Just In
- 4 min ago അവധിക്കാലം കുട്ടികള്ക്ക് ഉഷാറാക്കാന് സ്വീറ്റ് സോഫ്റ്റ് കേക്ക്
- 15 min ago മഹാശുക്രദശയോടെ ഒന്നാം തീയ്യതി തുടങ്ങിയ നാളുകാര്: ഇനി ഇവരെ പിടിച്ചാല് കിട്ടില്ല
- 2 hrs ago ഒരു കാരണവശാലും ഇവര് കാപ്പി കുടിക്കരുത്, ആയുസ്സിന് ദോഷം
- 2 hrs ago രക്തശുദ്ധീകരണം നടത്തുന്ന പ്രധാന ഭക്ഷണം: സ്ഥിരമാക്കണം ഇവയെല്ലാം
Don't Miss
- Sports IPL 2024: ഗില്ലിനെക്കൊണ്ടാവില്ല! ഹാര്ദിക് പാണ്ഡ്യ മടങ്ങി വരൂ..., ആവശ്യപ്പെട്ട് ജിടി ആരാധകര്
- Movies സഹോദരനാണെങ്കിലും സ്വകാര്യ വിഷയങ്ങൾ അറിയില്ല; ഞങ്ങളുടെ ബന്ധം; കുടുംബത്തെക്കുറിച്ച് അർബാസ് ഖാൻ
- News ജപ്പാനിലെ എഹിം, കൊച്ചി പ്രവിശ്യകളില് ശക്തമായ ഭൂചലനം; സുനാമി മുന്നറിയിപ്പില്ല
- Automobiles ടൊയോട്ട ഇനി ചന്ദ്രനിലേക്കോ, നാസയുമായി കൈകോർത്ത് ബ്രാൻഡ്
- Finance എല്ലാ മാസവും ഉറപ്പായ വരുമാനം, റിട്ടയർമെന്റ് ജീവിതം അടിപൊളിയാക്കൂ, ഇതാണ് പദ്ധതി
- Technology 2 രൂപ വ്യത്യാസത്തിൽ ഇങ്ങനെ മാജിക്ക് കാണിക്കാൻ ബിഎസ്എൻഎല്ലിനേ പറ്റൂ! കാണുന്നവർ അമ്പരക്കും
- Travel ബാംഗ്ലൂർ നഗരത്തിലെ യാത്രകൾ ഈസി; 2 കിലോമീറ്ററിന് 20 രൂപ, ജിപിഎസ് ട്രാക്കിങ്, കുട്ടികൾക്ക് സൗജന്യ യാത്ര..
കുട്ടികളെ കോവിഡില് നിന്ന് രക്ഷിക്കാം; ഇക്കാര്യങ്ങളില് അശ്രദ്ധ പാടില്ല
കൊറോണ വൈറസിന്റെ രണ്ടാം തരംഗം ഇന്ത്യയില് അലയടിക്കുകയാണ്. 2019ല് കോവിഡ് ആദ്യമായി ലോകത്തെ ബാധിച്ചപ്പോള്, പ്രായമായ മുതിര്ന്നവരും വിട്ടുമാറാത്ത അവസ്ഥയുള്ള ആളുകളും മാത്രമാണ് ഏറ്റവും കൂടുതല് അപകടസാധ്യതയുള്ളവരായി കണക്കാക്കപ്പെട്ടിരുന്നത്. എന്നിരുന്നാലും, രണ്ടാമത്തെ തരംഗത്തിന്റെ ആരംഭത്തോടെ, ഇതുവരെ വാഹകരായി മാത്രം കണക്കാക്കപ്പെട്ടിരുന്ന കുട്ടികളെപ്പോലും മാരകമായ വൈറസ് ബാധിക്കുമെന്ന് വ്യക്തമായിട്ടുണ്ട്. ഇത് കുട്ടികളെപോലും വലിയ തോതില് ബാധിക്കുന്നു.
Most read: കോവിഡ് മൂന്നാംതരംഗം അപകടത്തിലാക്കുക കുട്ടികളെ; ശ്രദ്ധിക്കേണ്ട കാര്യങ്ങള്
അതിനാല്, മാരകമായ വൈറസിനെക്കുറിച്ച് കുട്ടികളെ സ്വയം ബോധവല്ക്കരിക്കുകയും അത് തടയാന് കഴിയുന്ന വിവിധ വഴികളെക്കുറിച്ച് അവരെ അറിയിക്കുകയും ചെയ്യേണ്ടത് പ്രധാനമാണ്. ഇത് നമ്മളെ മാത്രമല്ല, പകര്ച്ചവ്യാധിയുടെ പ്രത്യാഘാതങ്ങളെക്കുറിച്ച് ഇതുവരെ അറിവില്ലാത്ത നമ്മുടെ കുട്ടികളുടെ സുരക്ഷയും കൂടി ഉറപ്പാക്കും. കോവിഡ് വൈറസില് നിന്ന് കുട്ടികളെ പരിരക്ഷിക്കാന് നിങ്ങള് സ്വീകരിക്കേണ്ട ചില മുന്കരുതലുകള് ഇതാ.
കുട്ടികളിലെ കോവിഡ് ലക്ഷണങ്ങള്
മുതിര്ന്നവരിലെ പനി, ചുമ, തലവേദന തുടങ്ങിയ സാധാരണ ലക്ഷണങ്ങളില് നിന്ന് വ്യത്യസ്തമായി കുട്ടികള്ക്ക് മറ്റു ലക്ഷണങ്ങള് അനുഭവപ്പെടാമെന്ന് വിദഗ്ദ്ധര് അഭിപ്രായപ്പെടുന്നു. കുട്ടികള്ക്ക് 103-104 ഡിഗ്രി സെല്ഷ്യസ് വരെ ഉയര്ന്ന പനിയുണ്ടാകാം. പനി തുടരുകയോ വഷളാവുകയോ ചെയ്താല് വൈദ്യസഹായം തേടണം. സാധാരണ ലക്ഷണങ്ങള് കൂടാതെ, കോവിഡ് 19 ബാധിച്ച കുട്ടികളില് MIS-C (മള്ട്ടിസിസ്റ്റം ഇന്ഫ്ളമേറ്ററി സിന്ഡ്രോം ഇന് ചില്ഡ്രന്) കേസുകളുടെ എണ്ണം കൂടാമെന്ന് റിപ്പോര്ട്ടുകള് പറയുന്നു. ഈ അവസ്ഥയുള്ള കുട്ടികളുടെ ഹൃദയം, ശ്വാസകോശം, രക്തക്കുഴലുകള്, വൃക്കകള്, ദഹനവ്യവസ്ഥ, തലച്ചോറ്, ചര്മ്മം അല്ലെങ്കില് കണ്ണുകള് എന്നിവയുള്പ്പെടെ ശരീരത്തിന്റെ വിവിധ അവയവങ്ങളില് പലപ്പോഴും കടുത്ത വീക്കം വരാറുണ്ട്.
കുട്ടികളെ കോവിഡില് നിന്ന് രക്ഷിക്കാന്
കുട്ടികളില് വര്ദ്ധിച്ചുവരുന്ന കോവിഡ് കേസുകള് കണക്കിലെടുക്കുമ്പോള്, അവരെ പരിരക്ഷിക്കുന്നതിനും അണുബാധ പടരാതിരിക്കുന്നതിനും അവരെ ശ്രദ്ധിക്കേണ്ടത് വളരെ പ്രധാനമാണ്. പകര്ച്ചവ്യാധിയെക്കുറിച്ച് നമ്മുടെ കുട്ടികളെ ബോധവത്കരിക്കുകയും ചില മുന്കരുതലുകള് എടുക്കുകയും ചെയ്യുന്നത് വൈറസിന്റെ പ്രതികൂല സ്വാധീനം കുറയ്ക്കാനും കുട്ടികളെ അതില് നിന്ന് സുരക്ഷിതമായി സൂക്ഷിക്കാനും കഴിയും. അത് ചെയ്യുന്നതിനുള്ള ചില വഴികള് ഇതാ.
Most read:ശരീരത്തില് ഓക്സിജന്റെ അളവ് കുറയുന്നതിന്റെ സൂചനകള്; ശ്രദ്ധിച്ചില്ലെങ്കില് ഗുരുതരം
വീട്ടിനുള്ളില് തന്നെ ഇരുത്തുക
കുട്ടികളെ സംബന്ധിച്ചിടത്തോളം ഇത് അല്പം ബുദ്ധിമുട്ടുള്ള കാര്യമാണെങ്കിലും, ഇത്തരം പ്രതിസന്ധി ഘട്ടങ്ങളില് വീടിനുള്ളില് തന്നെ തുടരാന് നിങ്ങളുടെ കുട്ടിയെ പ്രോത്സാഹിപ്പിക്കണം. വൈറസ് ആരെയും ഒഴിവാക്കുന്നില്ല എന്നതിനാല്, നിങ്ങളുടെ കുട്ടികളെ കളിക്കാന് പുറത്തേക്ക് അയക്കരുത്. പകരം അവരെ ഇന്േഡാര് ഗെയിമുകള് കളിക്കാന് പ്രോത്സാഹിപ്പിക്കുക.
സാമൂഹിക അകലം പരിശീലിപ്പിക്കുക
ഇത്തരമൊരു സമയത്ത്, വീട്ടില് സന്ദര്ശകരെ പരമാവധി ഒഴിവാക്കുക. കോവിഡ് വൈറസ് അദൃശ്യമാണ്, ആരാണ് രോഗം ബാധിച്ചതെന്ന് നിങ്ങള്ക്ക് ഒരിക്കലും ഉറപ്പാക്കാന് കഴിയില്ല. അതിനാല് ജാഗ്രതയോടെ തുടരേണ്ടത് പ്രധാനമാണ്. കൂടാതെ, നിങ്ങള്ക്ക് വീട്ടില് സന്ദര്ശകരുണ്ടെങ്കില്, സാമൂഹിക അകലം പാലിക്കാന് നിങ്ങളുടെ കുട്ടികളോട് ആവശ്യപ്പെടുക. സാമൂഹിക അകലത്തിന്റെ പ്രാധാന്യത്തെക്കുറിച്ച് നിങ്ങളുടെ കുട്ടിയെ പറഞ്ഞ് മനസിലാക്കുക. പുറത്തിറങ്ങുമ്പോള്, പ്രത്യേകിച്ച് തിരക്കേറിയ സ്ഥലത്ത് സാമൂഹിക അകലം പാലിക്കുക.
Most read:ഭീഷണിയായി പുതിയ കോവിഡ് വകഭേദം; കണ്ടെത്തിയത് വിയറ്റ്നാമില്
മാസ്കിന്റെ പ്രാധാന്യം മനസിലാക്കിനല്കുക
ഏറ്റവും പുതിയ പഠനങ്ങനുസരിച്ച് കോവിഡ് 19 പ്രധാനമായും വായുവിലൂടെ പടരുമെന്ന് ഗവേഷകര് കണ്ടെത്തിയിട്ടുണ്ട്. എയറോസോള്സ് എന്ന വലിയ സ്രവണ തുള്ളികളിലൂടെയാണ് ഇത് പകരുന്നത്. അതിനാല്, വൈറസിനെ പ്രതിരോധിക്കാന് മാസ്ക് ധരിക്കുന്നത് അങ്ങേയറ്റം നിര്ണായകമാണ്. നിങ്ങളുടെ കുട്ടിക്ക് മാസ്ക് ധരിക്കേണ്ടതിന്റെ പ്രാധാന്യത്തെക്കുറിച്ച് മനസിലാക്കിക്കൊടുക്കുക. തിരക്കേറിയ സ്ഥലങ്ങളില് അവര് മാസ്ക് ധരിക്കുന്നുവെന്ന് ഉറപ്പാക്കുക.
ശുചിത്വം പരിശീലിപ്പിക്കുക
വൈറസിനെ പ്രതിരോധിക്കാന് കൈ ശുചിത്വം, സാനിറ്റൈസര്, സോപ്പ് എന്നിവയുടെയെല്ലാം പ്രാധാന്യം ഇതിനകം തന്നെ എല്ലാവര്ക്കും ബോധ്യപ്പെട്ടിരിക്കണം. നിങ്ങളുടെ കുട്ടികളെയും ശുചിത്വ ശീലം പഠിപ്പിക്കുക. പകര്ച്ചവ്യാധി സമയത്ത്, കണ്ണുകള്, മൂക്ക്, വായ എന്നിവ തൊടുന്നതിനുമുമ്പ് പതിവായി കൈ കഴുകി വൃത്തിയാക്കേണ്ടത് നിര്ണായകമാണ്. ശ്രദ്ധിക്കാിരുന്നാല്, കുട്ടികള് മലിനമായ പല പ്രതലങ്ങളിലും വസ്തുക്കളിലും സ്പര്ശിച്ചേക്കാം. ഇത് അവരെ അണുബാധയിലേക്കും നയിച്ചേക്കാം. അത് ഒഴിവാക്കാന് നിങ്ങളുടെ കുട്ടികള് പതിവായി കൈ കഴുകുന്നുവെന്ന് ഉറപ്പാക്കുക. നന്നായി കൈ കഴുകാന് അവരെ പഠിപ്പിക്കുക.
വീട് വൃത്തിയാക്കുക
നിങ്ങളുടെ കൈ കഴുകുന്നതിനുപുറമെ, വീട്ടില് പതിവായി സ്പര്ശിച്ച പ്രതലങ്ങളും വസ്തുക്കളും അണുവിമുക്തമാക്കാനും വൃത്തിയാക്കാനും മറക്കാതിരിക്കുക. കോവിഡ് വൈറസിന് വസ്തുക്കളിലേക്കോ ഉപരിതലത്തിലേക്കോ വ്യാപിക്കാന് കഴിയുമെന്ന് കരുതുന്നു. അത്തരം ഘട്ടത്തില്, വീട്ടിലെ പ്രതലങ്ങളില് നിന്ന് നിങ്ങള്ക്കോ നിങ്ങളുടെ കുട്ടികള്ക്കോ അണുബാധയേല്ക്കാം. അത് ഒഴിവാക്കാന്, നിങ്ങള് കഴിയുന്നത്ര തവണ വീട്ടില് പതിവായി സ്പര്ശിക്കുന്ന ഉപരിതലങ്ങള് അണുവിമുക്തമാക്കുക. ദിവസത്തില് ഒരിക്കലെങ്കിലും കുട്ടിയുടെ കളിപ്പാട്ടങ്ങള് വൃത്തിയാക്കുക.
Most read:ഫംഗസ് അണുബാധ ഫലപ്രദമായി നേരിടാം; ഈ വീട്ടുവൈദ്യങ്ങളിലൂടെ
ചുമ, തുമ്മല് ശ്രദ്ധിക്കുക
ചുമയ്ക്കുമ്പോഴും തുമ്മുമ്പോഴും ടിഷ്യു അല്ലെങ്കില് കൈമുട്ട് ഉപയോഗിച്ച് വായയും മൂക്കും മൂടാന് നിങ്ങളുടെ കുട്ടിയെ പഠിപ്പിക്കുക. ഉപയോഗിച്ച ടിഷ്യു ഉടനടി നീക്കം ചെയ്ത് സോപ്പും വെള്ളവും ഉപയോഗിച്ച് കൈ കഴുകുക. അല്ലെങ്കില് മദ്യം അടിസ്ഥാനമാക്കിയുള്ള ഹാന്ഡ് സാനിറ്റൈസര് ഉപയോഗിക്കുക.
പ്രായമായവര്ക്ക് കരുതല്
ജലദോഷം, പനി അല്ലെങ്കില് പനി പോലുള്ള ലക്ഷണങ്ങളുള്ള ആരുമായും അടുത്തു ബന്ധപ്പെടാന് നിങ്ങളുടെ കുട്ടിയെ അനുവദിക്കരുത്. പനി, ചുമ, ജലദോഷം എന്നിവയുള്ള കുട്ടികളെ മറ്റുള്ളവരെ കാണാന് പ്രത്യേകിച്ച് വൃദ്ധരായവരെ അനുവദിക്കരുത്. നിങ്ങളുടെ കുട്ടിക്ക് പനി, ചുമ അല്ലെങ്കില് ശ്വസന ബുദ്ധിമുട്ട് ഉണ്ടെങ്കില് നേരത്തെതന്നെ വൈദ്യസഹായം തേടുക.
Most read:വെറും വയറ്റില് ഇതെല്ലാം കഴിച്ചാല് കിടിലന് രോഗപ്രതിരോധശേഷി
ഭക്ഷണം
കുട്ടികള്ക്ക് ധാരാളം വെള്ളമുള്ള പോഷകാഹാരം നല്കാന് മറക്കരുത്. സിട്രസ് പഴങ്ങളും (ഓറഞ്ച്, നാരങ്ങ, മുന്തിരി), വിറ്റാമിന് സി അടങ്ങിയ പച്ചക്കറികളും വിറ്റാമിന് ഡി അടങ്ങിയ ഭക്ഷണങ്ങളും (ചീസ്, മുട്ടയുടെ മഞ്ഞ) സിങ്ക് അടങ്ങിയ ഭക്ഷണങ്ങളും (പയര്വര്ഗ്ഗങ്ങള്, പയറ്, ബീന്സ്, പരിപ്പ്) അവര്ക്ക് നല്കുക.