ് ഫ്ലഷ് ചെയ്യുമ്പോൾ അതിലെ ബാക്റ്റീരിയ 6 ഫീറ്റ് വരെ സഞ്ചരിക്കുകയും വായുവിൽ 2 മണിക്കൂർ നിൽക്കുകയും ചെയ്യും. അതിനാൽ തന്നെ ടൂത്ത്ബ്രഷ് ബാത്ത്റൂമിൽ സൂക്ഷിക്കുന്നത് ആരോഗ്യകരമല്ല.

ഓഫീസ് ഡെസ്‌ക്

അത്ഭുതപ്പെടേണ്ട, നമ്മൾ ദിവസത്തിൽ കൂടുതൽ സമയവും ചിലവഴിക്കുന്ന സ്ഥലമാണ് ഓഫീസ് ഡെസ്‌ക്. ഒരു പഠനത്തിൽ പറയുന്നത് ടോയ്‌ലറ്റ് സീറ്റിൽ ഉള്ളതിനേക്കാൾ 400 മടങ്ങ് കൂടുതൽ ബാക്‌റ്റീരിയ ഉണ്ടെന്നാണ് പറയുന്നത്, ഇൻഫ്ലുവൻസ് വൈറസുകളാണ് ഇതിൽ കൂടുതലായും കണ്ടെത്തിയത്.

സെൽ ഫോൺ

മൊബൈൽ ഫോണിൽ ടോയ്‌ലറ്റ് സീറ്റിൽ ഉള്ളതിനേക്കാൾ 10 മടങ്ങ് കൂടുതൽ ബാക്റ്റീരിയ ഉണ്ടെന്നാണ് പറയപ്പെടുന്നത്. അതിനാൽ തന്നെ മൊബൈൽ ഫോൺ ദിവസേനെ ക്ലീൻ ചെയ്യുന്നത് എന്തുകൊണ്ടും നല്ലതുതന്നെ.

റെസ്‌റ്റ്‌റൂമിന്റെ തറ

ആളുകൾ അവരുടെ വൃത്തിയില്ലാത്ത ഷൂ ഉപയോഗിച്ച് തറയിലൂടെ നടക്കുമ്പോൾ തറ മലിനമാകുമെന്ന് നമുക്ക് അറിയാം എന്നാൽ ഇത്തരം തറയിലുള്ള ബാക്റ്റീരിയ ടോയിലറ്റ് സീറ്റിലുള്ളതിനേക്കാൾ കൂടുതലാണ്. പൊതു വിശ്രമമുറികളിൽ ഒരു ചതുരശ്ര ഇഞ്ചിന് 1.5 മുതൽ 2 മില്ല്യൺ വരെ ബാക്ടീരിയകളാണുള്ളത്, അതേസമയം ശരാശരി ടോയ്‌ലറ്റ് സീറ്റിൽ 50 മാത്രമേയുള്ളൂ.