പ്രോട്ടീന്‍ ഉപഭോഗം കൂടുതലോ, ശരീരം കാണിക്കും അസ്വസ്ഥതകള്‍ നിസ്സാരമല്ല

അമിത ദാഹം

നിങ്ങളുടെ ശരീരത്തില്‍ പ്രോട്ടീന്റെ ഉപയോഗം അല്ലെങ്കില്‍ അളവ് കൂടുതലാണെങ്കില്‍ അത് അല്‍പം ശ്രദ്ധിക്കണം. കാരണം ഇത് നിങ്ങള്‍ക്ക് ദാഹത്തിന്റെ രൂപത്തിലുള്ള ചില ലക്ഷണങ്ങള്‍ പ്രകടമാക്കിയേക്കാം. കാരണം ഭക്ഷണത്തില്‍ നിന്ന് പോഷകങ്ങളെ വേര്‍ തിരിച്ച് എടുക്കുന്നതിന് വൃക്കകള്‍ക്ക് ധാരാളം വെള്ളം ആവശ്യമാണ്. എന്നാല്‍ പ്രോട്ടീന്റെ ഉപയോഗം വര്‍ദ്ധിക്കുന്ന അവസ്ഥയില്‍ ശരീരത്തില്‍ നിന്ന് പോഷകങ്ങള്‍ വേര്‍തിരിച്ച് എടുക്കുന്നതിന് പലപ്പോഴും കൂടുതല്‍ കഠിനാധ്വാനം ആവശ്യമായി വരുന്നു. ആ സമയം നിങ്ങള്‍ക്ക് അമിത ദാഹം ഉണ്ടാവുന്നു. എന്നാല്‍ നിങ്ങളുടെ വെള്ളം കുടി കുറവും പ്രോട്ടീന്‍ അടങ്ങിയ ഭക്ഷണങ്ങള്‍ ധാരാളം കഴിക്കുകയും ചെയ്താല്‍ അത് പലപ്പോഴും കൂടുതല്‍ തകരാറിലേക്ക് വൃക്കകളെ എത്തിക്കുന്നു. അതുകൊണ്ട് തന്നെ വളരെയധികം ശ്രദ്ധിക്കേണ്ടതാണ്. ഇത്തരം അവസ്ഥയില്‍ പ്രോട്ടീന്റെ അളവ് അല്‍പം കുറക്കുന്നത് നല്ലതാണ്.

മലബന്ധം

സാധാരണ പലരിലും മലബന്ധം എന്ന അവസ്ഥയുണ്ടാവുന്നുണ്ട്. എന്നാല്‍ എന്തുകൊണ്ടാണ് ഇത് സംഭവിക്കുന്നത് എന്ന് നിങ്ങള്‍ ചിന്തിച്ചിട്ടുണ്ടോ? പലരിലും അമിതമായ പ്രോട്ടീന്റെ ഉപയോഗം മലന്ധത്തിലേക്ക് നയിക്കുന്നു. പലപ്പോഴും മുട്ട, മാംസം, പാസ്ത തുടങ്ങിയ ഭക്ഷണങ്ങള്‍ കഴിക്കുന്നവര്‍ ഫൈബര്‍ അടങ്ങിയ ഭക്ഷണങ്ങള്‍ വളരെ കുറച്ച് മാത്രമേ കഴിക്കാറുള്ളൂ. ഇത് ശരീരത്തിന് ചില അസ്വസ്ഥതകള്‍ ഉണ്ടാക്കുന്നതിലേക്ക് നയിക്കുന്നു. നാരുകള്‍ അടങ്ങിയ ഭക്ഷണം കഴിക്കേണ്ടതിന്റെ ആവശ്യകത മികച്ച ദഹനത്തിലേക്ക് നയിക്കുന്നു. എന്നാല്‍ ദഹന പ്രശ്‌നങ്ങള്‍ അവിടെ തടസ്സപ്പെടുമ്പോള്‍ അത് മലബന്ധമെന്ന അസ്വസ്ഥതയിലേക്ക് നിങ്ങളെ എത്തിക്കുന്നു. ഇത്തരം കാര്യങ്ങള്‍ എല്ലാം തന്നെ വളരെയധികം ശ്രദ്ധ വേണ്ട ഒന്നാണ്.

വായ് നാറ്റം

പെട്ടെന്നൊരു സമയം വായ്‌നാറ്റം കൂടിയത് പോലെ നിങ്ങള്‍ക്ക് തോന്നുന്നുണ്ടോ? എന്നാല്‍ അതിന് കാരണം നിങ്ങളുടെ പ്രോട്ടീന്റെ അമിത ഉപഭോഗമാണ്. കാരണം പ്രോട്ടീന്‍ കൂടുതല്‍ കഴിക്കുന്നതിന്റെ ഫലമായി പലപ്പോഴും നിങ്ങള്‍ വളരെ കുറച്ച് കാര്‍ബോഹൈഡ്രേറ്റ് കഴിക്കുന്നു. ശരീരത്തിന് ആവശ്യത്തിന് കാര്‍ബോഹൈഡ്രേറ്റ് ലഭിക്കാതെ വരുന്ന അവസരത്തില്‍ ശ്വാസത്തിന് ദുര്‍ഗന്ധം അനുഭവപ്പെടുന്നു. അത് കൂടാതെ നമ്മുടെ മസ്തിഷ്‌കത്തിന്റെ ആരോഗ്യത്തിനും പ്രോട്ടീന്‍ ചില അവസരങ്ങളില്‍ വെല്ലുവിളി ഉയര്‍ത്തുന്നു. കാരണം നമ്മുടെ ശരീരത്തിന്റെ ശരിയായ പ്രവര്‍ത്തനത്തിനും മസ്തിഷ്‌കത്തിന്റെ പ്രവര്‍ത്തനത്തിനും വളരെ അത്യാവശ്യമായി വേണ്ട ഒന്നാണ് കാര്‍ബോഹൈഡ്രേറ്റ്. ഇത് ശരീരത്തിന് ലഭിക്കാതെ വരുമ്പോള്‍ പല വിധത്തിലുള്ള പ്രശ്‌നങ്ങള്‍ ഉണ്ടാക്കുന്നു. നിങ്ങള്‍ക്ക് പെട്ടെന്ന് ദേഷ്യം വരുകയും മാനസിക നില വിട്ട് പെരുമാറുകയും ചെയ്യുന്നു. അതുകൊണ്ട് അല്‍പം ശ്രദ്ധിക്കണം.

രോഗങ്ങളുടെ ഉയര്‍ന്ന സാധ്യത

രോഗങ്ങള്‍ പലപ്പോഴും നമ്മുടെ ചില അശ്രദ്ധകള്‍ കൊണ്ട് വരുന്നവയാണ്. എന്നാല്‍ ഇതില്‍ ഭക്ഷണത്തിനുള്ള പങ്ക് ഒട്ടും തള്ളിക്കളയാന്‍ സാധിക്കുകയില്ല. രോഗങ്ങളുടെ സാധ്യത കുറക്കുന്നതിന് വേണ്ടിയാണം ശ്രമിക്കുന്നതെങ്കില്‍ പ്രോട്ടീന്റെ അമിത ഉപയോഗം ഒന്ന് നിയന്ത്രിക്കുന്നത് നല്ലതാണ്. കാരണം ചില പ്രോട്ടീന്‍ ഭക്ഷണങ്ങള്‍ പ്യൂരില്‍ വളരെ ഉയര്‍ന്ന അളവില്‍ അടങ്ങിയിട്ടുണ്ടാവുന്നു. പ്രത്യേകിച്ച് റെഡ് മീറ്റ് പോലുള്ളവയില്‍. ഇത് കുടലില്‍ ക്യാന്‍സറും മറ്റ് ഹൃദയ സംബന്ധമായ അസുഖങ്ങളിലേക്കും നിങ്ങളെ എത്തിക്കുന്നു. ഇത്തരം അവസ്ഥയില്‍ വളരെയധികം ശ്രദ്ധ അത്യാവശ്യമാണ്. എന്നാല്‍ എല്ലാ പ്രോട്ടീന്‍ ഭക്ഷണങ്ങളും ഇത്തരത്തിലുള്ള സാധ്യത വര്‍ദ്ധിപ്പിക്കുന്നതല്ല എന്നതും മനസ്സിലാക്കണം. അണ്ടിപ്പരിപ്പ് പയര്‍ വര്‍ഗ്ഗങ്ങള്‍ എന്നിവ ആരോഗ്യത്തിന് മികച്ച ഗുണങ്ങള്‍ നല്‍കുന്നതാണ്. ഇവ പലപ്പോഴും ഹൃദയ സംബന്ധമായ അസുഖങ്ങള്‍ക്കുള്ള സാധ്യതയെ വരെ കുറക്കുന്നതിന് സഹായിക്കുന്നു.