ഇടക്കിടെ സ്ത്രീകളിലെ മൂത്രശങ്ക രോഗലക്ഷണം

മൂത്രാശയ അണുബാധ

മൂത്രാശയ അണുബാധ പലപ്പോഴും ആരോഗ്യത്തിന് വില്ലനായി മാറുന്ന അവസ്ഥയായി മാറുന്നുണ്ട്. പ്രത്യേകിച്ച് സ്ത്രീകളിൽ. മൂത്രാശയ അണുബാധയുള്ള സ്ത്രീകളിൽ ഇടക്കിടെയുണ്ടാവുന്നതാണ് മൂത്രമൊഴിക്കണം എന്ന ചിന്ത. ഇത് പലപ്പോഴും പല വിധത്തിലുള്ള അസ്വസ്ഥതകൾക്ക് കാരണമാകുന്നുണ്ട്. പുരുഷൻമാരിൽ ഉണ്ടാവുന്നതിനേക്കാൾ ഭീകരമായ അവസ്ഥകളായിരിക്കും പലപ്പോഴും സ്ത്രീകളിൽ മൂത്രാശയ അണുബാധ ഉണ്ടാക്കുന്നത്. അതിന് ഏക പരിഹാരം എന്ന് പറയുന്നത് വെള്ളം കുടിക്കുക എന്നത് മാത്രമാണ്.

നിയന്ത്രിക്കാൻ ആവാത്ത അവസ്ഥ

പലപ്പോഴും മൂത്രം നിയന്ത്രിക്കാൻ ആവാത്ത അവസ്ഥയാണ് നിങ്ങളിൽ ഉണ്ടാവുന്നത്. ബ്ലാഡറിന്റെ പ്രവർത്തനം നിയന്ത്രിക്കാൻ പറ്റാത്ത തരത്തിലേക്ക് കാര്യങ്ങൾ എത്തുന്നു. ഇത് ബാക്ടീരിയൽ ഇൻഫെക്ഷൻ പോലുള്ള അസ്വസ്ഥതകളിലേക്ക് നയിക്കുന്നുണ്ട് എന്നതാണ് സത്യം. ചിലരിൽ പ്രസവശേഷം ഇത്തരം അവസ്ഥകൾ ഉണ്ടാവുന്നുണ്ട്. ഇത് നിങ്ങളെ മൂത്രം നിയന്ത്രിച്ച് നിർത്തുന്നതിനുള്ള കഴിവിനെ ഇല്ലാതാക്കുന്നുണ്ട്. ഇതിൻറെ ഫലമായി ഇടക്കിടക്ക് മൂത്രമൊഴിക്കണം എന്ന ചിന്തയുണ്ടാവുന്നു.

ആർത്തവ വിരാമം

ആർത്തവ വിരാമം പോലുള്ള അവസ്ഥകൾ നിങ്ങളിൽ പല വിധത്തിലുള്ള അസ്വസ്ഥതകള്‍ക്ക് വഴിവെക്കുന്നുണ്ട്. ഹോർമോൺ മാറ്റങ്ങൾ ഉണ്ടാവുന്നതിലൂടെ അത് പല വിധത്തിലുള്ള ശാരീരിക മാനസിക മാറ്റങ്ങൾക്ക് കാരണമാകുന്നുണ്ട്. അതുകൊണ്ട് തന്നെ ഇത്തരം അവസ്ഥകൾക്ക് പരിഹാരം കാണുന്നതിന് വേണ്ടി ഡോക്ടറെ കാണേണ്ടത് അത്യാവശ്യമാണ്. ആർത്തവ വിരാമ സമയത്ത് ഇത്തരം അവസ്ഥകൾ സ്ത്രീകൾക്ക് നിയന്ത്രിക്കാൻ പറ്റാത്തതാണ്. ഇടക്കിടെയുള്ള മൂത്രശങ്കയാണ് ഇതിന് പിന്നിലെ പ്രധാന ലക്ഷണമായി കണക്കാക്കുന്നതും. ഇതിന് കാരണം എന്ന് പറയുന്നത് പെൽവിക് ഭാഗത്തെ മസിലുകൾ വീക്കാവുന്നതാണ്.

കിഡ്നി സ്റ്റോൺ

കിഡ്നി സ്റ്റോൺ അഥവാ മൂത്രത്തിലെ കല്ല് പല വിധത്തിലാണ് ആരോഗ്യത്തിന് വില്ലനാവുന്നത്. കിഡ്നി സ്റ്റോൺ പലപ്പോഴും കാല്‍സ്യം ഫോമിലേക്കും യൂറിക് ആസിഡായി മാറുന്നതിനും കാരണമാകുന്നുണ്ട്. ഇതും സ്ത്രീകളില്‍ ഇടക്കിടെ മൂത്രശങ്ക ഉണ്ടാക്കുന്നുണ്ട്. ചിലരിൽ അതികഠിനമായ വേദനയും കിഡ്നിസ്റ്റോൺ പോലുള്ള അസ്വസ്ഥതകൾ വർദ്ധിപ്പിക്കുന്നതിന് കാരണമാകുന്നുണ്ട്. ഇതിന്റെ ഫലമായി ഇടക്കിടെ ബാത്ത്റൂമിലേക്കോടുന്ന സ്ത്രീകൾ കുറവല്ല. ഇതിനെ പരിഹരിക്കുന്നതിന് ഡോക്ടറെ കാണുകയും ഡയറ്റിൽ മാറ്റം വരുത്തുകയും ചെയ്യേണ്ടത് അത്യാവശ്യമാണ്.

ബ്ലാഡർ സ്റ്റോൺ

മൂത്രാശത്തിൽ ഉണ്ടാവുന്ന കല്ലുകൾ പലപ്പോഴും നിങ്ങളെ വളരെയധികം വലക്കുന്നുണ്ട്. ഇത് തിരിച്ചറിയാൻ പലപ്പോഴും വൈകുന്നതാണ് ആരോഗ്യത്തിന് പ്രതിസന്ധികൾ ഉണ്ടാക്കുന്നത്. ഇത് ക്രിസ്റ്റൽ രൂപത്തിലാണ് കാണപ്പെടുന്നത്. ചില സമയങ്ങളിൽ ബ്ലാഡർ സ്റ്റോൺ എന്ന് പറയുമ്പോൾ യാതൊരു വിധത്തിലുള്ള ലക്ഷണങ്ങളും പ്രകടമാവുന്നുമില്ല. ഇതിന് പരിഹാരം കാണുന്നതിന് വേണ്ടി ധാരാളം വെള്ളം കുടിക്കാൻ ശ്രമിക്കുമ്പോൾ ഇത് ഇടക്കിടെ മൂത്രശങ്കയുണ്ടാക്കുന്നുണ്ട്. ഇത് ചെറിയ തോതിൽ അടിവയറ്റില്‍ വേദനക്കും കാരണമാകുന്നുണ്ട്.

ബ്ലാഡർ ഇൻഫെക്ഷൻ

അണുബാധകൾ പല വിധത്തിലാണ് നമ്മളെ ബാധിക്കുന്നത്. ഇതിൽ സ്ത്രീകളെ വലക്കുന്ന അണുബാധകളിൽ പ്രധാനപ്പെട്ട ഒന്ന് തന്നെയാണ് ബ്ലാഡർ ഇൻഫെക്ഷൻ. ഈ അവസ്ഥയിൽ അതിന് പരിഹാരം കാണാൻ ശ്രമിക്കും മുൻപ് പ്രകടമാവുന്ന ലക്ഷണങ്ങളിൽ ഒന്നാണ് പലപ്പോഴും ഇടക്കിടെയുള്ള മൂത്രശങ്ക. ബാക്ടീരിയ പോലുള്ളവ യുറീത്ര വഴി ബ്ലാഡറിലേക്ക് എത്തുകയും ഇത് ഇൻഫെക്ഷന് കാരണമാകുകയും ചെയ്യുന്നുണ്ട്.