ലോക ആര്‍ത്തവ ശുചിത്വ ദിനം: ഓരോ സ്ത്രീയും അറിഞ്ഞിരിക്കേണ്ട ടിപ്‌സ്

സാനിറ്ററി പാഡുകള്‍ മാറ്റുന്നത്

സാനിറ്ററി പാഡുകള്‍ മാറ്റുന്നതിന് വളരെയധികം ശ്രദ്ധിക്കേണ്ടതാണ്. ആര്‍ത്തവ ദിനങ്ങളില്‍ ഓരോ 4-6 മണിക്കൂറിലും പാഡുകള്‍ അല്ലെങ്കില്‍ ടാംപണുകള്‍ മാറ്റുന്നത് ശ്രദ്ധിക്കേണ്ട കാര്യമാണ്. ഇത് സ്വകാര്യഭാഗത്തെ ശുചിത്വത്തിന് വളരെയധികം പ്രധാനപ്പെട്ടതാണ്. ആര്‍ത്തവ രക്തം ശരീരത്തിലേക്ക് പടരുമ്പോള്‍ അത് അസ്വസ്ഥത, തിണര്‍പ്പ്, മൂത്രനാളി അണുബാധ എന്നിവയ്ക്ക് കാരണമാകുന്നു. അതുകൊണ്ട് കൃത്യസമയത്ത് പാഡ് മാറ്റുന്നതിന് ശ്രദ്ധിക്കണം. ഇത് നിങ്ങളുടെ ആര്‍ത്തവ സംബന്ധമായ പ്രശ്‌നത്തെ പരിഹരിക്കുന്നതിന് സഹായിക്കുന്നു.

സ്വകാര്യഭാഗം വൃത്തിയാക്കുക

ഓരോ തവണയും പാഡ് മാറ്റുമ്പോഴും മൂത്രമൊഴിക്കുമ്പോഴും നിര്‍ബന്ധമായും സ്വകാര്യഭാഗം കഴുകാന്‍ ശ്രദ്ധിക്കേണ്ടതാണ്. കാരണം നിങ്ങള്‍ സാനിറ്ററി നാപ്കിന്‍ നീക്കം ചെയ്തതിന് ശേഷം ബാക്ടീരിയകള്‍ നിങ്ങളുടെ ശരീരത്തില്‍ തന്നെ നിലനില്‍ക്കുന്നു. അത് പലപ്പോഴും പെരിനിയം ഭാഗത്ത് അസ്വസ്ഥതകള്‍ സൃഷ്ടിക്കുന്നു. ഇത് പലപ്പോഴും മൂത്രാശയഅണുബാധക്ക് കാരണമാകുന്നു. അതുകൊണ്ട് ഇടക്കിടക്ക് സ്വകാര്യഭാഗം വൃത്തിയാക്കുന്നതിന് ശ്രദ്ധിക്കണം. അല്ലാത്ത പക്ഷം അത് അപകടകരമായ അവസ്ഥയിലേക്ക് എത്തിക്കുകയും അണുബാധ വര്‍ദ്ധിപ്പിക്കുകയും ചെയ്യുന്നു.

സോപ്പും മറ്റും ഉത്പ്പന്നങ്ങളും വേണ്ട

സോപ്പുകളോ മറ്റ് യോനി ശുചിത്വ ഉല്‍പ്പന്നങ്ങളോ ഉപയോഗിക്കുന്നത് പൂര്‍ണമായും ഒഴിവാക്കുക. കാരണം അത് നിങ്ങളില്‍ കൂടുതല്‍ പ്രശ്‌നങ്ങള്‍ ഉണ്ടാക്കുന്നുണ്ട്. ശുചിത്വ ഉത്പ്പന്നങ്ങള്‍ ഉപയോഗിക്കുന്നത് നല്ലതാണെങ്കിലും ഒരിക്കലും അവ ആര്‍ത്തവ സമയത്ത് ഉപയോഗിക്കരുത്. കാരണം ആര്‍ത്തവ സമയം നമ്മുടെ സ്വകാര്യഭാഗം സ്വയം വൃത്തിയാക്കുന്നതിന് സാധിക്കുന്നുണ്ട്. എന്നാല്‍ ഇത്തരം കൃത്രിമ മാര്‍ഗ്ഗങ്ങള്‍ ഉപയോഗിക്കുന്നത് പല പ്രശ്‌നങ്ങളും ഉണ്ടാക്കുന്നുണ്ട്. ഇത് സ്വാഭാവിക പ്രക്രിയയെ തടസ്സപ്പെടുത്തുകയും കൂടുതല്‍ പ്രശ്‌നങ്ങള്‍ ഉണ്ടാക്കുകയും ചെയ്യുന്നുണ്ട്. അണുബാധകള്‍ക്കും അമിതമായ ബാക്ടീരിയക്കും ഇത്തരം മാര്‍ഗ്ഗങ്ങള്‍ കാരണമാകുന്നു.

പാഡ് ശരിയായ രീതിയില്‍ കളയുക

പാഡ് ഉപയോഗിച്ച ശേഷം കൃത്യമായ രീതിയില്‍ കളയുന്നതിന് ശ്രദ്ധിക്കേണ്ടതാണ്. ഇത് ശരിയായ രീതിയില്‍ കളഞ്ഞില്ലെങ്കില്‍ അത് കൂടുതല്‍ പ്രശ്‌നങ്ങള്‍ ഉണ്ടാക്കുന്നുണ്ട്. അണുക്കളും മറ്റും പകരാതിരിക്കുന്നതിന് വേണ്ടി കൃത്യമായി നിര്‍മ്മാര്‍ജ്ജനം ചെയ്യുന്നതിന് ശ്രദ്ധിക്കണം. അല്ലാത്ത പക്ഷം അത് കൂടുതല്‍ പ്രശ്‌നങ്ങള്‍ ഉണ്ടാക്കുന്നു. ഒരിക്കലും ടോയ്‌ലറ്റില്‍ ഫ്‌ളഷ് ചെയ്യാതിരിക്കുന്നതിന് ശ്രദ്ധിക്കണം. കാരണം ഇത് ബ്ലോക്ക് ഉണ്ടാവുന്നതിന് കാരണമാകുന്നു. അത് മാത്രമല്ല നിര്‍മ്മാര്‍ജ്ജനം ചെയ്ത് കഴിഞ്ഞാല്‍ കൈകള്‍ വൃത്തിയാക്കുന്നതിനും ശ്രദ്ധിക്കണം.

മെന്‍സ്ട്രുവല്‍ കപ്പുകള്‍

മെന്‍സ്ട്രുവല്‍ കപ്പുകള്‍ ഉപയോഗിക്കുന്നതിന് ശ്രദ്ധിക്കേണ്ടതാണ്. കാരണം ഇന്നത്തെ കാലത്ത് സൗകര്യത്തോടെ ഉപയോഗിക്കുന്നതിന് കപ്പ് തന്നെയാണ് ഏറ്റവും നല്ലത്. നിങ്ങള്‍ക്ക് ഉപയോഗിക്കാന്‍ സുഖവും സൗകര്യവും ഉണ്ടെങ്കില്‍ സിലിക്കണ്‍ മെന്‍സ്ട്രല്‍ കപ്പുകളിലേക്ക് മാറുക. ഇത് വിലകുറവുള്ളതും ശുചിത്വമുള്ളതും രണ്ട് വര്‍ഷം വരെ ഉപയോഗിക്കാവുന്നതും ആണ്. നിങ്ങളുടെ ആരോഗ്യത്തിന് പ്രശ്‌നമാണ് എന്ന് കണ്ടാല്‍ ഉടനേ തന്നെ നല്ലൊരു ഗൈനക്കോളജിസ്റ്റിനെ കാണുന്നതിന് ശ്രദ്ധിക്കുക.

most read:കളിമണ്‍ പാത്രത്തിലെ ഒരു തുള്ളി വെള്ളം മതി ആയുസ്സിന്