മൗത്ത് വാഷ് വേറെ വേണ്ട; വീട്ടില്‍ തയാറാക്കാം

ബേക്കിംഗ് സോഡ

ചേരുവകള്‍: 1/2 ടീസ്പൂണ്‍ ബേക്കിംഗ് സോഡയും 1/2 ഗ്ലാസ് ചെറുചൂടുള്ള വെള്ളവും

എന്തുചെയ്യണം: അര ഗ്ലാസ് ചെറുചൂടുള്ള വെള്ളത്തില്‍ ബേക്കിംഗ് സോഡ ചേര്‍ക്കുക. ഇത് നന്നായി കലര്‍ത്തി പല്ല് തേപ്പിന് ശേഷം ഇത് ഉപയോഗിച്ച് വായ കഴുകുക.

എങ്ങനെ സഹായിക്കുന്നു: വായ്നാറ്റം, ബാക്ടീരിയ എന്നിവയില്‍ നിന്ന് രക്ഷ നേടാനുള്ള മികച്ച പരിഹാരമാണ് ബേക്കിംഗ് സോഡ. ഇത് ക്ഷാരസ്വഭാവമുള്ളതിനാല്‍ ഉമിനീരിന്റെ പി.എച്ച് നില വര്‍ദ്ധിപ്പിക്കും.

വെളിച്ചെണ്ണ

ചേരുവ: 1 ടീസ്പൂണ്‍ വെളിച്ചെണ്ണ

എന്തുചെയ്യണം: ഒരു ടീസ്പൂണ്‍ എണ്ണ വായില്‍ ഒഴിച്ച് 10-15 തവണ കുലുക്കുക. ശേഷം എണ്ണ തുപ്പിക്കളഞ്ഞ് വായ നന്നായി കഴുകുക.

എങ്ങനെ സഹായിക്കുന്നു: ഈ പ്രക്രിയയെ ഓയില്‍ പുള്ളിംഗ് എന്ന് വിളിക്കുന്നു. വെളിച്ചെണ്ണ നല്ല മൗത്ത് വാഷ് മാത്രമല്ല, ശരീരത്തിലെ വിഷാംശം ഇല്ലാതാക്കാനും സഹായിക്കുന്നു. ഇത് വായില്‍ ഫലകത്തിന്റെ രൂപീകരണം കുറയ്ക്കുകയും ചെയ്യുന്നു.

ഉപ്പ്

ചേരുവകള്‍: 1/2 ടീസ്പൂണ്‍ ഉപ്പും 1/2 ഗ്ലാസ് ചെറുചൂടുള്ള വെള്ളവും

എന്തുചെയ്യണം: വെള്ളത്തില്‍ ഉപ്പ് ചേര്‍ത്ത് നന്നായി ഇളക്കുക. ഈ മിശ്രിതം ഉപയോഗിച്ച് നിങ്ങളുടെ വായ കഴുകുക. നിങ്ങളുടെ ഭക്ഷണത്തിന് ശേഷം ഇത് ചെയ്യുന്നത് ഏറെ സഹായകമാണ്.

എങ്ങനെ സഹായിക്കുന്നു: വിപണിയില്‍ ലഭ്യമായ മറ്റേതൊരു മൗത്ത് വാഷിനെയും പോലെ ഉപ്പുവെള്ളവും ഫലപ്രദമാണ്. ദന്ത പ്രശ്നങ്ങളും ഫലക രൂപീകരണവും കുറയ്ക്കാന്‍ ഇത് സഹായിക്കും.

കറ്റാര്‍ വാഴ ജ്യൂസ്

ചേരുവകള്‍: 1/2 കപ്പ് കറ്റാര്‍ വാഴ ജ്യൂസ്, 1/2 കപ്പ് ഡിസ്റ്റില്‍ഡ് വെള്ളം.

എന്തുചെയ്യണം: പല്ല് തേച്ച് കഴിഞ്ഞ് കറ്റാര്‍ വാഴ ജ്യൂസ് വെള്ളത്തില്‍ വായ കഴുകുക.

എങ്ങനെ സഹായിക്കുന്നു: മോണയില്‍ നിന്ന് രക്തസ്രാവവും പ്ലേക്കും കുറയ്ക്കാന്‍ ഈ കൂട്ട് സഹായിക്കുന്നു.

കറുവാപ്പട്ടയും ഗ്രാമ്പൂ എണ്ണയും

ചേരുവകള്‍: 1 കപ്പ് ഡിസ്റ്റില്‍ഡ് വെള്ളം, 10 തുള്ളി കറുവപ്പട്ട എണ്ണ, 10 തുള്ളി ഗ്രാമ്പൂ എണ്ണ.

എങ്ങനെ ഉണ്ടാക്കാം: എല്ലാ ചേരുവകളും ഒരുമിച്ച് കലര്‍ത്തി ഉപയോഗിക്കാവുന്നതാണ്. ഈ മിശ്രിതം വളരെക്കാലം കേടുകൂടാതെ നില്‍ക്കും. അതിനാലിത് സൂക്ഷിച്ചുവച്ച് ഉപയോഗിക്കാവുന്നതാണ്.

എങ്ങനെ സഹായിക്കുന്നു: ഗ്രാമ്പൂ, കറുവപ്പട്ട എണ്ണ എന്നിവ നിങ്ങളുടെ ശ്വാസം പുതുക്കാനും വായ്‌നാറ്റം അകറ്റാനും സഹായിക്കുന്നു.