ഭക്ഷണശേഷം അല്‍പം നെയ്യ് - ശര്‍ക്കര മിശ്രിതം

ടോക്‌സിനെ പുറന്തള്ളുന്നു

ശരീരത്തിലെ ടോക്‌സിനെ പുറന്തള്ളുന്ന കാര്യത്തില്‍ നെയ്യും ശര്‍ക്കരയും വളരെ വലിയ പങ്ക് വഹിക്കുന്നുണ്ട്. ഇത് ശരീരത്തിലെ വിഷാംശം ഇല്ലാതാക്കാന്‍ സഹായിക്കും. കൂടാതെ, ചര്‍മ്മം, മുടി, നഖം എന്നിവ ആരോഗ്യകരമായി നിലനിര്‍ത്താന്‍ ഈ കോമ്പിനേഷന്‍ സഹായിക്കുന്നു. ഇരുമ്പിന്റെ കുറവ് മൂലമുണ്ടാകുന്ന വിളര്‍ച്ചയുടെ പ്രശ്‌നങ്ങളെ മറികടക്കാന്‍ ഇത് സഹായിക്കുന്നു. അതുകൊണ്ട് ഭക്ഷണത്തിന് ശേഷം ഇതൊരല്‍പ്പം കഴിച്ചാല്‍ അത് നിങ്ങളുടെ ആരോഗ്യത്തിന് നല്‍കുന്ന ഗുണങ്ങള്‍ ചില്ലറയല്ല. എപ്പോഴും ആരോഗ്യം സംരക്ഷിക്കുന്നതിന് വേണ്ടി നമുക്ക് ഇത് ശീലമാക്കാവുന്നതാണ്. എന്നാല്‍ ശ്രദ്ധിക്കേണ്ട കാര്യം ഭക്ഷണത്തിന് മുന്‍പ് ഇത് കഴിക്കരുത് എന്നുള്ളതാണ്. ഭക്ഷണത്തിന് ശേഷം വേണം ഇത് കഴിക്കാന്‍.

അസ്ഥികള്‍ക്ക് ബലം

ആരോഗ്യത്തിന് ആദ്യം വേണ്ടത് ഇത് തന്നെയാണ്. അസ്ഥികള്‍ക്ക് ബലം നല്‍കുന്നതിന് ശര്‍ക്കര വഹിക്കുന്ന പങ്ക് ചില്ലറയല്ല. ഇതില്‍ ഇരുമ്പ്, മഗ്‌നീഷ്യം, പൊട്ടാസ്യം, വിറ്റാമിന്‍ ബി, സി. നെയ്യ് എന്നിവ അടങ്ങിയിട്ടുണ്ട്. ഫാറ്റി ആസിഡുകളുടെയും എ, ഇ, ഡി തുടങ്ങിയ വിറ്റാമിനുകളുടെയും സമ്പന്നമായ ഉറവിടമാണിത്. കൂടാതെ, വിറ്റാമിന്‍ കെ യും അടങ്ങിയിട്ടുണ്ട്, ഇത് കാല്‍സ്യം ആഗിരണം ചെയ്യാന്‍ സഹായിക്കുന്നുണ്ട്. ഇതെല്ലാം അസ്ഥികളുടെ ആരോഗ്യത്തിന് മികച്ചതാണ്. ഒരിക്കലും ആരോഗ്യത്തിന്റെ കാര്യത്തില്‍ രണ്ടാമതൊന്ന് ചിന്തിക്കേണ്ടി വരുന്നില്ല എന്നുള്ളതാണ് സത്യം.

രോഗപ്രതിരോധശേഷി

ഇന്നത്തെ കാലത്ത് രോഗപ്രതിരോധ ശേഷിയാണ് ആദ്യം വേണ്ടത്. ഇതിന് വേണ്ടിയാണ് ശ്രമിക്കേണ്ടതും. ആരോഗ്യ സംരക്ഷണത്തിന്റെ കാര്യത്തില്‍ ഇനി ശ്രദ്ധിക്കുന്നവര്‍ക്ക് ശര്‍ക്കരയും നെയ്യും നല്ലൊരു ഓപ്ഷനാണ്. ശാരീരിക പ്രവര്‍ത്തനങ്ങളുടെ വിവിധ വശങ്ങളില്‍ പ്രവര്‍ത്തിക്കുന്നതിലൂടെ, പ്രതിരോധശേഷി വര്‍ദ്ധിപ്പിക്കുന്നതിന് കോമ്പിനേഷന്‍ സഹായിക്കുന്നു. അതുകൊണ്ട് തന്നെ സംശയിക്കാതെ ഈ മിശ്രിതം നിങ്ങള്‍ക്ക് ശീലമാക്കാവുന്നതാണ്. ആരോഗ്യത്തിന് വെല്ലുവിളി ഉയര്‍ത്തുന്ന പല പ്രശ്‌നങ്ങള്‍ക്കും പെട്ടെന്നുള്ള പരിഹാരമാണ് ഈ മിശ്രിതം.

ആയുര്‍വ്വേദത്തില്‍ പറയുന്നത്

ആരോഗ്യത്തിന്റെ കാര്യത്തില്‍ ശ്രദ്ധിക്കുന്നവര്‍ക്ക് ആയുര്‍വ്വേദം വളരെ പ്രധാനപ്പെട്ട ഒരു ചികിത്സാ രീതി തന്നെയാണ്. ശര്‍ക്കരയും നെയ്യും ആരോഗ്യത്തിന് നല്ലതാണ്. ഇത് വര്‍ഷങ്ങളായി ആയുര്‍വേദത്തില്‍ ഉപയോഗിക്കുന്നുണ്ട്. വ്യത്യസ്ത സുഗന്ധവ്യഞ്ജനങ്ങളും ഔഷധസസ്യങ്ങളും സംയോജിപ്പിച്ച് ഉണ്ടാക്കുന്ന ഈ മിശ്രിതം വളരെയധികം മികച്ചതാണ്. മഗ്‌നീഷ്യം, പൊട്ടാസ്യം, കാല്‍സ്യം, സെലിനിയം, മാംഗനീസ്, സിങ്ക്, ഇരുമ്പ് എന്നിവ മികച്ചതായി കാണപ്പെടുന്നു. പലതരം വിറ്റാമിനുകളും ഫാറ്റി ആസിഡുകളും നല്ല നാടന്‍ നെയ്യില്‍ കാണപ്പെടുന്നു, ഇത് ശരീരത്തിന് വളരെ ഗുണം ചെയ്യും.

നെയ്യിന്റെ ഗുണങ്ങള്‍

നെയ്യ് വിറ്റാമിന്‍ കെ 2 ഉണ്ട്, ഇത് അസ്ഥികളില്‍ കാല്‍സ്യം ആഗിരണം ചെയ്യാന്‍ സഹായിക്കുന്നു, ഇത് നിങ്ങളുടെ അസ്ഥികളെ ശക്തമാക്കുകയും ശക്തി നല്‍കുകയും ചെയ്യുന്നു. വയറിലെ പ്രശ്നങ്ങള്‍ക്ക് നെയ്യും ശര്‍ക്കരയും വളരെ നല്ല ആന്റി ഡോസാണ്. നിങ്ങള്‍ക്ക് വയറുവേദന ഉണ്ടെങ്കില്‍ പീരിയഡുകളില്‍ ഉണ്ടാവുന്ന വേദന എന്നിവക്ക് ചൂടുള്ള നെയ്യ് ഉപയോഗിച്ച് ഒരു സ്പൂണ്‍ ശര്‍ക്കര മിക്‌സുമായി പൊടിച്ച് കഴിക്കുന്നതിന് ശുപാര്‍ശ ചെയ്യുന്നു.

മൂഡ് ബൂസ്റ്റര്‍

ആരോഗ്യത്തിന് മാത്രമല്ല മാനസികാരോഗ്യത്തേയും സഹായിക്കുന്നുണ്ട് നെയ്യും ശര്‍ക്കരയും. നെയ്യും ശര്‍ക്കരയും ഒരുമിച്ച് ചേര്‍ന്നാല്‍ അത് ആരോഗ്യകരമായ ഒരു സംയോജനമാണ്, ഇത് ഒരു നല്ല മൂഡ് ബൂസ്റ്ററാണ്. മൈഗ്രെയ്ന്‍ അവസ്ഥയിലും ഈ മിശ്രിതം സഹായിക്കുന്നു. വിളര്‍ച്ച ബാധിച്ച ആളുകള്‍ക്ക് ഇരുമ്പിന്റെ കുറവ് എന്നിവയെ പരിഹരിക്കുന്നതിനും ഏറ്റവും മികച്ചതാണ് നെയ്യും ശര്‍ക്കരയും ചേര്‍ന്ന മിശ്രിതം.

എങ്ങനെ തയ്യാറാക്കാം

അര കപ്പ് പാല്‍ എടുത്ത് മൂന്ന് സ്പൂണ്‍ ശര്‍ക്കര പൊടിച്ചത് ചേര്‍ത്ത് അല്‍പം വെള്ളം ചേര്‍ത്ത് കുറഞ്ഞ ചൂടില്‍ തിളപ്പിച്ച് ഇളക്കുക. എന്നിട്ട് ഇത് തണുപ്പിച്ച അല്‍പം പാല്‍ നെയ്യ് എന്നിവ ചേര്‍ത്ത് നല്ലതുപോലെ ഇളക്കുക. കുറച്ചുകൂടി പാല്‍ ചേര്‍ത്ത് നല്ലതുപോലെ തിളപ്പിക്കുക. ഇത് ചപ്പാത്തിയില്‍ പുരട്ടിയോ ദോശയില്‍ പുരട്ടിയോ കഴിക്കാവുന്നതാണ്. ഇത്രയധികം ആരോഗ്യ ഗുണങ്ങള്‍ ഉള്ള ഒന്നാണ് ഇതെന്ന കാര്യത്തില്‍ സംശയം വേണ്ട. ഓരോ അവസ്ഥയിലും നിങ്ങളില്‍ ഉണ്ടാവുന്ന പ്രശ്‌നങ്ങള്‍ക്ക് പരിഹാരം കാണുന്നതിന് സഹായിക്കുന്നുണ്ട് ഈ മിശ്രിതം.