തടി കുറയാന്‍ ചുളിവു വീണ 4 മാന്ത്രികപ്പഴം മതി

ധാരാളം ഫൈബര്‍

ധാരാളം ഫൈബര്‍ അടങ്ങിയ ഒന്നാണ് ഈന്തപ്പഴം. പ്രത്യേകിച്ചും ഡയെറ്ററി ഫൈബര്‍. ഈ ഫൈബര്‍ മൂന്നു തരത്തിലാണ് തടി കുറയ്ക്കാന്‍ സഹായിക്കുന്നത്. ഇത് വന്‍കുടല്‍ ഭക്ഷണം ആഗിരണം ചെയ്യുന്ന പ്രക്രിയ പതുക്കെയാക്കുന്നു. ഇതു കാരണം വിശപ്പനുഭവപ്പെടില്ല. ഇത് ഗ്ലൂക്കോസ് തോതു പെട്ടെന്നു തന്നെ കൂടാനും ഇടയാക്കുന്നില്ല. മറ്റൊരു വഴി ഇത് കൊഴുപ്പുകള്‍ വലിച്ചെടുക്കുന്നതു തടയുന്നുവെന്നതാണ്. ഇതാണ് തടി കുറയ്ക്കാന്‍ സഹായിക്കുന്ന മറ്റൊരു പ്രധാനപ്പെട്ട വഴി. അതായത് ഫാറ്റ് അബ്‌സോര്‍ബ് ചെയ്യുന്നതു കുറയ്ക്കുന്നു.

ഈ ഫൈബര്‍

ഈ ഫൈബര്‍ ഷോര്‍ട്ട് ചെയിന്‍ ഫാറ്റി ആസിഡുകളുടെ ഉല്‍പാദനത്തിനു സഹായിക്കുന്നു. ഇത് സംഭവിയ്ക്കുന്നത് കുടലിലാണ്. ഇത് നല്ല ബാക്ടീരിയകളെ ഉല്‍പാദിപ്പിയ്ക്കുന്നു. നല്ല ബാക്ടീരിയകള്‍ ദഹനത്തിനു സഹായിക്കും. നല്ല രീതിയില്‍ അപചയ പ്രക്രിയ നടക്കും. ഇതും തടി കുറയ്ക്കാന്‍ സഹായിക്കുന്ന പ്രധാനപ്പെട്ട ഒരു ഘടകം തന്നെയാണ്.

അണ്‍സാച്വറേറ്റഡ് ഫാറ്റി ആസിഡുകള്‍

അണ്‍സാച്വറേറ്റഡ് ഫാറ്റി ആസിഡുകള്‍ കൂടിയ തോതില്‍ ഈന്തപ്പഴത്തില്‍ അടങ്ങിയിട്ടുണ്ട്. ഇത് ഇന്‍ഫ്‌ളമേഷന്‍ കുറയ്ക്കാന്‍ സഹായിക്കുന്നു. ഇന്‍ഫ്‌ളമേഷന്‍ പല കാരണങ്ങള്‍ കൊണ്ടുണ്ടാകാം. മുറിവുകള്‍, ശരീരത്തിലുണ്ടാകുന്ന നീര്, അസുഖം, അനാരോഗ്യകരമായ ഭക്ഷണ ശീലങ്ങള്‍ എന്നിവയെല്ലാം തന്നെ ഇതിനു കാരണമാണ്. ഇന്‍ഫ്‌ളമേഷന്‍ അമിത വണ്ണത്തിന് ഇടയാക്കുന്ന പ്രധാനപ്പെട്ട ഒരു കാരണം തന്നെയാണ്. മാത്രമല്ല, ലിവര്‍ രോഗങ്ങള്‍, പ്രമേഹം തുടങ്ങിയ പല രോഗങ്ങള്‍ക്കും ഇതു കാരണമാകുന്നു. ഇതിനുള്ള നല്ലൊരു പ്രതിവിധിയാണ് ദിവസവും ഈന്തപ്പഴം കഴിയ്ക്കന്നത്. ഇത് ഇന്‍ഫ്‌ളമേഷന്‍ കുറയ്ക്കും. ഇതു വഴി അമിത വണ്ണത്തിനുള്ള സാധ്യതയും കുറയ്ക്കുന്നു.

പ്രോട്ടീന്‍

പ്രോട്ടീന്‍ സമ്പുഷ്ടമാണ് ഈന്തപ്പഴം. പ്രോട്ടീന്‍ സമ്പുഷ്ടമായ ഭക്ഷണങ്ങള്‍ തടി കുറയ്ക്കാന്‍ സഹായിക്കുന്നവയാണ്. ഇവ ദഹിയ്ക്കാന്‍ സമയം പിടിയ്ക്കുന്നു. ഇതു കൊണ്ടു തന്നെ വിശപ്പും കുറയ്ക്കും. അതേ സമയം ശരീരത്തിന് ആവശ്യമായ ബലം നല്‍കുകയും ചെയ്യുന്നു. ഇതേ രീതിയിലും ഈന്തപ്പഴം തടി കുറയ്ക്കാന്‍ സഹായിക്കുന്ന ഒന്നാണ്.

ആന്റിഓക്‌സിഡന്റ് ഗുണങ്ങള്‍ ഏറെയുള്ള ഒന്നാണിത്. ആന്റി ഓക്‌സിഡന്റുകള്‍ ശരീരത്തില്‍ നിന്നും ടോക്‌സിനുകളും അനാവശ്യ കൊഴുപ്പുമെല്ലാം പുറന്തള്ളുവാന്‍ പ്രധാനപ്പെട്ടവയാണ്. ആന്തോസയാനിന്‍, ഫിനോലിക്‌സ്, കരാട്ടനോയ്ഡുകള്‍ എന്നിങ്ങനെ പല തരത്തിലെ ആന്റി ഓക്‌സിഡന്റുകള്‍ ഇതില്‍ അടങ്ങിയിട്ടുണ്ട്. ഇതെല്ലാം തന്നെ തടി കുറയ്ക്കാന്‍ സഹായിക്കുന്നവയാണ്.

പ്രമേഹ നിയന്ത്രണത്തിനു സഹായിക്കുന്ന

പ്രമേഹ നിയന്ത്രണത്തിനു സഹായിക്കുന്ന ഒന്നു കൂടിയാണ് ഈന്തപ്പഴം. ഇതിലെ ഫ്‌ളേവനോയ്ഡുകള്‍, സാപോനിനുകള്‍, ഫിനോലിക്‌സുകള്‍ എന്നിവ ഇന്‍സുലിന്‍ പ്രവര്‍ത്തനത്തിനു സഹായിക്കുന്നു. ഇതു വഴി പ്രമേഹം നിയന്ത്രണത്തിലാക്കുന്നു. ഇതിലെ നാച്വറല്‍ മധുരം ദോഷകരവുമല്ല. ഇതെല്ലാം തടി കുറയ്ക്കാന്‍ സഹായിക്കുന്ന മറ്റു ചില ഘടകങ്ങളാണ്. ഇതുപോലെ കൊളസ്‌ട്രോള്‍ കുറയ്ക്കാനും ഇത് ഏറെ സഹായിക്കുന്ന ഒന്നാണ്. കൊളസ്‌ട്രോളും ശരീരത്തില്‍ കൊഴുപ്പു വര്‍ദ്ധിപ്പിയ്ക്കുന്ന, ഹൃദയ പ്രശ്‌നവും തടിയും വയറുമെല്ലാം വര്‍ദ്ധിപ്പിയ്ക്കുന്ന ഒന്നാണ്.

ശരീരത്തിലെ ടോക്‌സിനുകള്‍

ശരീരത്തിലെ ടോക്‌സിനുകള്‍ നീക്കുന്നതു വഴിയും കുടല്‍ ആരോഗ്യം മെച്ചപ്പെടുത്തുന്നതു വഴിയുമെല്ലാം തടി കുറയ്ക്കാന്‍ സഹായിക്കുന്നവയാണ് ഈന്തപ്പഴം. മലബന്ധം പോലുള്ള പ്രശ്‌നങ്ങള്‍ നീക്കുന്നതും ഇതിനു സഹായിക്കുന്നു.

ദിവസവും കഴിയ്ക്കുന്ന ഈന്തപ്പഴത്തിന്റെ അളവില്‍

ദിവസവും കഴിയ്ക്കുന്ന ഈന്തപ്പഴത്തിന്റെ അളവില്‍ ശ്രദ്ധ വേണം. ശുദ്ധമായവ തന്നെയാണ് ഗുണം നല്‍കുക. ദിവസവും 4-6 ഈന്തപ്പഴം വരെ കഴിയ്ക്കാം. ഇത് തടി കൂട്ടില്ല. വലിപ്പമുള്ളതെങ്കില്‍ എണ്ണം പിന്നെയും കുറയ്ക്കാം. പ്രമേഹ രോഗികള്‍ കഴിയ്ക്കും മുന്‍പ് ഡോക്ടറുടെ ഉപദേശം തേടുന്നതും നല്ലതാണ്.

പൊളിയാത്ത

പൊളിയാത്ത, മിനുസമുള്ള, അതേ സമയം ചുളിവുള്ള ഈന്തപ്പഴം വേണം, തിരഞ്ഞെടുത്തു കഴിയ്ക്കുവാന്‍. ഇതാണ് ഏറ്റവും ഗുണകരം. മോശം ഗന്ധമുള്ളവ തെരഞ്ഞെടുക്കരുത്. ഇതു പോലെ എക്‌സെപെയറി ഡേറ്റ് കഴിഞ്ഞവയും ഉപയോഗിയ്ക്കരുത്. ഇവ നല്ല പോലെ കഴുകി വൃത്തിയാക്കി വേണം, കഴിയ്ക്കുവാന്‍. വായു കടക്കാത്ത ഗ്ലാസ് ജാറില്‍ ഇട്ട് അടച്ചു സൂക്ഷിയ്ക്കാം. ദിവസവും 4 എണ്ണം വീതം കഴിച്ചാല്‍ മതിയാകും, തടി കുറയ്ക്കുവാന്‍.

തടിയും വയറും കുറയ്ക്കുക മാത്രമല്ല

തടിയും വയറും കുറയ്ക്കുക മാത്രമല്ല, രക്തം വര്‍ദ്ധിപ്പിയ്ക്കുക, എല്ലിന് ബലം, ബ്രെയിന്‍ ആരോഗ്യം തുടങ്ങിയ ഒരു പിടി ഗുണങ്ങള്‍ ഒത്തിണങ്ങിയ ഒന്നാണ് ഈന്തപ്പഴം.