Click it and Unblock the Notifications
Just In
-
-
-
-
Don't Miss
-
ADAS ദുരുപയോഗം ചെയ്യുന്നവര് ദേ കാണ്... മഹീന്ദ്ര XUV700 യാത്രക്കാരുടെ ജീവന് രക്ഷിച്ച് സേഫ്റ്റി ഫീച്ചര് -
IPL 2024: ലോകം മുഴുവന് കണ്ടു, കണ്ണടച്ച് അംപയര്! മുംബൈക്കു മാത്രമല്ല ചെന്നൈയ്ക്കും പിന്തുണ -
ബിനുവിനെക്കൊണ്ട് അത് പറയിപ്പിച്ചത് ഞാന്; പലരും ബിനുവിനെ ഉന്നം വെക്കാന് അതും ഉപയോഗിച്ചു -
'രാഹുല് ഗാന്ധി ലീഗ് പതാക പിടിച്ചു': ഹിന്ദു വിരുദ്ധ വികാരം പടർത്തുന്നുവെന്ന് കേന്ദ്ര മന്ത്രി -
മോനേ... ജാഡ കാണിക്കാൻ ഇത്രേം പറ്റിയ ഐറ്റം വേറെയില്ല! ഐഫോൺ 15 പ്രോയ്ക്ക് ഡിസ്കൗണ്ട് -
ഇടുക്കി ഡാം സന്ദർശനം; പ്രവേശന നിയന്ത്രണം മുതൽ യാത്രയ്ക്കു മുൻപ് അറിയേണ്ട ആറു കാര്യങ്ങൾ -
കുറയാൻ മറന്നിട്ടില്ല, സംസ്ഥാനത്ത് സ്വർണവിലയിൽ നേരിയ കുറവ്, ഇന്നത്തെ നിരക്കറിയാം
അറിയുമോ കൂണ്‍ കഴിച്ചാലുള്ള ഈ പ്രത്യാഘാതങ്ങള്‍? ദോഷം പലവിധം
ആരോഗ്യത്തിന് ഗുണം ചെയ്യുന്നതും അവശ്യ പോഷകങ്ങള്‍ നല്‍കുന്നതുമായ ഒരു ഭക്ഷണമാണ് കൂണ്‍. ശരീരഭാരം കുറയ്ക്കാനും ഉപാപചയ രോഗങ്ങള്‍ തടയാനും കൂണ്‍ നിങ്ങളെ സഹായിക്കുന്നു. കൂണ്‍ കുറഞ്ഞ കലോറി ഭക്ഷണമാണ്. കൂടാതെ ആവശ്യത്തിന് നാരുകള്‍, പ്രോട്ടീന്‍, ആന്റിഓക്സിഡന്റുകള്‍ എന്നിവയും ഇതില്‍ അടങ്ങിയിട്ടുണ്ട്.
ഇത് മിതമായ അളവില്‍ നിങ്ങള്‍ക്ക് കഴിക്കാം. എന്നിരുന്നാലും, കൂണ്‍ അമിതമായി കഴിക്കുന്നത് ചിലരില്‍ ശാരീരികവും മാനസികവുമായ പ്രശ്‌നങ്ങള്‍ ഉണ്ടാക്കും. അത് ചിലപ്പോള്‍ ഗുരുതരമായ സങ്കീര്‍ണതകളിലേക്കും നയിച്ചേക്കാം. ചില ഭക്ഷണ കോമ്പിനേഷനുകള്‍ക്കൊപ്പവും കൂണ്‍ കഴിക്കുന്നതില്‍ നിങ്ങള്‍ വളരെ ശ്രദ്ധാലുവായിരിക്കണം. കൂണിന്റെ പാര്‍ശ്വഫലങ്ങളെ കുറിച്ച് അറിയാന്‍ ഈ ലേഖനം നിങ്ങളെ സഹായിക്കും.
വയറിളക്കം, ഓക്കാനം, ഛര്‍ദ്ദി
ചില കൂണുകളുടെ ഏറ്റവും സാധാരണമായ പാര്‍ശ്വഫലങ്ങളാണ് വയറിളക്കം, ഓക്കാനം, ഛര്‍ദ്ദി എന്നിവ. ചിലരില്‍ കൂണ്‍ കഴിച്ച ഉടന്‍ തന്നെ വയറിളക്കം ഉണ്ടാകാം. എല്ലാവരുടെ ശരീരത്തിനും കൂണ്‍ പിടിക്കണമെന്നില്ല. കൂണ്‍ കഴിച്ചതിന് ശേഷം ദഹനസംബന്ധമായ പ്രശ്‌നങ്ങള്‍ അനുഭവപ്പെടുകയാണെങ്കില്‍ ഡോക്ടറെ കാണുക. കൂണ്‍ കഴിച്ചതിന് ശേഷം വയറിളക്കം, വയറുവേദന, ഛര്‍ദ്ദി, ഓക്കാനം തുടങ്ങിയ ദഹനവ്യവസ്ഥയുമായി ബന്ധപ്പെട്ട ചില പ്രശ്‌നങ്ങള്‍ ധാരാളം ആളുകള്‍ക്ക് അനുഭവപ്പെടുന്നു. അതിനാല്‍, ഈ ലക്ഷണങ്ങളില്‍ ഏതെങ്കിലും നിങ്ങള്‍ക്കുണ്ടെങ്കില്‍ കൂണ്‍ കഴിക്കുന്നത് ഒഴിവാക്കുക.
ചര്‍മ്മ അലര്‍ജി
ചിലരില്‍ കൂണിന്റെ ഒരു പാര്‍ശ്വഫലമാണ് ചര്‍മ്മ അലര്‍ജി. കൂണ്‍ കഴിക്കുന്നത് നിങ്ങളുടെ രോഗപ്രതിരോധ ശേഷി ശക്തിപ്പെടുത്താന്‍ സഹായിക്കും. എന്നാല്‍ ചില സന്ദര്‍ഭങ്ങളില്‍ കൂണ്‍ കഴിക്കുന്നത് അലര്‍ജി പ്രതിപ്രവര്‍ത്തനങ്ങള്‍ക്കും കാരണമാകും. ഇത് ചര്‍മ്മ തിണര്‍പ്പ്, പ്രകോപനം തുടങ്ങിയ ലക്ഷണങ്ങള്‍ക്ക് കാരണമാകും. കൂണ്‍ അമിതമായി കഴിക്കുമ്പോള്‍ ആളുകള്‍ അനുഭവിക്കുന്ന മറ്റ് പ്രശ്നങ്ങളാണ് മൂക്കില്‍ നിന്ന് രക്തസ്രാവം, മൂക്കും തൊണ്ടയും വരളുന്നത് എന്നിവ.
മയക്കം
കൂണ്‍ കഴിച്ചതിന് ശേഷം, ധാരാളം ആളുകള്‍ക്ക് ചിലപ്പോള്‍ ക്ഷീണവും മയക്കവും അനുഭവപ്പെടുന്നു. ചിലപ്പോള്‍ അങ്ങേയറ്റം അസ്വസ്ഥതയും അനുഭവപ്പെടും, നിങ്ങളുടെ ഊര്‍ജ്ജനില ഗണ്യമായി കുറയും. കൂണ്‍ കഴിക്കുന്ന അളവ് കുറച്ചാല്‍ ഈ പാര്‍ശ്വഫലങ്ങള്‍ ഒഴിവാക്കാം.
ഹാലൂസിനേഷന്
ഹാലൂസിനേഷന് കാരണമാകുന്ന സൈലോസിന്‍, സൈലോസിബിന്‍ പദാര്‍ത്ഥങ്ങള്‍ കൊണ്ട് നിര്‍മ്മിച്ച പ്രത്യേക കൂണ്‍ ഉണ്ട്. ഗര്‍ഭകാലത്ത് കൂണ്‍ കഴിക്കുന്നത് ഒഴിവാക്കണമെന്ന് ചില വിദഗ്ധര്‍ നിര്‍ദ്ദേശിക്കുന്നു.
ഉത്കണ്ഠ
ചില ആളുകളില്‍ കൂണ്‍ ഉത്കണ്ഠ ഉണ്ടാക്കുന്നു, ഇത് മിതമായത് മുതല്‍ കഠിനമായത് വരെയാകാം. ഉയര്‍ന്ന അളവില്‍ കൂണ്‍ കഴിക്കുമ്പോള്‍ ഈ പാര്‍ശ്വഫലങ്ങള്‍ കൂടുതല്‍ വഷളാകുന്നു.
എല്ലാത്തരം കൂണുകളും കഴിക്കാന്‍ കഴിയാത്തത് എന്തുകൊണ്ട്
പല തരത്തിലുള്ള കൂണുകള്‍ ഉണ്ട്. സാധാരണയായി ഇത് പരസ്പരം വേര്‍തിരിച്ചറിയാന്‍ കഴിയില്ല. വിഷമുള്ളതും അല്ലാത്തതുമായ കൂണുകള്‍ ഉണ്ട്. ഹെന്‍-ഓഫ്-വുഡ്‌സ്, ഓയ്‌സ്റ്റര്‍, സള്‍ഫര്‍ ഷെല്‍ഫ് കൂണ്‍ എന്നിവ സുരക്ഷിതവും രുചികരവും പോഷകപ്രദവുമായ ഇനങ്ങളാണ്. ഇവയും മറ്റ് പല കൂണുകളും കഴിക്കുന്നത് സുരക്ഷിതമാണെങ്കിലും, ഡെത്ത് ക്യാപ്, ഫോള്‍സ് മോറലുകള്‍, കോണോസൈബ് ഫിലാരിസ് തുടങ്ങിയ ഇനങ്ങള്‍ കഴിക്കുന്നത് ഗുരുതരമായ ആരോഗ്യ പ്രത്യാഘാതങ്ങള്‍ക്കും മരണത്തിനും കാരണമാകും. അറിയപ്പെടുന്ന കൂണ്‍ ഇനങ്ങളില്‍ ഏകദേശം 3% മാത്രമാണ് വിഷമുള്ളവ.
