Click it and Unblock the Notifications
Just In
-
-
-
-
Don't Miss
-
ദിലീപ് ശ്രമിച്ചത് അതിനായിരുന്നു': നടി ആക്രമിക്കപ്പെട്ട കേസില് പുതിയ വെളിപ്പെടുത്തലുമായി ടിബി മിനി -
IPL 2024: രോഹിത് അടുത്ത പഞ്ചാബ് ക്യാപ്റ്റന്! എല്ലാം പറഞ്ഞു സമ്മതിപ്പിച്ചു? പ്രതികരിച്ച് പ്രീതി -
കൃത്യമായ ധാരണയുണ്ടോ, എന്നാൽ ഈ ഓഹരി വാങ്ങാം, നേട്ടം 26 ശതമാനം വരെ -
നിഗൂഢതകളൊളിപ്പിച്ച മുനിയറ, കേരളത്തിന്റെ കാശ്മീര്.. മലയോര നാടിൻറെ വശ്യത നേരിട്ടറിയാം.. പാക്കേജ് -
'അടിതെറ്റി സിബിനും, മാപ്പ് പറഞ്ഞു; പുറത്തുവരുന്ന അവസാന രണ്ട് പേരില് ജാസ്മിനുമുണ്ടാകും' -
ആവശ്യക്കാർ തേടിപ്പിടിച്ചെത്തുന്ന 2 BSNL പ്ലാനുകൾ; രണ്ടും സ്പെഷലിസ്റ്റുകളാണ്, രണ്ട് കാര്യങ്ങളിൽ! -
മെയ് മാസം നിങ്ങളുടെ പോക്കറ്റിന് ലാഭവുമായി ചേതക്, ഇവി ലാഭകരം തന്നെ കേട്ടോ
ശരീരഭാരം കുറയ്ക്കാന്‍ പ്രോട്ടീന് ഷേക്കുകള്‍ സഹായിക്കുന്നത് ഇങ്ങനെ
ശരീരഭാരം കുറയ്ക്കുന്നതിനുള്ള ഒരു പ്രധാന പോഷകമാണ് പ്രോട്ടീന്. ആവശ്യത്തിന് പ്രോട്ടീന് ലഭിക്കുന്നത് ആരോഗ്യകരമായ മെറ്റബോളിസത്തെ പിന്തുണയ്ക്കാനും നിങ്ങളുടെ വിശപ്പ് കുറയ്ക്കാനും സഹായിക്കും. പേശികള്‍ നഷ്ടപ്പെടാതെ ശരീരത്തിലെ കൊഴുപ്പ് കുറയ്ക്കാനും ഇത് സഹായിക്കും. നിങ്ങളുടെ ഭക്ഷണത്തില്‍ കൂടുതല്‍ പ്രോട്ടീന് ചേര്‍ക്കാനുള്ള എളുപ്പവഴിയാണ് പ്രോട്ടീന് ഷേക്കുകള്‍. അവ ശരീരഭാരം കുറയ്ക്കാന്‍ സഹായിക്കുമെന്ന് തെളിയിക്കപ്പെട്ടിട്ടുണ്ട്. പ്രോട്ടീന് ഷേക്കുകളെക്കുറിച്ചും അവ നിങ്ങളുടെ ശരീര ഭാരത്തെ എങ്ങനെ ബാധിക്കുമെന്നതിനെക്കുറിച്ചും ഇവിടെ വായിച്ചറിയാം.
പ്രോട്ടീന് ഷേക്കുകള്‍ എന്തൊക്കെയാണ്?
പ്രോട്ടീന് ഷേക്കുകളില്‍ വെള്ളം പോലുള്ള ദ്രാവകങ്ങള്‍ കലര്‍ത്തിയ പ്രോട്ടീന് പൗഡര്‍ അടങ്ങിയിരിക്കുന്നു, ചില സമയങ്ങളില്‍ മറ്റ് ചേരുവകളും ചേര്‍ക്കുന്നു. ഗുണമേന്മയുള്ള ഉയര്‍ന്ന പ്രോട്ടീന് ഭക്ഷണങ്ങള്‍ നിങ്ങള്‍ക്ക് ലഭ്യമല്ലെങ്കില്‍, നിങ്ങളുടെ ശരീരത്തില്‍ പ്രോട്ടീന് ലഭിക്കേണ്ടുന്നതിന്റെ ഒരു സൗകര്യപ്രദമായ മാര്‍ഗമാണ് പ്രോട്ടീന് ഷേക്കുകള്‍. മിക്ക ആളുകള്‍ക്കും അവരുടെ ദൈനംദിന ഡോസ് പ്രോട്ടീന് നേടാന്‍ സാധാരണയായി പ്രോട്ടീന് ഷേക്കുകള്‍ ആവശ്യമില്ല. എന്നാല്‍ ഭക്ഷണത്തെ മാത്രം ആശ്രയിക്കാതെ ദൈനംദിന പ്രോട്ടീന് ആവശ്യകതകള്‍ നിറവേറ്റുന്നതിന് പലരും പ്രോട്ടീന് ഷേക്ക് കഴിക്കുന്നു.
പ്രചാരമുള്ള ചില പ്രോട്ടീന് പൊടികള്‍
വേ പ്രോട്ടീന്: വേഗത്തില്‍ ആഗിരണം ചെയ്യപ്പെടുന്ന, പാല്‍ അടിസ്ഥാനമാക്കിയുള്ള, എല്ലാ അവശ്യ അമിനോ ആസിഡുകളും അടങ്ങിയിരിക്കുന്നു
കസീന്‍ പ്രോട്ടീന്: സാവധാനം ആഗിരണം ചെയ്യപ്പെടുന്നു, പാലുല്‍പ്പന്നങ്ങളെ അടിസ്ഥാനമാക്കിയുള്ള, എല്ലാ അവശ്യ അമിനോ ആസിഡുകളും അടങ്ങിയിരിക്കുന്നു
സോയ പ്രോട്ടീന്: സസ്യങ്ങള്‍ അടിസ്ഥാനമാക്കിയുള്ളത്, എല്ലാ അവശ്യ അമിനോ ആസിഡുകളും അടങ്ങിയിരിക്കുന്നു, കൂടാതെ സോയ ഐസോഫ്‌ളേവണുകളും അടങ്ങിയിരിക്കുന്നു, ഇത് ചില ആരോഗ്യ ഗുണങ്ങളും നല്‍കിയേക്കാം
ഹെംപ് പ്രോട്ടീന്: സസ്യങ്ങളെ അടിസ്ഥാനമാക്കിയുള്ളത്, എല്ലാ അവശ്യ അമിനോ ആസിഡുകളും അടങ്ങിയിട്ടുണ്ട്, ഒമേഗ -3, ഒമേഗ -6 കൊഴുപ്പുകള്‍ എന്നിവയാല്‍ സമ്പന്നമാണ്, ഉയര്‍ന്ന അര്‍ജിനൈന്‍ ഉള്ളടക്കമുണ്ട്.
ഏറ്റവും പ്രചാരമുള്ള ചില പ്രോട്ടീന് പൊടികള്‍
അരി പ്രോട്ടീന്: സസ്യാധിഷ്ഠിതം, അവശ്യ അമിനോ ആസിഡ് ലൈസിന്‍ കുറവാണ്
കടല പ്രോട്ടീന്: സസ്യാധിഷ്ഠിതം, എല്ലാ അവശ്യ അമിനോ ആസിഡുകളും അടങ്ങിയിരിക്കുന്നു, സോയയില്‍ നിന്നോ ഗോതമ്പില്‍ നിന്നോ ഉരുത്തിരിഞ്ഞ പ്രോട്ടീനേക്കാള്‍ അലര്‍ജി കുറവാണ്
ചില പ്രോട്ടീന് പൊടികളിലോ പാനീയങ്ങളിലോ വിവിധ തരത്തിലുള്ള പ്രോട്ടീനുകളുടെ മിശ്രിതം അടങ്ങിയിരിക്കുന്നു.
പ്രോട്ടീന് ഷേക്കുകളുടെ ഗുണങ്ങള്‍
ശരീരഭാരം കുറയ്ക്കല്‍
ശരീരത്തിന് പ്രോട്ടീന് ഉണ്ടാക്കുന്ന ഫലങ്ങളുടെ സംയോജനം ശരീരഭാരം കുറയ്ക്കാന്‍ ഇടയാക്കും. ഇക്കാരണത്താല്‍, ശരീരഭാരം കുറയ്ക്കാനും ശരീരഭാരം നിലനിര്‍ത്താനും ആവശ്യമായ പ്രോട്ടീന് ലഭിക്കുന്നത് നിര്‍ണായകമാണ്. പ്രോട്ടീന് ഷേക്ക് കുടിക്കുന്നതിന്റെ ഒരു ഗുണം, കാര്‍ബോഹൈഡ്രേറ്റുകളേക്കാള്‍ പ്രോട്ടീന് കൂടുതല്‍ നിറയ്ക്കുന്നതിനാല്‍, ഇത് നിങ്ങളെ കൂടുതല്‍ നേരം വിശപ്പ്പഹിതമായി നിലനിര്‍ത്തുന്നു എന്നാണ്.
വിശപ്പ് നിയന്ത്രണം
മുമ്പ് സൂചിപ്പിച്ചതുപോലെ, പ്രോട്ടീന് ഷേക്കുകള്‍ ശരീരത്തില്‍ പൂര്‍ണ്ണത നല്‍കുന്നു. ഡയറ്റില്‍ ഏര്‍പ്പെടുന്നവര്‍ക്ക് മാത്രമല്ല, വിശപ്പില്ലായ്മ ഉള്ളവര്‍ക്കും പ്രോട്ടീന് ഷേക്ക് ഗുണം ചെയ്യും. കാരണം, പ്രോട്ടീന് വിശപ്പ് നിയന്ത്രിക്കാന്‍ നല്ലതാണ്, കാരണം അത് ഇടതൂര്‍ന്നതും ദഹിക്കാന്‍ കൂടുതല്‍ സമയമെടുക്കുന്നതുമാണ്. നിങ്ങള്‍ കൂടുതല്‍ നേരം വയറു നിറയുകയും ആ കാലയളവില്‍ ഭക്ഷണം കഴിക്കാതിരിക്കുകയും ചെയ്യും. വിശപ്പിന്റെ ഹോര്‍മോണായ ഗ്രെലിന്‍ നിയന്ത്രിക്കുന്നതിലൂടെയും പ്രോട്ടീന് വിശപ്പ് നിയന്ത്രിക്കുന്നു.
രക്തത്തിലെ പഞ്ചസാരയുടെ അളവ് നിയന്ത്രിക്കുന്നു
പ്രോട്ടീന് രക്തത്തിലെ പഞ്ചസാരയുടെ അളവ് സ്ഥിരപ്പെടുത്തുന്നതിനുള്ള ഗുണമുണ്ട്. ചില സമയങ്ങളില്‍. ഭക്ഷണത്തിനിടയില്‍ രക്തത്തിലെ പഞ്ചസാര കുറയുന്നു. നിങ്ങളുടെ ഭക്ഷണത്തില്‍ കൂടുതല്‍ പ്രോട്ടീന് ഉള്‍പ്പെടുത്തുന്നതിലൂടെ ഈ പ്രശ്‌നം തടയാം.
പേശി വളര്‍ത്തുന്നു
പേശികളുടെ വളര്‍ച്ചയ്ക്ക് ഫലപ്രദമായ ഘടകങ്ങളിലൊന്നാണ് പ്രോട്ടീന്. ഉദാഹരണത്തിന് വേ പ്രോട്ടീന് ചേര്‍ക്കുന്നത് പേശികളുടെ വളര്‍ച്ചയെ സഹായിക്കും. നിങ്ങളുടെ പേശികളുടെ വളര്‍ച്ച ത്വരിതപ്പെടുത്തുകയും തല്‍ഫലമായി, നിങ്ങളുടെ ശരീരം മെലിഞ്ഞതും കൂടുതല്‍ സ്ഥിരതയുള്ളതുമായിരിക്കും.
മെറ്റബോളിസം
പ്രോട്ടീന്റെ മറ്റൊരു ഗുണം, അത് ഭക്ഷണത്തിന്റെ തെര്‍മിക് പ്രഭാവം (ഉപാപചയ നിരക്ക്) വര്‍ദ്ധിപ്പിക്കുന്നു എന്നതാണ്. നിങ്ങള്‍ കഴിക്കുന്നത് ദഹിപ്പിക്കുന്നതിലൂടെ നിങ്ങള്‍ എരിച്ചുകളയുന്ന കലോറികളുടെ എണ്ണത്തെ തെര്‍മിക് നിരക്ക് സൂചിപ്പിക്കുന്നു. ഉപാപചയ നിരക്ക് വര്‍ദ്ധിക്കുന്നത് അര്‍ത്ഥമാക്കുന്നത് നിങ്ങളുടെ ശരീരഭാരം കുറയ്ക്കാനുള്ള സാധ്യതയും വളരെ കൂടുതലാണ് എന്നാണ്.
അപകടസാധ്യതകളും പാര്‍ശ്വഫലങ്ങളും
ആരോഗ്യകരവും സമീകൃതവുമായ ഭക്ഷണക്രമത്തിന് പകരം വയ്ക്കാന്‍ അതിന് കഴിയില്ല. ഭക്ഷണത്തിന് പകരം പ്രോട്ടീന് ഷേക്കുകള്‍ നല്‍കണമെന്ന് നിങ്ങള്‍ കരുതുകയാണെങ്കില്‍, അത് ദോഷകരമായേക്കാം, കാരണം നിങ്ങള്‍ക്ക് ആവശ്യമായ എല്ലാ പോഷകങ്ങളും ഒരൊറ്റ ഭക്ഷണ സ്രോതസ്സില്‍ നിന്ന് ലഭിക്കില്ല. തല്‍ഫലമായി, നിങ്ങള്‍ പ്രതീക്ഷിച്ചതിലും കൂടുതല്‍ ഭാരം നഷ്ടപ്പെടാം അല്ലെങ്കില്‍ നിങ്ങളുടെ ശരീരം രോഗത്തിന് ഇരയായേക്കാം.
മെറ്റബോളിസം പ്രശ്‌നങ്ങള്‍
ശരീരത്തിന് ആവശ്യമായ കലോറിയും പോഷകങ്ങളും ലഭിക്കുന്നില്ലെങ്കില്‍, മെറ്റബോളിസം പ്രശ്‌നങ്ങള്‍ ഉണ്ടാകാനുള്ള സാധ്യത വര്‍ദ്ധിക്കുന്നു. ഇത് നിങ്ങളുടെ ഭാരം കുറയ്ക്കാനുള്ള വഴികളെ മന്ദഗതിയിലാക്കുകയോ തടസ്സപ്പെടുത്തുകയോ ചെയ്യും. ചില പ്രോട്ടീന് ഷേക്കുകള്‍ രുചി മെച്ചപ്പെടുത്താന്‍ വലിയ അളവില്‍ മധുരം ഉപയോഗിക്കുന്നു, ഇത് രക്തത്തിലെ പഞ്ചസാരയുടെ വര്‍ദ്ധനവിന് കാരണമാകും.
വൃക്കകളിലും എല്ലുകളിലും പ്രശ്‌നങ്ങള്‍
നിങ്ങളുടെ പ്രോട്ടീന് അളവ് വര്‍ദ്ധിപ്പിക്കാന്‍ ഒരു പ്രോട്ടീന് ഷേക്ക് കഴിക്കുന്നത് നല്ലതാണ്. എന്നിരുന്നാലും അമിതമായത് ശരീരത്തിന് അത് നല്ലതല്ല. ഇത് നിങ്ങള്‍ക്ക് വൃക്കകളിലും എല്ലുകളിലും പ്രശ്‌നങ്ങള്‍ ഉണ്ടാക്കുകയും ചില കാന്‍സറുകളുടെ സാധ്യത വര്‍ദ്ധിപ്പിക്കുകയും ചെയ്യും.
ജീവന് വരെ ഭീഷണി
മെര്‍ക്കുറി, ആര്‍സെനിക്, ലെഡ്, കാഡ്മിയം തുടങ്ങിയ മലിനീകരണത്തിന്റെ സുരക്ഷിതമല്ലാത്ത അളവില്‍ അടങ്ങിയിരിക്കുന്നതിനാല്‍, പ്രോട്ടീന് ഷേക്കിനുള്ളിലെ ചേരുവകളെക്കുറിച്ച് കൂടുതല്‍ അറിഞ്ഞിരിക്കുക. ഈ ചേരുവകള്‍ ഗുരുതരമായ ആരോഗ്യപ്രശ്‌നങ്ങള്‍ക്ക് കാരണമാകും, അവയില്‍ ചിലത് ജീവന് വരെ ഭീഷണിയായേക്കാം.
