ഗ്രീന്‍ടീയിലുണ്ട് ചില ദോഷങ്ങളും അറിയാം

ഹൃദയമിടിപ്പ് കൂടുതലും ഉയര്‍ന്ന രക്തസമ്മര്‍ദ്ദവും

ഗ്രീന്‍ ടീയില്‍ കാപ്പിയേക്കാള്‍ കുറഞ്ഞ കഫീന്‍ അടങ്ങിയിട്ടുണ്ടെങ്കിലും, നിങ്ങള്‍ പ്രതിദിനം അഞ്ച് കപ്പില്‍ കൂടുതല്‍ കഴിക്കുകയാണെങ്കില്‍ ഇത് പലപ്പോഴും നെഗറ്റീവ് ഫലം ഉണ്ടാക്കാന്‍ കാരണമാകുന്നുണ്ട്. വളരെയധികം കഫീന്‍ ഹൃദയമിടിപ്പിനും ഉയര്‍ന്ന രക്തസമ്മര്‍ദ്ദത്തിനും കാരണമാകും. ഹൃദയത്തിന് എന്തെങ്കിലും തരത്തിലുള്ള അസ്വസ്ഥതകള്‍ ഉള്ള ആളുകള്‍ക്ക് ഇത് അപകടകരമാണ്. അതിനാല്‍, ഉയര്‍ന്ന രക്തസമ്മര്‍ദ്ദം, ഹൃദയ രോഗങ്ങള്‍ അല്ലെങ്കില്‍ മറ്റേതെങ്കിലും മെഡിക്കല്‍ അവസ്ഥ എന്നിവ ഉണ്ടെങ്കില്‍ ഗ്രീന്‍ ടീ ഉപഭോഗം പരിമിതപ്പെടുത്തുക. ഇത് കൂടുതല്‍ അപകടത്തിലേക്ക് എത്തുന്നതിന് മുന്‍പ് ശ്രദ്ധിക്കണം.

വര്‍ദ്ധിച്ച സമ്മര്‍ദ്ദവും ഉത്കണ്ഠയും

ഒരു കപ്പ് ഗ്രീന്‍ ടീ ഒരു സമ്മര്‍ദ്ദകരമായ ദിവസത്തിന് ശേഷം അതിനെ ഇല്ലാതാക്കാന്‍ സഹായിക്കുന്നുണ്ട്. എന്നാല്‍ അതിന്റെ ഗുണങ്ങള്‍ക്ക് നന്ദി പറയുന്നതോടൊപ്പം തന്നെ ഇത് കൂടുതല്‍ അസ്വസ്ഥതകളും ഉണ്ടാക്കുന്നുണ്ട് എന്നൊരു മറുവശം ഉണ്ട്. എന്നിരുന്നാലും, പ്രതിദിനം നിരവധി കപ്പ് ഗ്രീന്‍ ടീ കുടിക്കുന്നത് നിങ്ങളെ കൂടുതല്‍ സമ്മര്‍ദ്ദത്തിലാക്കാം. നിങ്ങളുടെ രക്തപ്രവാഹത്തിലെ വളരെയധികം കഫീന്‍ നിങ്ങളുടെ അഡ്രീനല്‍ ഗ്രന്ഥികളെ പ്രേരിപ്പിക്കുകയും സ്‌ട്രെസ് ഹോര്‍മോണുകളായ നോറെപിനെഫ്രിന്‍, അഡ്രിനാലിന്‍, കോര്‍ട്ടിസോള്‍ എന്നിവ ഉത്പാദിപ്പിക്കുകയും ചെയ്യും. അതുകൊണ്ട് തന്നെ ഇത്തരം അവസ്ഥകള്‍ക്ക് പരിഹാരം കാണുന്നതിന് ശ്രദ്ധിക്കണം. കാരണം രക്തസമ്മര്‍ദ്ദം വളരെയധികം വെല്ലുവിളികള്‍ ഉയര്‍ത്തുന്ന ഒന്ന് തന്നെയാണ്.

ഇരുമ്പിന്റെ കുറവ് വിളര്‍ച്ച

ഗ്രീന്‍ ടീ വലിയ അളവില്‍ കഴിക്കുമ്പോള്‍ ഭക്ഷണങ്ങളില്‍ നിന്ന് ഇരുമ്പ് ആഗിരണം ചെയ്യുന്നതിനെ തടസ്സപ്പെടുത്തുകയും ഇരുമ്പിന്റെ കുറവ് വിളര്‍ച്ചയിലേക്ക് നയിക്കുകയും ചെയ്യുന്നു. ഇത് രക്തത്തിലെ അപര്യാപ്തമായ ചുവന്ന രക്താണുക്കളോ ആര്‍ബിസികളോ ഉള്ള സ്വഭാവമാണ്. ഭക്ഷണം കഴിച്ചയുടനെ ഗ്രീന്‍ ടീ കഴിക്കുന്നത് ആരോഗ്യ വിദഗ്ധര്‍ ശക്തമായി നിരുത്സാഹപ്പെടുത്താനുള്ള കാരണം ഇതാണ്. നിങ്ങള്‍ക്ക് ഇരുമ്പിന്റെ കുറവ് വിളര്‍ച്ച ഉണ്ടെങ്കില്‍, നിങ്ങള്‍ക്ക് ക്ഷീണം, തലകറക്കം, തണുത്ത കൈകളും കാലുകളും, നെഞ്ചുവേദന, ശ്വാസം മുട്ടല്‍, വേഗത്തിലുള്ള ഹൃദയമിടിപ്പ് എന്നിവ അനുഭവപ്പെടാം.

അസ്വസ്ഥമായ വയറും വയറിളക്കവും

ഗ്രീന്‍ ടീയില്‍ ടാന്നിസും അടങ്ങിയിട്ടുണ്ട്, അവ സസ്യങ്ങളെ അടിസ്ഥാനമാക്കിയുള്ള സംയുക്തങ്ങളാണ. ഇത് നിങ്ങളുടെ ശരീരത്തിലെ ചില ടിഷ്യുകളെ ചുരുക്കാന്‍ പ്രാപ്തവുമാണ്. ശരീരത്തിലെ ഈ സംയുക്തങ്ങള്‍ വളരെയധികം വായില്‍ വരള്‍ച്ച, ഓക്കാനം, വയറുവേദന എന്നിവയ്ക്ക് കാരണമാകും. കൂടാതെ, നിങ്ങള്‍ പ്രതിദിനം അഞ്ചില്‍ കൂടുതല്‍ കപ്പ് ഗ്രീന്‍ ടീ കുടിക്കുകയാണെങ്കില്‍ കഫീന്റെ അളവ് പലപ്പോഴും നിങ്ങള്‍ക്ക് വയറിളക്കത്തിന് കാരണമാകും. വയറിളക്കം അല്ലെങ്കില്‍ ഛര്‍ദ്ദി നീണ്ടുനില്‍ക്കുന്നത് നിങ്ങളെ നിര്‍ജ്ജലീകരണത്തിലേക്ക് എത്തിക്കും. കടുത്ത നിര്‍ജ്ജലീകരണം നിങ്ങളുടെ വൃക്കയുടെ പ്രവര്‍ത്തനത്തെ ബാധിക്കും.

ഉറക്ക പ്രശ്‌നങ്ങള്‍

ഉറക്കത്തിനുണ്ടാവുന്ന പ്രശ്‌നങ്ങള്‍ പലപ്പോഴും അടുത്ത ദിവസം വരെ നിങ്ങളെ അസ്വസ്ഥപ്പെടുത്തുന്നുണ്ട്. എന്നാല്‍ ഗ്രീന്‍ ടീയില്‍ നിന്നുള്ള അധിക കഫീന്‍ ഉറങ്ങാന്‍ കൂടുതല്‍ ബുദ്ധിമുട്ടാണ്. ഉറക്കസമയം മുമ്പ് ഗ്രീന്‍ ടീ കുടിക്കുന്നത് രാത്രിയില്‍ ഇടക്കിടെ മൂത്രമൊഴിക്കുന്നതിന് നിങ്ങള്‍ക്ക് അസ്വസ്ഥതയുണ്ടാവുന്നു. ഇത് നിങ്ങളുടെ ഉറക്കത്തെ തടസ്സപ്പെടുത്തുകയും രാവിലെ ക്ഷീണം അനുഭവപ്പെടുകയും ചെയ്യും. അവ ജോലിസ്ഥലത്തെ നിങ്ങളുടെ പ്രകടനത്തെ ബാധിക്കുകയും ദൈനംദിന പ്രവര്‍ത്തനങ്ങള്‍ നടത്താനുള്ള നിങ്ങളുടെ കഴിവിനെ ദുര്‍ബലപ്പെടുത്തുകയും ചെയ്യും. അതുകൊണ്ട് ഗ്രീന്‍ ടീ കഴിക്കുമ്പോള്‍ അല്‍പം ശ്രദ്ധിക്കേണ്ടതാണ്.