For Quick Alerts
ALLOW NOTIFICATIONS  
For Daily Alerts

അടിക്കടി മൂത്രമൊഴിക്കുന്നത് നിങ്ങള്‍ അനുഭവിക്കുന്ന പ്രശ്‌നമാണോ? പരിഹാരം ഇതാ

|

നിങ്ങളുടെ മൂത്രസഞ്ചി എപ്പോഴും നിറഞ്ഞതായി തോന്നുന്നുണ്ടോ, മൂത്രമൊഴിക്കുന്നത് ഒരു ജോലിയായി തോന്നുന്നുണ്ടോ? ഇത് പകല്‍ സമയത്ത് അടിക്കടി നിങ്ങളെ തിരക്കിലാക്കുകയും രാത്രിയില്‍ നിങ്ങളെ ഉണര്‍ത്തുകയും ചെയ്യുന്നുണ്ടോ? മൂത്രമൊഴിക്കാനുള്ള പ്രേരണ സാധാരണമാണ്, അത് നമുക്കെല്ലാവര്‍ക്കും അനുഭവപ്പെടുന്ന ഒന്നാണ്. എന്നാല്‍ നിങ്ങള്‍ സാധാരണയായി ഒരു ദിവസം മൂത്രമൊഴിക്കുന്നതിനേക്കാള്‍ കൂടുതല്‍ മൂത്രമൊഴിക്കുന്നുണ്ടെങ്കില്‍ അത് അല്‍പം പ്രശ്‌നമാണ്.

Most read: തടിവെക്കും, പ്രമേഹം കൂട്ടും; മാമ്പഴവും ചില മിഥ്യാധാരണകളും

ഗര്‍ഭധാരണം പോലുള്ള ചില അവസ്ഥകളില്‍ ഇടയ്ക്കിടെ മൂത്രമൊഴിക്കുന്നത് സാധാരണമാണ്. എന്നിരുന്നാലും, ഇടയ്ക്കിടെ മൂത്രമൊഴിക്കുന്നത് ചിലപ്പോള്‍ അടിസ്ഥാനപരമായി ഒരു പ്രശ്‌നത്തിന്റെ ലക്ഷണമായിരിക്കാം. ഈ ലേഖനത്തില്‍, അടിക്കടി മൂത്രമൊഴിക്കുന്നതിന് കാരണവും അത് തടയാനുള്ള ചില സ്വാഭാവികമായ വീട്ടുവഴികളും വായിച്ചറിയാം.

അടിക്കടി മൂത്രമൊഴിക്കുന്നതിന് കാരണം

അടിക്കടി മൂത്രമൊഴിക്കുന്നതിന് കാരണം

ഇടയ്ക്കിടെ മൂത്രമൊഴിക്കുന്നത് വിവിധ അവസ്ഥകള്‍ കാരണം സംഭവിക്കാവുന്ന ഒരു ലക്ഷണമാണ്. നിങ്ങളുടെ ലിംഗഭേദവും പ്രായവും അടിസ്ഥാനമാക്കിയുള്ള വിവിധ കാരണങ്ങളാല്‍ നിങ്ങള്‍ക്ക് ഇത് അനുഭവപ്പെടാം. വ്യത്യസ്ത കാരണങ്ങളാല്‍ നിങ്ങളുടെ ജീവിതത്തിന്റെ വിവിധ ഘട്ടങ്ങളില്‍ ഇത് സംഭവിക്കാം. പ്രമേഹം കാരണം ഇത് വരാം. നിങ്ങള്‍ക്ക് ടൈപ്പ് 1 അല്ലെങ്കില്‍ ടൈപ്പ് 2 പ്രമേഹം ഉണ്ടെങ്കില്‍ നിങ്ങള്‍ക്ക് ഇടയ്ക്കിടെ മൂത്രമൊഴിക്കാന്‍ തോന്നും. പ്രമേഹത്തിന്റെ ഒരു സാധാരണ ലക്ഷണമാണിത്. മൂത്രനാളിയിലെയും മൂത്രസഞ്ചിയിലെയും അവസ്ഥകള്‍ കാരണം പതിവായി മൂത്രമൊഴിക്കാന്‍ തോന്നാം. മൂത്രനാളിയിലെ അണുബാധ കാരണം ഇത് സംഭവിക്കാം.

അടിക്കടി മൂത്രമൊഴിക്കുന്നതിന് കാരണം

അടിക്കടി മൂത്രമൊഴിക്കുന്നതിന് കാരണം

ഗര്‍ഭാവസ്ഥയില്‍ മൂത്രസഞ്ചിയില്‍ സമ്മര്‍ദ്ദം വര്‍ദ്ധിക്കുന്നു. അതിനാല്‍ പതിവായി മൂത്രമൊഴിക്കാനുള്ള പ്രേരണയ്ക്ക് ഇത് കാരണമാകുന്നു. പ്രോസ്റ്റേറ്റ് ഗ്രന്ഥിയുടെ വലുപ്പം കൂടുന്നതിനനുസരിച്ച് മൂത്രസഞ്ചിയില്‍ സമ്മര്‍ദ്ദം ചെലുത്തി നിങ്ങള്‍ക്ക് ഇടയ്ക്കിടെ മൂത്രമൊഴിക്കാന്‍ തോന്നാം. സ്‌ട്രോക്ക്, യോനിയിലെ വീക്കം, പെല്‍വിക് ട്യൂമര്‍, ഡൈയൂററ്റിക്‌സ് പോലുള്ള മരുന്നുകളുടെ ഉപയോഗം, പെല്‍വിക് ഏരിയയിലേക്കുള്ള റേഡിയേഷന്‍ തെറാപ്പി, അമിതമായ കാപ്പി ഉപയോഗം അല്ലെങ്കില്‍ മദ്യപാനം എന്നിവ കാരണമായും നിങ്ങള്‍ക്ക് അടിക്കടി മൂത്രമൊഴിക്കാന്‍ തോന്നാം.

Most read:രക്തത്തെ ബാധിക്കും തലാസീമിയ ഒരു പാരമ്പര്യ രോഗം; ഡയറ്റ് ഇങ്ങനെയെങ്കില്‍ ആശ്വാസം

അടിക്കടി മൂത്രമൊഴിക്കുന്നത് തടയാന്‍

അടിക്കടി മൂത്രമൊഴിക്കുന്നത് തടയാന്‍

അടിക്കടി മൂത്രമൊഴിക്കുന്നത് മുകളില്‍ പറഞ്ഞിരിക്കുന്ന ഏതെങ്കിലും കാരണത്താല്‍ സംഭവിക്കാവുന്ന ഒരു ലക്ഷണമാണ്. നിങ്ങള്‍ ഒരു ദിവസം നാലോ എട്ടോ തവണയില്‍ കൂടുതല്‍ മൂത്രമൊഴിക്കുന്നത് ശ്രദ്ധയില്‍പ്പെട്ടാല്‍, അതൊരു പ്രശ്‌നമായി കണക്കാക്കാം. പ്രായവും ലിംഗഭേദവും പരിഗണിക്കാതെ ഇടയ്ക്കിടെ മൂത്രമൊഴിക്കാനുള്ള ആഗ്രഹം നമ്മില്‍ ആര്‍ക്കും ഉണ്ടാകാം. എന്നിരുന്നാലും, പ്രായമായവരിലും മധ്യവയസ്‌കരിലും, പ്രോസ്റ്റേറ്റ് വലുതായ പുരുഷന്മാരിലും ഗര്‍ഭിണികളായ സ്ത്രീകളിലും ഇത് വളരെ സാധാരണമാണ്. അടിക്കടിയുള്ള മൂത്രമൊഴിക്കല്‍ മൂലകാരണം ചികിത്സിച്ചുകൊണ്ട് കാലക്രമേണ നിയന്ത്രിക്കാന്‍ കഴിയും. എന്നാല്‍ ഈ ലക്ഷണത്തെ മറികടക്കാന്‍ നിങ്ങള്‍ക്ക് ചില പ്രകൃതിദത്ത ചേരുവകളും ഉപയോഗിക്കാം.

മാതളനാരങ്ങ പേസ്റ്റ്

മാതളനാരങ്ങ പേസ്റ്റ്

മാതളനാരങ്ങയുടെ തൊലിക്ക് സൂക്ഷ്മാണുക്കളെ നശിപ്പിക്കാനുള്ള കഴിവുണ്ട്. പ്രധാനമായും മൂത്രനാളിയിലെ അണുബാധയ്ക്ക് കാരണമാകുന്ന ഇ കോളി എന്ന ബാക്ടീരിയയ്ക്കെതിരെ ഇത് പ്രത്യേകിച്ചും ഫലപ്രദമാണ്. പേസ്റ്റ് ഉണ്ടാക്കാന്‍ മാതളനാരങ്ങ തൊലി പൊടിക്കണം. ഈ പേസ്റ്റില്‍ കുറച്ച് സ്പൂണ്‍ വെള്ളം ചേര്‍ത്ത് ദിവസവും കഴിക്കുന്നത് നിങ്ങള്‍ക്ക് ഗുണം ചെയ്യും.

Most read:നിങ്ങള്‍ അറിയാതെ നിങ്ങളുടെ ജീവനെടുക്കുന്ന രക്തസമ്മര്‍ദ്ദം; പ്രതിവിധി ഈ ഹെര്‍ബല്‍ ചായയില്‍

ഉലുവ

ഉലുവ

രക്തത്തിലെ പഞ്ചസാരയുടെ അളവ് കുറയ്ക്കാനും ജീവിതനിലവാരം മെച്ചപ്പെടുത്താനും ഉലുവ സഹായിക്കുമെന്ന് പഠനങ്ങള്‍ പറയുന്നു. ഇതിലെ ബയോ ആക്റ്റീവ് സംയുക്തങ്ങളായ ആല്‍ക്കലോയിഡുകള്‍, സ്റ്റിറോയിഡുകള്‍, ട്രൈഗോനെല്ലിന്‍ എന്നിവയുടെ സാന്നിധ്യം മൂലമാണ് ഇത് സാധ്യമാകുന്നത്. ഇത് ഒരു ആന്റിഓക്സിഡന്റായി പ്രവര്‍ത്തിക്കുകയും ശരീരത്തിലെ ഓക്സിഡേറ്റീവ് സ്ട്രെസ് കുറയ്ക്കുകയും ചെയ്യുന്നു. ഇത് പ്രമേഹ രോഗികള്‍ക്ക് ഇടയ്ക്കിടെയുള്ള മൂത്രമൊഴിക്കല്‍ പരിഹരിക്കുന്നു. ഉലുവ പൊടിയായി ദിവസേന അല്‍പം കഴിക്കാം. അല്ലെങ്കില്‍ ഉലുവ വെറുതെ ചവച്ച് തിന്നാം.

നെല്ലിക്ക

നെല്ലിക്ക

വിറ്റാമിന്‍ സി ധാരാളമായി അടങ്ങിയിട്ടുള്ള നെല്ലിക്ക രക്തത്തിലെ പഞ്ചസാരയെ നിയന്ത്രിക്കാന്‍ ഫലപ്രദമാണ്. ഇത് മൂത്രാശയ സംവിധാനത്തിന് പ്രത്യേകിച്ചും ഗുണം ചെയ്യും. ഇത് മൂത്രം നീക്കം ചെയ്യുന്നതിനെ പ്രോത്സാഹിപ്പിക്കുന്നു, പക്ഷേ മൂത്രത്തിന്റെ ഒഴുക്കിനെ അമിതമായി ഉത്തേജിപ്പിക്കുന്നില്ല. നെല്ലിക്കൗ ജ്യൂസ് നേരിട്ടോ അല്ലെങ്കില്‍ തേന്‍ ചേര്‍ത്തോ നിങ്ങള്‍ക്ക് കഴിക്കാം. ഒന്നിടവിട്ട ദിവസങ്ങളില്‍ ഈ ജ്യൂസ് കുടിക്കുന്നത് ഇടയ്ക്കിടെ മൂത്രമൊഴിക്കുന്നത് നിയന്ത്രിക്കാന്‍ ഗുണം ചെയ്യും.

Most read:സ്തനാര്‍ബുദം തടയും പ്രതിരോധശേഷി കൂട്ടും; എണ്ണിയാല്‍ തീരില്ല സസ്യ എണ്ണയുടെ ഗുണം

തുളസി

തുളസി

വിവിധ ബാക്ടീരിയകള്‍, ഫംഗസ്, വൈറസ് എന്നിവയ്‌ക്കെതിരെ പോരാടാന്‍ തുളസി ഫലപ്രദമാണ്. ആയുര്‍വേദത്തില്‍, മൂത്രനാളിയിലെ അണുബാധകള്‍ പോലെയുള്ള ഒന്നിലധികം അണുബാധകള്‍ കൈകാര്യം ചെയ്യാന്‍ ഇത് ഉപയോഗിക്കുന്നു. തുളസിയില കുറച്ച് വെള്ളത്തിലിട്ട് തിളപ്പിച്ച് കഷായം ഉണ്ടാക്കി ഉപയോഗിക്കാം. തുളസിയുടെ ഗുണങ്ങള്‍ ലഭിക്കാന്‍ ഈ കഷായം കുടിക്കുക.

ജീരകം

ജീരകം

ജീരകം ഒരു സുഗന്ധവ്യഞ്ജനമാണ്. ഇത് നിങ്ങളുടെ ഭക്ഷണങ്ങള്‍ക്ക് രുചി കൂട്ടാന്‍ ഉപയോഗിക്കുന്നു. ഇതിന്റെ ഔഷധമൂല്യം കാരണം ജീരകം വിവിധ ബാക്ടീരിയ അണുബാധകള്‍ക്കെതിരെ ഫലപ്രദമായി പ്രവര്‍ത്തിക്കുന്നു. ജീരകത്തിന്റെ അവശ്യ എണ്ണയ്ക്ക് മൂത്രനാളിയിലെ അണുബാധയ്ക്ക് കാരണമാകുന്ന ഒരു ബാക്ടീരിയയ്ക്കെതിരെ പ്രവര്‍ത്തിക്കുന്നുവെന്ന് ഒരു ഗവേഷണം കണ്ടെത്തിയിട്ടുണ്ട്. ബാക്ടീരിയ അണുബാധ നിയന്ത്രിക്കാന്‍ ജീരകം കഴിക്കാം. ഇടയ്ക്കിടെയുള്ള മൂത്രമൊഴിക്കുന്നത് പരിഹരിക്കാന്‍ ജീരകം ഉപയോഗിച്ച് വെള്ളം തിളപ്പിച്ച് കുടിക്കുക.

Most read;ദിവസവും ഒരു പഴമെങ്കിലും കഴിക്കണം; ആരോഗ്യം മാറുന്നത് ഇങ്ങനെ

ക്രാന്‍ബെറി ജ്യൂസ്

ക്രാന്‍ബെറി ജ്യൂസ്

മൂത്രനാളിയിലെ അണുബാധകളെ ചികിത്സിക്കുന്നതില്‍ ക്രാന്‍ബെറി ഫലപ്രദമാണ്. മൂത്രനാളിയിലെ അണുബാധയ്ക്ക് കാരണമാകുന്ന ഇ.കോളി എന്ന ബാക്ടീരിയയ്ക്കെതിരെ ഇത് പ്രവര്‍ത്തിക്കുന്നു. മൂത്രനാളിയിലെ ഭിത്തികളില്‍ ഇ കോളിയെ നിര്‍ത്താതെ ക്രാന്‍ബെറികള്‍ ഈ ബാക്ടീരിയയ്ക്കെതിരെ പ്രവര്‍ത്തിച്ചേക്കാം. ഇത് ജ്യൂസിന്റെ രൂപത്തില്‍ നിങ്ങള്‍ക്ക് കഴിക്കാം. ജ്യൂസ് ഉണ്ടാക്കാന്‍ ഉണക്കിയ ക്രാന്‍ബെറി കുറച്ച് നേരം വെള്ളത്തില്‍ കുതിര്‍ക്കുക, എന്നിട്ട് ഒരു ബ്ലെന്‍ഡറില്‍ ചേര്‍ത്ത് ജ്യൂസ് ഉണ്ടാക്കുക.

മുതിര

മുതിര

പരമ്പരാഗത ആയുര്‍വേദത്തില്‍ വളരെക്കാലമായി മുതിര ഉപയോഗിക്കുന്നു. ഇതിന് വിവിധ ബയോ ആക്റ്റീവ് സംയുക്തങ്ങള്‍ ഉണ്ട്, ഇത് മൂത്രസംബന്ധമായ തകരാറുകള്‍ ഉള്‍പ്പെടെ വിവിധ രോഗങ്ങളെ നിയന്ത്രിക്കാന്‍ സഹായിക്കുന്നു. ഇ കോളിക്കെതിരെ ഇത് ഫലപ്രദമാണ്. അതിനാല്‍, മൂത്രനാളിയിലെ അണുബാധകള്‍ മൂലമുണ്ടാകുന്ന ഇടയ്ക്കിടെയുള്ള മൂത്രമൊഴിക്കാന്‍ ഇത് സഹായിച്ചേക്കാം. ഏതാനും സ്പൂണ്‍ മുതിര എടുത്ത് ചൂടാക്കി വറുത്ത് പൊടിച്ച് പൊടിയായ് വെള്ളത്തില്‍ കലക്കി കഴിക്കാം. ഇതിന്റെ പതിവ് ഉപയോഗം നിങ്ങള്‍ക്ക് പ്രയോജനകരമായ ഫലങ്ങള്‍ കാണിക്കും.

Most read:രാത്രി ഉറക്കം കുറവാണോ? ഉറക്കക്കുറവ് നിങ്ങളുടെ ഹൃദയത്തെ തകര്‍ക്കുന്നത് ഇങ്ങനെ

English summary

Natural Remedies for Frequent Urination in Malayalam

Frequent urination is a symptom that can occur due to various conditions. Here are some natural remedies for frequent urination.
Story first published: Monday, August 1, 2022, 10:56 [IST]
X
Desktop Bottom Promotion