Just In
- 35 min ago 2024 മേയ് മാസത്തെ സമ്പൂര്ണ നക്ഷത്രഫലം: വരുന്ന 31 ദിനം ഗുണദോഷഫലങ്ങള്
- 1 hr ago ചര്മ്മത്തിലെ വെളുത്ത പാടുകള് കൂടുന്നോ? വെള്ളപ്പാണ്ട് അല്ല, പക്ഷേ ശ്രദ്ധിക്കണം
- 2 hrs ago ചാണക്യനീതി: അര്ത്ഥപൂര്ണമായ ജീവിതം, മരണശേഷവും കുടുംബം സന്തോഷത്തോടെ
- 2 hrs ago മേയ് സമ്പൂര്ണഫലം: ശനി വര്ഷത്തില് അതിഗംഭീര നേട്ടങ്ങള്ക്ക് തുടക്കം
Don't Miss
- Sports T20 World Cup: സമ്പൂര്ണ ദൂരന്തം! പാണ്ഡ്യയ്ക്ക് ലോകകപ്പ് ടീമില് ഇടം നല്കരുത്; നാല് കാരണങ്ങളുണ്ട്
- Automobiles ഇവർ വരുന്നതോടെ ക്രെറ്റയുടെ വിൽപ്പന തീരും? സെഗ്മെന്റ് പിടിക്കാൻ ടാറ്റയും സിട്രണും
- News പാലക്കാട് ജില്ലയിൽ ഉഷ്ണ തരംഗ മുന്നറിയിപ്പ്; ഈ 12 ജില്ലക്കാർ ശ്രദ്ധിക്കുക, യെല്ലോ അലേർട്ട്
- Movies ഞാൻ നടിയാണെന്ന് മറന്നു, ഓടിപ്പോയി കെട്ടിപ്പിടിച്ചു; ഉടനെ ശ്രീദേവി എന്നോട് പറഞ്ഞത്; ഉർവശിയുടെ വാക്കുകൾ
- Technology തീ തുപ്പും തുപ്പാക്കി പോലെ ഉശിരന്മാർ! റിയൽമി നാർസോ 70x 5ജിയും നാർസോ 70 5ജിയും എത്തി
- Finance ഏത് പൊതുമേഖലാ ഓഹരി വാങ്ങണം, ഐആർസിടിസിയും കൊച്ചിൻ ഷിപ്പ്യാർഡും നേട്ടം നൽകുമോ, വിശദമായി അറിയാം
- Travel ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി
കൊവിഡ് പകരുന്നതും തടയേണ്ടതും ഈ വഴികളിലൂടെ
കൊവിഡ് എന്ന മഹാമാരി നമ്മുടെ ജീവിതത്തെയാകെ വെല്ലുവിളിച്ച് കൊണ്ട് മുന്നോട്ട് പോയിക്കൊണ്ടിരിക്കുകയാണ്. എന്നാല് പല അവസ്ഥയിലും എന്താണ് ചെയ്യേണ്ടത് എന്ന് അറിയാതെ നാം പിടച്ച് പോവുന്ന അവസ്ഥ നമ്മുടെ ചുറ്റും കണ്ടുകൊണ്ടിരിക്കുകയാണ്. എന്താണ് കൊവിഡ്, എങ്ങനെയാണ് ഇതിന്റെ വ്യാപനം, പ്രതിരോധിക്കാന് എന്താണ് ചെയ്യേണ്ടത് എന്നതിനെക്കുറിച്ചെല്ലാം നാം നിര്ബന്ധമായും അറിഞ്ഞിരിക്കേണ്ടതാണ്. SARS-CoV-2 വൈറസ് മൂലമാണ് ഈ രോഗം ഉണ്ടാകുന്നതെന്ന് നമുക്കറിയാം, ഇത് ആളുകള്ക്കിടയില് പലവിധത്തില് പടരുന്നു. രോഗം ബാധിച്ച ഒരാളുടെ വായില് നിന്നോ മൂക്കില് നിന്നോ ചെറിയ ദ്രാവക കണികകളില് ചുമ, തുമ്മല്, സംസാരിക്കല്, ശ്വസിക്കുമ്പോള് തുടങ്ങിയ അവസ്ഥകളില് വൈറസ് പടരും. ഈ കണങ്ങള് വലിയ ശ്വസന തുള്ളികള് മുതല് ചെറിയ എയറോസോള് വരെയാണ്.
സാധാരണ കൊവിഡ് ലക്ഷണമല്ല; പനിയും ജലദോഷവും ഇല്ലെങ്കിലും കൊവിഡ് വരാം
നിലവിലെ പഠനങ്ങള് സൂചിപ്പിക്കുന്നത് പരസ്പരം അടുത്ത ബന്ധം പുലര്ത്തുന്ന ആളുകള്ക്കിടയിലാണ്, സാധാരണയായി 1 മീറ്ററിനുള്ളില് വൈറസ് പടരുന്നത് എന്നാണ്. വൈറസ് അടങ്ങിയ എയറോസോള്സ് അല്ലെങ്കില് ഡ്രോപ്റ്റുകള് ശ്വസിക്കുമ്പോള് അല്ലെങ്കില് കണ്ണുകള്, മൂക്ക് അല്ലെങ്കില് വായയുമായി നേരിട്ട് ബന്ധപ്പെടുമ്പോള് ഒരു വ്യക്തിക്ക് രോഗം പകരുന്നുണ്ട്. മോശമായി വായുസഞ്ചാരമുള്ളതും അല്ലെങ്കില് തിരക്കേറിയതുമായ ഇന്ഡോര് ക്രമീകരണങ്ങളിലും വൈറസ് പടരുന്നതിനുള്ള സാധ്യതയുണ്ട്. അവിടെ ആളുകള് കൂടുതല് സമയം ചെലവഴിക്കുന്നത തന്നെയാണ് ഈ പകര്ച്ചക്ക് കാരണം. എയറോസോള്സ് വായുവില് താല്ക്കാലികമായി നിര്ത്തിവയ്ക്കുകയോ 1 മീറ്ററില് കൂടുതല് ദൂരം സഞ്ചരിക്കുകയോ ചെയ്യുന്ന അവസ്ഥ ഇവിടെ സംഭവിക്കുന്നു. കൈകള് വൃത്തിയാക്കാതെ കണ്ണുകളിലോ മൂക്കിലോ വായിലോ തൊടുകയും മലിനമായ പ്രതലങ്ങളില് സ്പര്ശിക്കുന്നതിലൂടെയും ആളുകള് രോഗബാധിതരാകാം. വൈറസ് വ്യാപനത്തെക്കുറിച്ചും പ്രതിരോധത്തെക്കുറിച്ചും നമുക്ക് നോക്കാം.
രോഗബാധിതരും രോഗപ്പകര്ച്ചയും
രോഗബാധിതരായ ആളുകള് എപ്പോഴാണ് വൈറസ് പകരുന്നത് എന്നതിനെക്കുറിച്ച് ഇപ്പോഴും പഠനങ്ങള് നടന്നു കൊണ്ടിരിക്കുകയാണ്. രോഗലക്ഷണങ്ങളുണ്ടെങ്കിലും ഇല്ലെങ്കിലും, രോഗബാധിതരായ ആളുകളില് നിന്ന് രോഗം വ്യാപിക്കുന്നതിനുള്ള സാധ്യതയുണ്ട്. അതുകൊണ്ട് തന്നെ വൈറസ് അവരില് നിന്ന് മറ്റ് ആളുകളിലേക്ക് വ്യാപിക്കുകയും ചെയ്യും. രോഗലക്ഷണങ്ങള് വികസിപ്പിക്കുന്നതിന് തൊട്ടുമുമ്പ് രോഗത്തിന്റെ തുടക്കത്തില് തന്നെ രോഗബാധിതരായ ആളുകളില് നിന്ന് രോഗവ്യാപനത്തിനുള്ള സാധ്യത തള്ളിക്കളയാന് സാധിക്കില്ല. കഠിനമായ രോഗാവസ്ഥയുള്ളവരില് നിന്ന് കൂടുതല് നേരം പകര്ച്ചവ്യാധി ഉണ്ടാകാം. ഒരിക്കലും രോഗലക്ഷണങ്ങള് ഇല്ലാത്ത ഒരാള്ക്ക് മറ്റുള്ളവരിലേക്ക് വൈറസ് പകര്ത്താന് കഴിയുമെങ്കിലും, ഇത് എത്ര തവണ സംഭവിക്കുന്നുവെന്ന് ഇപ്പോഴും വ്യക്തമല്ല, ഈ മേഖലയില് കൂടുതല് ഗവേഷണങ്ങള് നടന്നു കൊണ്ടിരിക്കുകയാണ്.
രോഗലക്ഷണമുള്ളവരും ലക്ഷണമില്ലാത്ത രോഗബാധിതരും
രോഗലക്ഷണമോ പ്രീ-രോഗലക്ഷണമോ ഉള്ള ആളുകള് തമ്മിലുള്ള വ്യത്യാസം എന്താണ് എന്നതിനെക്കുറിച്ച് ഇപ്പോഴും ആര്ക്കും അറിയില്ല. രണ്ട് പദങ്ങളും ലക്ഷണങ്ങളില്ലാത്ത ആളുകളെ സൂചിപ്പിക്കുന്നു. 'അസിംപ്റ്റോമാറ്റിക്' എന്നത് രോഗബാധിതരായ ആളുകളെയാണ് സൂചിപ്പിക്കുന്നത്, എന്നാല് ഒരിക്കലും രോഗലക്ഷണങ്ങള് ഇവരില് കാണാന് സാധിക്കില്ല. അതേസമയം 'പ്രീ-സിംപ്റ്റോമാറ്റിക്' എന്നത് ഇതുവരെ രോഗലക്ഷണങ്ങള് വികസിപ്പിച്ചിട്ടില്ലെങ്കിലും പിന്നീട് രോഗലക്ഷണങ്ങള് വികസിപ്പിച്ചെടുക്കുന്ന രോഗബാധിതരെ സൂചിപ്പിക്കുന്നതാണ്. അതുകൊണ്ട് തന്നെ ഇത് രണ്ടും വളരെയധികം ശ്രദ്ധിക്കേണ്ടതുണ്ട്.
രോഗപ്പകര്ച്ചക്കുള്ള സാധ്യതകള് എങ്ങനെ?
COVID-19 കൂടുതല് എളുപ്പത്തില് വ്യാപിക്കാന് കഴിയുന്ന ഒന്നാണ് എന്ന് നമുക്ക് ഇതിനിടയില് തന്നെ മനസ്സിലാക്കാന് സാധിച്ചിട്ടുണ്ട്. ആളുകള് ദീര്ഘകാലത്തേക്ക് പരസ്പരം അടുത്തിരിക്കുന്ന ഏതൊരു സാഹചര്യവും രോഗം പകരാനുള്ള സാധ്യത വര്ദ്ധിപ്പിക്കുന്നു. ഇന്ഡോര് ലൊക്കേഷനുകള്, പ്രത്യേകിച്ച് വായുസഞ്ചാരമില്ലാത്ത ക്രമീകരണങ്ങള് ഔട്ട്ഡോര് സ്ഥലങ്ങളേക്കാള് അപകടകരമാണ്. വായില് നിന്ന് കൂടുതല് കണങ്ങളെ പുറന്തള്ളുന്ന പ്രവര്ത്തനങ്ങള്, വ്യായാമ വേളയില് പാടുകയോ ശ്വസിക്കുകയോ ചെയ്യുന്നത് പോലുള്ളവയും പകരാനുള്ള സാധ്യത വര്ദ്ധിപ്പിക്കുന്നു. അതുകൊണ്ട് ഇത്തരം കാര്യങ്ങളില് നാം ഓരോരുത്തരും ശ്രദ്ധ പതിപ്പിക്കേണ്ടതുണ്ട്.
ശ്രദ്ധിക്കേണ്ട സ്ഥലങ്ങള്
COVID-19 ബാധിതര് ചികിത്സ തേടുന്ന ആരോഗ്യ സംവിധാനങ്ങളില് എയറോസോള് ജനറേറ്റിംഗ് നടപടിക്രമങ്ങള് എന്ന് വിളിക്കുന്ന മെഡിക്കല് നടപടിക്രമങ്ങളില് അണുബാധയ്ക്കുള്ള സാധ്യത കൂടുതലാണ്. അതുകൊണ്ട് തന്നെയാണ് ആരോഗ്യപ്രവര്ത്തകരും രോഗികളെ ചികിത്സിക്കുന്നവരും പിപിഇ കിറ്റ് ധരിക്കുന്നതും, ഗ്ലൗസും, ഗ്ലാസ്സും, മാസ്കും എല്ലാം ധരിക്കുന്നത്. കാരണം രോഗിയില് നിന്ന് പുറത്തേക്ക് വരുന്ന ചെറിയ തുള്ളികള് കൂടുതല് നേരം വായുവില് തങ്ങിനില്ക്കുകയും സംഭാഷണ ദൂരത്തിനപ്പുറം വ്യാപിക്കുകയും ചെയ്യും. അതുകൊണ്ടാണ് ഇത്തരം പ്രദേശങ്ങളില് സന്ദര്ശകരെ അനുവദിക്കാത്തതും. അല്ലാത്ത പക്ഷം അത് കൂടുതല് അപകടമാണ് വരുത്തിവെക്കുന്നത്. നമ്മുടെ ചെറിയ ഒരു അശ്രദ്ധ രോഗത്തെ വളരെയധികം വര്ദ്ധിപ്പിക്കും.
അപകട സാധ്യത കുറക്കാന്
COVID-19 ലഭിക്കുന്നതിനുള്ള അപകടസാധ്യത എങ്ങനെ കുറയ്ക്കാം എന്നതാണ് ഇന്ന് നാം ഓരോരുത്തരും ചിന്തിക്കേണ്ടത്. നിങ്ങളെയും നിങ്ങളുടെ പ്രിയപ്പെട്ടവരെയും COVID-19 ല് നിന്ന് സുരക്ഷിതമായി അകറ്റി നിര്ത്താന് നിങ്ങള്ക്ക് നിരവധി കാര്യങ്ങള് ചെയ്യാനാകും. അതിനായി അടിസ്ഥാനപരമായ കാര്യങ്ങള് എന്തൊക്കെയാണ് ശ്രദ്ധിക്കേണ്ടത് എന്നുള്ളത് നാം ഓരോരുത്തരും അറിഞ്ഞിരിക്കണം. പ്രാദേശിക മാര്ഗ്ഗനിര്ദ്ദേശം പിന്തുടരുക എന്നുള്ളത് തന്നെയാണ് ആദ്യം ചെയ്യേണ്ടത്. ദേശീയ, പ്രാദേശിക മേഖലയിലുള്ളവര് ആരോഗ്യപ്രവര്ത്തകര്, ഭരണാധികാരികള് എന്താണ് പറയുന്നതെന്ന് കൃത്യമായി മനസ്സിലാക്കേണ്ടതാണ്.
സാമൂഹിക അകലം പാലിക്കുക
മറ്റുള്ളവര്ക്ക് രോഗലക്ഷണങ്ങളില്ലെങ്കിലും, ഉണ്ടെങ്കിലും രോഗലക്ഷണങ്ങളില്ലാതെ ആളുകള്ക്ക് വൈറസ് ഉണ്ടാകാമെന്നതിനാല്, മറ്റുള്ളവരില് നിന്ന് 1 മീറ്ററെങ്കിലും അകലം പാലിക്കാന് ശ്രദ്ധിക്കുക. കൃത്യമായി മാസ്ക് ധരിക്കുന്നതിന് ശ്രദ്ധിക്കണം. നന്നായി യോജിക്കുന്ന മൂന്ന്-ലെയര് മാസ്ക് ധരിക്കുക, പ്രത്യേകിച്ചും നിങ്ങള്ക്ക് ശാരീരികമായി അകലം പാലിക്കാന് കഴിയാത്തപ്പോള് അല്ലെങ്കില് നിങ്ങള് വീടിനകത്താണെങ്കില്. മാസ്ക് ധരിക്കുന്നതിനുമുമ്പ് നിങ്ങളുടെ കൈകള് വൃത്തിയാക്കേണ്ടതാണ്. തിരക്കേറിയ സ്ഥലങ്ങള്, വായുസഞ്ചാരമില്ലാത്ത, ഇന്ഡോര് ലൊക്കേഷനുകള് എന്നിവ ഒഴിവാക്കുക, മറ്റുള്ളവരുമായി ദീര്ഘനേരം സമ്പര്ക്കം ഒഴിവാക്കുക. വീടിനേക്കാള് കൂടുതല് സമയം പുറത്ത് ചിലവഴിക്കാതിരിക്കുന്നതിന് ശ്രദ്ധിക്കണം.
വെന്റിലേഷന് പ്രധാനമാണ്
ഔട്ട്ഡോര് വായുവിന്റെ അളവ് വര്ദ്ധിപ്പിക്കുന്നതിന് വീടിനുള്ളില് ജനലുകള് തുറക്കുക. COVID-19 ബാധിച്ച ആളുകള് അവരെ സ്പര്ശിച്ചിട്ടുണ്ടെങ്കില്, പ്രത്യേകിച്ചും പൊതുഇടങ്ങളിലോ ആശുപത്രികളിലോ സ്പര്ശിക്കുന്ന ഉപരിതലങ്ങള് ഒഴിവാക്കുക. സാധാരണ അണുനാശിനി ഉപയോഗിച്ച് ഉപരിതലങ്ങള് പതിവായി വൃത്തിയാക്കുന്നതിന് ശ്രദ്ധിക്കണം. സോപ്പും വെള്ളവും അല്ലെങ്കില് ആല്ക്കഹോള് അടിസ്ഥാനമാക്കി കൈ വൃത്തിയാക്കുക.
വാക്സിനേഷന് എടുക്കുക
നിങ്ങള്ക്ക് വാക്സിന് എടുക്കേണ്ട സമയമാവുമ്പോള് യാതൊരു വിധത്തിലുള്ള മടിയും കൂടാതെ വാക്സിന് എടുക്കുന്നതിന് ശ്രദ്ധിക്കണം. ഇത് കൂടാതെ വാക്സിനേഷനെക്കുറിച്ചുള്ള പ്രാദേശിക മാര്ഗനിര്ദേശങ്ങളും ശുപാര്ശകളും പാലിക്കേണ്ടതാണ്. വാക്സിന് രോഗം വരാതെ തടയില്ല എന്നുണ്ടെങ്കില് പോലും രോഗബാധയുടെ കാഠിന്യം കുറക്കുന്നതിന് സഹായിക്കുന്നു. അതുകൊണ്ട് മുകളില് പറഞ്ഞ കാര്യങ്ങള് എല്ലാം തന്നെ വളരെയധികം ശ്രദ്ധിക്കണം. നാം കാരണം ഒരാളും രോഗിയാവാതിരിക്കുക എന്നുള്ളത് നമ്മുടെ ഉത്തരവാദിത്വമാണ്.