For Quick Alerts
ALLOW NOTIFICATIONS  
For Daily Alerts

കൊവിഡ് ശേഷം ഈ ഡയറ്റ്; രോഗപ്രതിരോധശേഷിയും കരുത്തും വീണ്ടെടുക്കാം

|

കൊവിഡ് നമ്മുടെ ജീവിതത്തില്‍ വളരെയധികം വെല്ലുവിളി ഉയര്‍ത്തി ഓരോ ദിവസം കഴിയുന്തോറും പ്രശ്‌നങ്ങള്‍ സൃഷ്ടിച്ച് കൊണ്ടിരിക്കുകയാണ്. എന്നാല്‍ ഈ അവസ്ഥയില്‍ കൃത്യസമയത്ത് വാക്‌സിന്‍ എടുക്കുന്നതിന് വേണ്ടി നാം ഓരോരുത്തരും ശ്രദ്ധിക്കേണ്ടതാണ്. എന്നാല്‍ കൊവിഡ് വന്നവര്‍ വാക്‌സിന്‍ എടുക്കാന്‍ ചുരുങ്ങിയത് മൂന്ന് മാസമെങ്കിലും കാത്തിരിക്കേണ്ടി വരും എന്നാണ് പറയുന്നത്. എന്നാല്‍ കൊവിഡ് രോഗബാധക്ക് ശേഷം നമ്മള്‍ അറിഞ്ഞിരിക്കേണ്ടത് ആരോഗ്യം വീണ്ടെടുക്കുന്നതിനുള്ള ടിപ്‌സ് ആണ്.

എന്തൊക്കെ കാര്യങ്ങളാണ് ഇതില്‍ ശ്രദ്ധിക്കേണ്ടത് എന്ന് നമുക്ക് നോക്കാം. ആരോഗ്യകരമായ ഭക്ഷണക്രമത്തിന് വേണ്ടിയാണ് ശ്രദ്ധിക്കേണ്ടത്. കൃത്യമായ ഡയറ്റ് ഫോളോ ചെയ്യുന്നവര്‍ അല്‍പം ശ്രദ്ധിച്ചാല്‍ രോഗമുക്തി പെട്ടെന്നാക്കാം. രോഗബാധക്ക് ശേഷം ആരോഗ്യം വീണ്ടെടുക്കുന്നതിന് വേണ്ടി നമുക്ക് എന്തൊക്കെ കാര്യങ്ങള്‍ ഡയറ്റില്‍ ശ്രദ്ധിക്കേണ്ടതുണ്ട് എന്ന് നമുക്ക് നോക്കാവുന്നതാണ്. കൊറോണ വൈറസ് ശ്വാസകോശത്തിലും മറ്റ് അവയവങ്ങളിലും ഉണ്ടാക്കുന്ന കേടുപാടുകള്‍ കാരണം, ശരീരം വീണ്ടെടുക്കാനും പഴയ അവസ്ഥയിലേക്ക് മടങ്ങാനും സമയമെടുക്കും.

ഡയറ്റ് ഇങ്ങനെ വേണം

ഡയറ്റ് ഇങ്ങനെ വേണം

കോവിഡ് -19-ന് ശേഷമുള്ള പോഷകാഹാരക്കുറവും ബലഹീനതയും മറികടക്കാനുള്ള ഏറ്റവും നല്ല ഉപകരണമാണ് ആരോഗ്യകരമായ ഭക്ഷണവും ശരിയായ പോഷകങ്ങളും കഴിക്കുന്നത്. ഊര്‍ജ്ജം നല്‍കുന്നതും രോഗപ്രതിരോധ ശേഷി വര്‍ദ്ധിപ്പിക്കുന്നതും ശരീരത്തിന്റെ ആരോഗ്യത്തിനും വിവിധ രോഗങ്ങളില്‍ നിന്ന് സംരക്ഷണം നല്‍കുന്നതുമായ ഭക്ഷ്യവസ്തുക്കള്‍ കഴിക്കുക എന്നതാണ് പ്രധാനം. അതിന് വേണ്ടി എന്തൊക്കെ കഴിക്കണം, എന്തൊക്കെ കഴിക്കാന്‍ പാടില്ല എന്നത് പ്രധാനപ്പെട്ടതാണ്. ഈ ഡയറ്റ് പിന്തുടര്‍ന്നാല്‍ നിങ്ങള്‍ക്ക് ശരീരത്തിന്റെ രോഗപ്രതിരോധ ശേഷി വര്‍ദ്ധിപ്പിക്കുന്നതിനും ആരോഗ്യത്തിനും കഴിയുന്നുണ്ട്.

ഊര്‍ജ്ജ സമ്പുഷ്ടമായ ഭക്ഷണങ്ങള്‍

ഊര്‍ജ്ജ സമ്പുഷ്ടമായ ഭക്ഷണങ്ങള്‍

ധാന്യങ്ങളായ മുഴുവന്‍ ഗോതമ്പ്, പൊടിക്കാത്ത അരി, മില്ലറ്റുകള്‍, കൊഴുപ്പുകള്‍/എണ്ണകള്‍ എന്നിവ ശരീരത്തിന് ഊര്‍ജ്ജം നല്‍കുന്ന കാര്‍ബോഹൈഡ്രേറ്റുകളുടെ ഒരു മികച്ച സ്രോതസ്സാണ്, കാര്‍ബോഹൈഡ്രേറ്റ് ശരീരത്തെ ക്ഷീണത്തില്‍ നിന്ന് കരകയറാന്‍ സഹായിക്കുന്നു, പക്ഷേ കഴിക്കുന്ന അളവില്‍ ശ്രദ്ധ ചെലുത്തേണ്ടത് അത്യാവശ്യമാണ്. കാര്‍ബോഹൈഡ്രേറ്റ് കഴിക്കുന്നതിലെ അസന്തുലിതാവസ്ഥ ശ്വാസകോശ സംബന്ധമായ അസുഖത്തിന് കാരണമാകും. അതുകൊണ്ട് കഴിക്കുന്ന അളവ് വളരെയധികം പ്രധാനപ്പെട്ടതാണ്.

പേശികളുടെ ആരോഗ്യത്തിനുള്ള ഭക്ഷണങ്ങള്‍

പേശികളുടെ ആരോഗ്യത്തിനുള്ള ഭക്ഷണങ്ങള്‍

പയര്‍വര്‍ഗ്ഗങ്ങള്‍, മുളകള്‍, ബീന്‍സ്, നോണ്‍ വെജ്, പാല്‍, പാല്‍ ഉല്‍പന്നങ്ങള്‍ എന്നിവ ശരീരത്തിന് പ്രോട്ടീന്‍ നല്‍കുന്നു. പ്രോട്ടീന്‍ നമ്മുടെ ശരീരത്തിന്റെ ബില്‍ഡിംഗ് ബ്ലോക്ക് ആണ്, അത് സുഖപ്പെടുത്താനും നന്നാക്കാനും സഹായിക്കുന്നു. അസുഖ സമയത്ത്, നമ്മുടെ പേശികളുടെ ആരോഗ്യം നഷ്ടപ്പെടുന്നു, അത് നികത്തേണ്ടതുണ്ട്. ഓരോ ഭക്ഷണത്തിലും പ്രോട്ടീന്‍ ചേര്‍ക്കുന്നത് ശരീരത്തിന്റെ പുനര്‍നിര്‍മ്മാണത്തിന് അത്യന്താപേക്ഷിതമാണ്. ശരീരത്തെ ശക്തിപ്പെടുത്തുന്നതിന് പ്രോട്ടീന്‍ അടങ്ങിയ ഭക്ഷണം കഴിക്കേണ്ടത് അത്യാവശ്യമാണ്. ഇത് നിങ്ങളുടെ ആരോഗ്യത്തിന് വളരെയധികം സഹായിക്കുന്നുണ്ട്.

പഴങ്ങളും പച്ചക്കറികളും

പഴങ്ങളും പച്ചക്കറികളും

പച്ചക്കറികളെയും പഴങ്ങളെയും ആണ് അടുത്തതായി ഡയറ്റില്‍ ഉള്‍പ്പെടുത്തേണ്ടത്. വിറ്റാമിനുകള്‍, ധാതുക്കള്‍, ആന്റിഓക്സിഡന്റുകള്‍ എന്നിവയുടെ പ്രധാന ഉറവിടം പ്രതിരോധശേഷി വര്‍ദ്ധിപ്പിക്കുന്നതില്‍ ഒരു പ്രധാന പങ്ക് വഹിക്കുന്നു. സീസണല്‍ പഴങ്ങളും പച്ചക്കറികളും, വിറ്റാമിന്‍ എ, ഇ, സി ധാതുക്കളാല്‍ സമ്പുഷ്ടമാണ് (സിങ്ക്, ചെമ്പ്, ഇരുമ്പ് മുതലായവ) രോഗപ്രതിരോധ പ്രതികരണത്തെ സ്വാധീനിക്കുന്നതാണ് ഇവയെന്ന കാര്യത്തില്‍ സംശയം വേണ്ട. ശരീരത്തിന്റെ പ്രതിരോധ ശേഷി വര്‍ദ്ധിപ്പിക്കുന്നതിന് ദൈനംദിന ഭക്ഷണത്തില്‍ വിറ്റാമിനുകള്‍ ധാരാളം ഉള്‍പ്പെടുത്തണം. വിറ്റാമിന്‍ സി ഒരു ശക്തമായ ആന്റിഓക്സിഡന്റാണ്, അത് ശ്വാസകോശാരോഗ്യത്തിന് വളരെയധികം സഹായിക്കുന്നുണ്ട്. സിങ്കും വിറ്റാമിന്‍ ഡിയും രോഗപ്രതിരോധം പ്രോത്സാഹിപ്പിക്കുന്നു.

കൊവിഡ് ബാധിച്ചവരില്‍ നിന്ന് വൈറസ് പകരുന്നത് എപ്പോള്‍കൊവിഡ് ബാധിച്ചവരില്‍ നിന്ന് വൈറസ് പകരുന്നത് എപ്പോള്‍

രോഗപ്രതിരോധ ശേഷി വര്‍ദ്ധിപ്പിക്കല്‍

രോഗപ്രതിരോധ ശേഷി വര്‍ദ്ധിപ്പിക്കല്‍

ഇഞ്ചി, വെളുത്തുള്ളി, തുളസി, ബദാം, മഞ്ഞള്‍, നെല്ലിക്ക, സിട്രസ് പഴങ്ങള്‍ മുതലായവ പോലുള്ള നിങ്ങളുടെ രോഗപ്രതിരോധ സംവിധാനത്തെ പിന്തുണയ്ക്കാന്‍ സഹായിക്കുന്നവയാണ്. ദഹനനാളത്തിന്റെ അസ്വസ്ഥതകള്‍ക്ക് കാരണമാകുന്ന ഭക്ഷണങ്ങള്‍ ഒരിക്കലും അധികം കഴിക്കാതിരിക്കുന്നതിന് ശ്രദ്ധിക്കണം. കാരണം ഇത് ദഹനത്തില്‍ പ്രശ്‌നങ്ങള്‍ ഉണ്ടാക്കുന്നുണ്ട്. ഇത്തരം അവസ്ഥകള്‍ അല്‍പം ശ്രദ്ധിക്കണം.

മറ്റുള്ളവ

മറ്റുള്ളവ

നടത്തം, ഭക്ഷണം കഴിക്കല്‍, വിറ്റാമിനുകളും ധാതുക്കളും കഴിക്കല്‍, ശരീരത്തിലെ ജലാംശം നിലനിര്‍ത്തുക, നല്ല അളവില്‍ ഉറങ്ങുക തുടങ്ങിയ പതിവ് മിതമായ വ്യായാമത്തിനൊപ്പം ശരിയായ ഭക്ഷണക്രമവും പിന്തുടരുന്നത് നിങ്ങളുടെ പ്രതിരോധശേഷി വര്‍ദ്ധിപ്പിക്കുന്നതിന് ഫലപ്രദമാണ്. വൈറസിനെ പ്രതിരോധിക്കാന്‍ ലഭ്യമായ എല്ലാ ഊര്‍ജ്ജവും നിങ്ങളുടെ ശരീരം ഉപയോഗിച്ചിട്ടുണ്ടാവും. അതുകൊണ്ട് തന്നെ പിന്നീട് ശരീരത്തിന് ആവശ്യമായ ഊര്‍ജ്ജത്തിന് വേണ്ടി ഭക്ഷണത്തിലെ കലോറി ഉപഭോഗം, പ്രോട്ടീന്‍, വിറ്റാമിനുകള്‍, ധാതുക്കള്‍, ദ്രാവകങ്ങള്‍ എന്നിവ നല്ലതുപോലെ കഴിക്കാന്‍ ശ്രദ്ധിക്കണം. അതിനാല്‍, കോവിഡ് -19 സുഖം പ്രാപിക്കുന്ന രോഗികള്‍ക്ക് ശരീരത്തെ ആരോഗ്യത്തോടെ നിലനിര്‍ത്താനും രോഗത്തില്‍ നിന്ന് കരകയറാനും അവയവങ്ങളുടെ സുഗമമായ പ്രവര്‍ത്തനത്തിനും നല്ല ഡയറ്റ് പിന്തുടരേണ്ടതാണ്.

മറ്റ് ചില ടിപ്‌സ്

മറ്റ് ചില ടിപ്‌സ്

നിങ്ങളുടെ ദൈനംദിന കലോറി ഉപഭോഗം 5-6 ചെറിയ ഭക്ഷണങ്ങളായി വിഭജിക്കുക. മുഴുവന്‍ ധാന്യങ്ങളും കഴിക്കുക, എല്ലാ ഭക്ഷണത്തിലും നിങ്ങളുടെ പ്രോട്ടീന്‍ കഴിക്കുന്നതില്‍ പരമാവധി ശ്രദ്ധിക്കേണ്ടതാണ്. ദിവസവും കുറഞ്ഞത് 4-5 തവണ പച്ചക്കറികളും പഴങ്ങളും കഴിക്കുക ഇളം ചൂടുവെള്ളം കുടിക്കുന്നതിന് ശ്രദ്ധിക്കേണ്ടതാണ്. നിര്‍ജ്ജലീകരണം സംഭവിക്കാതിരിക്കാന്‍ വളരെയധികം ശ്രദ്ധിക്കണം. ഒരു ദിവസം കുറഞ്ഞത് 2 ലിറ്റര്‍ വെള്ളം കുടിക്കണം. നാളികേരം ഭക്ഷണത്തിന്റെ ഭാഗമാക്കുക. പാചകത്തിന് ഒലിവ്, തവിട്, എള്ളെണ്ണ മുതലായ എണ്ണകളുടെ സംയോജനം ഉപയോഗിക്കേണ്ടതാണ്.

മറ്റ് ചില ടിപ്‌സ്

മറ്റ് ചില ടിപ്‌സ്

പുറത്തുനിന്നുള്ള ഭക്ഷണം കഴിക്കുന്നത് ഒഴിവാക്കുക, വീട്ടില്‍ പാകം ചെയ്ത ഭക്ഷണം കൂടുതല്‍ കഴിക്കുക. ഒരു കാരണവശാലും ഭക്ഷണം ഒഴിവാക്കരുത്. കൃത്യമായ ഇടവേളകളില്‍ ഭക്ഷണം കഴിക്കുക ഉപ്പ്, സംസ്‌കരിച്ച, ബേക്കറി സാധനങ്ങള്‍ എന്നിവ പരിമിതപ്പെടുത്തുക. മദ്യം, പുകയില, പുകവലി എന്നിവ നിയന്ത്രിക്കുക. ഇത്രയൊക്കെ കുറച്ച് കാലം പിന്തുടര്‍ന്നാല്‍ പലപ്പോഴും രോഗങ്ങളില്‍ നിന്ന് നമുക്ക് പരിഹാരം കാണാന്‍ സാധിക്കുന്നുണ്ട്. അതിലുപരി കൊവിഡിനെ പ്രതിരോധിച്ച ശരീരത്തെ നല്ല രീതിയില്‍ ആരോഗ്യത്തോടെ കൊണ്ട് പോവുന്നതിനും സാധിക്കുന്നു.

English summary

Healthy Diet For COVID-19 Recovering Patients To Build Strength And Immunity In Malayalam

Here in this article we ae sharing a healthy diet for covid 19 recovering patients to build strength and immunity. Take a look.
Story first published: Tuesday, September 7, 2021, 14:00 [IST]
X