ആര്‍ത്തവ സമയം ഈസിയാക്കും അടിവസ്ത്രം

ആര്‍ത്തവ കാലഘട്ടങ്ങളില്‍ സ്ത്രീകള്‍ക്ക് ധരിക്കാവുന്ന ഒരു തരം അടിവസ്ത്രമാണ് പീരിയഡ് അടിവസ്ത്രം. അടിവസ്ത്രം, പാഡുകള്‍, ടാംപണ്‍, ആര്‍ത്തവ കപ്പുകള്‍ എന്നിവ പോലെ ഈ സമയത്ത് ഈ അടിവസ്ത്രം സഹായിക്കുന്നുണ്ട്. ആര്‍ത്തവ സമയത്തുണ്ടാവുന്ന പല പ്രതിസന്ധികളേയും ഈ അടിവസ്ത്രത്തിലൂടെ നമുക്ക് മാറ്റാന്‍ സാധിക്കുന്നുണ്ട്. പീരിയഡ് അടിവസ്ത്രത്തെക്കുറിച്ച് വളരെ കുറച്ച് ആളുകള്‍ക്ക് മാത്രമേ ഇപ്പോള്‍ അറിയുകയുള്ളൂ. ഇത് ആര്‍ത്തവ സമയത്ത് സ്ത്രീകള്‍ക്ക് ഇത് വളരെ സൗകര്യപ്രദമാണ്. സ്ത്രീകള്‍ക്ക് ഒരു പിരീഡ് ഉള്ളപ്പോള്‍ അതില്‍ പാഡുകള്‍ ഇടാന്‍ കഴിയുന്ന തരത്തിലാണ് പീരിയഡ് അടിവസ്ത്രം നിര്‍മ്മിക്കുന്നത്. പീരിയഡ് അടിവസ്ത്രത്തെക്കുറിച്ച് വിശദമായി അറിയുന്നതിന് വേണ്ടി ഈ ലേഖനം നിങ്ങളെ സഹായിക്കുന്നുണ്ട്.

ഇത്തരത്തിലുള്ള അടിവസ്ത്രം ഒരു വിധത്തില്‍ ദ്രാവകങ്ങളെ ആഗിരണം ചെയ്യുന്നു. ഇത് ആര്‍ത്തവ സമയത്ത് മാത്രം നിര്‍മ്മിച്ചതാണെങ്കിലും പലപ്പോഴും സ്ത്രീകള്‍ മൂത്ര സംബന്ധമായ ആശങ്കകളെ പരിഹരിക്കുന്നതിനും ഉപയോഗിക്കുന്നുണ്ട്. ഇത് ഏത് സ്ത്രീകള്‍ക്കും വളരെയധികം സഹായകമാണ് എന്ന കാര്യത്തില്‍ സംശയം വേണ്ട. എല്ലാ വിദഗ്ദ്ധരുടെയും അഭിപ്രായത്തില്‍, പീരിയഡ് അടിവസ്ത്രത്തിന്റെ ഉപയോഗം പാഡുകളേക്കാള്‍ എളുപ്പവും പ്രയോജനകരവുമാണ്.

ഇത് എങ്ങനെ ഉപയോഗിക്കാം?

പീരിയഡ് അടിവസ്ത്രത്തില്‍ ഉപയോഗിക്കുന്ന ഫാബ്രിക് വളരെ മൃദുവാണ്. ഇതില്‍ വേണമെന്നുണ്ടെങ്കില്‍ ആര്‍ത്തവ സമയത്ത് ഒരു പാഡ് ഉപയോഗിച്ച് മുന്‍കൂട്ടി ഘടിപ്പിക്കാവുന്നതാണ്. ഇത്തരത്തില്‍ ഒരു പ്രത്യേക സൗകര്യത്തിലാണ് ഇത് നിര്‍മ്മിച്ചിരിക്കുന്നത്. ആവശ്യമെങ്കില്‍ ഒരു സ്ട്രിപ്പിന്റെ സഹായത്തോടെ പിടിക്കാന്‍ കഴിയുന്ന ഒരു പ്രത്യേക പാഡ് സാധ്യമാണ്. പീരിയഡ് അടിവസ്ത്രം ഉപയോഗിക്കാന്‍ ചില എളുപ്പവഴികളുണ്ട്. അവ എന്തൊക്കെയെന്ന് നമുക്ക് നോക്കാവുന്നതാണ്.

- നിങ്ങളുടെ ആര്‍ത്തവം സാധാരണമാണെങ്കില്‍, സാധാരണ അടിവസ്ത്രം പോലെ നിങ്ങള്‍ക്ക് ഇത് ധരിക്കാന്‍ കഴിയും.

- നിങ്ങള്‍ക്ക് ആര്‍ത്തവം വളരെ വേഗത്തിലാണ് ഉണ്ടാവുന്നതെങ്കില്‍ ഈ അടിവസ്ത്രത്തോടൊപ്പം പാഡുകളും പ്രയോഗിക്കാന്‍ കഴിയും.

-ഇത് രക്തത്തെ ആഗിരണം ചെയ്യുന്നതിന് വേണ്ടി മൈക്രോഫൈബര്‍ പോളിസ്റ്ററിന്റെ അധിക പാളികള്‍ ഉപയോഗിക്കുന്നു.

-ചര്‍മ്മവും യോനിയുമായി സമ്പര്‍ക്കം പുലര്‍ത്തുന്നതിനോ വസ്ത്രങ്ങളില്‍ രക്തക്കറ ആവുന്നതിനോ ഇതിലൂടെ സാധ്യമല്ല, അതിന് പരിഹാരം കാണുന്നതിന് വേണ്ടി ഈ പാളികള്‍ സഹായിക്കുന്നു.

-പീരിയഡ് അടിവസ്ത്രത്തിന്റെ പ്രാഥമിക ലക്ഷ്യം ദ്രാവകങ്ങള്‍ ആഗിരണം ചെയ്യുക, ബ്ലീഡിംങ് വസ്ത്രത്തിന് പുറത്തേക്ക് വരാതെ തടയുക, ചര്‍മ്മത്തില്‍ നിന്ന് ഈര്‍പ്പം നീക്കുക എന്നിവയാണ്.

-ഇത്തരം അടിവസ്ത്രത്തിന് സാധാരണ അടിവസ്ത്രം പോലെ പാഡുകള്‍ അങ്ങോട്ടും ഇങ്ങോട്ടും പോവുന്നില്ല എന്നത് തന്നെയാണ് പ്രത്യേകത.

പീരിയഡ് അടിവസ്ത്രത്തിന്റെ ഗുണങ്ങള്‍

പീരിയഡ് പ്രശ്‌നങ്ങള്‍ എല്ലായ്പ്പോഴും മാറിക്കൊണ്ടിരിക്കുന്നു. ഓരോ സ്ത്രീയുടെയും ഓരോ മാസവും എത്രമാത്രം ആരോഗ്യ പ്രശ്‌നങ്ങള്‍ കുറയ്ക്കാമെന്നതിനെക്കുറിച്ചാണ് ചിന്തിക്കുന്നത്. ജോലി ചെയ്യുന്ന സ്ത്രീകളും സ്‌കൂള്‍, കോളജ് വിദ്യാര്‍ത്ഥികളും ഇത്തരത്തിലുള്ള അടിവസ്ത്രം ഉപയോഗിക്കുന്നതിലൂടെ എങ്ങനെയാണ് പീരിയഡ് ട്രബിള്‍ കുറയ്ക്കുന്നത് എന്ന് നമുക്ക് നോക്കാവുന്നതാണ്.

- പീരിയഡ് അടിവസ്ത്രം ദുര്‍ഗന്ധം തടയുന്നു.

- അമിതമായ രക്തസ്രാവം ഉണ്ടാകുമ്പോഴും ഇത് സുരക്ഷിതമാണ്.

- പീരിയഡ് അടിവസ്ത്രം യാത്ര ചെയ്യുമ്പോള്‍ വളരെ ഫലപ്രദമാണ്.

- പീരിയഡ് അടിവസ്ത്രം ഒരു ഡിസ്‌പോസിബിള്‍ പോലെയാണ്. ഉപയോഗിച്ചതിന് ശേഷം വൃത്തിയാക്കുന്നതിനുള്ള ബുദ്ധിമുട്ട് നിങ്ങള്‍ക്കില്ല എന്നുള്ളത് തന്നെയാണ് കാര്യം.

പാര്‍ശ്വഫലങ്ങള്‍ ഉണ്ടാവുന്നുവോ?

ഇതിന് ചില പാര്‍ശ്വഫലങ്ങള്‍ ഉണ്ടായേക്കാമെന്ന് ചില വിദഗ്ധര്‍ വിശ്വസിക്കുന്നു, എന്നാല്‍ കൂടുതല്‍ അപകടകരമായ പാര്‍ശ്വഫലങ്ങള്‍ ഇതുവരെ കണ്ടെത്തിയിട്ടില്ല. പീരിയഡ് അടിവസ്ത്രം ഉപയോഗിക്കാന്‍ അല്‍പ്പം ചെലവേറിയതാണ്. നിങ്ങള്‍ ഒരു പാഡ് ഉപയോഗിക്കുകയാണെങ്കില്‍, ആദ്യമായി ഇത് പ്രയോഗിക്കുന്നത് അല്‍പ്പം അസ്വസ്ഥത അനുഭവപ്പെടാം. നിങ്ങള്‍ക്ക് ഇത് വീണ്ടും ഉപയോഗിക്കാന്‍ താല്‍പ്പര്യമുണ്ടെങ്കില്‍, അത് വൃത്തിയാക്കുന്നത് അല്‍പ്പം ബുദ്ധിമുട്ടാണ്. പീരിയഡ് അടിവസ്ത്രം ഉപയോഗിക്കുകയാണെങ്കില്‍, അത് ഡിസ്‌പോസിബിള്‍ ആയി ഉപയോഗിക്കുക. അതുകൊണ്ട് തന്നെ ഇത്തരത്തിലുള്ള അടിവസ്ത്രങ്ങള്‍ ഒരിക്കലും നിങ്ങളുടെ ആര്‍ത്തവത്തിന് പ്രശ്‌നമുണ്ടാക്കില്ല എന്ന് തന്നെയാണ് നിലവിലെ അവസ്ഥ.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.