സാനിറ്റൈസര്‍ സുരക്ഷിതത്വം എത്ര സമയം നില്‍ക്കും

ഉപയോഗിക്കുന്ന സമയം

എത്ര സമയമാണ് സാനിറ്റൈസര്‍ ഉപയോഗിക്കുമ്പോള്‍ അതിന്റെ ഗുണം നിലനില്‍ക്കുക എന്നുള്ളത് വളരെയധികം ശ്രദ്ധിക്കേണ്ടതാണ്. വെറും രണ്ട് മിനിട്ട് മാത്രമാണ് സാനിറ്റൈസര്‍ ഇതിന്റെ ഗുണം നില നിര്‍ത്തുന്നത്. അതുകൊണ്ട് തന്നെയാണ് ഇടക്കിടക്ക് സാനിറ്റൈസര്‍ ഇട്ട് കൈ വൃത്തിയാക്കണം എന്ന് പറയുന്നത്. വെള്ളവും സോപ്പും ഉപയോഗിച്ച് കൈ കഴുകുന്നതിന് സാധിക്കാത്ത സാഹചര്യങ്ങളിലാണ് സാനിറ്റൈസര്‍ ഉപയോഗിക്കണം. എന്നാല്‍ ഉപയോഗിക്കുമ്പോള്‍ അല്‍പം ശ്രദ്ധിക്കേണ്ടതായുണ്ട്. കൈകളുടെ പുറത്തും അകത്തും എല്ലാം നല്ലതുപോലെ തടവുന്നതിന് ശ്രദ്ധിക്കണം.

നീണ്ടു നില്‍ക്കുന്ന ഗുണം

ഹാന്‍ഡ് സാനിറ്റൈസര്‍ നിങ്ങള്‍ക്ക് നീണ്ടുനില്‍ക്കുന്ന പരിരക്ഷ നല്‍കുന്നില്ല, മാത്രമല്ല ഇടക്കിടക്ക് വീണ്ടും ഉപയോഗിക്കുകയും വേണം. വിദഗ്ദ്ധരുടെ അഭിപ്രായത്തില്‍, നിങ്ങള്‍ പുറത്തിറങ്ങുമ്പോഴും നിങ്ങളുടെ കൈകള്‍ വൃത്തിയാക്കാന്‍ വെള്ളവും സോപ്പും ലഭ്യമല്ലാത്തതോ അല്ലെങ്കില്‍ ആരുടെയെങ്കിലും കൈയ്യില്‍ തൊട്ടതിന് ശേഷമോ മാത്രമേ സാനിറ്റൈസറുകള്‍ ഫലപ്രദമാകൂ. എന്തായാലും, സോപ്പും വെള്ളവും ഉപയോഗിച്ച് കഴുകുക എന്നതാണ് നിങ്ങളുടെ കൈ ശുചിത്വം പാലിക്കാനുള്ള ഏറ്റവും നല്ല മാര്‍ഗം. അണുബാധ ഒഴിവാക്കിയ ശേഷം മാത്രമേ നിങ്ങളുടെ കൈകള്‍ മുഖത്ത് സ്പര്‍ശിക്കുകയും ഭക്ഷണം കഴിക്കുകയും ചെയ്യാവൂ.

സാനിറ്റൈസറില്‍ ശ്രദ്ധിക്കാന്‍

കുറഞ്ഞത് 60 ശതമാനം ആല്‍ക്കഹോള്‍ അടങ്ങിയ ഹാന്‍ഡ് സാനിറ്റൈസര്‍ വേണം ഉപയോഗിക്കുന്നതിന്. ഇത് ബാക്ടീരിയയേയും അണുക്കളെ കൊല്ലാന്‍ നിങ്ങളുടെ കൈപ്പത്തിയില്‍ 30 സെക്കന്‍ഡ് തടവുന്നതിനും ശ്രദ്ധിക്കേണ്ടതാണ്. 30 സെക്കന്റെങ്കിലും കൈയ്യില്‍ സാനിറ്റൈസര്‍ ഉപയോഗിക്കാന്‍ ആണ് ശ്രദ്ധിക്കേണ്ടത്. അല്ലാത്തവര്‍ സോപ്പും വെള്ളവും ഉപയോഗിച്ച് 20 സെക്കന്റ് കൈ വൃത്തിയാക്കാന്‍ ശ്രദ്ധിക്കേണ്ടതാണ്. ഇത്തരം കാര്യങ്ങള്‍ക്ക് വളരെയധികം പ്രാധാന്യം നല്‍കണം. ഒരിക്കലും ഇത്തരം കാര്യത്തില്‍ അലംഭാവം കാണിക്കരുത്. ഇത് കൂടുതല്‍ അപകടങ്ങളിലേക്ക് നിങ്ങളെ എത്തിക്കുന്നുണ്ട്.

ഉപയോഗിക്കുന്നത് ഗുണമോ?

ഹാന്‍ഡ് സാനിറ്റൈസര്‍ ഉപയോഗിക്കുന്നതിലൂടെ എന്തെങ്കിലും ഗുണമുണ്ടോ? സിഡിസി അനുസരിച്ച്, അടിയന്തിര സാഹചര്യങ്ങളില്‍ സോപ്പിനും വെള്ളത്തിനും പകരമായി ആല്‍ക്കഹോള്‍ അടങ്ങിയിട്ടുള്ള ഹാന്‍ഡ് സാനിറ്റൈസറുകള്‍ക്ക് കഴിയും. എന്നാല്‍ ഇത് നിങ്ങളുടെ പരിഹാരമാകരുത്. സാനിറ്റൈസര്‍ എല്ലാ അണുക്കളെയും കൊല്ലുകയില്ല. അവ വേഗത്തില്‍ പ്രവര്‍ത്തിക്കുന്നതും ചര്‍മ്മത്തിലെ അണുക്കളുടെ എണ്ണം ഗണ്യമായി കുറയ്ക്കുകയും ആണ് ചെയ്യുന്നത്. അതുകൊണ്ട് ഇടക്കിടക്ക് ഇത് കൈകളില്‍ ഉപയോഗിക്കാന്‍ ശ്രദ്ധിക്കേണ്ടതാണ്. ഒരിക്കലും ഇത്തരം കാര്യത്തില്‍ അഭാവം കാണിക്കരുത്.

നിങ്ങള്‍ എന്തുചെയ്യണം?

അണുബാധയില്‍ നിന്ന് സ്വയം പരിരക്ഷിക്കുന്നതിന്, ഭക്ഷണം കഴിക്കുന്നതിനോ മുഖത്ത് സ്പര്‍ശിക്കുന്നതിനോ മുമ്പായി കൈകള്‍ വൃത്തിയാക്കുക. നിങ്ങള്‍ 10 മിനിറ്റ് മുമ്പ് സാനിറ്റൈസര്‍ തടവി എന്നത് പ്രശ്‌നമല്ല. ഇത് വീണ്ടും ചെയ്യുക. നിങ്ങള്‍ ഹാന്‍ഡ് സാനിറ്റൈസര്‍ ഉപയോഗിക്കുകയാണെങ്കില്‍, നിങ്ങളുടെ കൈകളുടെ മുകള്‍ഭാഗത്തും വിരലുകള്‍ക്ക് ഇടയിലും 30 സെക്കന്റ് നേരം ഇത് തടവാന്‍ ശ്രദ്ധിക്കുക. എന്നിരുന്നാലും, സോപ്പും വെള്ളവും ഉപയോഗിക്കുന്നതാണ് നിങ്ങളുടെ കൈ ശുചിത്വം പാലിക്കാനുള്ള ഏറ്റവും നല്ല മാര്‍ഗം. സോപ്പ് ഉപയോഗിച്ച് കൈകള്‍ ഉയര്‍ത്തി 20 സെക്കന്‍ഡ് എങ്കിലും കഴുകുക. വെള്ളത്തില്‍ കഴുകുന്നതിനുമുമ്പ് വിരലുകള്‍ക്കിടയിലും കൈകളുടെ പുറകിലും നഖത്തിനടിയിലും വൃത്തിയാക്കാന്‍ ശ്രദ്ധിക്കേണ്ടതാണ്.