തലയിലും കഴുത്തിലും ക്യാൻസർ വർദ്ധിക്കുന്നു, കാരണം

ലക്ഷണങ്ങള്‍ ഇങ്ങനെ

പലപ്പോഴും ചെറിയ ചില ലക്ഷണങ്ങളോടെയാണ് ഇത് തുടക്കം കുറിക്കുന്നത്. വായിലുണ്ടാവുന്ന ഉണങ്ങാത്ത മുറിവുകൾ, മുഴകൾ, കഴുത്തിലെ മുഴകൾ എന്നിവക്ക് അതിന്റേതായ പ്രാധാന്യം നൽകിയാൽ മതി ഒരു വിധം രോഗങ്ങളെ നമുക്ക് മുന്‍കൂട്ടി തിരിച്ചറിയാൻ സാധിക്കുന്നുണ്ട്. ഇതിൽ ശ്രദ്ധിക്കേണ്ടത് തൊണ്ടയിലെ ക്യാൻസർ ആണ്.

തുടരുന്ന ലക്ഷണങ്ങൾ

ശബ്ദത്തിൽ വരുന്ന മാറ്റങ്ങളും വളരെയധികം ശ്രദ്ധിക്കേണ്ടതാണ്. ഭക്ഷണം കഴിക്കുമ്പോൾ ഉണ്ടാവുന്ന തടസ്സവും തൊണ്ടയിലെ ക്യാൻസറിന്റെ പ്രധാന ലക്ഷണങ്ങളിൽ ഒന്നാണ്. മൂക്കിൽ കൂടിയുള്ള രക്തസ്രാവവും വർദ്ധിച്ച് വരുന്ന മൂക്കടപ്പും എല്ലാം മൂക്കിലെ ക്യാൻസറിൻറെ ലക്ഷണങ്ങളിൽ ഒന്നാണ്. ഈ അസുഖം വ്യാപിക്കുന്നതിന് അനുസരിച്ച് ചികിത്സിച്ച് ഭേദമാക്കുന്നതിനുള്ള സാധ്യത കുറയുകയാണ് ചെയ്യുന്നത്. മോണയിൽ നിന്ന് രക്തം വരുക, വായ തുറക്കാൻ ബുദ്ധിമുട്ട് ഉണ്ടാവുക എന്നിവയെല്ലാം ഹെഡ് ആന്റ് നെക്ക് ക്യാൻസറുകൾ ലക്ഷണങ്ങളിൽ പെടുന്നതാണ്.

തുടരുന്ന ലക്ഷണങ്ങൾ

മൂക്കിലെ ക്യാൻസര്‍ പലപ്പോഴും കാഴ്ചയെ വരെ ബാധിക്കുന്ന അവസ്ഥയിലേക്ക് നിങ്ങളെ എത്തിക്കുന്നുണ്ട്. ജലദോഷവും അലർജിയും എപ്പോഴും നിങ്ങളിൽ ഉണ്ടെങ്കിൽ അത് വളരെയധികം ശ്രദ്ധിക്കണം. മൂക്കിലെ ക്യാൻസർ മാത്രമല്ല ചെവിയിൽ നിന്നുള്ള രക്തസ്രാവവും പഴുപ്പും ചെവിയിലെ അർബുദ രോഗത്തിന്റെ ലക്ഷണങ്ങളിൽ ഒന്നാണ്. അതുകൊണ്ട് തന്നെ വളരെയധികം ശ്രദ്ധിക്കേണ്ടതാണ്.

പരിശോധനകൾ ഇങ്ങനെ

മുകളിൽ പറഞ്ഞ ലക്ഷണങ്ങളിൽ പ്രധാനപ്പെട്ടതിനെ തിരിച്ചറിഞ്ഞാൽ ഒട്ടും വൈകാതെ തന്നെ പരിശോധനകൾ നടത്തേണ്ടതാണ്. അതുകൊണ്ട് തന്നെ ഇതെല്ലാം കണ്ടെത്തിയാൽ ഉടനേ തന്നെ ഇ എൻ ടി സ്പെഷ്യലിസ്റ്റിനെ കാണേണ്ടതാണ്. രോഗനിർണയും നടത്തുന്നതിന് ഒരിക്കലും വൈകരുത്. സംശയം തോന്നിയാൽ ഉടനേ തന്നെ ബയോപ്സി, സ്കാനിങ്ങുകൾ എന്നിവയെല്ലാം നടത്തേണ്ടത് അത്യാവശ്യമാണ്.

ചികിസ്ത ഇങ്ങനെ

ഹെഡ് ആന്റ് നെക്ക് ക്യാൻസറുകൾ ഓരോ ഘട്ടത്തിനും അനുസരിച്ചാണ് ചികിത്സ നടത്തേണ്ടത്. ഡോക്ടറെ കണ്ട് ഏത് സ്റ്റേജിലാണ് ക്യാൻസർ എന്നുള്ളത് ആദ്യം തിരിച്ചറിയേണ്ടതാണ്. അല്ലെങ്കിൽ അത് ചികിത്സ വൈകുന്നതിന് കാരണമാകുന്നു. എത്രയും നേരത്തെയുള്ള സ്റ്റേജിൽ കണ്ടെത്തിയാല്‍ ഉടനേ തന്നെ ചികിത്സിച്ച് മാറ്റാൻ സാധിക്കുന്നതാണ് ഏത് ക്യാൻസറും.