വേനല്‍ക്കാല ജലദോഷം വില്ലനാണ്; തുരത്താന്‍ വഴിയുണ്ട്

വേനല്‍ക്കാല ജലദോഷവും അലര്‍ജിയും എങ്ങനെ തിരിച്ചറിയാം

ജലദോഷത്തിനും അലര്‍ജിക്കും തുമ്മല്‍, മൂക്കൊലിപ്പ്, തൊണ്ടവേദന തുടങ്ങിയ ലക്ഷണങ്ങളുണ്ട്. പക്ഷേ ജലദോഷത്തോടെ നിങ്ങള്‍ക്ക് ചുമ, വിയര്‍പ്പ്, പനി തുടങ്ങിയ ലക്ഷണങ്ങളും ഉണ്ടാകാം. വേനല്‍ക്കാല ജലദോഷം സാധാരണയായി ഒന്നോ രണ്ടോ ആഴ്ചയ്ക്കുള്ളില്‍ പരിഹരിക്കപ്പെടും. എന്നിരുന്നാലും, ഇത് അലര്‍ജിയുമായി ബന്ധപ്പെട്ടതാണെങ്കില്‍ രണ്ടാഴ്ചയില്‍ കൂടുതല്‍ തുടരും. ജലദോഷത്തിന്റെ ലക്ഷണങ്ങള്‍ സാധാരണയായി സൗമ്യമാവുകയും പിന്നീട് വഷളാകുകയും സൗമ്യതയിലേക്ക് മടങ്ങുകയും ചെയ്യുന്നു. എന്നാല്‍ അലര്‍ജിയുടെ, ലക്ഷണങ്ങള്‍ സ്ഥിരമായിരിക്കും.

മികച്ച വീട്ടുവൈദ്യങ്ങള്‍

ഒരു ജലദോഷം എത്രത്തോളം നീണ്ടുനില്‍ക്കുന്നു എന്നത് ഒരു വ്യക്തിയുടെ രോഗപ്രതിരോധ ശേഷിയെ ആശ്രയിച്ചിരിക്കുന്നു. മാത്രമല്ല ഭക്ഷണക്രമം, മതിയായ ജലാംശം, വ്യക്തിയുടെ ശാരീരിക പ്രവര്‍ത്തന നിലകള്‍ എന്നിവയേയും ഇത് സ്വാധീനിക്കുന്നു. വേനല്‍ക്കാല ജലദോഷത്തില്‍ നിന്നും ചുമയില്‍ നിന്നും ആശ്വാസം ലഭിക്കുന്നതിന് ലളിതവും ഫലപ്രദവുമായ ഈ വീട്ടുവൈദ്യങ്ങള്‍ പിന്തുടരുക:

ജലാംശം നിലനിര്‍ത്തുക

വേനല്‍ക്കാല സീസണില്‍ ശരീരത്തില്‍ ജലാംശം നിലനിര്‍ത്തേണ്ടത് വളരെ പ്രധാനമാണ്. നിങ്ങള്‍ ധാരാളം വെള്ളം കുടിക്കുന്നുണ്ടെന്ന് ഉറപ്പുവരുത്തുക. അതുവഴി നിങ്ങളുടെ ശരീരത്തില്‍ നിന്നുള്ള എല്ലാ വിഷവസ്തുക്കളും പുറന്തള്ളുകയും നിങ്ങളെ ആരോഗ്യകരവും രോഗങ്ങളില്‍ നിന്ന് പ്രതിരോധിക്കുകയും ചെയ്യുന്നു. കഴിയുന്നത്ര വെള്ളം കുടിക്കുക. പുറത്തുപോകുമ്പോള്‍ എപ്പോഴും ഒരു വാട്ടര്‍ ബോട്ടില്‍ സൂക്ഷിക്കുക.

ആവി പിടിക്കുക

ആഴ്ചയില്‍ ഒന്നോ രണ്ടോ തവണ ആവി പിടിക്കുന്നത് നിങ്ങളുടെ ശ്വാസകോശ ആരോഗ്യത്തിന് നല്ലതാണ്. നീരാവി ശ്വസിക്കുന്നത് നിങ്ങളുടെ മൂക്കിലും ശ്വാസകോശത്തിലും കടന്നുപോകുകയും ചുമയില്‍ നിന്നും ജലദോഷത്തില്‍ നിന്നും നിങ്ങളെ അകറ്റുകയും ചെയ്യുന്നു. നിങ്ങളുടെ ശരീരത്തില്‍ അടങ്ങിയിരിക്കുന്ന ഏതെങ്കിലും വൈറസുകളെയോ ബാക്ടീരിയകളെയോ പ്രതിരോധിക്കാന്‍ ആവി പിടിത്തം നിങ്ങളുടെ ശരീരത്തെ സഹായിക്കുന്നു.

പോഷകഗുണമുള്ള ഭക്ഷണം കഴിക്കുക

ആരോഗ്യത്തോടെയിരിക്കാന്‍ നിങ്ങളുടെ ഭക്ഷണം ശ്രദ്ധിക്കേണ്ടത് വളരെ പ്രധാനമാണ്. സമീകൃതാഹാരം കഴിക്കുന്നത് നിങ്ങളെ ആരോഗ്യകരവും സജീവവുമായി നിലനിര്‍ത്തുന്നു. മഞ്ഞള്‍, തേന്‍ തുടങ്ങിയ ചില ഭക്ഷണങ്ങള്‍ ഔഷധഗുണമുള്ളതും രോഗബാധ തടയുന്നതുമാണ്. മികച്ച ഫലങ്ങള്‍ക്കായി നിങ്ങള്‍ക്ക് ചൂട് പാലില്‍ മഞ്ഞള്‍ കലര്‍ത്തി കഴിക്കാം. മഞ്ഞള്‍ ഒരു സ്വാഭാവിക മരുന്നാണ്. ഇത് നിങ്ങളെ രോഗിയാകാന്‍ അനുവദിക്കില്ല. മികച്ച ഗുണങ്ങള്‍ക്കായി ചെറുചൂടുള്ള വെള്ളത്തില്‍ തേന്‍ ചേര്‍ത്ത് കഴിക്കാം.

സുഗന്ധവ്യഞ്ജനങ്ങള്‍

സുഗന്ധവ്യഞ്ജനങ്ങള്‍ ജലദോഷവും ചുമയും മൂലമുണ്ടാകുന്ന വീക്കം കുറയ്ക്കും. മഞ്ഞള്‍, ഇഞ്ചി, വെളുത്തുള്ളി, കറുവപ്പട്ട, ഗ്രാമ്പൂ, കുരുമുളക് തുടങ്ങിയ സുഗന്ധവ്യഞ്ജനങ്ങള്‍ നിങ്ങളുടെ ഭക്ഷണത്തില്‍ ചേര്‍ക്കുക. പച്ചക്കറികളും പഴങ്ങളും ധാരാളം കഴിക്കുക. വിറ്റാമിന്‍ എ, ഡി, സി, സിങ്ക്, ഇരുമ്പ് തുടങ്ങിയവ രോഗപ്രതിരോധ ശേഷി വര്‍ദ്ധിപ്പിക്കും. ഇത് രോഗങ്ങളെ അകറ്റി നിര്‍ത്താന്‍ സഹായിക്കുന്നു.

ശരിയായ വിശ്രമം

നിങ്ങളുടെ ശരീരം അമിതമായി പണിയെടുപ്പിക്കരുത്, കാരണം അത് നിങ്ങളെ രോഗിയാക്കും. ആരോഗ്യകരമായ ജീവിതം നയിക്കാന്‍ വിശ്രമം പ്രധാനമാണെന്ന് ഓര്‍മ്മിക്കുക. നിങ്ങള്‍ക്ക് രാത്രിയില്‍ മതിയായ ഉറക്കം ലഭിക്കുന്നുണ്ടെന്നും പകല്‍ സജീവമായി തുടരുമെന്നും ഉറപ്പാക്കുക. അതുവഴി നിങ്ങള്‍ക്ക് അസുഖങ്ങളെ അകറ്റിനിര്‍ത്താവുന്നതാണ്.