Click it and Unblock the Notifications
Just In
-
-
-
-
Don't Miss
-
IPL 2024: സ്റ്റബ്സാണ് ഡല്ഹിയുടെ 'റിയല് ഹീറോ', ആ സേവാണ് കളി മാറ്റിയത്! കിടിലന് ഫീല്ഡിങ് -
ലോക്സഭ തിരഞ്ഞെടുപ്പ്; കേരളം നാളെ ബൂത്തിലേക്ക്.. ഇന്ന് നിശബ്ദ പ്രചരണം, 4 ജില്ലകളിൽ നിരോധനാജ്ഞ -
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
രാത്രിയില്‍ കൂടുതല്‍ നേരം തുറന്ന് വെച്ച വെള്ളം കുടിക്കരുത്
ആരോഗ്യത്തിന് വളരെയധികം ശ്രദ്ധിക്കേണ്ട ഒരു കാലഘട്ടത്തിലൂടെയാണ് നാം കടന്നു പോവുന്നത്. അതുകൊണ്ട് തന്നെ കുടിക്കുന്ന വെള്ളത്തിന്റെ കാര്യത്തില്‍ പോലും നാം വളരെയധികം ശ്രദ്ധിക്കേണ്ടതാണ്. ആരോഗ്യ സംരക്ഷണത്തിന്റെ കാര്യത്തില്‍ വെള്ളത്തിനുള്ള പ്രാധാന്യം വളരെ വലുതാണ്. നാം കുടിക്കുന്ന ഓരോ തുള്ളി വെള്ളവും വളരെയധികം ശ്രദ്ധിക്കണം. പ്രത്യേകിചച് ഒരു കുപ്പിയിലോ ഒരു ടംബ്ലറിലോ രാത്രി മുഴുവന്‍ തുറന്ന് വെച്ച വെള്ളം രാവിലെ കുടിക്കുന്നത് അല്‍പം അപകടമുണ്ടാക്കുന്നതാണ്. ഇത് കൂടാതെ പലരും കാറില്‍ വെച്ച വെള്ളക്കുപ്പിയില്‍ നിന്ന് പോലും കുടിക്കുന്നത് ശ്രദ്ധിച്ച് വേണം. എന്നാല്‍ ഒറ്റരാത്രിയിലോ അല്ലെങ്കില്‍ അതിലും കൂടുതല്‍ നേരം വെള്ളം ഇരിക്കുന്നത് എത്രത്തോളം സുരക്ഷിതമാണ് എന്നത് അറിഞ്ഞിരിക്കേണ്ടതാണ്.
കുടിക്കുന്ന വെള്ളത്തിന്റെ നിലവാരത്തെക്കുറിച്ച് നാം എല്ലാവരും വളരെയധികം ശ്രദ്ധിക്കണം. ഇത് പലരും ഫില്‍റ്റര്‍ ചെയ്‌തോ അല്ലെങ്കില്‍ തിളപ്പിച്ച് ആറിയ വെള്ളമോ എല്ലാം കുടിക്കാവുന്നതാണ്. എന്നാല്‍ രാത്രി മുഴുവന്‍ തുറന്ന് വെച്ച വെള്ളം കുടിക്കുന്നത് അല്‍പം ശ്രദ്ധിച്ച് വേണം. വെള്ളവുമായി ബന്ധപ്പെട്ട ഇത്തരം കാര്യങ്ങള്‍ അല്‍പം ശ്രദ്ധിക്കേണ്ടതും ഗൗരവത്തോടെ എടുക്കേണ്ടതും ആണ്. വെള്ളം എത്ര നേരം തുറന്ന് വെച്ചിരിക്കുന്നു, എങ്ങനെ കുടിക്കുന്നു, എപ്പോള്‍ കുടിക്കുന്നു എന്നുള്ളതെല്ലാം അറിഞ്ഞിരിക്കേണ്ടതാണ്.
വെള്ളത്തിന്റെ രുചി ശ്രദ്ധിക്കണം
വെള്ളത്തിന്റെ രുചി വളരെയധികം ശ്രദ്ധിക്കേണ്ടതാണ്. ഇതില്‍ രുചിവ്യത്യാസവും അറിഞ്ഞിരിക്കേണ്ടതാണ്. എന്നാല്‍ അതിന് പിന്നിലെ കാരണം കാര്‍ബണ്‍ ഡൈ ഓക്‌സൈഡ് ആണ്. നിങ്ങള്‍ ഏകദേശം 12 മണിക്കൂര്‍ ഗ്ലാസ് വെള്ളം അടക്കാതെ വെക്കുമ്പോള്‍ വായുവിലെ കാര്‍ബണ്‍ ഡൈ ഓക്‌സൈഡ് അതില്‍ കലരാന്‍ തുടങ്ങുന്നു. ഇത് വെള്ളത്തിന്റെ pH ലെവല്‍ കുറയ്ക്കുകയും അതിന് ഒരു രുചി വ്യത്യാസം നല്‍കുകയും ചെയ്യുന്നു. എന്നാല്‍ ഈ വെള്ളം കുടിക്കാന്‍ സുരക്ഷിതമാണ്. ഇത് കൂടാതെ അതില്‍ ബാക്ടീരിയയും ആല്‍ഗകളും വളരാന്‍ തുടങ്ങുന്നു. നിങ്ങള്‍ ചൂടുള്ള സ്ഥലത്ത് വെള്ളം സംഭരിക്കുമ്പോള്‍ ബാക്ടീരിയയുടെ വളര്‍ച്ച വളരെ കൂടുതലാവുന്നു.
തുറന്ന പാത്രത്തിലെ വെള്ളം കുടിക്കുമ്പോള്‍
വളരെ നേരം തുറന്ന് വെച്ച വെള്ളം കുടിക്കുന്നത് ഒഴിവാക്കേണ്ടതാണ്. തുറന്ന ഗ്ലാസിലോ പാത്രത്തിലോ ഒറ്റരാത്രികൊണ്ട് അല്ലെങ്കില്‍ ദീര്‍ഘനേരം അവശേഷിക്കുന്ന വെള്ളം ധാരാളം ബാക്ടീരിയകളുടെ ആവാസ കേന്ദ്രമാണ്. മാത്രമല്ല ഇത് കുടിക്കാന്‍ സുരക്ഷിതമല്ല. ആ ഗ്ലാസിലേക്ക് എത്ര പൊടിയും അവശിഷ്ടങ്ങളും മറ്റ് ചെറിയ സൂക്ഷ്മകണങ്ങളും കടന്നുപോയെന്ന് നിങ്ങള്‍ക്കറിയില്ല. അതുകൊണ്ട് തന്നെ ഇത്തരം അവസ്ഥകള്‍ക്ക് പരിഹാരം കാണുന്നതിന് വേണ്ടി ഈ വെള്ളം കുടിക്കാതിരിക്കുകയോ അല്ലെങ്കില്‍ തുറന്ന് വെക്കാതിരിക്കുകയോ ആണ് ചെയ്യേണ്ടത്.
കുപ്പിയില്‍ നിന്ന് വെള്ളം കുടിക്കുന്നത്
ഒരു കുപ്പിയില്‍ വളരെക്കാലം അവശേഷിക്കുന്ന വെള്ളം കുടിക്കാന്‍ സുരക്ഷിതമല്ല എന്നുള്ളതാണ് സത്യം. കാരണം, വെള്ളം കുടിക്കാന്‍ കുപ്പിയുടെ അരികില്‍ വായ വയ്ക്കുമ്പോള്‍, നമ്മുടെ ചര്‍മ്മത്തെ മൂടിയ മൃതചര്‍മ്മവും പൊടിയും വിയര്‍പ്പും ബാക്കിയുള്ള വെള്ളത്തില്‍ കലരുന്നു. നമ്മുടെ ഉമിനീര്‍ പോലും ധാരാളം ബാക്ടീരിയകള്‍ വഹിക്കുന്നുണ്ടെന്ന് നമുക്കെല്ലാവര്‍ക്കും അറിയാം, അവയെല്ലാം കുപ്പിയിലെ വെള്ളവുമായി കലരുന്നു. കുറച്ചുനേരം ഈ വെള്ളം വെച്ചാല്‍ അതില്‍ ബാക്ടീരിയകള്‍ വളരുകയും അതേ വെള്ളം നിങ്ങള്‍ വീണ്ടും കുടിക്കുമ്പോള്‍, അത് നിങ്ങളുടെ ശരീരത്തിലേക്ക് എത്തുകയും ചെയ്യുന്നു. ഇത് ആരോഗ്യ സംബന്ധമായ പല പ്രശ്നങ്ങള്‍ക്കും കാരണമാകും. സാംക്രമിക രോഗങ്ങളാല്‍ ബുദ്ധിമുട്ടുന്ന ഒരാള്‍ക്ക് നിങ്ങള്‍ വെള്ളം കുടിക്കാന്‍ നല്‍കുന്നത് അതിലും മോശമാണ്.
കാറില്‍ വെച്ച വെള്ളം
സൂര്യരശ്മികള്‍ കാരണം കാറിലെ വെള്ളം പെട്ടെന്ന് ചൂടാകുന്നു. ഇത് ബാക്ടീരിയകളുടെ മികച്ച പ്രജനന കേന്ദ്രമായി വര്‍ത്തിക്കുന്നു. ബിപിഎയോ മറ്റ് രാസവസ്തുക്കളോ ഉപയോഗിച്ച് നിര്‍മ്മിച്ച കുപ്പികള്‍ നിങ്ങളുടെ ആരോഗ്യത്തിന് ഹാനികരമായേക്കാവുന്ന രാസവസ്തുക്കള്‍ വെള്ളത്തില്‍ കലരുന്നുണ്ട്. ഇത്തരം കാര്യങ്ങള്‍ അല്‍പം ശ്രദ്ധിക്കേണ്ടതുണ്ട്. അതുകൊണ്ട് കാറില്‍ വെച്ച വെള്ളം കുടിക്കുന്നത് വളരെയധികം ശ്രദ്ധിച്ച് വേണം. അതുകൊണ്ട് തന്നെ ഇത്തരം കാര്യങ്ങള്‍ വളരെയധികം ശ്രദ്ധിക്കണം.
കുടിവെള്ളത്തിന്റെ പ്രാധാന്യം
എല്ലാ ജീവജാലങ്ങള്‍ക്കും ആവശ്യത്തിന് വെള്ളം കുടിക്കേണ്ടത് അത്യാവശ്യമാണ്. വെള്ളം ശരീരത്തിന് ആവശ്യമുള്ള ജലാംശം മാത്രമല്ല നല്‍കുന്നത് ശരീരത്തില്‍ നിന്ന് വിഷവസ്തുക്കളെ നീക്കം ചെയ്യുകയും സന്ധികളെ ലൂബ്രിക്കേറ്റ് ചെയ്യുകയും മറ്റ് അവയവങ്ങളുടെ പ്രവര്‍ത്തനത്തെ സഹായിക്കുകയും ചെയ്യുന്നു. മൊത്തത്തില്‍, നമ്മുടെ ആരോഗ്യം നിലനിര്‍ത്തുന്നതില്‍ വെള്ളത്തിന് നിരവധി റോളുകള്‍ ഉണ്ട്. അതിനാല്‍, നിങ്ങള്‍ മുകളില്‍ പറഞ്ഞ തരത്തിലുള്ള വെള്ളം കുടിക്കുമ്പോള്‍ അതിന്റെ ചില അവശ്യ ഗുണങ്ങള്‍ നിങ്ങള്‍ക്ക് നഷ്ടമാകും.
വെള്ളം കുടിക്കാനുള്ള ശരിയായ വഴി ഏത്
വെള്ളം കുടിക്കുന്ന അവസ്ഥകളില്‍ അല്‍പം ശ്രദ്ധിക്കേണ്ട ചില കാര്യങ്ങളുണ്ട്. നിങ്ങള്‍ വെള്ളം കുടിക്കുമ്പോള്‍ ടാപ്പില്‍ നിന്നോ ഫില്‍ട്ടറില്‍ നിന്നോ ശുദ്ധജലം കുടിക്കാന്‍ ശ്രദ്ധിക്കേണ്ടതാണ്. നിങ്ങളുടെ നൈറ്റ് സ്റ്റാന്‍ഡില്‍ നിങ്ങള്‍ വെള്ളം എടുത്ത് വെക്കുകയാണെങ്കില്‍ കുപ്പിയില്‍ നിന്ന് നേരിട്ട് കുടിക്കരുത്. നിങ്ങളുടെ കുപ്പി വെള്ളത്തിനൊപ്പം ഒരു ഗ്ലാസ് ഒരു ലിഡ് ഉപയോഗിച്ച് സൂക്ഷിക്കുക. രാവിലെ എഴുന്നേല്‍ക്കുമ്പോള്‍ അതേ കുപ്പിയിലെ വെള്ളം കുടിക്കുന്നത് ഒഴിവാക്കേണ്ടതാണ്. കൂടാതെ, കുപ്പിയിലെ വെള്ളം ദിവസവും മാറ്റുന്നതിന് ശ്രദ്ധിക്കേണ്ടതാണ്. പുറത്ത് പോകുമ്പോള്‍ കുപ്പിയുടെ അരികില്‍ വായ വെച്ച് വെള്ളം കുടിക്കാതിരിക്കാന്‍ ശ്രമിക്കുക. കൂടാതെ കാറില്‍ സൂക്ഷിക്കുന്ന കുപ്പിയിലെ വെള്ളം ദിവസവും മാറ്റുന്നതിനും ശ്രദ്ധിക്കേണ്ടതാണ്.
