Just In
- 2 min ago ശ്വാസതടസ്സം, നെഞ്ചില് അസ്വസ്ഥത; ജന്മനാ ഉണ്ടാകുന്ന ഹൃദയ വൈകല്യങ്ങളുടെ 7 ലക്ഷണങ്ങള്
- 43 min ago രോഗങ്ങള് അലട്ടും, ചികിത്സയ്ക്ക് ധാരാളം പണം ചിലവാകും; ബുധന് നേര്രേഖയില് സഞ്ചരിക്കുന്നത് ഇവര്ക്ക് വിനയാകും
- 1 hr ago ഇടവത്തില് വ്യാഴത്തിന്റെ അസ്തമയം; 12 രാശികള്ക്കും ഗുണദോഷ സമ്മിശ്ര ഫലം
- 2 hrs ago രണ്ട് ശിവലിംഗങ്ങള്, രാവണനെ വധിച്ച പാപം തീര്ക്കാന് ശ്രീരാമന് ആരാധന നടത്തിയ ക്ഷേത്രം
Don't Miss
- News പൂരം അട്ടിമറിച്ച് ബിജെപിക്ക് വോട്ടുണ്ടാക്കി കൊടുക്കാനുള്ള ശ്രമമെന്ന് മുരളീധരൻ;സുരേഷ് ഗോപിയുടെ പ്രതികരണം ഇങ്ങനെ
- Technology കേറി വാടാ മക്കളെ! എത്തി സാംസങ് ഗാലക്സി F15 5G പുതിയ വേരിയന്റ്
- Automobiles ഈ ബൈക്കിന്റെ കവറിന് വില 16,875 രൂപ, ആക്സസറികളുടെ പൈസയുണ്ടേൽ ഒരു ബുള്ളറ്റ് കൂടി വാങ്ങാം
- Travel ബാംഗ്ലൂരിലെ ഐടി ടെക്ക് പാർക്കുകൾ! പോകാന് പറ്റില്ലെങ്കിലും അറിഞ്ഞിരിക്കാം
- Movies ജാസ്മിനെപ്പോലൊരു കൂതറ മത്സരാര്ത്ഥി ചരിത്രത്തിലില്ല; ഇക്കൊല്ലം ടോക്സിക് റാണി: ശ്രീലക്ഷ്മി
- Sports T20 World Cup 2024: ഒരൊറ്റ ഷോട്ട്, റിഷഭാണ് ബെസ്റ്റെന്ന് അന്നു ഉറപ്പിച്ചു! ടീമില് വേണമെന്ന് ബ്രോഡ്
- Finance സന്തോഷത്തിന്റെ വെള്ളിയാഴ്ച, ഓഹരി വിലയിൽ കുതിപ്പുമായി മോത്തിലാൽ ഓസ്വാൾ, കുതിപ്പിന്റെ കാരണം ഇതാണ്
ഒൗഷധ സസ്യങ്ങളും സുഗന്ധദ്രവ്യങ്ങളും നൽകുന്ന ആരോഗ്യം
ഒൗഷധ സസ്യങ്ങളും സുഗന്ധദ്രവ്യങ്ങളും ചേർക്കുന്നത് വഴി നമ്മൾ ക്രിത്രിമമായ രുചിക്കും മണത്തിനും വേണ്ടി രാസ വസ്തുക്കൾ ചേർക്കുന്നത് പാടേ കുറയ്ക്കാം . ഇങ്ങനെ നോക്കിയാൽ ഇവയുടെ ഗുണങ്ങൾ അനവധിയാണ് . തുളസി പോലുള്ളവ ഒൗഷധ നിർമ്മാണ ചേരുവയിലെ പ്രധാനിയാണ് . ഹെർബ്സും സ്പൈസും ചേർക്കുക വഴി ശരീരത്തിന് ഹാനികരമായ വസ്തുക്കളെ അകറ്റി നിർത്താമെന്ന് ഡേവിഡ് ജെഫ്രോൺ സ്കൂൾ പ്രഫസറായ അഡ്രീൻ യൂഡീം പറയുന്നു .വെളുത്തുള്ളി , കറുവപ്പട്ട തുടങ്ങിയവ ഒക്കെ യാതൊരു ഭയാശങ്കകളും ഇല്ലാതെ തന്നെ കഴിക്കാവുന്നതാണ് . ദഹന പ്രക്രിയക്കുമെല്ലാം ഇവ അത്യുത്തമമാണ് .
ആദ്യമായി ഹെർബ്സും സ്പൈസും ഉപയോഗിക്കുന്നവർക്കും ഇവിടെ വഴികാട്ടിയാകുന്നുണ്ട് . അനുപാതമായ അളവിൽ ചേർക്കുന്ന രീതി എങ്ങനെയെന്ന് വിശദീകരിക്കുന്നു . ഏറ്റവും കുറഞ്ഞ അളവിൽ ആദ്യമായി ഇവ ഉപയോഗിക്കുന്നവർ ഉപയോഗിക്കണമെന്ന് ഇവിടെ വ്യക്തമാക്കുന്നു . ചെറിയ അളവിൽ ചേർത്താൽ പോലും ഇവക്ക് വലിയ തോതിലുള്ള ഗുണങ്ങൾ നൽകാനാകുമെന്നും വ്യക്തമാക്കുന്നു . മലയാളിയുടെ തീൻ മേശയിലെന്നും ഉന്നത സ്ഥാനം ഉണ്ടായിരുന്നവയാണ് ഇവയെല്ലാം തന്നെ . തൊടികളും , കൃഷിയിടങ്ങളും എല്ലാം വിസ്മൃതിയിലേക്ക് ആണ്ടപ്പോൾ ഇന്ന് ഇവയെല്ലാം വൻ വില കൊടുത്ത് വേണം വാങ്ങുവാൻ .
ഏലക്കയുടെ ഗുണങ്ങൾ
ഏലക്കയെ പലപ്പോഴും ബിരിയാണി പോലുള്ളവയിൽ മാത്രം ഉൾപ്പെടുത്തിയാകും നമുക്ക് ശീലം എന്നാൽ ആരോഗ്യം പകരാനും , സൗന്ദര്യം പകരാനും ഏലക്ക സഹായിക്കും . ഏലക്കയെ മറ്റ് സ്പൈസസുകളിൽ നിന്നും വ്യത്യസ്തമക്കുന്നത് അതിന്റെ മനം മയക്കുന്ന സുഗന്ധമാണ് . ആരെയും ആകർഷിക്കുന്ന നറുമണമാണ് ഏലക്കയ്ക്ക് ഉള്ളത് . കുട്ടികൾ മുതൽ പ്രായമായവർ വരെ അതിനാൽ ഏലക്കയുടെ സുഗന്ധം ഇഷ്ടപ്പെടും എന്ന് ഉറപ്പായ കാര്യമാണ് .
ക്യാൻസറിന് കാരണമാകുന്ന സെല്ലുകളുടെ പ്രവർത്തനം മന്ദീഭവിക്കാനും ഏലക്കയുടെ ഉപയോഗം മൂലം കഴിയുന്നു . നമ്മൾ കണ്ടിരുന്നതിലും കേട്ടിരുന്നതിലും അധികമാണ് ഏലക്കയുടെ ഗുണങ്ങൾ . മിനറൽസും സിങ്കുമെല്ലാം ഇതിൽ അടങ്ങിയിരിക്കുന്നു . ദുർഗന്ധ പൂരിതമായ വായ് നാറ്റത്തെ പടിക്ക് പുറത്താക്കുവാനും ഏലക്കക്ക് കഴിവുണ്ട് . ദഹനം സുഗമമാക്കുവാനും , ശ്വാസ കോശ പ്രവർത്തനത്തെ ത്വരിതപ്പെടുത്തുവാനും ഇതുമൂലം കഴിയുന്നു .
കറുവപ്പട്ട ഉപയോഗിച്ച് നേടാം ആരോഗ്യം
പറഞ്ഞറിയിക്കാനാവാത്ത അത്ര ആരോഗ്യ ഗുണങ്ങളുള്ള ഒന്നാണ് കറുവപ്പട്ട . കറികളിലും മധുര പലഹാരങ്ങളില് പോലും ഇവ മുന്നിട്ട് നിൽക്കുന്നു . കറുവപ്പട്ട ഇല്ലാത്ത അടുക്കള കുറവാണ് .
ചായയിലും കാപ്പിയിലും വരെ ധൈര്യമായി് ചേർക്കാം . കറികൾക്ക് പുതു രുചി നൽകാനും , പലഹാരങ്ങൾക്ക് നറുമണം പകരാനും കറുവപ്പട്ട വിശിഷ്ടമായി ഉപയോഗിക്കാം . കറുവപ്പട്ട എസൻസ് അൽപ്പം വെള്ളത്തിൽ ചേർത്ത് തളിച്ചാൽ ചിലവ് കുറഞ്ഞതും , ഗുണമുള്ളതുമായ എയർ ഫ്രെഷ്നറും തയ്യാറാക്കി എടുക്കാവുന്നതാണ് .
അൽഷിമേഴ്സിനെതിരയും പാർക്കിൻസൺ രോഗത്തിനെതിരെയും വരെ പോരാടാൻ കറുവപ്പട്ട ക്ക്കഴിയും എന്ന് തിരിച്ചറിയുന്നിടത്താണ് ഇതിന്റെ മാഹാത്മ്യം മനസിലാകുക . ഇത്തരത്തിൽ പ്രകൃതിയിലുള്ള വസ്തുക്കൾ കൊണ്ട് ആരോഗ്യത്തെ പിടിച്ച് നിർത്താൻ കഴിയും . കടകളിൽ ആകർഷകമായി വച്ചിരിക്കുന്ന രാസ വസ്തുക്കൾ അടങ്ങിയവയേക്കാളും ഗുണമുള്ളതും ആരോഗ്യത്തെ തകർക്കാത്തതുമായ ഇതുപോലുള്ളവ ഉപയോഗിക്കുന്നതാണ് ഉചിതം .
കൊക്കോ
കേൾക്കുമ്പോൾ തന്നെ മനസിലേക്കോടി വരിക കൊക്കോ പൗഡറാണ് . അത് ചേർത്ത് നിർമ്മിക്കുന്ന ചോക്കളേറ്റുകളും . ഹൃദയത്തിന്റെ ആരോഗ്യത്തിനും ഏറെ പ്രധാനമാണ് കൊക്കോ . പല ഭക്ഷണ പദാർഥങ്ങളിലെയും പ്രധാന ചേരുവയാണ് ഇത് .
സംസ്കരിച്ചെടുത്ത് കൊക്കോ പൗഡറായെല്ലാം എത്തുന്ന കൊക്കോയ്ക്ക് ആവശ്യക്കാർ ഏറെയാണ് . കുട്ടികൾക്കും മുതിർന്നവർക്കും ഏറെ പ്രിയങ്കരമാണ് ഇത് . നാൾക്കു നാൾ ചോക്കളേറ്റ് ഉപയോഗം ഏറി വരുന്നതല്ലാതെ കുറയുന്നില്ല , അതിനാൽ ഇത് മികച്ചൊരു വരുമാന മാർഗവുമാണ് .
ജീരകത്തിന്റെ ഗുണങ്ങൾ
കാഴ്ച്ചയിൽ ഇത്തിരിയെ ഉള്ളു എങ്കിലും മലയാളിയുടെ ഒട്ടുമിക്ക ആഹാരത്തിലും ജീരകം അടങ്ങിയിട്ടുണ്ട് . പല തരത്തിലുള്ള ജീരകം വിപണിയിൽ ലഭ്യമാണ് . ഒരേ സമയം കറികളിലും , മരുന്നായും എല്ലാം ഇത് ഉപയോഗിക്കാം . ജീരകത്തിലടങ്ങിയിരിക്കുന്ന ഘടകങ്ങൾക്ക് പ്രമേഹത്തതെ പോലും നിയന്ത്രിക്കാനുള്ള കഴിവുണ്ട് . ശരീരത്തിൽ ഗ്ലൂക്കോസിന്റെ അളവ് കൃത്യമായി നില നിർത്തുന്നു . അങ്ങനെ പ്രമേഹത്തെ കൈപ്പിടിയിലൊതുക്കാൻ കഴിയുന്നു .
അയണിനാൽ സമ്പുഷ്ടമാണ് ജീരകം . ഏത് പ്രായക്കാർക്കും ഉപയോഗിക്കാനും കഴിയും .മലയാളികളുടെ വീടുകളിലെ നിത്യ സാന്നിധ്യമായിരുന്നു ജീരക വെള്ളം . ജീരക വെള്ളം വയറിനുള്ളിലെ അസ്വസ്ഥത കുറച്ച് ദഹന പ്രക്രിയയെയും എളുപ്പത്തിലാക്കുന്നു . ഉറങ്ങുന്നതിന് മുൻപ് ജീരക വെള്ളം കുടിക്കുന്നത് ഉറക്കത്തെ ശരിയായ വിധത്തിലാക്കുന്നു . എല്ലാവരുടെയും ഭക്ഷണത്തിലെ ഒഴിച്ച് കൂടാനാവാത്ത ഒന്നായി ജീരകം പെരുമയോടെ നിൽക്കുന്നു . രുചി പകരുന്നതോടൊപ്പം ആരോഗ്യത്തയും മാടി വിളിക്കുന്ന ഇവ നമ്മുടെ അടുക്കളകളിൽ പ്രധാനമായും ഉണ്ടാകേണ്ടവയാണ് .
വെളുത്തുള്ളിയുടെ ഗുണങ്ങൾ
ആന്റി ബയോട്ടിക് ഗുണങ്ങളടക്കം അടങ്ങിയ വെളുത്തുള്ളി ശരീരത്തിന് അത്യത്തമമാണ് . വെളുതത്തുള്ളിയിലടങ്ങിയ അലിസിനാണ് വെളുത്തുള്ളിക്ക് അതിന്റെ ഗുണങ്ങൾ നൽകുന്നത് . കൊളസ്ട്രോളിനെയടക്കം തടയാനുള്ള കഴിവ് വെളുത്തുള്ളിയിലുണ്ട് .
യാതൊരു പാർശ്വ ഫലങ്ങളെയും ഭയക്കാതെ കഴിക്കാവുന്നവയാണ് വെളുത്തുള്ളി പോലുള്ളവ . പരസ്യങ്ങളിൽ മയങ്ങി വൻ വില കൊടുത്ത് വാങ്ങുന്നവയേക്കാലും ഒരു പടി മുകളിലാണ് ഇവയുടെ ഒക്കെ സ്ഥാനം
.