കൊവിഡ് രോഗബാധിതര്‍ കഴിക്കേണ്ടതും കഴിക്കാന്‍ പാടില്ലാത്തതും

COVID രോഗബാധിതര്‍ക്കുള്ള പോഷക മാര്‍ഗ്ഗനിര്‍ദ്ദേശങ്ങള്‍

ശാരീരീക അസ്വസ്ഥതകള്‍ അനുസരിച്ച് പതിവായി ശാരീരിക പ്രവര്‍ത്തനങ്ങളും ശ്വസന വ്യായാമവും ചെയ്യാന്‍ ശ്രദ്ധിക്കണം. മിതമായ കാര്‍ബണുകളും കൊഴുപ്പുകളും ഉയര്‍ന്ന ബയോളജിക്കല്‍ വാല്യൂ പ്രോട്ടീനുകളും ഉപയോഗിച്ച് സമീകൃതാഹാരം കഴിക്കുക. രോഗികളുടെ ആവശ്യങ്ങള്‍ നിറവേറ്റുന്നതിനായി ഓറല്‍ ന്യൂട്രീഷന്‍ സപ്ലിമെന്റുകളും ആന്റിഓക്സിഡന്റുകളും നല്‍കുക. ആന്റിഓക്സിഡന്റ് വിറ്റാമിനുകളുടെയും ധാതുക്കളുടെയും ഉപയോഗം പ്രത്യേകിച്ച് വിറ്റാമിന്‍ സി, വിറ്റാമിന്‍ ഡി എന്നിവ കഴിക്കാന്‍ ശ്രദ്ധിക്കണം

COVID - ഡയറ്റ് (ചെയ്യേണ്ടതും ചെയ്യരുതാത്തതും)

COVID രോഗബാധിതര്‍ പ്രധാനമായും ശ്രദ്ധിക്കേണ്ടത് ശരീരത്തിന്റെ പ്രതിരോധശേഷി, ഊര്‍ജ്ജ നില എന്നിവ പുനര്‍നിര്‍മ്മിക്കാന്‍ സഹായിക്കുന്ന ഭക്ഷണങ്ങള്‍ കഴിക്കുന്നതിനാണ്. അതുകൊണ്ട് തന്നെ റാഗി, ഓട്‌സ് പോലുള്ള ധാന്യങ്ങള്‍ കഴിക്കാന്‍ ശ്രദ്ധിക്കണം. ഇത് കാര്‍ബോഹൈഡ്രേറ്റിന്റെ സമ്പന്നമായ ഉറവിടങ്ങളാണ്. ചിക്കന്‍, മത്സ്യം, മുട്ട, പനീര്‍, സോയ, പരിപ്പ്, നട്‌സ് എന്നിവ പ്രോട്ടീന്റെ നല്ല ഉറവിടങ്ങളാണ്. വാല്‍നട്ട്, ബദാം, ഒലിവ് ഓയില്‍, കടുക് എണ്ണ തുടങ്ങിയ ആരോഗ്യകരമായ കൊഴുപ്പുകള്‍ ഈ ദിവസങ്ങളില്‍ കഴിക്കുന്നതിന് ശ്രദ്ധിക്കണം. ഒരാളുടെ പ്രതിരോധശേഷി വര്‍ദ്ധിപ്പിക്കുന്നതിന്, ഒരാള്‍ ദിവസത്തില്‍ ഒരിക്കല്‍ മഞ്ഞള്‍ പാല്‍ കഴിക്കണം.

COVID - ഡയറ്റ് (ചെയ്യേണ്ടതും ചെയ്യരുതാത്തതും)

നിങ്ങള്‍ COVID പോസിറ്റീവ് ആയിരിക്കുമ്പോള്‍ ആവശ്യമായ വിറ്റാമിനുകളും ധാതുക്കളും ലഭിക്കാന്‍ എല്ലാ നിറമുള്ള പഴങ്ങളും പച്ചക്കറികളും ചുരുങ്ങിയത് അഞ്ച് തവണയെങ്കിലും കഴിക്കാന്‍ ശ്രദ്ധിക്കണം. കുറഞ്ഞത് 70% കൊക്കോ ഉപയോഗിച്ച് നിങ്ങള്‍ക്ക് ചെറിയ അളവില്‍ ഡാര്‍ക്ക് ചോക്ലേറ്റ് കഴിക്കാന്‍ കഴിയും, അത് നിങ്ങളുടെ മാനസികാവസ്ഥയെ ഉയര്‍ത്തുകയും ഉത്കണ്ഠ ഒഴിവാക്കുകയും നിങ്ങളുടെ പ്രതിരോധശേഷി വര്‍ദ്ധിപ്പിക്കുകയും ചെയ്യും. മിക്ക COVID രോഗികളും ഗന്ധവും രുചിയും നഷ്ടപ്പെടുകയോ വിഴുങ്ങാന്‍ ബുദ്ധിമുട്ട് അനുഭവിക്കുകയോ ചെയ്യുന്നു. ചെറിയ ഇടവേളകളില്‍ മൃദുവായ ഭക്ഷണം കഴിക്കുന്നതും ഭക്ഷണത്തില്‍ മാങ്ങ ചേര്‍ക്കുന്നതും പ്രധാനമാണ്.

സാമ്പിള്‍ ഡയറ്റ് ചാര്‍ട്ട്

പ്രഭാതഭക്ഷണം: വെജ് പോഹ / വെജ് ഉപ്പ്മാവ് / ഇഡ്ഡലി, മഞ്ഞള്‍പാല്‍ എന്നിവ നല്ലതാണ്.

ഉച്ചഭക്ഷണം: റാഗി അല്ലെങ്കില്‍ മള്‍ട്ടി ഗ്രെയിന്‍ മാവ് ചപ്പാത്തി / അരി / വെജ് പുലാവ്/ കിച്ചടി/ പയര്‍, വെജിറ്റബിള്‍സ്, തൈര് സാലഡ് (കാരറ്റ്, വെള്ളരി)

വൈകുന്നേരം: ഇഞ്ചി ചായ / വെജ് അല്ലെങ്കില്‍ ചിക്കന്‍ അല്ലെങ്കില്‍ രോഗപ്രതിരോധ സൂപ്പ് / മുളപ്പിച്ച പയര്‍ വര്‍ഗ്ഗങ്ങള്‍

അത്താഴം: റാഗി / മള്‍ട്ടിഗ്രെയിന്‍ മാവ് ചപ്പാത്തി / സോയ ബീന്‍സ് / പനീര്‍ / ചിക്കന്‍ അല്ലെങ്കില്‍ പച്ച പച്ചക്കറികള്‍ സാലഡ് (കാരറ്റ്, കുക്കുമ്പര്‍) എന്നിവ കഴിക്കേണ്ടതാണ്.

കൊവിഡിന് ശേഷം ക്ഷീണത്തിന് പരിഹാരം

COVID- ന് ശേഷമുള്ള ക്ഷീണത്തെ നേരിടാന്‍ വാഴപ്പഴം, ആപ്പിള്‍, ഓറഞ്ച് അല്ലെങ്കില്‍ മധുരമുള്ള നാരങ്ങ നീര് എന്നിവ പോലുള്ള ഊര്‍ജ്ജം വര്‍ദ്ധിപ്പിക്കുന്ന ഭക്ഷണങ്ങള്‍ കഴിക്കുക. മധുരക്കിഴങ്ങ് സാലഡില്‍ അല്ലെങ്കില്‍ ഭക്ഷണത്തിന്റെ ഭാഗമായി ചേര്‍ക്കുക. തേനും നാരങ്ങയും ഉപയോഗിച്ച് ചെറുചൂടുള്ള വെള്ളം എടുക്കുക.

വരണ്ട ചുമ എങ്ങനെ കൈകാര്യം ചെയ്യാം?

COVID ലക്ഷണങ്ങള്‍ നിയന്ത്രിക്കാന്‍ തുളസി ഇലകളുള്ള ചെറുചൂടുള്ള വെള്ളം ധാരാളം കുടിക്കുക. നിര്‍ജ്ജലീകരണത്തിലേക്ക് നയിക്കുന്നതിനാല്‍ പഞ്ചസാര പാനീയങ്ങള്‍, മദ്യം, കോഫി എന്നിവ ഒഴിവാക്കുക. ദിവസത്തില്‍ 2-3 തവണയെങ്കിലും ആവി പിടിക്കാന്‍ ശ്രദ്ധിക്കേണ്ടതാണ്. ഇത്തരം കാര്യങ്ങള്‍ വളരെയധികം ശ്രദ്ധിക്കണം. ഒരു കാരണവശാലും ശരീരത്തില്‍ നിര്‍ജ്ജലീകരണം ഉണ്ടാവരുത്.

പഴങ്ങളും പച്ചക്കറികളും വൈറസ് പകര്‍ത്തുന്നോ?

പഴങ്ങളും പച്ചക്കറികളും വൈറസ് നേരിട്ട് പകര്‍ത്തുന്നില്ല. പക്ഷേ പാചകം ചെയ്യുന്നതിനോ കഴിക്കുന്നതിനോ മുമ്പ് അവ നന്നായി കഴുകണം. അവ ചെറുചൂടുള്ള വെള്ളത്തില്‍ കഴുകണം അല്ലെങ്കില്‍ നിങ്ങള്‍ക്ക് സോഡ-ബൈകാര്‍ബ് വെള്ളത്തില്‍ ചേര്‍ക്കാം. പച്ചക്കറികളും പഴങ്ങളും ഉപയോഗിക്കുന്നതിന് മുമ്പ് ഇവ വെള്ളത്തില്‍ കുറച്ച് നേരം മുക്കിവയ്ക്കുക. ഇത് കൂടാതെ ഉപയോഗത്തിന്റെ കാര്യത്തില്‍ എപ്പോഴും വളരെയധികം ശ്രദ്ധിച്ച് ഉപയോഗിക്കാന്‍ നോക്കണം.

മൂത്രനാളി അണുബാധകളും (യുടിഐ) COVID 19 ഉം?

മൂത്ര അണുബാധ ഒഴിവാക്കാന്‍ 'ജലാംശം പ്രധാനമാണ്' എന്നതിനാല്‍ നല്ല ദ്രാവക ബാലന്‍സ് നിലനിര്‍ത്തുക. പ്രതിദിനം 1-2 ഗ്രാം വരെ വിറ്റാമിന്‍ സി നല്ല അളവില്‍ ഭക്ഷണത്തില്‍ ഉള്‍പ്പെടുത്തുക. നാരങ്ങ ജ്യൂസ്, ഓറഞ്ച് ജ്യൂസ്, ഇളം ചൂടുവെള്ളം എന്നിവയെല്ലാം ധാരാളം കഴിക്കാന്‍ ശ്രദ്ധിക്കേണ്ടതാണ്. അല്ലാത്ത പക്ഷം ശരീരത്തിലെ നിര്‍ജ്ജലീകരണം മറ്റ് ചില അവസ്ഥകളിലേക്ക് നയിക്കുന്നുണ്ട്.