Click it and Unblock the Notifications
Just In
-
-
-
-
Don't Miss
-
മണ്ടനെന്നു വിളിക്കുന്നവരെ മണ്ടനാക്കുന്നവന്; വിന്നറാകാന് ഏറ്റവും യോഗ്യന് ജിന്റോ തന്നെ! -
എൻഫീൽഡിന്റെ വില്ലനാവാൻ ഓസ്ട്രിയൻ മുതലാളി, കിടിലൻ ബൈക്കുകളുമായി ബ്രിക്സ്റ്റൺ ഇന്ത്യയിലേക്ക് -
ഇനി ഡാഷ് ക്യാം വാങ്ങേണ്ട! പഴയ ഫോൺ ഉണ്ടെങ്കിൽ എല്ലാം സെറ്റ്! -
IPL 2024: സഞ്ജുവിന്റെ വിക്കറ്റ് ഞാനും നേടിയിട്ടുണ്ട്, അന്ന് അവന് 16 വയസ്; ഓര്മ പുതുക്കി അക്രം -
15x15x15 - കോടിപതിയാകാൻ ഒരു സൂത്രവാക്യം -
അനധികൃത ഐപിഎൽ സ്ട്രീമിംഗ് കേസ്; നടി തമന്നയ്ക്ക് നോട്ടീസ്, ചോദ്യം ചെയ്യലിന് ഹാജരാകാൻ നിർദ്ദേശം -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ബ്രേക്ക്ഫാസ്റ്റ് കഴിച്ചില്ലെങ്കില്‍ ഓര്‍മ്മ നശിക്കും നാലിരട്ടി; പഠനം പറയുന്നത് ഇത്
തലച്ചോറിന്റെ ആരോഗ്യം ക്രമാതീതമായി കുറയുന്നതുമായി ബന്ധപ്പെട്ട ലക്ഷണങ്ങള്‍ക്കുള്ള പൊതുവായ പദമാണ് ഡിമെന്‍ഷ്യ. പ്രായമായവരില്‍ സാധാരണ കണ്ടുവരുന്ന രോഗങ്ങളിലൊന്നാണിത്. ഈ അവസ്ഥയില്‍ രോഗിക്ക് വൈജ്ഞാനിക പ്രവര്‍ത്തനം, ചിന്ത, ഓര്‍മ്മപ്പെടുത്തല്‍, ന്യായവാദം എന്നിവ നഷ്ടപ്പെടുന്നു. ചില സന്ദര്‍ഭങ്ങളില്‍, ഇത് ഒരു വ്യക്തിയുടെ ദൈനംദിന ജീവിതത്തെയും പ്രവര്‍ത്തനങ്ങളെയും തടസ്സപ്പെടുത്തുന്ന തരത്തില്‍ വര്‍ദ്ധിക്കും.
ഡിമെന്‍ഷ്യ ബാധിച്ച ചില ആളുകള്‍ക്ക് അവരുടെ വികാരങ്ങളുടെ നിയന്ത്രണം നഷ്ടപ്പെടും, അവരുടെ വ്യക്തിത്വവും മാറിയേക്കാം. ദ ലാന്‍സെറ്റിന്റെ സമീപകാല റിപ്പോര്‍ട്ട് അനുസരിച്ച്, 2050-ഓടെ ഇന്ത്യയില്‍ ഡിമെന്‍ഷ്യ കേസുകള്‍ ഇരട്ടിയാകുമെന്ന് പറയുന്നു. 2019-ല്‍ ഇത് 38 ലക്ഷമായിരുന്നത് 1.14 കോടിയായി ഉയരുമെന്ന് പഠനം പ്രവചിക്കുന്നു.
ഡിമെന്‍ഷ്യ എന്ന വില്ലന്‍
ഡിമെന്‍ഷ്യയുടെ ലക്ഷണങ്ങള്‍ 60കളില്‍ പ്രത്യക്ഷപ്പെടാന്‍ തുടങ്ങുന്നു, എന്നാല്‍ 30-കളിലും 40-കളിലും നമ്മള്‍ ചെയ്യുന്ന കാര്യങ്ങള്‍ അതിനെ ഗുരുതരമായി ബാധിക്കും. മോശം ജീവിതശൈലി, ക്രമരഹിതമായ ഭക്ഷണരീതികള്‍, ശാരീരിക പ്രവര്‍ത്തനങ്ങളുടെ അഭാവം, ഇവയെല്ലാം ഈ അവസ്ഥ വികസിപ്പിക്കുന്നതിനും നമ്മുടെ തലച്ചോറിന്റെ പ്രവര്‍ത്തനത്തെ ബാധിക്കുന്നതിനും കാരണമാകുന്നു. ഡിമെന്‍ഷ്യയുമായി ബന്ധപ്പെട്ട അവബോധവും ധാരണയും ആളുകള്‍ക്കിടയില്‍ വര്‍ദ്ധിച്ചുവരുന്നു. ഈ അവസ്ഥയുടെ തുടക്കം വൈകിപ്പിക്കാനും ഉചിതമായ നടപടികള്‍ കൈക്കൊണ്ടുകൊണ്ട് പിന്നീടുള്ള ജീവിതത്തില്‍ അത് കൈകാര്യം ചെയ്യാനും ഇത് സഹായിച്ചിട്ടുണ്ട്. ഒരു വ്യക്തിക്ക് 60 വയസ് പ്രായത്തിലെത്തുമ്പോള്‍ ഡിമെന്‍ഷ്യ ലക്ഷണങ്ങള്‍ കൂടുതല്‍ വ്യക്തമാകും.
പ്രഭാത ഭക്ഷണം ഒഴിവാക്കിയാലുള്ള പ്രത്യാഘാതം
ഡിമെന്‍ഷ്യ വരാനുള്ള നിങ്ങളുടെ സാധ്യത നാലിരട്ടി വര്‍ദ്ധിപ്പിക്കുന്ന ഒരു ശീലമാണ് പ്രഭാതഭക്ഷണം ഒഴിവാക്കുന്ന ശീലം. പ്രഭാതഭക്ഷണമാണ് ദിവസത്തിലെ ഏറ്റവും പ്രധാനപ്പെട്ട ഭക്ഷണം. രാവിലെ പോഷകസമൃദ്ധവും ആരോഗ്യകരവുമായ ഭക്ഷണം കഴിക്കുന്നത് ശ്രദ്ധ കേന്ദ്രീകരിക്കാനും ദിവസം മുഴുവന്‍ നിങ്ങളെ സജീവമായി നിലനിര്‍ത്താനും സഹായിക്കും. മറുവശത്ത്, ഇത് നഷ്ടമായാല്‍ നിങ്ങള്‍ക്ക് ക്ഷീണം അനുഭവപ്പെടാം. ഒരു പുതിയ പഠനം തെളിയിക്കുന്നത്, ഒരു ദിവസത്തെ ആദ്യ ഭക്ഷണം നഷ്ടപ്പെടുത്തുന്നത് പിന്നീട് ജീവിതത്തില്‍ ഡിമെന്‍ഷ്യ വരാനുള്ള സാധ്യത വര്‍ദ്ധിപ്പിക്കും എന്നാണ്. ജാപ്പനീസ് ജേണല്‍ ഓഫ് ഹ്യൂമന്‍ സയന്‍സസ് ഓഫ് ഹെല്‍ത്ത്-സോഷ്യല്‍ സര്‍വീസസില്‍ പ്രസിദ്ധീകരിച്ച കണ്ടെത്തലുകള്‍ പ്രഭാതഭക്ഷണം ഒഴിവാക്കുന്നത് അപകടസാധ്യത നാലിരട്ടി വര്‍ദ്ധിപ്പിക്കുമെന്ന് വെളിപ്പെടുത്തി.
പഠനം പറയുന്നത്
ജാപ്പനീസ് ജേണല്‍ ഓഫ് ഹ്യൂമന്‍ സയന്‍സസ് ഓഫ് ഹെല്‍ത്ത്-സോഷ്യല്‍ സര്‍വീസസില്‍ പ്രസിദ്ധീകരിച്ച ഒരു പഠനത്തില്‍ നിന്ന് കൗതുകകരമായ ഒരു റിപ്പോര്‍ട്ട് പുറത്തുവന്നു. ജീവിതശൈലി ശീലങ്ങളും ഡിമെന്‍ഷ്യയും തമ്മിലുള്ള ബന്ധം മനസ്സിലാക്കുക എന്നതായിരുന്നു ലക്ഷ്യം. ജപ്പാനിലെ ഒരു നഗര കേന്ദ്രത്തിനടുത്തുള്ള ഒരു കര്‍ഷക സമൂഹത്തില്‍ ആറ് വര്‍ഷത്തിലേറെയായി പഠനം നടത്തി, അതില്‍ 65 വയസോ അതില്‍ കൂടുതലോ പ്രായമുള്ള 525 മുതിര്‍ന്നവര്‍ പങ്കെടുത്തു. പഠനത്തിനൊടുവില്‍, ലിംഗഭേദവും പ്രായവും പരിഗണിക്കാതെ, പ്രഭാതഭക്ഷണം കഴിക്കാത്തവരില്‍ ഡിമെന്‍ഷ്യ വരാനുള്ള സാധ്യത നാലിരട്ടി കൂടുതലാണെന്ന് കണ്ടെത്തി.
ഡിമെന്‍ഷ്യയുടെ സാധ്യത കുറയ്ക്കാന്‍
പ്രഭാതഭക്ഷണം കഴിക്കാത്തവരില്‍ ഡിമെന്‍ഷ്യ രോഗനിര്‍ണയം നാലിരട്ടി കൂടുതലാണെന്ന് പഠനംം വെളിപ്പെടുത്തി. ലഘുഭക്ഷണം കഴിക്കുന്നവരില്‍ ഡിമെന്‍ഷ്യ രോഗനിര്‍ണയം 2.7 മടങ്ങ് കൂടുതലാണെന്നും ഉപ്പ് ഉപഭോഗത്തെക്കുറിച്ച് ബോധമില്ലാത്തവരില്‍ 2.5 മടങ്ങ് കൂടുതലും പോഷക സന്തുലിതാവസ്ഥയെക്കുറിച്ച് ശ്രദ്ധിക്കാത്തവരില്‍ 2.7 മടങ്ങ് കൂടുതലാണെന്നും പഠനം പറയുന്നു. അതിനാല്‍, ഒരാള്‍ ശരിയായ സമീകൃതാഹാരം സ്വീകരിക്കണമെന്നും ഡിമെന്‍ഷ്യയുടെ സാധ്യത കുറയ്ക്കണമെങ്കില്‍ പ്രഭാതഭക്ഷണം ഒരിക്കലും ഒഴിവാക്കരുതെന്നും നിര്‍ദ്ദേശിക്കുന്നു.
ഡിമെന്‍ഷ്യ തടയാന്‍
ഡിമെന്‍ഷ്യയെ തടയാന്‍ പ്രയാസമാണ്, അതിന്റെ കാരണങ്ങള്‍ പലപ്പോഴും അറിയില്ല. എന്നാല്‍ സ്‌ട്രോക്ക് മൂലമുണ്ടാകുന്ന ഡിമെന്‍ഷ്യ ഉള്ള ആളുകള്‍ക്ക് ഹൃദ്രോഗം കുറയ്ക്കുന്നതിലൂടെ ഭാവിയിലെ കുറവുകള്‍ തടയാന്‍ കഴിയും. നിങ്ങളുടെ മൊത്തത്തിലുള്ള ആരോഗ്യത്തിന് ഈ തന്ത്രങ്ങളില്‍ നിന്ന് പ്രയോജനം നേടാം:
* പുകവലിക്കരുത്
* ആരോഗ്യകരമായ ശരീരഭാരത്തില്‍ തുടരുക.
* ധാരാളം വ്യായാമം ചെയ്യുക.
* ആരോഗ്യകരമായ ഭക്ഷണം കഴിക്കുക.
* പ്രമേഹം, ഉയര്‍ന്ന രക്തസമ്മര്‍ദ്ദം, ഉയര്‍ന്ന കൊളസ്‌ട്രോള്‍ എന്നിവയുള്‍പ്പെടെയുള്ള ആരോഗ്യപ്രശ്‌നങ്ങള്‍ കൈകാര്യം ചെയ്യുക.
* പുതിയ ഹോബികള്‍ പഠിക്കുക, വായിക്കുക, അല്ലെങ്കില്‍ ക്രോസ് വേഡ് പസിലുകള്‍ പരിഹരിക്കുക എന്നിവയിലൂടെ മാനസികമായി ജാഗ്രത പുലര്‍ത്തുക.
* സാമൂഹികമായി സജീവമാകുക
