നോമ്പെടുക്കുമ്പോള്‍ പുലര്‍ച്ചെ കഴിക്കണം ഇവയെല്ലാം

മുട്ട

മുട്ടയില്‍ ടണ്‍ പ്രോട്ടീന്‍ ആണ് അടങ്ങിയിരിക്കുന്നത്. ഇത് കൂടാതെ വിറ്റാമിനുകളും പോഷകങ്ങളും ധാരാളം അടങ്ങിയിട്ടുണ്ട്. മുട്ട കഴിക്കുന്നത് നിങ്ങള്‍ക്ക് വയറു നിറയുന്നത് പോലെ അനുഭവപ്പെടുന്നതിന് സഹായിക്കുന്നുണ്ട്. ഒരാള്‍ക്ക് മുട്ട കഴിക്കാന്‍ നിരവധി മാര്‍ഗങ്ങളുണ്ട്. നിങ്ങള്‍ക്ക് ഓംലെറ്റ് ഉണ്ടാക്കി ബ്രൗണ്‍ ബ്രെഡ് ഉപയോഗിച്ച് കഴിക്കാം. നിങ്ങള്‍ക്ക് ആഴ്ചയില്‍ രണ്ടോ മൂന്നോ ദിവസം വേവിച്ച മുട്ടകള്‍ കഴിക്കാവുന്നതാണ്. മുട്ട കഴിക്കുന്നതിലൂടെ അത് നിങ്ങളില്‍ ഊര്‍ജ്ജവും ആരോഗ്യവും ദിവസം മുഴുവന്‍ നിലനിര്‍ത്തുന്നതിന് സഹായിക്കുന്നു.

ഓട്‌സ്

പ്രോട്ടീന്‍ അടങ്ങിയ ഭക്ഷണത്തിന് ഓട്‌സ് മികച്ചതാണ് എന്ന കാര്യത്തില്‍ സംശയം വേണ്ട. പ്രോട്ടീന്‍ അടങ്ങിയ ഭക്ഷണം നിങ്ങള്‍ക്ക് ധാരാളം ഊര്‍ജ്ജം നല്‍കുന്നു. പ്രോട്ടീനുകളുടെയും കാര്‍ബോഹൈഡ്രേറ്റിന്റെയും ആകര്‍ഷകമായ ഉറവിടമാണ് ഓട്സ്. നിങ്ങള്‍ക്ക് സ്മൂത്തി ഉണ്ടാക്കിയും അല്ലാതെ വേവിച്ചും എല്ലാം ഓട്‌സ് കഴിക്കാവുന്നതാണ്. സ്മൂത്തി തയ്യാറാക്കുമ്പോള്‍ അതില്‍ വാഴപ്പഴവും പാലും ഉള്‍പ്പെടുന്നു. ഇത് രുചികരമാക്കി ഓട്‌സിനെ മാറ്റും എന്ന കാര്യത്തില്‍ സംശയം വേണ്ട. ഇത് ദിവസം മുഴുവന്‍ നിലനില്‍ക്കുന്ന തരത്തില്‍ ഊര്‍ജ്ജം നല്‍കുന്നു.

മത്സ്യം / ചിക്കന്‍

മത്സ്യം കഴിക്കുന്നതും മികച്ച ഒരു ഓപ്ഷനാണ്. മത്സ്യം പൊരിച്ചെടുക്കാതിരിക്കാന്‍ ശ്രമിക്കുക, കാരണം അത് പലപ്പോഴും നിങ്ങളെ അമിതവണ്ണത്തിലേക്ക് നയിച്ചേക്കാം. വറുത്ത ഭക്ഷണം പരമാവധി ഒഴിവാക്കുന്നതിന് ശ്രദ്ധിക്കണം. നോമ്പുകാലത്ത് വെള്ളം കുടിക്കുന്നതിന് പോലും വിലക്കുള്ളതിനാല്‍ ദാഹം വര്‍ദ്ധിപ്പിക്കുന്ന തരത്തിലുള്ള ഭക്ഷണങ്ങള്‍ ഒഴിവാക്കാന്‍ ശ്രദ്ധിക്കണം. ഊര്‍ജ്ജം നല്‍കുന്ന പോഷകങ്ങള്‍ ചിക്കനില്‍ അടങ്ങിയിട്ടുണ്ട്, ഇത് ഉപവസിക്കുന്ന ഒരാള്‍ക്ക് ദിവസം മുഴുവന്‍ ആരോഗ്യത്തോടെ പ്രവര്‍ത്തിക്കുന്നത് എളുപ്പമാക്കുന്നു. മത്തിയാണ് ഇതില്‍ ഏറ്റവും ആരോഗ്യം നല്‍കുന്ന മത്സ്യവും.

പഴങ്ങളും പച്ചക്കറികളും

ധാതുക്കളും വിറ്റാമിനുകളും ഇവയില്‍ അടങ്ങിയിട്ടുണ്ട്. കൂടാതെ, കുടിവെള്ളത്തിനുപുറമെ, പഴങ്ങളും പച്ചക്കറികളും ധാരാളം കഴിക്കേണ്ടതുണ്ട്, ഇത് ജലാംശം നിലനിര്‍ത്താന്‍ സഹായിക്കും. തണ്ണിമത്തന്‍, സ്‌ട്രോബെറി, പീച്ച്, ഓറഞ്ച്, തക്കാളി, വെള്ളരി, ചീര, സെലറി എന്നിവ ചില ഉദാഹരണങ്ങളാണ്. ഇത് കൊണ്ട് നിങ്ങള്‍ക്ക് ഒരു സാലഡ് ഉണ്ടാക്കാം, അത് നിരവധി പഴങ്ങളും പച്ചക്കറികളും നല്‍കുന്ന ഗുണത്തെ ഒരുമിച്ച് കൊണ്ടുവരുന്നു. ഇതുപയോഗിച്ച്, നിങ്ങള്‍ക്ക് ഒരേസമയം ആരോഗ്യകരമായ ഗുണങ്ങള്‍ ലഭിക്കുന്നുണ്ട്.

നട്‌സ്

ആരോഗ്യ സംരക്ഷണത്തിന്റെ കാര്യത്തില്‍ നട്‌സ് ഒരു വലിയ സഹായം തന്നെയാണ്. അതിന് വേണ്ടി അണ്ടിപ്പരിപ്പ് ചൂടുള്ള പാലില്‍ അരച്ച് ചേര്‍ത്ത് കഴിച്ച് നോക്കൂ, അത് നിങ്ങള്‍ക്ക് ആരോഗ്യവും ഊര്‍ജ്ജവും വര്‍ദ്ധിപ്പിക്കും എന്ന കാര്യത്തില്‍ സംശയം വേണ്ട. പാല്‍ ഇതിനോടൊപ്പം ചേരുമ്പോള്‍ ഗുണങ്ങള്‍ വര്‍ദ്ധിക്കുന്നു എന്നുള്ളത് തന്നെയാണ് സത്യം. പീനട്ട് ബട്ടര്‍ ഉപയോഗിക്കാുന്നതും നല്ലൊരു ഓപ്ഷനാണ്. ബദാം വെണ്ണയും നിലക്കടല വെണ്ണയും നിങ്ങള്‍ക്ക് ഊര്‍ജ്ജം നല്‍കും ഒപ്പം കൂടുതല്‍ നേരം നിങ്ങള്‍ക്ക് വിശപ്പ് അനുഭവപ്പെടാത്ത അവസ്ഥയുണ്ടാക്കുകയും ചെയ്യുന്നുണ്ട്. ഇത്തരം ഭക്ഷണങ്ങള്‍ അതുകൊണ്ട് തന്നെ നിങ്ങളുടെ ആരോഗ്യത്തിനും സഹായിക്കുന്നു.

ശ്രദ്ധിക്കേണ്ടത്

ഭക്ഷണം കഴിക്കുമ്പോള്‍, ചവയ്ക്കുന്നതിനായി വളരെയധികം സമയം എടുക്കണം. നല്ലതുപോലെ അരച്ച് കഴിക്കുന്നതിന് ശ്രദ്ധിക്കുകയും ഭക്ഷണത്തിന് പൂര്‍ണ്ണ ശ്രദ്ധ നല്‍കുകയും ചെയ്യേണ്ടതാണ്. ഇത് കൂടുതല്‍ നേരം നിങ്ങള്‍ക്ക് നിറയെ അനുഭവപ്പെടും. ഭക്ഷണം കഴിക്കുമ്പോള്‍ നിങ്ങള്‍ മറ്റേതെങ്കിലും പ്രവര്‍ത്തനങ്ങളില്‍ ഏര്‍പ്പെടുന്നില്ലെന്ന് ഉറപ്പാക്കുക, അല്ലാത്തപക്ഷം നിങ്ങളുടെ ഊര്‍ജ്ജം നഷ്ടപ്പെടുകയും പകല്‍ സമയത്ത് നിങ്ങള്‍ക്ക് വിശപ്പ് തോന്നാനും തുടങ്ങും.