For Quick Alerts
ALLOW NOTIFICATIONS  
For Daily Alerts

ശരീരം ആരോഗ്യത്തോടെ വയ്ക്കണോ? രാവിലെ ഈ പാനീയങ്ങള്‍ കഴിക്കൂ

|

നമ്മുടെ ശരീരത്തിന്റെ പ്രവര്‍ത്തനം വര്‍ദ്ധിപ്പിക്കുന്നതിന് ചെയ്യേണ്ട ഏറ്റവും പ്രധാനപ്പെട്ട കാര്യങ്ങളിലൊന്നാണ് ശരിയായ പോഷകാഹാരം കഴിക്കുക എന്നത്. അതിനാല്‍ത്തന്നെ രാവിലെ കഴിക്കുന്ന ഭക്ഷണങ്ങള്‍ നിങ്ങളുടെ ആരോഗ്യത്തില്‍ പ്രധാനപ്പെട്ട പങ്ക് വഹിക്കുന്നു. ആരോഗ്യമുള്ള പഴങ്ങളും പച്ചക്കറി ജ്യൂസുകളും ഇപ്പോള്‍ പ്രഭാതഭക്ഷണത്തിന് ഉപയോഗിക്കുന്നത് വളരെ സാധാരണമാണ്. പ്രകൃതിദത്തമായ, നാരുകളാല്‍ സമ്പുഷ്ടമായ, പഞ്ചസാര രഹിത ജ്യൂസുകള്‍ ആരോഗ്യത്തിന് വളരെയേറെ ഗുണം ചെയ്യുന്നു.

Most read: കരുത്തുറ്റ അസ്ഥിയും മറ്റ് ഗുണങ്ങളും; എല്ല് സൂപ്പ് കഴിച്ചാലുള്ള നേട്ടങ്ങള്‍ ഇത്‌

അവശ്യ വിറ്റാമിനുകളും പോഷകങ്ങളും നിറഞ്ഞ ചില ജ്യൂസുകള്‍ രാവിലെ കഴിക്കുന്നത് നിങ്ങളുടെ ആരോഗ്യത്തിന് മികച്ച മുതല്‍ക്കൂട്ടാണ്. അവ മികച്ച ഡിറ്റോക്‌സ് ഡ്രിങ്കുകളായി പ്രവര്‍ത്തിക്കുകയും ശരീരഭാരം കുറയ്ക്കാനും നിങ്ങളുടെ ചര്‍മ്മത്തിന് തിളക്കമുള്ള തിളക്കം നല്‍കാനും സഹായിക്കുന്നു. വിഷാംശം ഇല്ലാതാക്കാനും മെറ്റബോളിസം കൂട്ടാനും ശരീരം ആരോഗ്യത്തോടെ സൂക്ഷിക്കാനുമായി നിങ്ങള്‍ രാവിലെ കഴിക്കേണ്ട ഏറ്റവും മികച്ച ചില ജ്യൂസുകളും പാനീയങ്ങളും ഇതാ.

ഗ്രീന്‍ ടീ

ഗ്രീന്‍ ടീ

ഇപ്പോള്‍ ആളുകള്‍ ഉപയോഗിക്കുന്ന ഏറ്റവും പഴക്കം ചെന്ന ആരോഗ്യ പാനീയങ്ങളില്‍ ഒന്നാണ് ഗ്രീന്‍ ടീ. ഇത് ഓര്‍മ്മശക്തി മെച്ചപ്പെടുത്തുന്നതിനും മനസ്സിനെ ഷാര്‍പ്പ് ആക്കുന്നതിനും പേരുകേട്ടതാണ്. വായ്‌നാറ്റം, ടൈപ്പ് 2 പ്രമേഹം, ഹൃദയ സംബന്ധമായ അസുഖങ്ങള്‍ എന്നിവ തടയാനും ഇത് സഹായിക്കുന്നു. രാവിലെ കഴിക്കാവുന്ന ഈ ആരോഗ്യകരമായ പാനീയത്തില്‍ എല്‍-തിയനൈന്‍ എന്ന അമിനോ ആസിഡ് അടങ്ങിയിട്ടുണ്ട്. ഇത് തലച്ചോറിന്റെ പ്രവര്‍ത്തനം മെച്ചപ്പെടുത്തുന്നതിനും സ്‌ട്രെസ് ഹോര്‍മോണുകളെ നിയന്ത്രിക്കുന്നതിനും സഹായിക്കുന്നു.

കോഫി

കോഫി

രാവിലെ ആരോഗ്യകരമായ കോഫി കഴിക്കുന്നത് രക്തത്തിലെ ഗ്ലൂക്കോസിന്റെ സ്രവണം നിയന്ത്രിച്ചുകൊണ്ട് ദിവസത്തേക്കുള്ള നിങ്ങളുടെ ഊര്‍ജ്ജ നില നിയന്ത്രിക്കുന്നു. ഇത് നിങ്ങളുടെ വൈജ്ഞാനിക പ്രവര്‍ത്തനം മെച്ചപ്പെടുത്തുന്നു. കോഫി പോലുള്ള പാനീയങ്ങള്‍ പലപ്പോഴും കെറ്റോജെനിക് ഡയറ്റുകളുടെ ഒരു പ്രധാന ഘടകമാണ്. കാരണം അവയുടെ കുറഞ്ഞ കാര്‍ബോഹൈഡ്രേറ്റും ഉയര്‍ന്ന കൊഴുപ്പും ശരീരഭാരം കുറയ്ക്കാനുള്ള ഏറ്റവും ഫലപ്രദമായ പാനീയമാണ്.

Most read:ഭാവിയിലെ കോവിഡ് വകഭേദങ്ങള്‍ കൂടുതല്‍ അപകടം വരുത്തുമെന്ന് WHO

ചീര ജ്യൂസ്

ചീര ജ്യൂസ്

നിങ്ങളുടെ പ്രഭാതം ആരംഭിക്കുന്നതിനുള്ള മികച്ച ജ്യൂസാണ് ചീര ജ്യൂസ്. എല്ലാ ദിവസവും ഉറക്കമുണര്‍ന്നയുടന്‍ ഒരു ഗ്ലാസ് ചീര ജ്യൂസ് മാത്രം കുടിക്കുന്നത് ആരോഗ്യത്തിന് ഉത്തമമാണ്. ഇത് വിട്ടുമാറാത്ത രോഗങ്ങള്‍ വികസിപ്പിക്കുന്നതിനുള്ള സാധ്യത കുറയ്ക്കുന്നു. രാവിലെ കഴിക്കാവുന്ന ആരോഗ്യകരമായ ജ്യൂസുകളില്‍ ഒന്നാണിത്. ആന്റിഓക്സിഡന്റുകളായ ല്യൂട്ടിന്‍, ഫെറുലിക് ആസിഡ്, കൂമാരിക് ആസിഡ്, കരോട്ടിന്‍ എന്നിവയാല്‍ സമ്പുഷ്ടമാണ് ഇത്. ചീര ജ്യൂസ് നിങ്ങളുടെ രക്തത്തിന്റെ ഗുണനിലവാരം മെച്ചപ്പെടുത്തുകയും വെളുത്ത രക്താണുക്കളുടെ പ്രവര്‍ത്തനം വര്‍ദ്ധിപ്പിക്കുകയും ആരോഗ്യകരമായ വൃക്കകളുടെ പ്രവര്‍ത്തനത്തെ പ്രോത്സാഹിപ്പിക്കുകയും ചെയ്യുന്നു.

ഇഞ്ചി നീര്

ഇഞ്ചി നീര്

ശാരീരീക പ്രവര്‍ത്തനങ്ങളെ പ്രോത്സാഹിപ്പിക്കുന്നതിന് വര്‍ഷങ്ങളായി ഉപയോഗിക്കുന്ന ഒരു സംയുക്തമാണ് ഇഞ്ചി. ആരോഗ്യകരമായ ഇഞ്ചി ജ്യൂസില്‍ ധാരാളം അവശ്യ ആന്റിഓക്സിഡന്റുകള്‍ അടങ്ങിയിട്ടുണ്ട്. ഇത് ഭക്ഷണത്തിലെ പോഷകങ്ങളുടെ ശരിയായ ആഗിരണവും സുഗമമായ ദഹനവും ഉറപ്പാക്കുന്നു. കുടലിന്റെ ആന്തരിക പാളി ശക്തിപ്പെടുത്തുകയും കൂടുതല്‍ മ്യൂക്കസ് ഉത്പാദിപ്പിക്കാന്‍ ശരീരത്തെ സിഗ്‌നല്‍ നല്‍കുകയും ചെയ്തുകൊണ്ട് ഇത് നമ്മുടെ വയറിനെ സംരക്ഷിക്കുന്നു. കൂടാതെ, വിശപ്പ് കുറയ്ക്കാനും ആരോഗ്യകരമായ രക്തചംക്രമണം പ്രോത്സാഹിപ്പിക്കാനും കൊളസ്‌ട്രോള്‍ അളവ് നിലനിര്‍ത്താനും ഇത് നമ്മുടെ ശരീരത്തെ സഹായിക്കുന്നു. നിങ്ങളുടെ ആരോഗ്യം നിലനിര്‍ത്താന്‍ രാവിലെ കുടിക്കാവുന്ന മികച്ച ജ്യൂസാണ് ഇഞ്ചി നീര്.

Most read:പ്രമേഹ രോഗികള്‍ പാദം സംരക്ഷിച്ചില്ലെങ്കില്‍ രോഗം മാരകമാകും; ഈ ശീലം പാലിക്കൂ

കറ്റാര്‍ വാഴ ജ്യൂസ്

കറ്റാര്‍ വാഴ ജ്യൂസ്

ആയുര്‍വേദ സമ്പ്രദായങ്ങളില്‍ ഉപയോഗിച്ചുവരുന്ന പ്രകൃതിദത്ത സംയുക്തമാണ് കറ്റാര്‍ വാഴ. ഇത് ഫൈറ്റോ ന്യൂട്രിയന്റുകളുടെ പ്രധാന സ്രോതസ്സാണ്, നിങ്ങളുടെ ശരീരത്തില്‍ ജലാംശം നിലനിര്‍ത്തുന്നതിനും ഇത് ഉപയോഗപ്രദമാണ്. കറ്റാര്‍ വാഴ, ആരോഗ്യകരമായ കുടലിലെ മൈക്രോ ബാക്ടീരിയകളുടെ വളര്‍ച്ചയെ പ്രോത്സാഹിപ്പിക്കുന്നതിലൂടെയും കുടലിലെ സ്വാഭാവിക ജലത്തിന്റെ അളവ് വര്‍ദ്ധിപ്പിക്കുന്നു. കുടലിന്റെ സുഗമമായ പ്രവര്‍ത്തനം ഉറപ്പാക്കുന്നതിനാന്‍ ഇത് മികച്ച ഒരു പ്രഭാത ജ്യൂസുകളിലൊന്നാണ്. ഈ ആരോഗ്യകരമായ ജ്യൂസ് പ്രകൃതിദത്തമായ ആന്റിഓക്സിഡന്റുകളുടെ സമ്പന്നമായ ഉറവിടം കൂടിയാണ്. ഇത് രക്തയോട്ടം മെച്ചപ്പെടുത്താനും നമ്മുടെ ചര്‍മ്മത്തിലെ നേര്‍ത്ത വരകളും ചുളിവുകളും പോലുള്ള വാര്‍ദ്ധക്യത്തിന്റെ ലക്ഷണങ്ങള്‍ കുറയ്ക്കാനും സഹായിക്കുന്നു.

തക്കാളി ജ്യൂസ്

തക്കാളി ജ്യൂസ്

വിറ്റാമിന്‍ സി, വിറ്റാമിന്‍ ബി 3, ഡയറ്ററി ഫൈബര്‍ തുടങ്ങിയ അവശ്യ പോഷകങ്ങളുടെ സമ്പന്നമായ ഉറവിടമാണ് തക്കാളിയ. ചീത്ത കൊളസ്ട്രോളിന്റെ സാന്നിധ്യം കുറയ്ക്കുക, ശരീരത്തിലെ ഓക്സിജന്റെ സാന്ദ്രത സ്ഥിരപ്പെടുത്തുക തുടങ്ങിയ നിരവധി പ്രവര്‍ത്തനങ്ങള്‍ നിര്‍വഹിക്കുന്നതിന് ഇത് ഗുണം ചെയ്യും. ആരോഗ്യകരമായ ഈ ജ്യൂസ് ഓക്‌സിഡേറ്റീവ് സമ്മര്‍ദ്ദം കുറയ്ക്കാനും ഹൃദയ സംബന്ധമായ അസുഖങ്ങള്‍ തടയാനും സഹായിക്കും. രാവിലെ തക്കാളി ജ്യൂസ് കുടിക്കുന്നത് ആരോഗ്യം നിലനിര്‍ത്താനുള്ള മികച്ച മാര്‍ഗമാണ്.

Most read:വയറിലുണ്ട് ആരോഗ്യത്തിന് ഗുണം ചെയ്യുന്ന ബാക്ടീരിയകള്‍; ഈ ഭക്ഷണം അവയെ ശക്തമാക്കും

മഞ്ഞള്‍ ചായ

മഞ്ഞള്‍ ചായ

ചെറുചൂടുള്ള വെള്ളത്തിലേക്ക് മഞ്ഞളും കുറച്ച് കുരുമുളക് പോലുള്ള പ്രകൃതിദത്ത സസ്യങ്ങളും ഇട്ടാണ് മഞ്ഞള്‍ ചായ ഉണ്ടാക്കുന്നത്. മഞ്ഞളിന്റെ പോഷകഗുണങ്ങള്‍ നിങ്ങളുടെ ശരീരത്തിന് ആഗിരണം ചെയ്യാനുള്ള ഏറ്റവും വേഗമേറിയ മാര്‍ഗമാണിത്. ഈ മിശ്രിതം ആന്റി ബാക്ടീരിയല്‍, ആന്റി-ഇന്‍ഫ്‌ലമേറ്ററി, ആന്റിവൈറല്‍ ആണ്. ഏത് സീസണിലും നിങ്ങളുടെ ശരീരഭാരം കുറയ്ക്കുന്ന പാനീയങ്ങളില്‍ ഒന്നാണ് മഞ്ഞല്‍ ചായ. കുര്‍ക്കുമിന്‍ എന്ന പ്രകൃതിദത്ത സംയുക്തത്തിന്റെ സമ്പന്നമായ ഉറവിടമാണ് മഞ്ഞള്‍. ഇത് ശരീരത്തിന്റെ പ്രതിരോധ പ്രവര്‍ത്തനം മെച്ചപ്പെടുത്തുന്നതിനും ദഹന പിത്തരസം ഉല്‍പാദനം വര്‍ദ്ധിപ്പിക്കുന്നതിനും കരളിനെ സംരക്ഷിക്കുന്നതിനും ഉപയോഗപ്രദമാണ്.

നാരങ്ങ നീര്

നാരങ്ങ നീര്

വിറ്റാമിന്‍ സി, പൊട്ടാസ്യം, മാംഗനീസ് തുടങ്ങിയ അവശ്യ പോഷകങ്ങളടങ്ങിയ ഒന്നാണ് നാരങ്ങ. ഇത് ഭക്ഷണത്തിലെ പോഷകങ്ങളുടെ ശരിയായ ആഗിരണം ഉറപ്പാക്കുന്നു. ശരീരത്തിലെ കൊഴുപ്പിന്റെ യൂണിറ്റുകള്‍ ഒപ്റ്റിമൈസ് ചെയ്യാനും ഇത് സഹായിക്കുന്നു. വെളുത്ത രക്താണുക്കളുടെ എണ്ണം വര്‍ദ്ധിപ്പിച്ച് രോഗപ്രതിരോധ സംവിധാനത്തിന്റെ പ്രവര്‍ത്തനം വര്‍ദ്ധിപ്പിക്കുകയും ശരീരഭാരം കുറയ്ക്കുകയും ചെയ്യുന്നു. ചെറുനാരങ്ങയില്‍ പഞ്ചസാരയുടെ അംശം കുറവായതിനാല്‍ അവയെ വൈറ്റമിന്‍ സിയുടെ ഏറ്റവും ശക്തമായ സ്രോതസ്സുകളിലൊന്നാക്കി മാറ്റുന്നു. ദിവസവും രാവിലെ ഒരു ഗ്ലാസ് ചെറുചൂടുള്ള വെള്ളത്തില്‍ നാരങ്ങ നീര് ഒഴിച്ച് കുടിക്കുന്നത് നിങ്ങളുടെ തലച്ചോറിനെ പ്രോത്സാഹിപ്പിക്കുന്നു.

Most read:സീറോ സൈസ് വയറ് നിങ്ങള്‍ക്കും സ്വന്തമാക്കാം; ഈ ഡയറ്റ് ശീലിക്കൂ

നെല്ലിക്ക ജ്യൂസ്

നെല്ലിക്ക ജ്യൂസ്

ആന്റിഓക്സിഡന്റുകളുടെ ഏറ്റവും സമ്പന്നമായ സ്രോതസ്സുകളിലൊന്നാണ് നെല്ലിക്ക, നമ്മുടെ ശരീരത്തിലെ ശരിയായ രക്തപ്രവാഹം വര്‍ദ്ധിപ്പിക്കുക, ഹൃദയാരോഗ്യം മെച്ചപ്പെടുത്തുക തുടങ്ങിയ പ്രവര്‍ത്തനങ്ങള്‍ക്ക് സഹായിക്കുന്ന ആന്റി-ഇന്‍ഫ്‌ലമേറ്ററി, ആന്റി ബാക്ടീരിയല്‍ ഗുണങ്ങള്‍ നെല്ലിക്കയിലുണ്ട്. എച്ച്ഡിഎല്‍ അല്ലെങ്കില്‍ നല്ല കൊളസ്ട്രോള്‍ ഉല്‍പ്പാദനം വര്‍ദ്ധിപ്പിച്ച് ചീത്ത കൊളസ്ട്രോളിനെ ഇത് സന്തുലിതമാക്കുന്നു. നല്ല ദഹന പ്രവര്‍ത്തനത്തിനായി നിങ്ങള്‍ക്ക് ദിവസവും രാവിലെ അല്‍പം നെല്ലിക്ക ജ്യൂസ് കുടിക്കാവുന്നതാണ്.

പാവയ്ക്ക ജ്യൂസ്

പാവയ്ക്ക ജ്യൂസ്

രാവിലെ കഴിക്കാവുന്ന ഏറ്റവും പോഷകഗുണമുള്ള ജ്യൂസുകളില്‍ ഒന്നാണ് കയ്പക്ക ജ്യൂസ്. രക്തത്തില്‍ നിന്ന് ടിഷ്യൂകളിലേക്ക് പഞ്ചസാര ആഗിരണം ചെയ്യുന്നത് ക്രമപ്പെടുത്തുന്നതിലൂടെ ശരീരത്തിന്റെ സ്വാഭാവിക ഗ്ലൂക്കോസിന്റെ അളവ് സ്ഥിരപ്പെടുത്താന്‍ സഹായിക്കുന്ന വിസിന്‍, ചരന്റൈന്‍, പോളിപെപ്‌റ്റൈഡുകള്‍ തുടങ്ങിയ പ്രകൃതിദത്ത സംയുക്തങ്ങള്‍ ഇതില്‍ അടങ്ങിയിട്ടുണ്ട്. പാവയ്ക്ക ജ്യൂസ് കുടിക്കുന്നത് നിങ്ങളുടെ ശരീരത്തിന് വിറ്റാമിന്‍ സി, പ്രൊവിറ്റാമിന്‍ എ തുടങ്ങിയ അവശ്യ ആന്റിഓക്സിഡന്റുകള്‍ നല്‍കും. ഇത് ആരോഗ്യകരമായ ചര്‍മ്മത്തെ പ്രോത്സാഹിപ്പിക്കുന്നതിനും ശരീരത്തിലെ മുറിവുകള്‍ ഉണക്കുന്നതിനും ഗുണം ചെയ്യും.

English summary

Healthy Juices And Drinks To Have in The Morning For Better Health in Malayalam

Here are some of the top morning healthy juices that you need to consume right after waking up for better health. Take a look.
Story first published: Thursday, August 25, 2022, 11:06 [IST]
X
Desktop Bottom Promotion