Just In
- 5 min ago Numerology Horoscope: ധനനേട്ടം, ജോലിയില് ഉയര്ച്ച, മംഗല്യഭാഗ്യം: ഈ ആഴ്ചയില് ഉയര്ച്ച ഇവര്ക്ക്
- 3 hrs ago കഠിനാധ്വാനം വിജയം കാണും, അപ്രതീക്ഷിത സൗഭാഗ്യം മുന്നിലെത്തും; രാശിഫലം
- 8 hrs ago ജപ്പാന്കാരുടെ ദീര്ഘായുസ്സിന്റെ രഹസ്യം ഇതാണ്; ഇത് മാതൃകയാക്കിയാല് നമുക്കും നേടാം ദീര്ഘായുസ്സ്
- 8 hrs ago ഓവുലേഷന് തിരിച്ചറിഞ്ഞ് മുന്നോട്ട് പോയാല് ഗര്ഭധാരണം ആദ്യദിനം അറിയാം
Don't Miss
- Travel തേക്കടിയുടെ പൂക്കാലത്തിന് തുടക്കം.. തേക്കടി ഫ്ലവർ ഷോ കാണേണ്ടെ?
- Sports IPL 2024: ബോള്ട്ടുണ്ടായിട്ടും എന്തിന് ഞാന്? സഞ്ജു മുത്താണ്; ക്യാപ്റ്റന്സിയെ പ്രശംസിച്ച് ആവേശ്
- News ബെംഗളൂരു രാമേശ്വരം കഫേ സ്ഫോടനം; മുഖ്യ പ്രതിയെ അറസ്റ്റ് ചെയ്ത് എൻഐഎ, വിവിധ സംസ്ഥാനങ്ങളിൽ റെയ്ഡ്
- Movies നിനക്ക് പോയത് ഗബ്രിയില്, അവനെ മാറ്റി നിര്ത്തണം എന്ന് റസ്മിന്; ഗെയിം കളഞ്ഞത് വീട്ടുകാരെന്ന് ജാസ്മിന്
- Automobiles ഹിമാലയനും പെരുത്തിഷ്ടായി..! എന്ഫീല്ഡിന്റെ ദക്ഷിണാഫ്രിക്കക്കാരനായ 'സെലിബ്രിറ്റി' ഫാനിനെ മനസ്സിലായോ?
- Technology സാംസങ് രചിച്ച പുതിയ ഇതിഹാസം! എം സീരീസിന് ആവേശം പകർന്ന് M55 5G ലോഞ്ച് ചെയ്തു
- Finance വർഷാവസാനത്തെ അവസാന വ്യാപാരം, പച്ചയിൽ തുടർന്ന് സൂചികകൾ, ഇടിവ് നേരിട്ട് ഐഡിഎഫ്സി ഫസ്റ്റ് ബാങ്ക്, കാരണം ഇതാണ്
ക്വാറന്റൈന്: മനസ് താളംതെറ്റാന് സാധ്യതയേറെ
കൊറോണ വൈറസ് ഭീതിയില് പകച്ചു നില്ക്കുകയാണ് ലോകം. പൊട്ടിപ്പുറപ്പെട്ട് മൂന്നു മാസം കൊണ്ട് ലോകത്തിന്റെ മിക്കവാറും എല്ലാ രാജ്യങ്ങളിലും വൈറസ് പടര്ന്നു പിടിച്ചു. ഈ മാരക വൈറസ് ഇതിനകം 33000 ത്തിലധികം പേരുടെ ജീവനെടുക്കുകയും ഏഴ് ലക്ഷത്തിലധികം പേരെ രോഗശയ്യയിലാക്കുകയും ചെയ്തു. വൈറസിനെ വരുതിയിലാക്കാന് ലോകാരോഗ്യ സംഘടനയും ശാസ്ത്രലോകവും കൊണ്ടുപിടിച്ച ശ്രമങ്ങളാണ് നടക്കുന്നത്.
Most read: കൊവിഡ് 19: അമിതവണ്ണം ആപത്തെന്ന് ആരോഗ്യ വിദഗ്ധര്
തുടക്കം മുതല് തന്നെ വൈറസിനെ ചെറുക്കാന് നിരവധി മാര്ഗ നിര്ദേശങ്ങള് ലോകാരോഗ്യ സംഘടന പുറപ്പെടുവിച്ചിട്ടുണ്ട്. അത്തരത്തിലൊന്നാണ് രോഗ ലക്ഷണം ഉണ്ടെന്നു കരുതുന്നവരെ ക്വാറന്റൈനില് പാര്പ്പിക്കുക എന്നത്. മറ്റുള്ളവരുമായി സമ്പര്ക്കം പുലര്ത്താതെ സാമൂഹ്യ ഇടപെടലുകളില്ലാതെ ഒറ്റപ്പെട്ട് ഒരു നിശ്ചിത കാലം മുറിയില് കഴിയുന്നതാണ് ക്വാറന്റൈന് കൊണ്ട് ഉദ്ദേശിക്കുന്നത്. എന്നാല് സാമൂഹിക ജീവിതത്തില് നിന്നകന്ന് വീട്ടില് ഒതുങ്ങിക്കൂടേണ്ടി വരുമ്പോള് മനുഷ്യര് നേരിടേണ്ടിവരുന്ന പലതരം പ്രതിനന്ധികളുണ്ട്. മാനസികാരോഗ്യത്തില് നേരിടേണ്ടി വരുന്ന വെല്ലുവിളികളാണ് ഇതില് പ്രധാനം.
ക്വാറന്റൈന് : കോവിഡ് 19 പോരാട്ടത്തില് ഏറ്റവും മികച്ചത്
ഏതെങ്കിലും സാംക്രമിക രോഗത്തിന്റെ വ്യാപനം നിയന്ത്രിക്കുന്നതിനുള്ള ഏറ്റവും ഫലപ്രദമായ തന്ത്രങ്ങളിലൊന്ന് രോഗബാധിതനായ രോഗിയുമായി ആളുകള് സമ്പര്ക്കം പുലര്ത്തുന്നത് തടയുക എന്നത്. അണുബാധയ്ക്ക് വിധേയരായതായി സംശയിക്കുന്ന ആളുകളെ വേര്തിരിക്കലാണ് ക്വാറന്റൈന്. അതേസമയം, രോഗബാധിതനായ വ്യക്തിയെ (അതായത് സ്ഥിരീകരിച്ച കേസുകള്) വേര്തിരിക്കുന്നതിനെയാണ് ഐസൊലേഷന് സൂചിപ്പിക്കുന്നത്. പകര്ച്ചവ്യാധികള് പടരാതിരിക്കാന് വീട്ടില് സ്വയം ക്വാറന്റൈനില് തുടരുന്നത് ഒരു പ്രധാന പങ്ക് വഹിക്കും. എന്നാല് നിങ്ങളുടെ സാധാരണ ദിനചര്യയിലെ തടസ്സം ഒരു പ്രശ്നമായേക്കാം. ക്വാറന്റൈന് താരതമ്യേന ഹ്രസ്വമാണെങ്കിലും നിങ്ങളുടെ മാനസികാരോഗ്യത്തെ പരിപാലിക്കേണ്ടത് അത്യാവശ്യമാണ്.
ക്വാറന്റൈന് മാനസികാരോഗ്യത്തെ എങ്ങനെ ബാധിക്കുന്നു?
കൊറോണ വൈറസ് ആഗോള വ്യാപനത്തിന്റെ അനിശ്ചിതത്വത്തിനും സമ്മര്ദ്ദത്തിനും പുറമേ, ക്വാറന്റൈനില് സമയം ചിലവഴിക്കുന്നത് ഗുരുതരമായ മാനസിക പ്ര്ശ്നങ്ങള്ക്ക് കാരണമാകും. മാനസികാരോഗ്യത്തിന്റെ മൂന്ന് പ്രധാന ഘടകങ്ങളില് ചെലുത്തുന്ന സ്വാധീനമാണ് ഇതിന്റെ ഒരു കാരണം: സ്വയംഭരണം, കഴിവ്, ബന്ധം എന്നിവ. ക്വറന്റൈന് അടിച്ചേല്പ്പിക്കുന്ന ഒറ്റപ്പെടല്, സാഹചര്യങ്ങളില് തങ്ങള്ക്ക് യാതൊരു നിയന്ത്രണവുമില്ലെന്ന് ആളുകള്ക്ക് തോന്നാറുണ്ട്. സമൂഹത്തിന്റെ മറ്റു ഭാഗങ്ങളില് നിന്ന് വിച്ഛേദിക്കപ്പെടുകയും അവരുടെ പതിവ് ചുമതലകള് നിര്വഹിക്കാന് കഴിയാതിരിക്കുകയും ചെയ്യുന്നു.
സമൂഹവുമായുള്ള സമ്പര്ക്കമില്ലാതിരിക്കല്
ക്വാറന്റൈനില് കഴിയുമ്പോള് സമൂഹവുമായുള്ള സമ്പര്ക്കം റദ്ദാക്കപ്പെടുന്നു, നിങ്ങള് വീട്ടില് കഴിയുമ്പോള് സമയം വളരെ ഇഴയുന്നതായി തോന്നാം. നിങ്ങള് മറ്റ് കുടുംബാംഗങ്ങളോടൊപ്പമാണെങ്കിലും, ഒറ്റപ്പെടലിലെണെന്ന ബോധം ശക്തമായിരിക്കും. അമേരിക്കന് സൈക്കോളജിക്കല് അസോസിയേഷന് റിപ്പോര്ട്ടുചെയ്യുന്നത് സാമൂഹിക ഒറ്റപ്പെടല് നിരവധി ആരോഗ്യ അപകടങ്ങള്ക്ക് വഴിവയ്ക്കുന്നു എന്നാണ്. ഒറ്റപ്പെടല് അനുഭവപ്പെടുന്നത് മോശം ഉറക്കം, മോശം ഹൃദയാരോഗ്യം, കുറഞ്ഞ പ്രതിരോധശേഷി, വിഷാദരോഗ ലക്ഷണങ്ങള്, എക്സിക്യൂട്ടീവ് ഫംഗ്ഷന് തകരാറ് എന്നിവയ്ക്ക് കാരണമാകും. എക്സിക്യൂട്ടീവ് ഫംഗ്ഷന് കഴിവുകള് തകരാറിലാകുമ്പോള്, ശ്രദ്ധ കേന്ദ്രീകരിക്കാനും വികാരങ്ങള് നിയന്ത്രിക്കാനും വിവരങ്ങള് ഓര്മ്മിക്കാനും നിര്ദ്ദേശങ്ങള് പാലിക്കാനും നിങ്ങള്ക്ക് കൂടുതല് ബുദ്ധിമുട്ടായിരിക്കും.
Most read:മദ്യം മുടങ്ങുമ്പോഴുള്ള ബുദ്ധിമുട്ട് അറിയാമോ?
സാര്സ് കാലത്തെ പഠനം
ക്വാറന്ന്റൈന് താല്ക്കാലികം മാത്രമാണെങ്കിലും, ഒറ്റപ്പെടലിന്റെയും ഏകാന്തതയുടെയും ഹ്രസ്വകാലങ്ങള് പോലും ശാരീരികവും മാനസികവുമായ ക്ഷേമത്തില് പ്രതികൂല ഫലങ്ങള് ഉണ്ടാക്കും. ഓരോ സാഹചര്യവും അദ്വിതീയമാണെങ്കിലും, മുന്കാല സംഭവങ്ങള് നോക്കി ക്വാറന്റൈനില് ഉണ്ടായേക്കാവുന്ന മാനസിക സ്വാധീനം പരിശോധിക്കാന് സഹായിക്കും. 2002നും 2004നും ഇടയില്, സാര്സ് വൈറസ് വ്യാപനം കാരണം ടൊറന്റോയിലെ 15,000ത്തിലധികം ആളുകള് സ്വമേധയാ ക്വാറന്റൈനില് കഴിഞ്ഞിരുന്നു. ഏകദേശം 10 ദിവസത്തേക്ക്, ഈ വ്യക്തികളോട് വീടുകള് വിട്ടുപോകരുതെന്നും സന്ദര്ശകരുണ്ടാകരുതെന്നും മറ്റ് കുടുംബാംഗങ്ങള്ക്ക് സമീപം മാസ്ക് ധരിക്കണമെന്നും വ്യക്തിഗത പരിപാടികളില് പങ്കിടുന്നത് ഒഴിവാക്കണമെന്നും ഇടയ്ക്കിടെ കൈകഴുകണമെന്നും ആവശ്യപ്പെട്ടിട്ടുണ്ടായിരുന്നു പിന്നീടുള്ള ഗവേഷണങ്ങള് സൂചിപ്പിക്കുന്നത്, ക്വാറന്റഡ് വ്യക്തികള്ക്ക് ഹ്രസ്വകാല മാനസിക പ്രത്യാഘാതങ്ങള് നേരിടേണ്ടിവന്നു എന്നാണ്.
മാനസിക ക്ലേശങ്ങള്
സര്വേയില് പങ്കെടുത്തവരെല്ലാം മറ്റുള്ളവരുമായുള്ള സാമൂഹികവും ശാരീരികവുമായ സമ്പര്ക്കത്തിന്റെ അഭാവം മൂലം ക്വാറന്റൈനില് കഴിയുമ്പോള് ഒറ്റപ്പെടല് അനുഭവപ്പെടുന്നതായി റിപ്പോര്ട്ടുചെയ്തു. സാധാരണ പ്രവര്ത്തനങ്ങള് ചെയ്യാന് കഴിയാത്തതിനാല് ആളുകള്ക്ക് സമൂഹത്തിന്റെ മറ്റു ഭാഗങ്ങളില് നിന്ന് അകന്നുപോയതായി തോന്നി. ചിലരെ സംബന്ധിച്ചിടത്തോളം, മാസ്ക് ധരിക്കുന്നത് പോലുള്ള ആരോഗ്യ മുന്കരുതലുകള് അവരുടെ ഉത്കണ്ഠയും ഒറ്റപ്പെടലും വര്ദ്ധിപ്പിച്ചു. ഇവരില് ഒരു മാസത്തോളം നീണ്ടുനിന്ന മാനസിക ക്ലേശങ്ങള് റിപ്പോര്ട്ടുചെയ്തു.
ക്വാറന്റൈനില് പ്രകടമാകുന്ന മാനസികാരോഗ്യ മാറ്റം
കൊവിഡ് 19 ക്വാറന്റൈന് ചെയ്യുന്നവരെ എങ്ങനെ ബാധിക്കുമെന്നതിനെക്കുറിച്ചുള്ളതിനെക്കുറിച്ച് ലാന്സെറ്റിലെ ഒരു അവലോകനം മുന്കാല പഠനങ്ങളുടെ ഫലങ്ങള് വിശകലനം ചെയ്തു. ക്വാറന്റൈന് ശേഷവുമുള്ള മാനസിക ക്ലേശങ്ങള് സാധാരണമാണെന്ന് അവലോകനത്തില് കണ്ടെത്തി. സാധാരണയായി ആളുകളില് ഇനിപ്പറയുന്ന മാറ്റങ്ങള് കാണാം: പേടി, സങ്കടം, ഉറക്കമില്ലായ്മ, ആശയക്കുഴപ്പം, കോപം, പോസ്റ്റ് ട്രോമാറ്റിക് സ്ട്രെസ് ലക്ഷണങ്ങള്, വിഷാദ ലക്ഷണങ്ങള്, കുറഞ്ഞ മാനസികാവസ്ഥ, സമ്മര്ദ്ദം, വൈകാരിക അസ്വസ്ഥത, ക്ഷോഭം, വൈകാരിക ക്ഷീണം
Most read:കൊറോണക്കാലത്ത് കരുതിയിരിക്കാം ഈ ശ്വാസകോശ രോഗങ്ങളെ
മാറ്റം സ്വാഭാവികം
ദീര്ഘകാല പ്രത്യാഘാതങ്ങളും ഉണ്ടാകാമെന്നതിന് തെളിവുകളുണ്ട്. ക്വാറന്റൈന് ശേഷം മൂന്ന് വര്ഷം വരെ ലഹരിവസ്തുക്കളും മദ്യത്തെ ആശ്രയിക്കുന്നതും കൂടുതലായിരുന്നു. സാഹചര്യങ്ങള് കണക്കിലെടുക്കുമ്പോള് അത്തരം വികാരങ്ങള് സാധാരണമാണ്. എന്നിരുന്നാലും, ഒരു ക്വാറന്റൈന് നേരിടുന്ന സമയത്ത് നിങ്ങളുടെ മാനസികാരോഗ്യവും ആരോഗ്യവും സംരക്ഷിക്കുന്നതിന് നിങ്ങള്ക്ക് കൈക്കൊള്ളാവുന്ന നടപടികളുണ്ട്.
ദിനചര്യകള് പുനസ്ഥാപിക്കുക
നിങ്ങളുടെ സാധാരണ ദിനചര്യകളിലെ തടസ്സം ക്വാറന്റൈന് കാലത്തെ ഏറ്റവും പ്രയാസകരമായ വശങ്ങളിലൊന്നാണ്. ദിവസത്തിലെ എല്ലാ മണിക്കൂറുകളും എങ്ങനെ വിനിയോഗിക്കാം എന്ന് മനസിലാക്കാന് ശ്രമിക്കുമ്പോള് ഇത് നിങ്ങള്ക്ക് ദിശാബോധം തോന്നാം. നിങ്ങള് വീട്ടില് നിന്നാണ് ജോലി ചെയ്യുന്നതെങ്കില്, ഒരു സാധാരണ പ്രവൃത്തിദിനം പോലെ നിങ്ങളുടെ സമയം ക്രമീകരിക്കുക. ഒരു ദൈനംദിന ഷെഡ്യൂള് സൃഷ്ടിക്കാന് ശ്രമിക്കുക, പക്ഷേ കര്ശനമായ ഒരു ദിനചര്യയില് ഉറച്ചുനില്ക്കരുത്. ഏകാന്തത ഒഴിവാക്കാന് നിങ്ങളുടേതായ ദിനചര്യകള് ഉണ്ടാക്കി ദിവസം വേര്പെടുത്തുക.
സാധ്യമായത്ര സജീവമായിരിക്കുക
ശാരീരികമായി ഇടപെടലില്ലാതെ കഴിയുന്ന കുറഞ്ഞ കാലയളവ് പോലും നിങ്ങളുടെ ആരോഗ്യത്തെ മാനസികമായും ശാരീരികമായും സ്വാധീനിക്കും. വെറും രണ്ടാഴ്ചത്തെ നിഷ്ക്രിയത്വം പേശികളുടെ അളവ് കുറയ്ക്കുന്നതിനും ഉപാപചയ ഫലങ്ങള്ക്കും കാരണമാകുമെന്ന് പഠനങ്ങള് കണ്ടെത്തിയിട്ടുണ്ട്. നിങ്ങള് വീടിനുള്ളില് കഴിയുമ്പോഴും നിങ്ങളെ ചലിപ്പിക്കാന് സഹായിക്കുന്ന ധാരാളം വ്യായാമ ആശയങ്ങള് ഉണ്ട്. ഇത്തരം വ്യായാമങ്ങള് നിങ്ങളെ മികച്ചതാക്കാനും ഫിറ്റ്നസ് നിലനിലനിര്ത്താനും സഹായിക്കും. ദിവസം മുവുവന് അകത്ത് കുടുങ്ങിക്കിടക്കുന്നതിലൂടെ ഉണ്ടാകുന്ന അസ്വാസ്ഥ്യവും വിരസതയും നേരിടാന് സഹായിക്കുന്നതിനുള്ള മികച്ച മാര്ഗ്ഗം കൂടിയാണിത്.
Most read:കൊവിഡ് 19; ഹൈ ബി.പി ഉള്ളവരും സുരക്ഷിതരല്ല
ഹോം വര്ക്ക് ഔട്ട് ആശയങ്ങള്
മികച്ച വ്യായാമം നേടുന്നതിന് നിങ്ങള്ക്ക് ചെലവേറിയ വ്യായാമ ഉപകരണങ്ങള് ആവശ്യമില്ല. വീട്ടില് ഫിറ്റായി തുടരാന് നിങ്ങള്ക്ക് ചെയ്യാനാകുന്ന കുറച്ച് കാര്യങ്ങള് ഇതാ:
* വീഡിയോകള് കണ്ട് വ്യായാമം ചെയ്യുക
* ബോഡി വെയ്റ്റ് വ്യായാമങ്ങള്
* ഓണ്ലൈന് വര്ക്ക് ഔട്ട് ക്ലാസുകള്
* ഫിറ്റ്നെസ് അപ്ലിക്കേഷനുകള്
ആശയവിനിമയം നടത്തുക
മറ്റ് ആളുകളുമായി സമ്പര്ക്കം പുലര്ത്തുന്നത് വിരസത ഒഴിവാക്കുക മാത്രമല്ല, ഒറ്റപ്പെടലിന്റെ വ്യാപ്തി കുറയ്ക്കുന്നതിനും ഇത് നിര്ണ്ണായകമാണ്. ഫോണിലൂടെയും മെസേജുകളിലൂടെയും സുഹൃത്തുക്കളുമായും കുടുംബവുമായും സമ്പര്ക്കം പുലര്ത്തുക. സോഷ്യല് മീഡിയയില് മറ്റുള്ളവരുമായി ബന്ധപ്പെടുക. സാധ്യമെങ്കില്, ക്വാറന്റൈനില് ഏര്പ്പെട്ടിരിക്കുന്ന ആളുകള്ക്കായി പ്രത്യേകമായി ഒരു പിന്തുണാ ഗ്രൂപ്പിലോ ചര്ച്ചാ ബോര്ഡിലോ ചേരുക. ഒരേ കാര്യത്തിലൂടെ കടന്നുപോകുന്ന മറ്റുള്ളവരുമായി സംസാരിക്കുന്നത് ശാക്തീകരണത്തിന് ഒരു അവബോധം നല്കും.
എന്തുകൊണ്ടാണ് ക്വാറന്റൈന് എന്ന് ഓര്മ്മിക്കുക
നിങ്ങള്ക്ക് നിരാശ തോന്നുമ്പോള്, നിങ്ങള് സ്വയം ക്വാറന്റുചെയ്യുന്നതിന്റെ കാരണങ്ങളെക്കുറിച്ച് ചിന്തിക്കുന്നത് സഹായകരമാകും. നിങ്ങള് കൊറോണ വൈറസിന് വിധേയരാകാന് സാധ്യതയുണ്ടെങ്കില്, മറ്റുള്ളവരെ ഒഴിവാക്കുക എന്നത് പരോപകാരപരമായ പ്രവര്ത്തനമാണ്. നിങ്ങള് നിലവില് ലക്ഷണമില്ലാത്തവരാണെങ്കില്പ്പോലും, നിങ്ങള് അറിയാതെ തന്നെ മറ്റുള്ളവരിലേക്ക് രോഗം പകരാനുള്ള സാധ്യത നിങ്ങള് കുറയ്ക്കുന്നു.
Most read:കുട്ടികളിലെ അസുഖങ്ങളും കൊറോണ ഭീതിയും
പ്രൊഫഷണല് പിന്തുണ കണ്ടെത്താം
നിങ്ങള്ക്ക് മാനസികമായ അസ്വസ്ഥതകള് തോന്നുന്നുണ്ടെങ്കില് വീട്ടില് നിന്ന് പുറത്തുപോകാതെ തന്നെ ഒരു സൈക്കോളജിസ്റ്റുമായി സംസാരിക്കാന് വഴികളുണ്ട്. ടെലിഹെല്ത്ത് ഓപ്ഷനുകള് കൂടുതലായി ആളുകളെ ഓണ്ലൈനില് ഡോക്ടര്മാരുമായി സംസാരിക്കാന് അനുവദിക്കുന്നു. വീഡിയോ കോള് വഴി ഒരു പ്രൊഫഷണല് തെറാപ്പിസ്റ്റുമായി സംവദിക്കാവുന്ന നിരവധി ഓണ്ലൈന് തെറാപ്പി ഓപ്ഷനുകള് ഉണ്ട്. ബുദ്ധിമുട്ടുള്ള സമയത്ത് അധിക പിന്തുണ നേടുന്നതിനുള്ള മികച്ച മാര്ഗമാണിത്.